辛詞第一?西風殘照,稼軒老矣
研讀辛稼軒永遇樂(京口北固亭懷古)
辛詞當以京口北固亭懷古《永遇樂》為第一。
——明.楊慎《詞品》
稼軒 永遇樂(京口北固亭懷古)
千古江山,英雄無覓,孫仲謀處。舞榭歌臺,風流總被,雨打風吹去。斜陽草樹,尋常巷陌,人道寄奴曾住。想當年,金戈鐵馬,氣吞萬里如虎。
元嘉草草,封狼居胥,贏得倉皇北顧。四十三年,望中猶記,烽火揚州路。可堪回首,佛狸祠下,一片神鴉社鼓。憑誰問:廉頗老矣,尚能飯否?
正文第三十三章
讀過稼軒三十一首詞,終於黎到最後一首
![](https://cdn.lihkg.com/assets/faces/normal/agree.gif)
有唔少學者,都認為呢首係辛詞入面寫得最好嘅作品
文學評價,都係要睇返每個人唔同嘅文學觀
最緊要係經過對讀、比較,再有一理由支撐自己
咁樣先係負責任嘅讀者,先會有進步
![](https://cdn.lihkg.com/assets/faces/normal/hoho.gif)
劉克莊《辛稼軒集序》:
世之知公者,誦其詩詞,而以前輩謂有井水處皆倡柳詞。余謂耆卿且留連光景,歌頌太平爾;公所作大聲鞋酪,小聲鏗鈞,橫絕六合,掃空萬古,自有蒼生以來所無。其穗纖綿密者,亦不在小晏、秦郎之下。
稼軒詞中,真係不乏絕妙好詞
![](https://cdn.lihkg.com/assets/faces/normal/adore.gif)
講愛情,有「驀然回首,那人卻在,燈火闌珊處」
講友誼,有「道:男兒到死心如鐵。看試手,補天裂」
講自然,有「天上有行雲,人在行雲裏」
講理趣,有「欲說還休。卻道天涼好個秋」
中國文學嘅大詞人,又點止咁少值得一提
真係數之不盡,每一首都足以再三細味
![](https://cdn.lihkg.com/assets/faces/normal/love.gif)
但係聰明嘅讀者一定會問:點解?
![](https://cdn.lihkg.com/assets/faces/normal/oh.gif)
點解會有人覺得呢首係辛詞第一?
點解我會將呢首作為收尾最後一講?
因為呢首即使唔係辛詞寫得最好嘅作品
都仍然係最具代表性,最能呈現稼軒一生志向
稼軒一生念念不忘嘅執念
![](https://cdn.lihkg.com/assets/faces/normal/wink.gif)
唔係愛情、友誼,唔係田園、哲理……
由出世嘅一刻,已經同家國緊緊咁連繫一齊
![](http://1.bp.blogspot.com/-7hglW_2LVdc/WeyYpPsSWxI/AAAAAAAACow/P8Ht7wVPuKoOqgNnGPFqlgfoALf-7DQPACK4BGAYYCw/s1600/1492028723984_0.jpg)
稼軒 永遇樂(京口北固亭懷古)
千古江山,英雄無覓,孫仲謀處。舞榭歌臺,風流總被,雨打風吹去。斜陽草樹,尋常巷陌,人道寄奴曾住。想當年,金戈鐵馬,氣吞萬里如虎。
劉裕:南朝劉宋開國皇帝
舞榭歌臺:榭,平臺上嘅房子。即演出歌舞嘅場所
詞題「懷古」二字
即係話呢一首係懷古詞
懷古乃指由文物古蹟引發
懷想昔日嘅人與事
此詞同南鄉子(登京口北固亭有懷)一樣作於寧宗開禧元年
係呢一年稼軒因「謬舉」之罪降職
之後又被臣僚論列「好色貪財,淫刑聚斂」,怒而辭官
發生種種事情前,稼軒仲係守緊鎮江
已經六十六歲啦,呢首詞係佢死前兩年嘅感懷
![](https://cdn.lihkg.com/assets/faces/normal/frown.gif)
上半片借物起興,所借者係「北固亭」
從地方又引出兩位古人,孫權、劉裕
孫權係設立京口鎮之人,劉裕曾經住過京口鎮
兩位都係留名青史嘅英雄豪傑
不恨古人吾不見,恨古人、不見吾狂耳
「千古江山,英雄無覓,孫仲謀處」
江山千古長存,但英雄卻都逝去
景存人亡,孫權建立京口鎮
但係而家佢又係邊到呢?
昔年繁華,昔日歌舞,昔時風流人物
其實都係經唔起時代嘅風雨!
![](http://1.bp.blogspot.com/-I9-0cfxxw3Q/WeyZqTENjbI/AAAAAAAACpA/YYZ_nChZA0wBCBcKCiOqHo6WWcggDxSdwCK4BGAYYCw/s1600/20160113003354.jpg)
千古興亡,百年悲笑,一時登覽
更能消幾番風雨,匆匆春又歸去
「舞榭歌臺,風流總被,雨打風吹去」
再多嘅歌舞,再多嘅英雄人物
種種風流韻事,又何曾逃得過時間?
時間係「雨打」,係「風吹」
抽象化為具體,孫權已逝
![](https://cdn.lihkg.com/assets/faces/normal/kill.gif)
「斜陽草樹,尋常巷陌,人道寄奴曾住」
斜陽照亮種滿普通草樹嘅巷陌
呢到嘅尋常,係好普通無咩特別嘅巷陌
人地講係南朝宋武帝劉裕住過嘅地方
寄奴,係劉裕嘅小名
![](https://cdn.lihkg.com/assets/faces/normal/bye.gif)
醉裡挑燈看劍,夢回吹角連營
把吳鉤看了,欄干拍徧,無人會,登臨意
「想當年,金戈鐵馬,氣吞萬里如虎」
當年北方中原被少數民族佔領
劉裕係京口起事,北伐滅南燕、後秦
仲推翻東晉自立為帝,成為南朝劉宋開國皇帝
![](https://cdn.lihkg.com/assets/faces/normal/flowerface.gif)
如斯氣概,呢種布衣英雄
可以做到「氣吞萬里如虎」咁打敗外族
正係稼軒一夢再一夢,最想做到功業
![](https://cdn.lihkg.com/assets/faces/normal/bomb.gif)