【古典文學】驀然回首，那人卻在，燈火闌珊處——詞中之龍辛稼軒

你個post真係唔可以一次過睇晒
次次睇一段 又要咀嚼下 又搵下史料睇下
Btw 中學已經覺得佢好鬼有型

冇文學底嘅人真係嚼極都明唔晒

由陶淵明讀起
各位巴絲打一定會明哂

睇番辛棄疾d詞真係好感慨
以前接觸係因為張五常成日J辛棄疾
所以慢慢睇佢的詞
到而加都係我好鍾意的其中一個詞家
睇探長的文又獲益良多
好似上面話原來辛生唔窮仲幾有錢
我又真係唔知，又學到新野
探長快d出文

多謝巴打支持
一陣出篇講辛嘅愛情
包你未聽過

搵英雄淚！談辛稼軒之愛情故事
漫讀辛稼軒浣溪沙(壽內子)、滿庭芳(靜夜思)

辛棄疾既生為人就擺脫不了七情六欲，生活中自然有不同於「豪放」的一面，他的豪氣沖天卻也能兒女情長。在抑鬱不得志的官場生涯中，雖然心態上隨時做好北伐的打算，但在閒暇之餘情緒的抒解仍不能免俗的也選擇了美人懷抱，英雄愛美人是很自然的事。今人的目光在審視稼軒詞時，為符合辛棄疾的豪放生命情調，往往習於帶著道德的打量，這在品評古人作品時無端就多了沈重的包袱。
——梁淑芳

正文第七章

上次讀稼軒嘅一問：
倩何人、喚取紅巾翠袖， 搵英雄淚？
中今中外，英雄落難時
總係需要有美女相伴，有愛情滋潤
對於稼軒呢種真男人
我地必須正視稼軒嘅身心需要
情慾、愛情，上連家國
都係稼軒人生困境嘅出路

稼軒呢種英雄人物
緊係好受女性歡迎，佢都來者不拒
係佢六十五歲做官果陣，仲比人彈劾好色
一生有三位老婆，七位妾侍
仲要長期蓄妓，日日換女玩
難怪有九子二女咁多啦！

稼軒嘅愛情故事記載唔多
亦都無東坡咁浪漫，留下唔同嘅悼亡詞
咁樣都唔代表稼軒唔重視愛情
係少數嘅記載，可以睇得出稼軒婚姻美滿



稼軒 浣溪沙(壽內子)
壽酒同斟喜有餘，朱顏卻對白髭鬚。兩人百歲恰乘除。

婚嫁剩添兒女拜，平安頻拆外家書。年年堂上壽星圖。

稼軒有三位老婆
原配趙氏，再娶范氏，三娶林氏
趙林兩位嘅正式記載真係少之又少
唯有范氏係成日比人提起

「朱顏卻對白髭鬚。兩人百歲恰乘除」
稼軒同范氏同歲，五十大壽一齊賀祝
稼軒呢位大文學家緊係要寫首詞送比佢啦
詞意淺白，睇得出佢地關係好好


稼軒 滿庭芳(靜夜思)

雲母屏開，珍珠簾閉，防風吹散沉香。離情抑鬱，金縷織硫黃。柏影桂枝交映，從容起，弄水銀堂。驚過半夏，涼透薄荷裳。

一鉤藤上月，尋常山夜，夢宿沙場。早已輕粉黛，獨活空房，欲續斷弦未得。烏頭白，最苦參商，當歸也！茱萸熟，地老菊花黃。

係稼軒同老婆有關嘅詞，呢首最特別
我地係無法判定呢首詞係咪稼軒手筆
正式嘅詞集並無收編
但呢首詞嘅故事流傳甚廣，係民間傳說
稼軒同原配趙氏係北方成親
話說稼軒起義抗金
佢係軍營入面，都難免掛念老婆
於是寫呢首詞寄比趙氏

全詞最特別嘅係以藥名入詞
雲母、珍珠、防風、沉香、郁金、硫黃、柏葉
桂枝、蓯蓉、水銀、半夏、薄荷、鉤藤、常山
宿沙、輕粉、獨活、續斷、烏頭、苦參、當歸
茱萸、熟地、菊花
但我地即使唔知呢二十四種中藥名
都可以讀通全詞，真係好神奇呀！

「雲母屏開，珍珠簾閉，防風吹散沉香。離情抑鬱，金縷織硫黃」
上半片稼軒想像老婆獨守空房嘅苦況
屏風開，珠簾閉
既係防風吹，又係壓抑嘅意象
日織夜織，都係為比遠方嘅老公
一針又一針嘅思念

「柏影桂枝交映，從容起，弄水銀堂。驚過半夏，涼透薄荷裳」
起身，經弄堂
時間一轉，竟半個夏天過去
濃縮無數日子嘅時間，以重複嘅動作呈現
又有因思念不知時日飛逝之意味

