【古典文學】驀然回首，那人卻在，燈火闌珊處——詞中之龍辛稼軒

稼軒、陳亮、朱熹
三個喺咪都老友鬼鬼？

讀過短時間AL文學(中段drop左)
想返黎學野

歡迎巴打加入討論

分裂
唔知依家政府大大條高鐵割讓出去
我地又能否補天裂呢

陳亮、稼軒都補唔到天裂
或者呢種諗法
只係屬於神話

陳亮、稼軒
GAY到不得了

有文
而家我地睇呢兩條友基到咁，好難頂

但其實當時ge當權者睇到呢d詞有乜感覺？
大家都係讀書人，雖然程度不同，但應該都以修身齊家治國平天下為己任？
照計讀到佢地d詞，唔會一d反應都冇

稼軒、陳亮、朱熹
三個喺咪都老友鬼鬼？

陳亮、朱熹最初都交情唔錯
但兩人嘅思想唔同
好多爭論
朱熹唔黎同佢地聚會
都係因為諗法唔同
而且朱熹評價陳亮都幾不留情
「看史只如看人相打，相打有甚好看處？陳同甫一生被史壞了。」

辛棄疾之變：稼軒居士之悲嘆
細讀辛稼軒鷓鴣天(有客慨然談功名，因追念少年時事，戲作)

陶淵明在歸隱後過的是荷杖田間、寄情山水、觀菊品酒的日子，這種悠然的生活方式，是他在理想破滅後對生命的重新解讀。陶的人生境界使身在田園，但內心痛苦的辛棄疾，拓寬了視野，在農耕、賞菊、飲酒的過程中緩解了心中的憤懣，得到了心靈的慰藉。
——葛琳

正文第十五章

我地之前已經講過
稼軒面對家國以至人生嘅困境
緊係要嘗試搵出解決嘅出路
英雄美人，男人總要溫柔鄉
其一，係愛情嘅慰藉

今次我地開始進入嘅第二出路
亦都係由陶淵明開拓嘅隱居田園
本身係陶淵明之前：
廟堂（出仕）＞
深山（隱居）

但陶之出走，開左另一條路：
廟堂（出仕）＞
田園（隱居，而不隔絕世界，過自己生活）＞
深山（隱居，隔絕世界）
北宋東坡、南宋稼軒皆深受此一文化影響

陶淵明自甘隱居
稼軒則係被迫走入田園
先係帶湖，再去瓢泉
係帶湖建稼軒園林
「集山有樓，婆娑有堂，信步有亭，滌硯有渚」
有錢人起豪華別墅呀！
自號稼軒居士，揭示人生另一可能
自居其號，絕對唔係無意思
尤其係稼軒於人生大困頓之中
多少都有重生、新生之意



稼軒 鷓鴣天(有客慨然談功名，因追念少年時事，戲作)

壯歲旌旗擁萬夫，錦襜突騎渡江初。燕兵夜娖銀胡籙，漢箭朝飛金僕姑。

娖：整理
銀胡籙：銀色嘅箭袋
金僕姑：箭名

詞題講「有客」
其實呢位客人即係陳亮
佢地一齊傾南宋嘅時事
點樣反攻大陸
又講起稼軒昔日少年嘅事跡
傾傾吓，稼軒又忍唔住寫首詞啦！

上半片全係講稼軒少年
臣嘗鳩眾二千，隸耿京，為掌書記，與圖恢復，共藉兵二十五萬，納款於朝事
呢到緊係話後生果陣
搖住軍旗，統領萬軍
身穿錦繡短衣嘅騎兵突襲渡江

金兵係夜晚整理緊箭袋，修築工事
小心防範緊稼軒佢地南奔
清晨稼軒嘅軍隊進軍
萬箭齊發，戰況如火如荼
詞人當然唔可能描述哂成個戰爭詳情
但我地可以通過詞人以一代全嘅手法
想像到當時嘅戰況係幾咁慘烈


追往事，嘆今吾，春風不染白髭鬚。都將萬字平戎策，換得東家種樹書。

平戎策：平定金人嘅策略

下半片係稼軒回到當下嘅感嘆
人生悲嘆，多因今不如昔
少年傳奇人生之追憶，係稼軒嘅夢魘
如今受人中傷，罷官隱居
稼軒不如陶淵明之自我抉擇
此一英雄人物，內心自然有更多矛盾衝突

詞人一嘆美好時光之不可重來
春風每年都為草木重染青春
但稼軒嘅白髭鬚，卻依然蒼白
人生嘅春風早已逝去，不再復返
一再顯示，稼軒對現況嘅不滿

「都將萬字平戎策，換得東家種樹書」
稼軒少年南歸，滿腔熱血
曾經上書《美芹十論》、《九議》
以萬言書說明平定金人嘅戰略
但呢種主戰嘅諗法
居然換來如今隱居田園嘅結果
此一對比，真係好悲涼呀！

稼軒雖然自號稼軒
最初隱居之時，依然滿心憤慨
但至少稼軒了解生命之另一可能
亦因此係日後嘅人生
係日後嘅田園，增添許多慰藉

有關陶淵明開拓退隱田園：
從廟堂歸返田園的自主抉擇 讀陶淵明歸去來辭並序
http://deliver90.blogspot.tw/2017/02/blog-post_73.html

