【古典文學】驀然回首，那人卻在，燈火闌珊處——詞中之龍辛稼軒

留名學野

沈淪下僚：不能直說的閒愁
研讀辛稼軒摸魚兒(淳熙己亥，自湖北漕移湖南，同官王正之置酒小山亭，為賦。)

這是一種「世間情境」，不一定只有稼軒經驗到，許許多多有心人都會經驗到：你所關愛的美好事物，卻總是有人蓄意去破壞，從中惹是生非，以攫取私利。而有理想的人在那邊惋惜、祈使，卻往往得不到回應。其實，世間的種種經驗，不分古今、東西，似乎有其模式，反復在不同的時空環境條件下具現。
——顏崑陽

正文第五章

稼軒 摸魚兒(淳熙己亥，自湖北漕移湖南，同官王正之置酒小山亭，為賦。)

更能消幾番風雨。匆匆春又歸去。惜春長怕花開早，何況落紅無數。春且住！見說道、天涯芳草無歸路。怨春不語。算只有殷勤，畫簷蛛網，盡日惹飛絮。

長門事，準擬佳期又誤。蛾眉曾有人妬。千金縱買相如賦，脈脈此情誰訴？君莫舞。君不見、玉環飛燕皆塵土。閒愁最苦。休去倚危樓，斜陽正在，煙柳斷腸處。

此詞寫於孝宗淳熙六年
即係稼軒受葉丞相推薦之後
又經過幾次調任官職
今次稼軒由湖北調去湖南
同事王正之設宴送別
離別之時，感慨萬千，故成此詞

「淳熙己亥，自湖北漕移湖南，同官王正之置酒小山亭，為賦。」
詞題明確，但係同詞作嘅關係不大
稼軒意不在離別一事
而係想抒發咁多年際遇感概
可以用四個字概括：「沈淪下僚」

「沈淪下僚」係中國文人士不遇嘅典型狀態
簡單講，即係做黎做去都係細官
成日比人調職，無一到發展得耐
典型例子之一，有晚唐嘅李商隱
而稼軒仲慘，試過十三年調十四次職
各地走黎走去，飄泊不定
每次離任轉至他方，積埋好多感慨


稼軒 摸魚兒(淳熙己亥，自湖北漕移湖南，同官王正之置酒小山亭，為賦。)

更能消幾番風雨。匆匆春又歸去。惜春長怕花開早，何況落紅無數。春且住！見說道、天涯芳草無歸路。怨春不語。算只有殷勤，畫簷蛛網，盡日惹飛絮。

上半片以自然之景呈現出一連串嘅意象
風雨、花、落紅、芳草、蛛網、飛絮
全部都係自然景物，乃自然意象
更能、匆匆、惜、怕、何況、且住、怨
這組字詞，係主觀情感嘅表達
為整首詞加上無數轉折起伏
一自然客觀，，一人為主觀
由實以生虛，借物喻志
詞人用實物之景，寫出比興之虛

此年，稼軒三十六歲啦
已經唔再後生，佢忍唔住問：
呢種風雨，仲再面臨幾多次呢？
美好嘅春天咁快要走
就算再加珍惜，怕花早開早謝
外間嘅風雨一黎
一切嘅心血都毀之一旦

稼軒身世，一如上半片嘅景象
美好嘅事情唔長久
係職場稍為有望發揮所長果陣
又即刻被小人所害
再次陷入悲涼之境

「春且住！見說道、天涯芳草無歸路。怨春不語。算只有殷勤，畫簷蛛網，盡日惹飛絮」
由此詞人激動起來，喝令：
美好嘅時光啊，求吓你留低啦！
我驚你迷失係天涯芳草之間，搵唔到歸路
稼軒浪漫嘅幻想，充滿真情
以祈求嘅心，連番告白
但係春天無作回應，依然要離去

