貓糧資料庫（20）

賣咗了

大家有無聽過cat’s taste 呢個排子
第一次見係貓展
買左d 啫喱濕糧比隻仔
佢又好鍾意 但search 過泰國牌子但又無咩新聞搵到

有無人有聽過韓國INDIGO貓糧，
想知道有無買開呢隻 好唔好，google 過好似都無太多資料

最近貓貓尿道開始岀現阻塞，需要搵獸醫處理
原本食乾糧想換做濕糧
大家有無推薦？

都OK可以食用，有新鮮材料，冇乜奇怪材料，碳水唔算太高(2X%)，不過當然唔係最好個D。

啫喱即係膠 少食為妙，加上佢都寫明腎貓謹慎食用，當小食間唔中食下囉，想要改善某D野就冇乜可能架啦，份量都唔會夠。

口味由鷄肉呢D淡味試起，最後唔得先買吞拿魚呢D。
基本上材料簡單、無膠、無調味料、無飯/豆之類既都揀得，肉醬款式多D可以肉醬試起。水分80%左右就每日食2罐以上，接近90%就要食4罐先夠飽。
罐頭保存容易D就少奇怪野好多都可以選擇，揀一款佢最肯食既就OK
汪喵、培心、Applaws、Ziwipeak、Thrive、Canagan........一大堆

有d 人話生肉糧都好，又可以加水
有無話一直鑵鑵就得，定最終都係生肉最好

所有食物都可以加水，但係佢要肯食先得，加水淡好多，食落肚既營養先計。

生肉糧理論上就貼合佢地野外生存環境，冇加熱過營養保留完整D。
但係保存困難，操作上有安全隱憂。問獸醫的話應該都唔建議，自己衡量風險。
每隻貓都唔同既，有D適應到有D適應唔到。

準備想養貓想做下research
我見你地有時都講食濕糧好過食乾糧 好似怪獸咁有分大罐細罐
如果一隻普通1,2 歲既貓仔 一日其實要食幾多罐細罐
大罐既主食罐係咪其實唔止比一隻貓貓一餐食

計幾多罐一般係細罐(85G左右)去計，應該得大型既貓可以食一個大罐。有時擺過雪櫃都唔肯食，視乎隻貓。如果價錢唔係爭太遠都係買細罐。
5KG要200ml水分咁，85G大概80%水分，每日3罐就最好，至少都2罐。
太多貓因爲長期缺水而有病，所以濕糧好過食乾糧。
但係要勤刷牙，始終濕既碎碎容易卡係牙縫度。

多謝你肯答我
因為我諗左好耐你地講既一罐係用大罐定細罐黎計
如果當貓貓肯食 一日2餐罐+1餐乾糧對自己銀包係咪會好啲
因為一日3罐 一個月都幾甘

我個隻每日食得2罐，食到3罐真係還得神落。
雖然係糧錢貴左，但係醫藥費真係少左好多，改善完飲食之後2年冇病過。
睇一次醫生小病當600蚊的話都等於50罐，仲未計咁多餐乾糧成本。

咁你係咪完全無比乾糧佢地
見你地之前講怪獸隻乾糧幾好 但個價錢好似係其他double 不過如果真係正野 我第時養貓都寧願貴啲買好野比佢地
睇醫生方面 其實寵物保險有無用
仲有如果你地去旅行 係唔係都係個段時間無濕糧食 要靠出糧機比乾糧主子 再定時搵人上黎鏟下屎咁
唔好意思咁多問題 想做定research準備得好啲

Lunch冇人係屋企就餵乾糧，不過份量好少，等夜晚返黎時佢會肚餓食濕糧。一包1kg乾糧可以食成個月 怪獸部落幾好既，Ziwipeak更好更貴。

寵物保險就先天病（呢度就包括左好多病）唔包，FIP唔包等等，非網絡claim得7成。好睇佢係咩病。我個隻細個睇好多醫生，check返可以claim既少過個保費
去旅行最好搵朋友上黎清貓砂同餵糧換水，叫佢哋去寵物酒店都唔係幾好，轉環境好易病。
糧機就點都必備，隨時可以出糧，有咩特別事都唔洗專登趕返屋企餵。
貓砂盤用傳統既就OK，唔好封住，貓砂用汪喵米粒幾好，唔會臭。
貓有咩小病唔清楚就去睇醫生交學費啦，下次再出現就知點處理，好過估估下，好多病拖多一兩日都嚴重好多貴好多，好多時惡化得快又恢復得快。

好詳細 我會save 低

醫生話貓貓膀胱有石，要食RC 既Urinary S/O 糧
想問下係要全部餐都食定可以溝下其他濕糧食

麻麻地，肉係肉粉，仲有好多碳水，水解蛋白呢D充高個蛋白質。成份唔係太天然。

有病就要跟醫生指示啦，處方糧係可以幫助佢溶解D石，單純吸收多D水份冇辦法溶解，只係可以排走細粒個D。你等佢解決左尿石問題再問下醫生。

請問樓主點睇冰島呢個最新布甸罐頭？

https://www.catiscat.com.hk/index.php?route=product/product&manufacturer_id=273&product_id=9492

唔係主食糧當補下水都OK既，其實食有膠既都好過食乾糧。如過本身有食夠主食罐就唔洗食呢D啦。
佢比主食罐平，但係得40G，計80G的話同普通主食罐差唔多價錢。
Soup就唔清楚係咩Soup，另外有膠。粟米粉有，但係份量好少可無視。

有冇人D貓都係食左怪獸部落D糧跟住係咁軟便?

最好跟返指示食，溝左怕會影響效果

三個月貓b 食緊汪喵幼貓罐
但最近search 到汪喵都有d 食物安全既post
想問大家有無咩幼貓罐推介？