有文
而家我地睇呢兩條友基到咁，好難頂

但其實當時ge當權者睇到呢d詞有乜感覺？
大家都係讀書人，雖然程度不同，但應該都以修身齊家治國平天下為己任？
照計讀到佢地d詞，唔會一d反應都冇

當權者未必睇到佢地嘅書信
至少唔係咁即時見到
好睇當權者有冇容人之量
又有冇得罪人咁
最顯著嘅例子，蘇東坡因文字入獄
皇帝本身無咩嘢
但有班官員係咁搞大件事
讀書人有風骨嘅，始終係少數
好多都係搵食啫

鷓鴣天 嘅上本片其實係七言絕詩？？

辛棄疾真係好執著呀

留名
好感激巴打咁俾心機分享 小弟獲益良多

稼軒、陳亮、朱熹
三個喺咪都老友鬼鬼？

陳亮、朱熹最初都交情唔錯
但兩人嘅思想唔同
好多爭論
朱熹唔黎同佢地聚會
都係因為諗法唔同
而且朱熹評價陳亮都幾不留情
「看史只如看人相打，相打有甚好看處？陳同甫一生被史壞了。」

朱熹同陳亮經由呂祖謙介紹而結識
算係君子之交
但稍後唐仲友案就出事
之後王霸義利之辯就更加係「決裂」點

但細心咁睇
陳亮由始至終都無出言不遜
反而朱熹去到後嚟就居高臨下咁講嘢

中間陳傅良都有同陳亮書信來往
討論呢樣嘢
算係鵝湖之會另一個有趣嘅思想交流

不過唐仲友案並唔係導火線
出事係話外人去睇
朱熹由始至終未有救援陳亮
或有佢自己嘅私心
又或者消息不通導致

王霸義利之辯先係最重要

好多謝巴打講解
書信方面我無咩研究，要巴打補充
朱熹始終都係有勢力人士
對比陳亮，真係差好遠
其實大家都係有心之人
何必咁樣呢⋯⋯
陳亮死後
朱熹甚至唔幫佢寫幾句墓誌銘

鷓鴣天 嘅上本片其實係七言絕詩？？

唔係呀
只係巧合詞牌字數接近
睇落似七絕

鷓鴣天 嘅上本片其實係七言絕詩？？

唔係呀
只係巧合詞牌字數接近
睇落似七絕

上半片確係絕詩格律
仄仄平平仄仄平，
平平仄仄仄平平。
平平仄仄平平仄，
仄仄平平仄仄平。

工整嘅仄起式

下半片都算係

平仄仄，仄平平。
平平仄仄仄平平。
平平仄仄平平仄，
仄仄平平仄仄平。

留意二三句有黏對，二四六分明
當然首句限於詞律所以只有六字

應該係咁，除非我記錯聲律

巴打咁講都正確
其實有講法係詞都係詩演變而成
格律變化相似接近
都係好多古典文學嘅根本
貼近詩嘅文化

辛棄疾真係好執著呀

呢種叫做有堅持

留名
好感激巴打咁俾心機分享 小弟獲益良多

多謝巴打用心睇先係
無人睇我再分享都無價值

留名
好感激巴打咁俾心機分享 小弟獲益良多

多謝巴打用心睇先係
無人睇我再分享都無價值

點會冇人睇，至少有我地幾個
Btw Jamie 張相係想點

推爆你

鷓鴣天 嘅上本片其實係七言絕詩？？

唔係呀
只係巧合詞牌字數接近
睇落似七絕

上半片確係絕詩格律
仄仄平平仄仄平，
平平仄仄仄平平。
平平仄仄平平仄，
仄仄平平仄仄平。

工整嘅仄起式

下半片都算係

平仄仄，仄平平。
平平仄仄仄平平。
平平仄仄平平仄，
仄仄平平仄仄平。

留意二三句有黏對，二四六分明
當然首句限於詞律所以只有六字

應該係咁，除非我記錯聲律

巴打咁講都正確
其實有講法係詞都係詩演變而成
格律變化相似接近
都係好多古典文學嘅根本
貼近詩嘅文化

比較出名嘅有竹枝詞
唐宋名家詞選，唐宋詞選將佢列為詞
幾本唐詩選則將佢列為詩
之類

有啲應該純然係樂曲而嚟
例如破陣子源自破陣樂

亦有天淨沙
夏承燾編嗰本元明清詞選將佢列入詞咁睇
但大家都知佢係曲嚟
當然有好多曲牌根本就係詞牌

小令其實都似詩，都好有起源於詩
除少數好似十六字令咁
有啲加字減字，應該係為求聲律再作改變

我諗...

近體詩嘅格律美發展成熟
以至後面要再發展其他文體格律
講求聲樂之美嘅古典文學
都無可回避嘅上追近體詩
讀中國古典文學，詩歌始終係重中之重


不過可惜我天生對聲韻學低能
除資料性背書有幾分記憶
真係欠缺應用嘅才能
或者用修辭去講會比較簡單
例如對偶……