貓糧資料庫（20）

新手最近領養咗隻半歲美短 追咗po見stella 生肉糧評價幾好 請問係咪求其買一隻就得 見佢都好多款

catwalk垃圾罐，又角叉菜膠、又瓜爾豆膠、又決明膠，用膠撐起個罐等你以爲有多d食材。水分有成86%，1.5罐先等於普通既1罐。

原來係咁多謝解答
會即刻幫佢地轉糧

屋企隻公貓差唔多2歲未絕育。年頭驗過晒血好靚仔諗住隔一星期就絕育，點知絕育前一日病左入埋院3日，體重由3.7kg跌到3.4kg。3月再次驗血合格諗住再次入宮，點知前一日又腸胃炎嘔到七彩絕唔成。然後一路到依架都肥唔返，由以前全罐，到依架醫生建議加餐食Rc bb乾糧谷返肥佢做絕育但都肥唔返，琴日磅得返3.3kg，佢有食野但唔多，唔知係咪同屋企有未絕育貓女有關。依架比佢食營養膏。Rc bb乾糧溝k9凍乾，同埋台罐。仲有啲咩建議可以谷肥佢？

都係唯有試多d唔同款色唔同味道既食物佢，始終小鳥胃，一次都食唔多，唯有少量多餐。
乾糧唔鍾意試下餵多d濕糧，雖然醫生開既bb糧係營養高d，但係都要有吞落肚先計。揀返bb食既糧多數營養就會比較高。
乾糧長擺都會潮左，太耐就要換。
另外唔舒服胃口都會差，檢查下分泌物多唔多，體溫高唔高，有冇成日收埋自己，尿清唔清，屎靚唔靚。

隻貓食怪獸部落
如果食純雞個隻 就會兩三日先屙一次屎
食雞+竹筴魚 就日日有屎屙 但佢好似個耳仔會痕啲 同埋有時啲屎會有少少血
其實佢會唔會係對魚/specifically竹筴魚敏感?
但食純雞佢又唔屙屎
仲有啲咩糧可以俾佢試下?
想試汪喵個隻脫水生肉糧 但又好似真係好貴

多謝你咁仔細覆我
佢其實依架都keep住每個月都見醫生，因為自從一月病完後身體都比較差，現階段暫時除咗比較易嘔外都還好，所以依架都好小心佢既飲食，暫時主要食雞肉為主既糧會嘔得冇咁密。佢精神都還好，但成日跟住隻貓女同埋想擒佢。佢依架都係小食多餐，但佢比較衰凌晨時份先食得比較多，搞到我每晚起身餵佢2-3次。身為奴才既我個眼袋同黑眼圈dum 晒落地咁返工。但佢都係食唔肥先氣餒

你要裝自動喂食機啦，可以set定時間放，份量又可以控制，放少量又新鮮d。
搞到自己冇精神就冇咩必要啦。
有時可能嘔毛順便嘔糧，你試下梳密d睇有冇好轉。
有d貓係腸胃敏感d好難搞。

屎會有血可能因爲膳食纖維低，有d人都反映過食怪獸部落會咁，最近見佢地鷄肉味更新左新配方有加多d膳食纖維，魚就仲係好少膳食纖維未更新。我覺得應該就唔係因爲食物敏感而有血。
要屙得好不外乎油脂+水分+膳食纖維，喂多d濕糧睇會唔會好d。
膳食纖維可能就要加排毛粉之類。
油脂就好睇食物本身，怪獸部落都夠既，你轉其他都唔好揀太低脂肪。

唔該哂
咁目前搭啲排毛粉俾佢食睇下有冇好啲先 清哂而家呢批 睇下下次買新配方會唔會有改善
佢唔鍾意食罐頭 但飲水係夠既

唔食濕糧就基本上等於唔夠水架啦，9成以上貓都係
貓係沙漠動物主要靠食物本身水分
多數主動飲水係去到脫水先飲
一個罐頭60g水，普通一日2罐
你試下自己倒120g水睇下有幾多，再同佢飲既水量對比