「一鉤藤上月，尋常山夜，夢宿沙場」
下半片更係想像之極致
寫稼軒沙場，又寫趙氏嘅夢
兩者似乎一時之間重疊相思
幾時先可以唔需要再「獨活」
可以一續兩人嘅恩愛呢？

「烏頭白，最苦參商，當歸也！茱萸熟，地老菊花黃」
以烏頭形容稼軒征戰沙場嘅白髮
參星與商星分隔，意指兩人無法相見
當歸即係應該要返去見老婆
茱萸、菊花嘅老黃枯萎
營造悲傷淒涼之意

檳榔一去，已曆半夏，豈不當歸也。誰使君子，寄奴纏繞他枝，令故園芍藥花無主矣。妻叩視天南星，下視忍冬藤，盼來了白芨書，茹不盡黃連苦。
豆蔻不消心中恨，丁香空結雨中愁。人生三七過，看風吹西河柳，盼將軍益母。

最令人玩味嘅係
呢個傳說係有埋趙氏嘅回信
而且竟然一樣都係借用好多中藥名
細數之下，一共有十六種

檳榔借喻稼軒
半個夏天都過左，仲唔當歸？
你點解令「令故園芍藥花無主矣」
令我要獨守空房呢？

「丁香空結雨中愁」
出自李璟詞作：
青鳥不傳云外信，丁香空結雨中愁。
無法相會，愁緒一如丁香嘅花蕾結成無數

人生三七過，看風吹西河柳，盼將軍益母
三七，二十一
女人嘅青春點可以白白浪費
詩經：
中谷有蓷，暵其干矣。有女仳離，慨其嘆矣。
蓷，即益母草
詩經典故比喻作被拋棄嘅女子
即係話，仲唔返黎陪我？

民間傳說，可信不可信？
嚴格黎講，呢首詞已經無法斷定作者
亦好有可能後人偽托其詞
但係呢個故事，民間一直口耳相傳
影響到世人如何理解辛稼軒

唔止因為愛情浪漫
古人先將呢首詞話係稼軒所作
真同假，係文學接受史並唔重要
重要嘅係，世人點樣睇辛稼軒
呢個故事流傳至今
主因係貼合稼軒係世人眼中嘅形象
家國、愛情
無可否認，係構成稼軒兩大重要元素
係稼軒詞作嘅一大主題

遙岑遠目嗰句
以前有位老師比過一個好有趣嘅見解

遙岑遠目，唔係辛棄疾望過去，而係遙岑望過嚟
都尚且「獻愁供恨」
用咩方式?
「玉簪螺髻」
即係話，遠方疊巘回望南方，重重疊疊，蜿蜿蜒蜒，亦只有獻愁供恨

又多重意味

遙岑遠目嗰句
以前有位老師比過一個好有趣嘅見解

遙岑遠目，唔係辛棄疾望過去，而係遙岑望過嚟
都尚且「獻愁供恨」
用咩方式?
「玉簪螺髻」
即係話，遠方疊巘回望南方，重重疊疊，蜿蜿蜒蜒，亦只有獻愁供恨

巴打呢種講法好有趣
可以連埋：
我見青山多嫵媚，料青山見我應如是

古人都多女過我

留個靚名先

古人都多女過我

無所謂啦
我都係

留個靚名先

得閒無聊可以睇
每篇都唔長

詩用學：古代文人點寫求職信？
齊讀辛稼軒一剪梅(游蔣山，呈葉丞相)

昨夜洞房停紅燭，待曉堂前拜舅姑。妝罷低聲問夫婿，畫眉深淺入時無。
—— 唐．朱慶餘

稼軒 一剪梅(游蔣山，呈葉丞相)

獨立蒼茫醉不歸。日暮天寒，歸去來兮。探梅踏雪幾何時。今我來思。楊柳依依。

白石岡頭曲岸西。一片閑愁，芳草萋萋。多情山鳥不須啼。桃李無言，下自成蹊。

正文第三章

稼軒少年得意，至日後不斷追憶
好多讀者都會將眼光放在稼軒呢種掙扎
人生掙扎之於文學，係最佳嘅調味料
但我地不妨先睇更前面嘅時期：
係稼軒陷於追憶前
佢係點樣努力希望可以一展抱負呢？
稼軒係點樣盡一切嘅力量
以擺脫中國文人「士不遇」嘅文化命限？

詞題「呈葉丞相」，比左閱讀嘅定向理解我地
稼軒呢首詞，係為「社交」而寫比葉丞相嘅
係唐詩入面，成日將「遊覽」與「呈某某」合埋
寫景為實，寄託為虛
言外之意，先係文學家想表達嘅用
古代中國，詩係無所不在
係知識分子來往溝通嘅重要工具

稼軒呢首詞正能呈現「詩用」
稼軒曾經做過葉衡嘅幕僚，老細對佢都幾賞識
葉衡回京升任參知政事，即係宋代副相
哇，真係權高位重，飛黃騰達
咁稼軒緊係想再追隨葉衡
唔想再被人投閒置散
故借蔣山一遊，講出自己呢番心意


稼軒 一剪梅(游蔣山，呈葉丞相)

