就算係細分到江西詩派咁
王庭堅同陳師道嘅風格都已經好唔同
而後人之所以將蘇辛放埋一齊
係因為佢地對開拓詞境嘅影響力
並唔係主要針對其作品風格
蘇軾以作品嚟講 婉約係比較多
所謂細分其實就係強分
呂本中作個圖話三宗係王庭堅陳師道陳與義，但陳與義同其餘二子完全唔同
如果話仿杜甫、係江西人都係江西詩派，不知有幾多人要劃入去
呢種分法，驟眼睇係無問題
但細看都係問題多多
我意思係，假若要作為影響去分，本身都問題多多，因為呢樣嘢本身只係比一啲初心者認識，但入面問題不得不提。
我表達能力真係比較差
我嘅諗法都係覺得分類只係好籠統嘅嘢
一個人自己嘅作品都可以好多種風格
根本分唔曬
所以豪放婉約都只係極粗略咁分
至於蘇辛被人拉埋一齊講
係因為佢地打破詞為艷科同要合符音律嘅諗法
而且對當時詞壇嘅影響力十分大
話佢婉約詞多
係想講我並無認同蘇係單屬豪放派之意
其實敦煌曲子詞，甚至你勉強將劉禹鍚嘅〈竹枝詞〉當詞咁睇，都已經突破詞為豔科，前人無緣得見，近百年先知敦煌曲子詞，咁可以理解，但無必要繼續睇住咩某某人突破詞為豔科呢樣嘢
印象中好似萬雲駿、詹安泰都自己用風格分返啲人出嚟，唔再用咩豪放婉約。
都成幾十年前。
講到呢方面，係接受史問題
魯迅嚴格講都唔係第一個寫現代小說嘅人
係佢前面已經有人用白話文寫小說，登左出黎
接受史重點在於，有冇受人關注，納入討論
係幾近全部人眼中覺得佢係突破
就算事實唔係，個效果都係出左黎
我好同意自己用風格分返
所以我會盡量講解
係我眼中唔同風格嘅辛詞
大家睇完，自然會覺得唔同
呢個差異，就係比較出唔同風格嘅開始啦！
有興趣咪睇埋前三個文學家
