【古典文學】驀然回首，那人卻在，燈火闌珊處——詞中之龍辛稼軒

lm

我一時搵唔到東坡個連登POST
定風波 係咪有兩首？有兩個version？好似好亂

東坡係有兩首

定風波
以為非使君莫可當此花，故作是詞
兩兩輕紅半暈腮，依依獨為使君回。若道使君無此意，何為，雙花不向別人開。
但看低昂煙雨裏，不已。勸君休訴十分杯。更問尊前狂副使。來歲。花開時節與誰來。

定風波
而遂晴，故作此詞
莫聽穿林打葉聲。何妨吟嘯且徐行。竹杖芒鞋輕勝馬。誰怕。一蓑煙雨任平生。
料峭春風吹酒醒。微冷。山頭斜照卻相迎。回首向來瀟灑處。歸去。也無風雨也無晴。

多數都係講後一首
人生三境：東坡超曠詞之代表 共讀東坡定風波(三月七日沙湖道中遇雨。雨具先去，同行皆狼狽，余獨不覺。已而遂晴，故作此。)
http://deliver90.blogspot.tw/2017/06/ep24.html

點解又有三首？


咁呢個都喺定風波？？
http://deliver90.blogspot.hk/2017/06/ep29.html
[古典文學入門（三）ep.29]二次流放：東坡在嶺南的日子 讀東坡定風波(王定國歌兒曰柔奴，姓宇文氏，眉目娟麗，善應對，家世住京師。定國南遷歸，余問柔：廣南風土，應是不好？柔對曰：此心安處，便是吾鄉。因為綴詞云。)

常羨人間琢玉郎，天應乞與點酥娘。自作清歌傳皓齒，風起，雪飛炎海變清涼。
萬里歸來年愈少，微笑，笑時猶帶嶺梅香。試問嶺南應不好？卻道：此心安處是吾鄉。

唔記得仲有呢首
我再檢查吓仲有冇第四首
不過唔緊要
係同一詞牌唔同詞作

無問題呀
不過證明我無偷懶會溫習番你個blog

巴打係抵讚嘅
將來有機會再報答你

細個除咗青玉案都無讀過其他辛詞

皮已正，留名學嘢

一首青玉案已夠上神枱
宋詞數一數二神級作品

青玉案真係痴撚線 句句都係電影鏡頭級數
鳳蕭聲動 玉壺光轉 一夜魚龍舞

讀書嗰陣讀到真係一開口讀已經成個畫面出晒黎

細個除咗青玉案都無讀過其他辛詞

皮已正，留名學嘢

一首青玉案已夠上神枱
宋詞數一數二神級作品

青玉案真係痴撚線 句句都係電影鏡頭級數
鳳蕭聲動 玉壺光轉 一夜魚龍舞

讀書嗰陣讀到真係一開口讀已經成個畫面出晒黎

睇完探長解仲正

繼續支持戈登巴，各巴打討論都好好睇

同埋呢D文睇第一次係無咁入腦
當睇第二次，又幾首之間互相比較下，先領略巧妙既地方，不過係比較花時間花心機

系列間互有關連
留待知音慢慢發掘

《世說新語．任誕》：
陳留阮籍，譙國嵇康，河內山濤，三人年皆相比，康年少亞之。預此契者：沛國劉伶，陳留阮咸，河內向秀，琅邪王戎。七人常集于竹林之下，肆意酣暢，故世謂「竹林七賢。」

竹林七賢為名士之代表
其中一個特色係大家都借酒後狂放
表達對朝野昏庸，社會黑暗嘅不滿
因此，呢種狂放其實係「頹放」
稼軒此一「頹放」
當然係對應主和嘅南宋啦

探長會唔會講竹林七賢
講咁多文學，不如講吓歷史人物
對佢地勁有興趣，咁型

《世說新語．任誕》：
陳留阮籍，譙國嵇康，河內山濤，三人年皆相比，康年少亞之。預此契者：沛國劉伶，陳留阮咸，河內向秀，琅邪王戎。七人常集于竹林之下，肆意酣暢，故世謂「竹林七賢。」

