九州討論區 10

Hi 巴打們，小弟plan緊10日自駕plan去北九州，求巴打們指點下呢個plan，只有一位司機會唔會太癲？

褔岡 1st day
第一日下午1.5hr車程去熊本

熊本 1st-2nd day
熊本城
熊本拉麵
第三日下午1hr 車程去阿蘇

阿蘇 2nd-4th day
火山口參觀 草千里之濱 上色見熊野座神社
第五日下午1.5hr 車程去由布院

大分 4th-5th day
Day 1:
由布院彩色玻璃美術館 由布岳
Day2:
金鱗湖 別府 別府地獄
第六日下午2hr 車程去九州

九州 5th-7th day
Day 1:
旦過市場 小倉城 八坂神社 北九州市漫畫博物館 魚町銀天街
Day 2:
TOTO 門司港
第八日下午1.5hr 車程去褔岡 中途maybe 去九州outlet

褔岡 7th-Last day
Day 1: 舞鶴公園 大濠公園
Day 2: 天神地下街 博多車站 櫛田神社 博多運河
Day 3: 福岡海購城瑪麗諾亞OUTLET，返歸!

唔想格劍

巴打是唔是覺得太chur

有冇c hing 知福岡丸州 10月頭有冇咩活動搞？ 例如祭典，花火個d

我上星期嚟之前都話會落一星期雨，但結果淨係尋日落左幾滴，一直好好天，今日曬到仆街

好的 Thanks!! 主要係唔想轉咁多地方，但見大家去九州都係轉幾個唔同嘅縣住比較好

絲打覺得熊本值唔值得住一兩日，糾結緊係宮崎定熊本stay 1-2日。因為唔係自駕遊，12日轉四個地方有少少chur

丸州？
其實你google打九州十月祭典、節慶就會有列出黎
不過當然你要打啱字先

其實你去晒全九州就預左最少要搬三次啦
日日咁搭車法都一樣攰架

唔係，係睇唔明你寫乜，咩2nd-4th day又第五日去由布，又大分4th-5th day咁九州5th-7th day

唔轉住宿又博多搭返2個鐘車去阿蘇就真係Chur啦

住熊本緊係值得啦，一嚟你本身都要去熊本，二嚟你要經過熊本利用熊本做跳板

尋日真係曬到pk

希望黎緊幾日都好天啦，依加由布院都預測有40% 落雨。

shit sorry for19999。
個days係停留嘅日子，諗住有啲日子係當日係多個地方停留，例如第4日想上午係阿蘇，下午係由布院咁。
嗰啲車程應該係手殘打錯，全部計後左一日。


褔岡 1st day
第一日下午1.5hr車程去熊本

熊本 1st-2nd day
熊本城
熊本拉麵
第二日下午1hr 車程去阿蘇

阿蘇 2nd-4th day
火山口參觀 草千里之濱 上色見熊野座神社
第四日下午1.5hr 車程去由布院

大分 4th-5th day
Day 1:
由布院彩色玻璃美術館 由布岳
Day2:
金鱗湖 別府 別府地獄
第五日下午2hr 車程去九州

九州 5th-7th day
Day 1:
旦過市場 小倉城 八坂神社 北九州市漫畫博物館 魚町銀天街
Day 2:
TOTO 門司港
第七日下午1.5hr 車程去褔岡 中途maybe 去九州outlet

褔岡 7th-Last day
Day 1: 舞鶴公園 大濠公園
Day 2: 天神地下街 博多車站 櫛田神社 博多運河
Day 3: 福岡海購城瑪麗諾亞OUTLET，返歸!

