【古典文學】驀然回首，那人卻在，燈火闌珊處——詞中之龍辛稼軒
戈登探長
1001 回覆
521 Like
7 Dislike
今日出文
快d啦，等緊文
1.東坡太全能啦！
辛係文學得詞好出名
但東坡除左北宋首屈一指嘅詞人
詩作都係一絕，同黃庭堅並稱「蘇黃」
又係唐宋古文八大家之一，可比韓愈
加埋宋代四大書法之一，好多人都求佢一字
原來稼軒傳世嘅書法得返呢張
同睇佢既詞又係另一種感覺
利申唔識書法
http://www.dpm.org.cn/collection/handwriting/228390.html
我都係第一次睇佢書法
比想像中秀雅
有名士風流
金剛怒目！稼軒看陶淵明
研讀辛稼軒水調歌頭(九日遊雲洞和韓南澗尚書韻)
除論客所佩服的「悠然見南山」之外，也還有「精衛銜微木，將以填滄海，刑天舞干戚，猛志固常在」之類的「金剛怒目」式。在證明著他並非整天整夜的飄飄然。這「猛志固常在」和「悠然見南山」的是一個人。倘有取捨，即非全人，再加抑揚，更離真實。
——魯迅《且介亭雜文二集·題未定草六》
正文第二十章
咩話，陶淵明點會係「金剛怒目」？
明明中學上堂都無提過架！
如果有興趣係可以睇返我以前嘅文章：
陶淵明金剛怒目之姿
http://deliver90.blogspot.tw/2017/02/blog-post_1.html
包保你認識陶淵明更加具體嘅面目
如果細數六百二十九首稼軒詞
會發現入面高達九十二首都有陶淵明嘅典故
稼軒對陶淵明嘅愛，真係可比東坡
我地一定要問：
點解稼軒會咁鍾情陶淵明？
第一，陶淵明之文化影響力急升
至唐宋兩代，陶淵明愈黎愈受人重視
當中最重要嘅推力，緊係蘇東坡
成個文化環境，身邊嘅人都勁讚陶淵明
每位士人都欣賞佢嘅平淡、自然、豁達
潛移默化，自然推崇陶淵明啦
第二，稼軒發掘陶淵明用世之心
常人都係歌頌陶淵明嘅達觀、平淡、自然
但稼軒睇到，陶淵明少年深受儒家影響
壯年亦曾經積極出仕，為國效力
又因官場黑暗，中年退隱田園
如此種種，唔係同稼軒人生相似？
陶淵明係田園生活過得咁開心
自然令被迫退隱嘅稼軒，想多多學習啦
不過我地都知稼軒難學陶之退隱快樂
但係外在環境，根本無得你唔退
咁稼軒嘅學陶、睇陶，自然偏向用世之思
亦都係著重於陶淵明與官場割裂之陣痛
金剛怒目，唔係好啱稼軒咩？
稼軒 水調歌頭(九日遊雲洞和韓南澗尚書韻)
今日復何日，黃菊為誰開？淵明謾愛重九，胸次正崔嵬。酒亦關人何事，政自不能不爾，誰遣白衣來。醉把西風扇，隨處障塵埃。
為公飲，須一日，三百杯。此山高處東望，雲氣見蓬萊。翳鳳驂鸞公去，落佩倒冠吾事，抱病且登台。歸路踏明月，人影共徘徊。
崔嵬：塊壘，指胸中鬱積嘅不平之氣
政：同正，指因為之意
詞題：「九日遊雲洞和韓南澗尚書韻」
稼軒同朋友韓元吉去雲洞玩
故特寫此詞記之
韓元吉係稼軒嘅好朋友
同係主戰派，志氣相投
上半片先因菊花，引出陶淵明
正所謂：陶淵明獨愛菊
稼軒眼見此地菊花盛放
忍唔住問，佢地為咗邊個而開呢？
菊乃君子之花，象徵高潔
自然會聯想到陶淵明啦！
「淵明謾愛重九，胸次正崔嵬」
有趣嘅係，呢一問一答
竟然唔係走向高潔者退隱之樂
而導出陶淵明胸懷不平之氣
陶淵明愛重陽，愛菊花
