貓糧資料庫（20）

乾糧最煩係有SAMPLE賣既唔多, 請問有邊隻乾係重口味??

我覺得怪獸部落98%鮮肉糧幾香，有250g裝可以試下。
另外Orijen都偏油少少，但係冇細包買。
濕糧可以試下汪喵挑嘴罐。
佢平時d零食凍乾食唔食架，食既話都可以試下汪喵脫水生肉糧小方塊。

瘦得多可能要睇下醫生先，都有機會唔舒服令佢冇食慾而你察覺唔到。
有部分腎貓會拒食造成營養不良致死，當然都有好多其他可能性。
有時未必直接係糧食問題。

怪獸部落98%，Ziwipeak，Nature's Variety Instinct，Wellness Core, Wysong。
罐頭就好多冇膠少調味料少碳水既都得。例如汪喵，好味小姐，陪心，ziwipeak，Thrive，canagan等等。
佢肯食多D罐頭就可以加D俾佢，夠水份真係直接節省好多醫藥費。

暫托緊隻2歲無牙浪浪貓,佢口炎所以醫生建議拔牙,
想問有無細粒size既貓糧介紹

有冇人試過Rico主食罐？
試左好多主流大牌貓貓食2-3罐就開始厭
見Rico好平想買黎試吓

我隻貓淨係肯食乾糧 比罐佢係完全唔食

上一隻貓9歲腎病走咗，搞到我依家勁擔心。

依家隻貓只肯食零食肉醬（試過三星銀匙同ciao都好中意食）但其他啲凍乾肉乾什至我比我自己食啲刺身佢都唔會食。如果想佢補水係咪應該照比肉醬？但我又怕有味精食完仲衰，

肯食就得，成份都ok

Heromama， Nulo好似都細粒
你直接去寵物店問會比較好
之後要勤刷牙啦

轉罐頭要餓下佢先得，等佢知道冇其他選擇。
當然佢太硬頸都冇辦法。
Ciao肉泥有隻紙包裝既好似健康D少D調味料。
試下用埋肉泥同其他零食引佢食濕糧，有時可能食咗一啖就肯食落去。或者試下重口味既罐頭。
加油

去買包怪獸部落98%鮮肉糧試下先, THX.

汪喵挑嘴罐唔食, 零食暫時未有一隻有興趣.....睇來再係咁要帶佢去睇VET.

Thx巴打暫時試左一罐佢肯食
Rico呢隻佢名寫主食罐 有AAFCO認證
但Dcard有人話呢款係副食罐
https://www.dcard.tw/f/pet/p/234752282

貓貓好挑食，罐淨係食幾啖一罐分4次食
最鐘意食凍乾零食雞胸塊

而家會咁樣3樣mix比佢食:
凍乾雞胸浸水加好味小姐營養粉
Stella chewy兔凍乾主糧三到四粒浸水
Rawz雞乾糧

佢而家就肯食，咁樣可以嗎？會唔會唔夠營養？

佢有出主食同副食罐，唔知係咪D人撈亂咗，加上佢都聲稱符合AAFCO，唯有相信。
你怕唔夠可以加好味小姐既鮮食營養粉。

唔同品種/性別需要既卡路里都唔同，好難判斷夠唔夠。要觀察佢身型係點，最好就有小小肥咁。如果keep到冇變瘦應該OK。
水份你就要幫佢計啦，最好每日200ml，至少都要100ml。

生肉凍乾同乾糧可唔可以間段咁比貓食？
啲貓咩都食好少 想試下凍乾

d油係魚油黎

係加拿大養緊兩隻家貓， 4個月大，而家食緊：
早晚 Nulo 罐 (主要雞， 間唔中其他味）
晏晝 orijen 幼貓乾糧 (自動餵食機）

想收集多幾款糧for 日後間唔中轉糧
暫時張list 有：
blue buffalo wildness 系列罐
wellness core 罐 (但我見唔少review話好易食到有骨刺）
boreal 雞罐
Go! solution 無穀雞+火雞+鴨乾糧
Wellness core 雞乾糧

我見個post 好多都係食台灣/英國罐
有冇北美貓share 下你地平時食咩？
applelaws zikipeak 太貴
乾糧 好似睇親都係雞味最好，想食其他肉有咩牌子推薦？

同埋有時想買d 平價既平衡開支，大家會寧願俾貓食cheap d 既罐頭（例如 Fancy Feast ) 定好少少既乾糧（例如Wellness core/orijen?)?

成分：脱水禽肉蛋白、動物脂肪、米、小麥麩質*、玉米粉、水解動物蛋白(家禽、魚肉)、酵母產品、礦物質、甜菜漿、蔬菜纖維、大豆油、魚油、果寡糖、水解酵母(甘露寡糖及 β-葡聚糖來源)、裂殖壺藻油( DHA來源)、金盞花提取物(葉黃素來源)。

大部份係不明動物脂肪，其次係大豆油，之後先到魚油。大豆油同魚油排咁後含量相對少。

blue buffalo wildness 系列罐<—有好多膠，不建議
wellness core 罐 <—既然有骨刺就唔洗考慮
boreal 雞罐 <—又味精又豌豆，不建議
Go! solution 無穀雞+火雞+鴨乾糧<— 普通可接受
Wellness core 雞乾糧 <— 要睇係邊一隻，佢有好多款超高碳水

妳都係自己入去寵物店/網店揀
無膠，少碳水，少味精，鮮肉>肉粉
碳水可以用100%減佢有list出黎既營養成分得出

有無靚貓糧 撞 兩隻肥貓想減肥
一隻就腸胃唔係咁好

想問下celtic connection 代理係咪就黎收皮
佢已經幾個月冇update fb
連D近期糧/ 優惠都冇晒

想請問大家 我屋企養家貓16歲
一直乾糧做主食
間中比罐頭 唔食零食
最近明顯食少咗乾糧瘦左 氹佢都唔肯食
成日日頭食好少 凌晨先食多少少
屋企人同自己都好擔心（安排緊上門獸醫）
飲水量正常
係咪可以考慮轉濕糧做主食，乾糧做副？
有睇excel，但都想請問會唔會有推介嘅牌子？
唔該哂樓主同各位嘅經驗分享

從來都應該濕糧做主食，乾糧係唔方便時先喂。
濕糧好多牌子既主食罐都得，始終罐頭容易保存廠商唔洗加咁多奇怪野，無膠少調味料少碳水就OK。Ziwipeak、汪喵、陪心、Thrive、Canagan、冰島罐、Applaws...好多都得，主食凍乾加水都得。未必需要食最健康，最緊要睇下邊款食最多就邊款。其實就算味精罐都好過食乾糧。去寵物店每樣揀幾罐俾佢試下。
濕糧食多左會飲水少左，唔洗太擔心，都係自己計返佢飲左幾多水就OK，200ml以上最理想，至少至少都要100ml以上。
濕糧容易卡牙縫，記得每個禮拜幫佢刷幾次牙。
腎病/其他病都會影響食欲，明顯瘦左可能要帶去睇下醫生穩陣D。
不過講真都成16歲，可能佢鍾意食咩就食咩算。

本身飲食習慣係點？
幾多歲？咩品種？男女？幾重？
如果腸胃唔好可以試下單一肉類蛋白質，怕佢對某種肉敏感。
如果本身食乾糧可以轉濕糧，少d碳水冇咁容易肥。
當然減肥就係減少份量最直接。

多謝你