竹林七賢為名士之代表
其中一個特色係大家都借酒後狂放
表達對朝野昏庸，社會黑暗嘅不滿
因此，呢種狂放其實係「頹放」
稼軒此一「頹放」
當然係對應主和嘅南宋啦

探長會唔會講竹林七賢
講咁多文學，不如講吓歷史人物
對佢地勁有興趣，咁型

考慮吓啦
其實竹林七賢我幾熟
如果太忙又要出文
可能會出竹林七賢頂一頂先

最近好忙
明日應該會出文

唔緊要啦，慢慢黎

唔緊要啦，慢慢黎

雖然變忙
但會繼續堅持出文
唔會比大家等咁耐

中學個陣最鐘意就係辛棄疾既詞

中學個陣最鐘意就係辛棄疾既詞

以為巴打最愛係陶淵明

好多文人巴打，又李商隱，又陶淵明，又李白

好多文人巴打，又李商隱，又陶淵明，又李白

史稱連登中國文藝復興
何其有幸，轉個形式遇上古人

會唔會講下李清照

中學個陣最鐘意就係辛棄疾既詞

以為巴打最愛係陶淵明

依家係呀，以前仲細唔明，大個左之後反而學識欣賞陶淵明既性格態度，自己一世都學唔到

中學個陣最鐘意就係辛棄疾既詞

以為巴打最愛係陶淵明

依家係呀，以前仲細唔明，大個左之後反而學識欣賞陶淵明既性格態度，自己一世都學唔到

的確陶淵明係要大個先識欣賞
中學讀應該好難有共鳴

神思妙想！突破前人詠月之破格詞作
今讀辛稼軒木蘭花慢(中秋飲酒，將旦。客謂前人詩詞有賦待月、無送月者，因用《天問》體賦。)

稼軒中秋飲酒達旦，用《天問》體作《木蘭花慢》以送月曰：「可憐今夕月，向何處，去悠悠？是別有人間，那邊才見，光影東頭？」詞人想像，直悟月輪繞地之理，與科學家密合，可謂神悟！
——王國維

稼軒 木蘭花慢(中秋飲酒，將旦。客謂前人詩詞有賦待月、無送月者，因用《天問》體賦。)

可憐今夕月，向何處，去悠悠？是別有人間，那邊才見，光影東頭？是天外，空汗漫，但長風浩浩送中秋？飛鏡無根誰繫？姮娥不嫁誰留？

謂經海底問無由，恍惚使人愁。怕萬里長鯨，縱橫觸破，玉殿瓊樓。蝦蟆故堪浴水，問云何玉兔解沉浮？若道都齊無恙，云何漸漸如鉤？

正文第二十六章

中國文學傳統，中秋係好重要嘅
中秋賞月，文人許多詠月之作由此而出
賞月既係民俗節慶，又係文人歌詠嘅日子
附庸風雅，千古以來至今
都唔知因為呢日累積幾多詠月文句

舊題難寫，名詞難解
全因前人之歷史累積深厚
要再寫得更好，解得更好係好難嘅
好似以一人之力對抗千軍萬馬
能夠別出心裁，變出新解妙語
往往非大文學家、大文評家不可

詞題：
中秋飲酒，將旦。客謂前人詩詞有賦待月、無送月者，因用《天問》體賦。
詞人中秋飲酒賦詞
諗起前人都係講等待月亮
而無送別月亮，特寫此詞送月

稼軒此一詠月詞，發前人之未發
有趣嘅係，呢種破格係建基於前人
《天問》，乃屈原所寫嘅楚辭
全篇皆在發問，問天地萬物之事理
稼軒則借此一寫法，借昔日另一大文學家之力
突破咗千古以來詠月之作嘅面貌



稼軒 木蘭花慢(中秋飲酒，將旦。客謂前人詩詞有賦待月、無送月者，因用《天問》體賦。)