「怨」之一字，唔止怨春
同時都係怨自己無力將春天留低
美好全部都無法挽留
有回應嘅，只有簷下織網嘅蜘蛛
好似身邊嘅小人咁
惹是生非，令人煩厭

長門事，準擬佳期又誤。蛾眉曾有人妬。千金縱買相如賦，脈脈此情誰訴？君莫舞。君不見、玉環飛燕皆塵土。閒愁最苦。休去倚危樓，斜陽正在，煙柳斷腸處。

玉環飛燕：楊玉環、趙飛燕，古代美女

下半片轉入歷史事件，係詠史嘅手法
漢武帝嘅皇后陳阿嬌失寵後住係長門宮
佢用黃金百斤請司馬相如寫《長門賦》
結果感動漢武帝，令阿嬌重新受寵

呢邊詞人反用典故，以此自況
「佳期又誤」、「蛾眉曾有人妬」
比喻身邊小人奸言中傷
即使有相如寫賦
只怕聽者根本無心了解真相
「脈脈此情誰訴？」
呢一反問，直指無人知道自己嘅悲哀

稼軒不愧為英雄人物
即使如此，依然發出警言：
「君莫舞」、「君不見」
你地呢班小人唔好得意
「玉環飛燕皆塵土」
再受寵愛，最後都會化成塵土！

「閒愁最苦」
呢種苦，在於不能直言
同時我地都見到閒愁貫穿全詞
甚至係稼軒成世仔嘅仕途感受
感時憂世，往往會得罪朝野之人
大文學家，唯有用比興嘅手法抒發出黎
亦都係千古中國文人一貫嘅創作模式

「休去倚危樓，斜陽正在，煙柳斷腸處」
唔好去依靠危樓，果到高處不勝寒呀！
斜陽映照，係高處只會看見煙柳斷腸之景
又何必望得咁遠，諗得咁深呢？
日暮時分，一如南宋衰敗嘅時局
有心者如稼軒等人再熱心
結果都只係令人失意、悲傷罷了

最近連絡緊一位講者
之後應該會有post講西方嘅詩
大家到時記得黎學英文

中文既新詩都係源自英詩？

引申閱讀：
「沈淪下僚」的羈緒之聲 讀李商隱宿晉昌亭聞驚禽詩
http://deliver90.blogspot.tw/2017/04/ep16.html

最近連絡緊一位講者
之後應該會有post講西方嘅詩
大家到時記得黎學英文

中文既新詩都係源自英詩？

可以咁樣理解
至少係形式上係照返英文自由詩
初頭完全同中國古典詩割斷
當然到後黎發展，有向古典詩取材
但英詩嘅影響力好大
令到新詩係形式上完全脫離古典格律

稼軒一世仔都咁壓抑
咁佢有咩解決方法???

人地大把錢

真定假!?
有錢大哂啦!

呢個係真嘅
稼軒比陶淵明、東坡更識理財
之後會慢慢講稼軒嘅人生出路

推一推先

推一推先

多謝巴打
大家睇哂未

推一推先

多謝巴打
大家睇哂未

睇哂啦
愈睇愈覺得辛詞好有技巧
成日好多位都好多轉折
唔係好直接咁講

這是一種「世間情境」，不一定只有稼軒經驗到，許許多多有心人都會經驗到：你所關愛的美好事物，卻總是有人蓄意去破壞，從中惹是生非，以攫取私利。而有理想的人在那邊惋惜、祈使，卻往往得不到回應。其實，世間的種種經驗，不分古今、東西，似乎有其模式，反復在不同的時空環境條件下具現。
——顏崑陽

呢句好中

出自佢本《蘇辛詞選釋》
寫得精彩，值得一買

這是一種「世間情境」，不一定只有稼軒經驗到，許許多多有心人都會經驗到：你所關愛的美好事物，卻總是有人蓄意去破壞，從中惹是生非，以攫取私利。而有理想的人在那邊惋惜、祈使，卻往往得不到回應。其實，世間的種種經驗，不分古今、東西，似乎有其模式，反復在不同的時空環境條件下具現。
——顏崑陽

呢句好中

出自佢本《蘇辛詞選釋》
寫得精彩，值得一買

http://www.books.com.tw/products/0010589478
放埋條LINK
誠品會有

Load咗一秒，唔係辛棄疾咩？之後知道自己柒咗。
利申理科人，中文A

呢個名比較少用
當係介紹比大家重新認識

推，樓主出文，唔好偷懶

推，樓主出文，唔好偷懶

呢兩日都出
靠大家推post同正皮啦
近排為辛嘅愛情研究
睇唔少書同論文

每次見到辛棄疾都諗起霍去病

每次見到辛棄疾都諗起霍去病

兩個名都幾型

留名 呢名好有意境

以為許嵩首千百度。。