係因為世道黑暗，唯有自持高潔
係對人世種種嘅反抗！
點解陶淵明咁鍾意飲酒？
因為佢不得不如此，為世所迫
稼軒嘅想像係咁：
白衣之人不斷向陶淵明送酒
以酒解愁，以酒麻醉身心
「醉把西風扇，隨處障塵埃」
醉中攞起扇搧風
將世間嘅塵埃落障礙
一一吹走，力抗俗世
暗示果堆主和派都係垃圾
為公飲，須一日，三百杯。此山高處東望，雲氣見蓬萊。翳鳳驂鸞公去，落佩倒冠吾事，抱病且登台。歸路踏明月，人影共徘徊。
翳：翼
驂：一車三馬
下半片先係入返詞題
為韓元吉飲三百杯
相知相重，同陷哀世
李白《襄陽歌》：
百年三萬六千日，一日須傾三百杯。
酒，連繫上半片
都大有以酒解愁之意味
兩人共望東邊高處
蓬萊，當然指涉神仙典故啦
仙家即朝廷，常見嘅古典比喻
「翳鳳驂鸞公去，落佩倒冠吾事，抱病且登台」
鳳毛之車蓋，三隻神鳥拉車
呢邊指韓公遠去，陣容盛大
韓元吉在朝當官，而稼軒罷官隱居
因此自言落佩倒冠，罷職在家
強烈嘅對比，再加自憐：
我抱病都要登台，送你歸去
「歸路踏明月，人影共徘徊」
韓元吉既走，得返稼軒
明月高照，顧影自憐
加上罷官、抱病
上連陶淵明之朝野不堪
一再強調自己嘅人生悲劇
友人尚能出仕，如返仙家
而自己咩都做唔到
我地不妨可以當呢種自我嘅戲劇表演
唔知稼軒似乎想演出比有心人睇
言外之意，值得玩味
快d啦，等緊文
慢慢睇稼軒同魯迅睇法好似
兩位都係文藝戰士
兩位都係文藝戰士
佢係咪當左陶淵明係另一個佢
咁樣叫唔叫曲解古人???
算係陶淵明其中一面
稼軒都係當陶係文化象徵嘅文本解讀
從而寫下有稼軒特色吧陶淵明
稼軒同魯迅睇法好似
兩位都係文藝戰士
氣質幾似魯迅都係終其一生貫徹自我嘅人
稼軒同魯迅睇法好似
兩位都係文藝戰士
魯迅都係終其一生貫徹自我嘅人
我覺得似佢就真
其實點解出名ge文人多數都咁慘，成日都懷才不遇或者遇到悲劇ge，應該都有人係好命d呀嘛
其實點解出名ge文人多數都咁慘，成日都懷才不遇或者遇到悲劇ge，應該都有人係好命d呀嘛
國家不幸詩家幸
藝術家、文學家係汲取悲劇為生嘅動物
文人性格總係敏感、善感、多諗法
人生順利，做俗事都好忙，邊得閒投身藝術
以上都係概論，呢個問題好大
簡單講，感傷嘅力量比快樂恆久
恆久沈澱，始能生出好嘅文學作品
其實點解出名ge文人多數都咁慘，成日都懷才不遇或者遇到悲劇ge，應該都有人係好命d呀嘛
國家不幸詩家幸
藝術家、文學家係汲取悲劇為生嘅動物
文人性格總係敏感、善感、多諗法
人生順利，做俗事都好忙，邊得閒投身藝術
以上都係概論，呢個問題好大
簡單講，感傷嘅力量比快樂恆久
恆久沈澱，始能生出好嘅文學作品
即係要愈慘先寫得愈好，好矛盾
稼軒同魯迅睇法好似
兩位都係文藝戰士
魯迅都係終其一生貫徹自我嘅人
我覺得似佢就真
國師都有三分神似
稼軒 水調歌頭(九日遊雲洞和韓南澗尚書韻)
今日復何日，黃菊為誰開？淵明謾愛重九，胸次正崔嵬。酒亦關人何事，政自不能不爾，誰遣白衣來。醉把西風扇，隨處障塵埃。
為公飲，須一日，三百杯。此山高處東望，雲氣見蓬萊。翳鳳驂鸞公去，落佩倒冠吾事，抱病且登台。歸路踏明月，人影共徘徊。
呢首有深層意義，並唔容易一睇就明
好有電影感
佢係咪當左陶淵明係另一個佢
咁樣叫唔叫曲解古人???