上唔上到火山？

我都準備出發

我過兩日都出發

唔該晒😂
手快快打錯字

今朝由嬉野溫泉返博多，中途去鳥栖outlet

本人剛剛從鹿兒島返到香港，之前有出post問過行程，感謝SOXL74蚊約定之地ching幫我執吓行程，而家分享一下

Day 1(星期三)︰大約中午12點去到鹿兒島機場，搭15:15的巴士出發去熊本，去到熊本已經下午6點，住熊本站隔離的酒店the new hotel kumamoto，十分方便

再講講鹿兒島機場，係一個十分細的機場，國際線及內陸線大樓連在一起，內陸機場最底層的food court並不好味，不推介，建議可以走上二樓或三樓的餐廰

Day 2(星期四)︰由熊本出發，搭9點11分巴士去高千穗峽，大約12點多到巴士站，然後走路過去高千穗峽，逗留大約4小時，最後4點多搭巴士返熊本，返到熊本大約8點，食完晚餐後，搭JR新幹線去鹿兒島，住中央站上蓋酒店jr kyushu hotel kagoshima，喺正中央站的酒店，十分方便，另外，酒店1樓的餐廳叫做驛亭，早餐buffet幾正

高千穗峽本人覺得一般，午餐食流水面，但由於當日水位過高，不能坐船仔，有少少失望，風景係幾靚，但由於本人不是自駕，因此來回搭6個鐘巴士，其實都幾辛苦，如果再揀一次，未必會去

Day 3(星期五)︰早一個月book咗JR觀光列車玉手箱去指宿，09:56出發，10:47到達指宿站，之後去對面的巴士站買一日巴士券，大約12點多到總站池田湖，之後坐回程巴士到長崎鼻，逗留兩小時影相，之後再坐回程巴士到砂浴會館砂樂，之後在砂浴會館砂樂行返去指宿站，大約15分鐘左右，再搭JR返鹿兒島中央站，記得睇定巴士時間表，十分疏車，不可miss班次

砂浴溫泉真係好正，十分去值得，浸完好舒服，好relax，一堆沙放在身上，感覺一股暖流，大約15分鐘後，之後再去浸一陣溫泉，十分正，我見好多本地日本人都浸，指宿必去的地方

Day 4(星期六)︰從鹿兒島中央站搭JR去霧島神宮站，搭巴士去神話之里公園，之後再坐巴士去霧島神宮，之後搭12點巴士去高千穗牧場，喺高千穗牧場逗留3個多鐘就搭巴士返霧島神宮，但由於是日是星期六，去到下午，巴士已沒有班次，所以參觀完霧島神宮後，唯有搭的士返霧島神宮站，再搭JR返鹿兒島中央站，十分鐘的車程大約收2000yen，都幾貴~

由於霧島的巴士仲疏過指宿，所以必定要睇定巴士時間表，十分疏車，不可miss班次

神話之里公園幾靚，值得去影吓相，玩滑梯，感覺有點似新加坡聖淘沙高速斜坡滑車，而霧島神宮同其他神宮好似，大同小異，最後講講高千穗牧場，十分值得去，可以餵羊，可以騎吓馬，靚景，牧場的奶類產品十分好味，好新鮮，飲完牧場的奶，返到香港完全唔想飲奶

Day 5(星期日)︰於鹿兒島市中心一日遊，買一日巴士渡輪pass，大約10點先去城山，再到仙巖園，再到櫻島，之後到天文館行街，由於巴士每半小時就一班，市中心的交通是最方便，一日pass就可以任搭，行程是最鬆動

但由於當日下大雨，因此櫻島景一片大霧，令人失望，而櫻島渡輪幾有規模，船上中午時段有熱食提供，質素一般，但在船上食鳥冬又是不錯的體驗，而仙巖園算是打卡一流的地方

Day 6(星期一)︰鹿兒島中央站 - >鹿兒島機場，搭中午12點多的飛機，機場內有個一個小型的tax free商店，有一定的手信可供選購

鹿兒島係一個比較慢活的地方，中央站的商場下午8點就會關門，而餐廳及超市就會遲點才關門，因此鹿兒島是適合早起活動的朋友，因為一到夜晚好多地方都會關門，如果想體驗日本慢活生活的朋友，值得去

好天由布，花由好正

想問下機場入境手續嗰啲會唔會搞好耐

鹿兒島國際機場好細，可能同一時段得一兩班機，入境過程好順利，好似以前咁填紙仔就okay，唔駛填app，只係鹿兒島比較慢活，職員做野比較慢，等大約30分鐘就完成入境程序，過程十分順利~

師兄意思係咪佢地唔用Visit Japan Web? 即係無scanner scan QR code，仲用緊填紙入境？
下個月去 Thanks!