貓糧資料庫（20）

想請問7個月唐貓 幼貓嘅濕糧／罐罐有邊隻推介
之前都係食皇家 想轉下

唔該晒試吓先睇吓主子鍾唔鍾意

想問下各位
屋企隻衰仔由royal 垃圾糧轉instinct ，我跟8:2咁樣換，隻死野可以高技術咁食曬大部分舊糧，新糧挑剩曬接近冇食過咁，兩日都仲係咁，佢係咪接受唔到隻新糧，定其實係正常

想請教吓我隻貓試過3,4次嘅腸胃炎，醫生推薦食royal 腸胃處方糧，但因為我隻貓唔鍾意食加上好似唔太健康，所以食一排之後都會慢慢幫佢轉返做罐頭，但食咗罐頭冇幾耐之後佢又肚痾，重複有腸胃炎，想問吓除咗真係食腸胃處方糧之外，會唔會有其他飲食建議？

Royal有資金資助獸醫
你咩問題都會叫你食Royal
根本就垃圾中嘅垃圾嚟

但我試過幾次轉慢慢轉thrive罐頭，次次轉完就肚屙了，都唔知可以點做好

直接轉生肉糧
基本上可以解決貓九成以上病痛問題
獸醫一定唔建議 冇貓病佢咪執得

如果生肉糧有冇d咩建議？

咁好難搞
你唯有試下全轉，睇下佢肯唔肯食，未必隻隻食完都會肚痾。
乾糧相對冇咁難轉既，除非太淡味，一係你就買第二款重味d過渡下慢慢變淡。

醫生叫食就食住先，RC處方糧係可以針對性地解決某D問題既，都要等到腸胃好返先可以再試其他，冇乜辦法。肚痾可能食物敏感，你試下其他肉類，例如鴨/兔/鹿/三文魚，相對低敏。

我一開始買大笨狗
之後轉Dr.b 餵咗接近十年
最近轉Proudi

Thank you

肚屙好少事
當時我隻貓係屙血
睇醫生話梨形蟲
睇幾次醫生食足藥都唔好
我冇晒辦法聽同事講試生肉
食咗一個星期梨形蟲不藥而癒
長食之下貓大隻結實咗 冇痛過 牙有力 水份吸收充足

想問真係就咁生食就得，定還是都要煮熟佢？

生肉煮熟仲點生肉😂
當然生食

貓天性係食生肉 野貓捉雀仔老鼠都係生食
貓乾糧貓罐好易食死貓
你插自己隻手入袋乾糧 出返嚟成手油 陣味洗幾次手仲係度

試過全轉隻野聞兩聞就行開
試過5:5 2:8 8:2 ，佢都會食剩新糧多但叫做有新糧落肚，100%新糧一定唔食
好後悔比佢食royal 一打開香撚到我都想食兩淡，再聞下隻instinct 難怪佢唔肯食
同埋佢本身係中意食濕糧，而加都係日頭3餐干糧，夜晚補罐汪喵星叫做唔餓死，但真係好唔想再比佢食royal
有冇邊款干糧係易入口d ，營養又好，個衰仔鐵胃黎，濕糧點轉都唔屙只有佢肯唔肯食

其實每次都係好返晒先慢慢轉罐頭，但食完一排之後又再肚痾

肚屙可以好少事可以好大件事，視乎情況而定，醫生可以做到各種檢查又有經驗，安全起見聽醫生講我唔認爲有咩問題。加上腸胃唔好吸收唔到時，對成個身體恢復都冇好處。

至於食生肉治愈梨形蟲屬於你個人偏方，做既人就自行承擔風險啦，我目前冇聽過有任何研究證實有效。梨形蟲有機會不藥而癒，但係我唔認爲咁既做法係一個可靠既期待。

生肉蛋白質含量高，需要咀嚼，有60%-70%水含量，你話會”結實咗 牙有力水份吸收充足"都合理。我都相信生肉理論上可以保留更多營養，如果吸收到可能係一個更健康既選擇。我諗最大問題都係唔清楚處理過程（包括廠商/運輸/用家）是否安全。加上現時有好多貓已經有好多代都改用熟食飼養，能否適應生肉因貓而異。以安全角度黎講，都冇乜獸醫建議食生肉，食用風險自行承擔。

咁你可以俾到幾多濕糧就俾幾多啦，計每日所需水分其實都要3罐以上，夠水份都節省緊醫藥費。
乾糧你可以買細包怪獸部落試下，幾香（聞落係人類理解到既香味，唔係其他乾糧個種腥臭味）。其他牌子例如Orijen都會濃味D，偏油。不過我冇買過instinct比較唔到。
有時佢地係抗拒第一啖，食過可能就接受到。有時可能要餓佢逼佢食，可能要撈零食。如果佢咩濕糧都食，唔知你撈落濕糧度佢會唔會肯食呢，你可以分一小份試下。辦法來來去去都係個幾種啦，唔得都唔知可以點

好難搞呢D
試下mousse質地，應該比肉醬/肉絲容易消化。
試下單一肉類蛋白質，睇下會唔會係敏感。
理論上罐頭都只係有水既乾糧，成分仲簡單D，咁都肚屙真係好煩。
如果生肉你覺得安全都可以試既。

細貓3個月可唔可以食汪喵主食罐

邊度買

Google哩啲牌子會見到有寵物用品店賣
格下價