算係陶淵明其中一面
稼軒都係當陶係文化象徵嘅文本解讀
從而寫下有稼軒特色吧陶淵明
咁樣實有人話佢誤解左陶淵明既思想
其實點解出名ge文人多數都咁慘，成日都懷才不遇或者遇到悲劇ge，應該都有人係好命d呀嘛
國家不幸詩家幸
藝術家、文學家係汲取悲劇為生嘅動物
文人性格總係敏感、善感、多諗法
人生順利，做俗事都好忙，邊得閒投身藝術
以上都係概論，呢個問題好大
簡單講，感傷嘅力量比快樂恆久
恆久沈澱，始能生出好嘅文學作品
紅字十分同意！
身置幸福中既人大都不自覺，不自滿(而求進步)都喺人既本能
而落入困難之中既時候，就往往傷春悲秋
稼軒 水調歌頭(九日遊雲洞和韓南澗尚書韻)
今日復何日，黃菊為誰開？淵明謾愛重九，胸次正崔嵬。酒亦關人何事，政自不能不爾，誰遣白衣來。醉把西風扇，隨處障塵埃。
為公飲，須一日，三百杯。此山高處東望，雲氣見蓬萊。翳鳳驂鸞公去，落佩倒冠吾事，抱病且登台。歸路踏明月，人影共徘徊。
呢首有深層意義，並唔容易一睇就明
好有電影感
充滿行動意象
行為即語言，表達好多意思
所以巴打嘅講法好好
電影係以行動語言為主嘅藝術表達
戲劇之呈現，一舉手一抬足皆成妙句
佢係咪當左陶淵明係另一個佢
咁樣叫唔叫曲解古人???
算係陶淵明其中一面
稼軒都係當陶係文化象徵嘅文本解讀
從而寫下有稼軒特色吧陶淵明
咁樣實有人話佢誤解左陶淵明既思想
文學創作無所謂啦詩詞都係以我為主
其實點解出名ge文人多數都咁慘，成日都懷才不遇或者遇到悲劇ge，應該都有人係好命d呀嘛
國家不幸詩家幸
藝術家、文學家係汲取悲劇為生嘅動物
文人性格總係敏感、善感、多諗法
人生順利，做俗事都好忙，邊得閒投身藝術
以上都係概論，呢個問題好大
簡單講，感傷嘅力量比快樂恆久
恆久沈澱，始能生出好嘅文學作品
紅字十分同意！
身置幸福中既人大都不自覺，不自滿(而求進步)都喺人既本能
而落入困難之中既時候，就往往傷春悲秋
即刻諗返起李商隱...
一即是全，全即是一 讀李商隱錦瑟
http://deliver90.blogspot.tw/2017/04/ep18.html
其實點解出名ge文人多數都咁慘，成日都懷才不遇或者遇到悲劇ge，應該都有人係好命d呀嘛
國家不幸詩家幸
藝術家、文學家係汲取悲劇為生嘅動物
文人性格總係敏感、善感、多諗法
人生順利，做俗事都好忙，邊得閒投身藝術
以上都係概論，呢個問題好大
簡單講，感傷嘅力量比快樂恆久
恆久沈澱，始能生出好嘅文學作品
紅字十分同意！
身置幸福中既人大都不自覺，不自滿(而求進步)都喺人既本能
而落入困難之中既時候，就往往傷春悲秋
即刻諗返起李商隱...
一即是全，全即是一 讀李商隱錦瑟
http://deliver90.blogspot.tw/2017/04/ep18.html
無錯今日有文???
而家出
hurry
稼軒 水調歌頭(九日遊雲洞和韓南澗尚書韻)
今日復何日，黃菊為誰開？淵明謾愛重九，胸次正崔嵬。酒亦關人何事，政自不能不爾，誰遣白衣來。醉把西風扇，隨處障塵埃。
為公飲，須一日，三百杯。此山高處東望，雲氣見蓬萊。翳鳳驂鸞公去，落佩倒冠吾事，抱病且登台。歸路踏明月，人影共徘徊。
呢首有深層意義，並唔容易一睇就明
好有電影感
充滿行動意象
行為即語言，表達好多意思
所以巴打嘅講法好好
電影係以行動語言為主嘅藝術表達
戲劇之呈現，一舉手一抬足皆成妙句
由昔日情景嘅畫面轉返來現實當下