獨立蒼茫醉不歸。日暮天寒，歸去來兮。探梅踏雪幾何時。今我來思。楊柳依依。

上半片以蔣山之景隱喻自身嘅辛酸無奈
起首「獨立蒼茫」係實景
「醉不歸」係虛意
蔣山獨遊，雲海蒼茫，真係好獨寂呀！
呢一句已經好具體咁講出詞人心境

稼軒手中持酒，麻醉身心
士志於道，立德立功
儒家式人生理想，無一樣嘢做到
蒼茫係人生心境
獨立係落寞之情
「不歸」，唔想返去俗世
呢種唔想，含蓄咁表達傷心之情

「日暮天寒，歸去來兮」
日暮天寒，又一悲涼之景
時間推移，等到身心俱寒，詞人先肯歸去
歸去一句化自陶淵明，暗示國家處境不堪
不如學陶淵明咁退隱啦！

「探梅踏雪幾何時。今我來思。楊柳依依」
探梅踏雪，係佢冬天做葉衡幕僚時
楊柳依依，係葉衡返京，佢六月仲係舊地嘅風景
詩經：
昔我往矣，楊柳依依。今我來思，雨雪霏霏。
呢種中國文人一定識嘅典故
緊係比葉衡知道稼軒對佢嘅「思念」之情啦


白石岡頭曲岸西。一片閑愁，芳草萋萋。多情山鳥不須啼。桃李無言，下自成蹊。

白石岡：地名

下半片同係蔣山之景，再對葉衡擦擦鞋
稼軒落山，只感「一片閑愁」
「閑愁」二字，有講好似無講咁
咁係稼軒唔想直接講出愁緒嘅原因

個情況好似你想求人幫你
但無理由咁無禮貌入人地中路架
一陣人地唔想幫，咩面都無哂
稼軒不欲明示葉衡想提拔吓佢
呢種情況，最考文人功力

稼軒不愧為大詞人
將呢片愁之虛意
以芬草萋萋之實比喻
大自然嘅無窮無盡，一如稼軒之愁
正係化用賀鑄嘅：
試問閒愁都幾許？一川煙草，滿城風絮，梅子黃時雨。
睇落含蓄，但有識之士一睇就知

「多情山鳥不須啼。桃李無言，下自成蹊。」
傻架，山鳥邊到會「多情」？
其實呢到係詞人以鳥自喻
呢種啼叫，唔係好似自己嘅詞作咩？

稼軒多情只因有歷史懷抱，只因對家國有情
但佢竟然話：唔好再叫啦
你再叫，都唔會有「知音」聽到架啦
以退為進，緊係話比葉衡聽自己無人理

最後詞人以「桃李無言，下自成蹊」作結
揶用《史記．李將軍列傳》句子
桃樹有花果，下面自然多人行到變成一條路
反轉頭歌頌葉衡唔需要成日自我宣傳
就有好多Fans擁護佢
至此，「呈葉丞相」顯題
稼軒希望葉丞相呢個咁勁咁有知人之明嘅人
能夠了解自己嘅才能抱負
比一個機會我
一定唔會令你失望架！

現代文學成日話話「美」同「用」不能並存
其實「用」和「美」絕非對立，互為顯隱
稼軒此詞兩者兼有，正是力證
而葉衡不久後推薦稼軒「慷慨有大略」，受召朝中
任倉部郎官，或者此詞真係有「用」啦！

現代冇咩人寫得出，包括我

現代都冇咩人睇得明

香港人覺得識呢啲唔會賺多啲錢

古人都多女過我

潘岳

出親街都萬人空巷，成群女圍住佢架車

古人都多女過我

潘岳

出親街都萬人空巷，成群女圍住佢架車

《晉書·衛玠傳》：京師人士聞其姿容，觀者如堵。玠勞疾遂甚，永嘉六年卒，時年二十七，時人謂玠被看殺。

古人都多女過我

潘岳

出親街都萬人空巷，成群女圍住佢架車

《晉書·衛玠傳》：京師人士聞其姿容，觀者如堵。玠勞疾遂甚，永嘉六年卒，時年二十七，時人謂玠被看殺。

金玉其外，敗絮其中

衛玠係潘岳咩

古人都多女過我

潘岳

出親街都萬人空巷，成群女圍住佢架車

《晉書·衛玠傳》：京師人士聞其姿容，觀者如堵。玠勞疾遂甚，永嘉六年卒，時年二十七，時人謂玠被看殺。

金玉其外，敗絮其中

衛玠係潘岳咩

見你提起潘岳
緊係要提埋衛玠啦

古人都多女過我

潘岳

出親街都萬人空巷，成群女圍住佢架車

《晉書·衛玠傳》：京師人士聞其姿容，觀者如堵。玠勞疾遂甚，永嘉六年卒，時年二十七，時人謂玠被看殺。

被看殺即係比人望到死左???

可以話係人多到迫死佢

用中藥名貫穿全詞咁高難度都做到

係咪有首醜奴兒？？

用中藥名貫穿全詞咁高難度都做到

呢種詩詞自古有之
都係遊戲筆墨，各顯才情
古人真係創意無極限
好似迴文詩咁

辛棄疾仲有好多田園農村詞

係咪有首醜奴兒？？

之後會講