都可以直接睇尿既顔色，正常係要好清澈，最多米黃色，深d就代表唔夠水啦。

咁真係要買多啲唔同既罐俾佢試
有冇一啲健康得黎又好食既推介
感謝

罐頭就好多都得，因爲保存容易d，廠商就唔洗落咁多奇怪野。
只要無膠少調味料都可以接受，同埋有分主食罐同副食罐。每日2罐以上最好。
另外要注意下水含量，多過85%基本上要每日食多罐先夠營養。
你可以由肉醬試起，因爲選擇比較多，唔鍾意先買肉絲。
鷄肉之類淡味d既開始試，太早食吞拿魚怕返唔到轉頭。
最後就算係味精罐其實都健康過乾糧，佢肯食落肚既先計，買太淡味/健康唔食都冇用。
建議去寵物店每款買1-2罐試下先，唔好一下子買一箱，好容易一啖都唔食要處理好麻煩。

原來tuna係濃味嘢嚟

我隻貓聽義工講係鍾意食雞，之後入咗屋唔知係咪比過tuna佢食就返唔倒轉頭，而家雞只係食少少，一係要兩溝

因為我屋企多貓家庭，佢係加菲貓，其他幾隻係英短同唐貓，扁臉本身食野慢同輪盡，再加上佢食野唔積極，用糧機既話佢未開始食，已經比其他貓食晒同埋有人陪佢食，佢會食得專心啲。

乾糧係放長糧的話 係咪買副食罐好啲?

其實係咪都買主食罐就好，除非只肯食副食罐姐。
乾糧都唔好擺長糧啦，會受潮，買個喂食機定時定量，佢太細個你咪出少量出密d囉
試罐頭的話前面4-5個鐘頭唔好喂乾糧，始終乾糧香口好多，要養成食罐頭既習慣先。

感激不盡

有寄生蟲、蟲卵、細菌，而家所謂嘅生食，係屠宰完後經過冷藏同運輸，而唔係畀隻全活嘅畀佢自己食野味，生肉不代表健康

緊係唔得，純生肉水分唔夠，你唔係餵生食野味

我都係根據網上資料，我自己冇餵生肉。

https://leedecat.com/讓貓咪愛上喝水：貓咪喝水量多少才夠？８大妙招/

https://www.catraws.com/raw/advance/importance-of-water/#:~:text=多數的肉類含水量,會影響貓咪食慾喔！

https://aileens.pixnet.net/blog/post/43741525

要完全唔使補水份，野生捕獲就可能得

計算上係要咁多水量，多數食咁多濕糧佢就已經冇乜意欲再飲水，但係都比起食”乾糧+自己飲水”既水量多。現實上應該冇乜幾多隻可以飲到咁多水？
濕糧已經算係比較好既餵食方式，同埋可以再係食物度溝水增加吸水量。我一直咁餵罐頭冇溝水（溝左唔肯食），暫時d尿都算清澈，未有泌尿道問題。我都想知點有更好既辦法令佢哋吸收到250ml，試過好多辦法都唔掂。
我有寫係至少100ml，我認為勉強可以接受既最低限度，我唔認為食乾糧可以吸收到咁多。不過寫話”夠”就係我錯 🙇🏻‍♂️

貓好衰，到發現有事就遲，無論你用邊種飲食方法，最好令到佢自己有飲水習慣，放十幾廿個飲水位，有活有死，唔同顏色水兜，引佢飲，真係冇辦法就加湯罐或者自己燉湯汁，再冇辦法就每日灌水，除非貓有心臟問題要控制飲水量，否則一定建議盡量令佢飲多啲水

領養貓貓3星期左右，歲半男英短未絕育
每日有屎尿，屎係一粒粒狀，有一兩日發現肛門邊有好淡血
後來發現眼下面同眼眉位置甩毛，耳仔都有抓損咗少少
醫生話冇蟲冇菌，覺得係食物敏感，叫我用排除法幫佢逐樣試，仲開咗類固醇同抗生素

唔知係咪我換俾佢隻purevita三文魚糧唔岩定咩
Keep住都有俾唔同嘅罐佢試，每次都食得唔多，以為佢唔啱食
但係佢喺義工度一直都好靚仔，冇甩毛
而家唯有俾返義工餵開既RC幼貓糧

屋企有小朋友比較嘈，同埋佢好挑食，好多時聞咗唔鍾意就唔食
請教究竟佢真係食物敏感定係太驚加上換咗新唔啱胃口呢？