可憐今夕月，向何處，去悠悠？是別有人間，那邊才見，光影東頭？是天外，空汗漫，但長風浩浩送中秋？飛鏡無根誰繫？姮娥不嫁誰留？

空汗漫：空虛莫測，廣大無際

上半片全是問句，此乃《天問》特色
我地曾經讀過：
東坡嘅水調歌頭(丙辰中秋，歡飲達旦，大醉，作此篇，兼懷子由。)
整首詞加埋先得四句問句，已經算好多
單以呢首詞上半片論，有五句問句
問句，即疑問、質疑
同時提問亦係暗示回答嘅可能
如果無問題，就唔會出現答案

「可憐今夕月，向何處，去悠悠？」
第一問：
今晚月亮要去邊呢？
「可憐」二字
當然係講月亮之孤寂
點出了「送月」之主題
詞人遠望月亮，正係目送

「是別有人間，那邊才見，光影東頭？」
第二問：
係咪別有另一個人間
月亮係呢邊逝去
正係另一邊嘅人間出現
照亮東邊嘅人？

必須留意，古代唔知地球係圓架
稼軒呢一問句，好似好普通
但其實正係超越時代嘅想像，並唔簡單
莫怪乎王國維會驚嘆：
詞人想像，直悟月輪繞地之理，與科學家密合，可謂神悟！

「是天外，空汗漫，但長風浩浩送中秋？」
第三問：
月亮去到天外之境
去到一切空虛莫測，廣大無際嘅地方
係咪得長風吹動月亮嘅運行？
以上三句，皆緊扣「送月」
環環相扣，問問連繫
月亮隨稼軒想像，愈送愈遠

「飛鏡無根誰繫？」
第四問：
飛鏡喻月亮之形
月亮無根，隨處飄浮
係咪有邊個會用繩拉住佢？

「姮娥不嫁誰留？」
第五問：
嫦娥留係月宮唔出嫁
又係邊個留人住佢？
係咪真係諗住孤獨一世？
由物理之問，以至到文化之問
由外在而至內在之發問
下開下半片之詞句



謂經海底問無由，恍惚使人愁。怕萬里長鯨，縱橫觸破，玉殿瓊樓。蝦蟆故堪浴水，問云何玉兔解沉浮？若道都齊無恙，云何漸漸如鉤？

下半片先是敘述，再發二問
詞人嘅想像，自嫦娥之問連繫至神話傳說
送月之後，月至何方？
聽人講月亮會潛入海底
但要搵人問清楚，又唔知問邊個
稼軒唔係科學家，愈諗愈愁

文學家依靠嘅想像之美之奇
因此稼軒係到講：
月亮如果真係會潛入海底
唔驚被萬里長鯨縱橫觸破咩？
玉殿瓊樓，仲唔爛哂！

「蝦蟆故堪浴水，問云何玉兔解沉浮？」
第六問：
水中嘅蝦蟆就話識游水
咁月宮嘅玉兔咪會浸死哂？
愈諗愈奇，真係文人多FF

「若道都齊無恙，云何漸漸如鉤？」
第七問：
稼軒結束一問，問得好有意思
如果月宮無事，又點會慢慢變成殘月？
此問一出，又將下半片合作一主題
月圓月缺之自然現象
千古至今確實連繫幸福、不幸之想像

稼軒呢首詞作真係有趣
如此神思妙想，唔止係詠月之突破
即使置於歷伐以來詞體之書寫
連用問句，亦係破格創新
真係FF得出神入化，令人讀之驚嘆！

中學個陣最鐘意就係辛棄疾既詞

以為巴打最愛係陶淵明

依家係呀，以前仲細唔明，大個左之後反而學識欣賞陶淵明既性格態度，自己一世都學唔到

的確陶淵明係要大個先識欣賞
中學讀應該好難有共鳴

平生不識陶淵明
便稱豁達也枉然

希望探長能開課講李清照