完事之後,我將廚房淨低嘅手尾搞掂,亦都將Rachel遺留係枱上嘅事物處理好,就同佢係呢張多用途嘅Ikea枱上食飯。
Rachel都好自動自覺食完飯去幫手洗碗,然後我哋終於可以正式開始佢原本上嚟要做嘅野。
「你為甚麼帶這麼大的背包來呀?裏面都放些甚麼了?」
我望住佢係平時好少揹咁大個嘅袋入邊拎岀手提電腦,cal機嘅時候忍唔住問一句。
「你管我呀?」Rachel一副得戚嘅樣回答。
22:06
9月29日
WhatsApp: Charlie B傳送你一個新訊息
「Hello B!」
「Hi!咩事呀?」
「冇呀 只係好掛住你所以搵下你炸嗎」
「我都好掛住你呀」
「你係到做緊咩呀?」
「做緊assignment囉」
「自己一個?」
「夜晚晚係屋企唔係自己一個同邊個呀?」
由我嚟到澳洲開始,我已經同Charlie講咗唔少嘅大話,自從上個禮拜之後,呃Charlie更加成為每日日常。就好似呀樂所講,由我做錯第一步開始,就只係得返穿煲同呃佢一世呢兩個選擇。
我當然係選擇後者喇,因為我好清楚自己嘅心入面仲係好愛Charlie,絕對絕對唔想失去佢。只係當要面對世間各種誘惑嘅時候,可能係新鮮感?可能係偷情嘅刺激?可能係Rachel惹火嘅身材?我就會失去我應有嘅理性,失去我嘅定力,變得不堪一擊。我知道寫到呢到我實會俾人鬧,如果你係咁愛佢又點會咁對佢呀?
你估我唔知自己衰咩,但真係唔係咁易可以控制到自己㗎。
我同Rachel做完所有野之後,時間已經接近夜晚11點半。
「好累呀。」我一邊鬆一鬆頸部嘅筯骨,揼下膊頭嘅肌肉一邊講。
Rachel二話不說,馬上行到我嘅身後,幫我按摩幾下。
「都這麼晚了,你不用回去嗎?」
「要我送你回去嗎?」我擰轉頭望一望身後嘅Rachel繼續講。
「晚了,就不回去呀。」佢將嘴哄到我嘅耳仔上,細細聲咁講。
Rachel耳語嘅氣息透過耳蝸直接襲擊我嘅腦下垂體,再加上佢原本呢句說話嘅含意,令我不自覺咁打咗個尿震。
我一時呆咗一呆,對於Rachel嘅說話霎時之間唔係幾反應得到。係我回過神嚟,完全咁理解到佢嘅意思之後,就只係識笑一笑,點一點頭回應。
「所以…你都早有準備了?」我指住櫈上Rachel嘅背囊講。
「幹嘛了?你不會把我趕走吧?」
「不會,當然不會了。」
我將電話連上藍牙喇叭,播一D我同Rachel都聽得明嘅歌,然後係雪櫃拎咗兩杯雪糕岀嚟同佢坐係梳化一路食,一路傾下計。
「好吧,我先去洗澡了。」大約半個鐘之後,Rachel從梳化企起身講。
「你要些甚麼嗎?還是你都帶了?」
「我就用你的毛巾就可以了,其他我都帶了。」
Rachel從佢嘅背囊之中拎咗D衫褲,同埋一個類似化妝袋嘅物體,然後就入咗去廁所。
00:08
9月30日
WhatsApp: Charlie B傳送你一個新訊息
Line: 凱詠傳送你一個新訊息
「做完assignment未呀 b?」
「做完喇 係梳化Hea一陣之後就去沖涼瞓覺」
「今日我同Angela食飯 聽到D好爆嘅消息」
「咩事?」
「佢條仔偷食被佢斷正呀 但佢又唔捨得分手喎」
「咁點算呀?」
「佢咪叫條仔同嗰邊斬纜囉 但佢條仔又唔嗲唔吊咁 而家拖住哂兩邊」
「咁識玩?」
「BB 你唔會咁對我㗎呵?」
「梗係唔會喇 我點會咁做呀我女朋友咁好!」
「你知就好喇 如果有一日俾我發現到 我實喊死…」
我知,我梗係知喇。我知Charlie好好,佢作為一個女朋友真係做到加零一,連我屋企人都氹得好開心好鍾意佢,佢絕對係做一個賢妻良母嘅材料。而我更加知道,如果有一日俾佢發現而家有個女仔係我屋企沖緊涼,佢一定傷心到癲。
「傻瓜唔好亂諗喇 我唔會㗎」
「我知我男朋友唔會咁對我嘅!」
「of coz!」
嗰頭講完,我下一秒就已經將電話㩒去Line嘅版面之上。
「哈囉」
「這麼晚還不睡嗎?明天不用上班嗎?」
「不用呀 但快要睡了 明天跟朋友去Adelaide玩」
「這麼開心呀 去多久呢?」
「四天呀 你呢?還不睡?明天不用上學嗎?」
「不用呀 明天day off 但洗個澡也快睡了」
「好囉 明天再聊吧 我還要一早到機場」
「ok 晚安」
「晚安嚕~」
唔知點解凱詠由初初明明好cool好似唔多想理我咁,但突然又變得好親切,都幾主動咁同我傾下計,好似變咗第二個人咁樣。
Rachel入咗廁所都已經一段時間,但我都只係間唔中聽到洗手盤嘅水聲。相信佢仍然未開始沖涼,只係好似一般女仔咁洗緊面落緊妝。
就係我坐係梳化上邊㩒緊電話嘅時候,突然傳嚟「咯」一聲門鎖解鎖嘅聲音。我睇住廁所門慢慢咁被推開,然後見到Rachel係裏邊伸個頭岀嚟,加上兩邊白滑嘅香肩望向我嘅方向。
「你要洗澡嗎?」佢側一側頭微微笑道。
「幹嘛了?你要幫我洗嗎?」我行到廁所嘅門前同Rachel講。
佢冇俾到任何回應我,只係抆咗我入廁所,然後將我身上嘅衫褲除低。我就係佢嘅帶領之下,跟住佢行咗入沖涼嘅地方。