貓糧資料庫（20）

想請教各位巴打，隻貓貓係咪太瘦？覺得隻貓貓唔識長大咁


布偶貓女

1月份絕育，9個月大，3.38kgs 覆診拆線時 醫生話體重正常

而家3月，就黎1歲，3.8kgs , 但我覺得佢好瘦又唔爆毛

女仔會瘦少少 大唔大隻同毛量到都要睇血統嘅。。。
健康就夠

重唔重要睇實際身型，微胖有肚腩仔就Okay。

可以試下汪喵最新出既貓條，冇落增稠劑之類，比其他健康，不過份量比其他牌子少。

都健康，跑跑跳跳都冇問題

肚仔摸佢係有脹脹地

食緊寶寶罐，同 Cindy recipe

5個幾月女仔，大便係粒粒，點搞

樓主可以評價一下brabanconne嘅乾糧?

隻貓開始轉濕食之後，冇乜點飲水，今日d 屎一粒粒好似石頭咁干
我除左主食罐係咪應該另外補d 湯罐比佢，好驚佢唔夠水

越嚟越多人話台灣牌子嘅唔好買 QC好差

連台仔自己都倒米

本身食緊hills腸胃糧 再轉怪獸部落乾糧 煩惱緊轉乜好
兩歲唐貓

爬完文 驚Origen太油
Stella定係wellness core 好

轉濕糧可以完全唔飲水，一罐65ml水份都等於佢舔433下（每下0.15ml），點都係多過乾糧+飲水。
屎仲要睇埋有冇足夠油脂、膳食纖維、消化情況、運動量。
佢肯飲的話，補湯罐都好呀。

成貓鷄肉糧
主要成份：雞肉、糙米飯、扁豆、動物脂（雞）、豌豆、新鮮 三文魚油、脫水三文魚蛋白、易消化豌豆蛋白、菊 苣乾（FOS和菊糖的天然來源）、亞麻籽、維生素 和礦物質、纖維素、釀酒酵母、胡蘿蔔乾、蘋果乾、 迷迭香提取物、梨乾、菠菜乾、蔓越莓乾、葡萄糖 胺、硫酸軟骨素、絲蘭

營養分析：粗蛋白 29 % 粗脂肪 16 % 粗灰分 7.5 % 粗纖維 3.5 %

肉係新鮮肉，但係整體蛋白質偏低，最好揀35%以上。
碳水化合物約38.5%太高，仲高過蛋白質。
脂肪同膳食纖維都足夠。

Overall麻麻地，因爲始終貓係肉食性動物，呢款碳水太高，加上蛋白質都包埋植物性蛋白，所以實際肉類蛋白質含量更低。
前3位擺2款碳水既原因我估係因爲如果齋一款碳水，碳水就會排到第一位，太肉酸。

Cindy Recipe鮮嫩雞肉+山羊奶肉湯 (幼貓慕絲罐) 70g
我就咁睇呢款，首先有瓜爾豆膠，其次係幾乎冇脂肪(0.1%)，試下唔好食睇下有冇改善。

便便主要都係睇佢有冇足夠水分，油脂、膳食纖維、消化情況、運動量。

Ziwipeak啦，如果俾2餐濕糧以上，乾糧買貴D都唔會貴得幾多。

尋日拎咗wellness試用裝 都肯食

有望到Ziwipeak真係幾貴
我隻黃貓都好大食下

而加佢係日日都有屎屙，但之前d 屎係一卷咁少少濕好臭，轉左濕糧呢排佢係一粒粒好干，冇咩臭味
點睇d屎o 唔ok?
我而加係日頭干糧，夜晚濕糧同埋有專登罐罐再加20-30ml 左右水比佢，但唔知點解d 屎仲係咁干

試吓俾菜佢食？

排毛粉之類
直接食菜應該唔會食

濕又臭係消化不良肚屙，同夠唔夠水份無關。

得一罐就唔夠啦，可能佢食完一罐唔口渴就唔再飲水。
同埋佢有冇食曬架？擺擺下水分都會自己蒸發。
就算佢一下子食曬一罐加30ml水都係得90ml，絕對唔夠水。
至少都早晚一罐，如果冇食曬就唔好加水，食落肚既水份先計。

我係一罐分3次比佢食，因為佢一次過食唔曬咁多，每次溝多10g 水，半個鐘內清曬，照咁講加多個湯罐比佢好似好d

你不如加少d水分2次啦，你咁餵好似冇乜嘢落肚咁，會唔會唔夠卡路里呀？

你好樓主 新手養貓
拿破崙女仔三個月 0.7kg
一日三餐RC幼貓乾糧
朝早7點/夜晚6-7點/半夜12點
想轉糧 轉怪獸部落/汪喵好唔好？
其實都想加濕糧如果佢肯食
都係怪獸/汪喵好？
另外有冇聽過香港品牌sparkle cats?
佢啲糧同罐罐唔知好唔好? 唔該晒！

https://www.petkit.com.tw/products/foodchain-complete-balanced-wet-cat-food-tuna-and-lamb?srsltid=AfmBOopGmqgNkwWuivTAcYVrwwtWyhmL8jfw4CUaa22nEMrStfm2yQWs
想問下對呢隻主食包有咩意見？
屋企隻大帝依家淨係食push同吃軟飯呢d餐包類型
想搵多d選擇比佢
Thanks

除咗植物油，木薯澱粉（增稠劑）同三聚磷酸鈉（減少牙垢，但係會增加腎臟負擔），其他都冇咩問題。泰國製造。

要食都可以。如果三款排名，我會覺得Push>吃軟飯>Food Chain。

sparkle cats只係副食罐，鷄肉+水，冇乜特別。
你自己得閑煮鷄肉捏成肉絲，急凍咗佢，要食解凍一份就得啦，平幾倍。

最好就轉做2-3餐濕糧，其他時候俾少量乾糧墊下個肚費事餓太耐。
朝早7點/中午12點(少量乾)/夜晚6-7點/半夜12點(濕糧/少量乾)

乾糧可以轉Ziwipeak/怪獸部落/natural instinct/wysong/heromama/thrive。
濕糧可以揀汪喵/陪心/好味小姐/Thrive/Canagan/ZIwipeak/K9....等等
你見水分80%左右（太高水分唔飽肚，俾錢買水咁不如自己加，80%水分既罐頭dry content多過90%水分一倍），冇增稠劑(木薯澱粉/膠之類)，少調味料，冇碳水化合物，基本上都可以揀，選擇好多。
如果太挑食就揀一款佢肯食既濕糧就得，就算有膠有味精有碳水化合物，都好過食乾糧，補充水分好重要，唔好旨意佢自己會飲得夠水。