「J故台」《去一次exchange,令我變成一個壞咗嘅人》

695 回覆
221 Like 5 Dislike
2023-05-11 01:24:47
同埋始終覺得拋棄charile好仆街
2023-05-11 19:28:28
Charlie各方面都做到100分,我知我同佢會有好美滿幸福嘅將來,就算而家談婚論嫁係太早嘅事,我都知佢會係一個好老婆。會將我哋嘅屋企照顧得好好,亦都維持到同我屋企人嘅關係,絕對唔會有婆媳糾紛。

係我攝高枕頭嘅呢一晚,我諗極都諗唔到Charlie可以俾我挑剔嘅地方。當然,佢都唔係聖人嚟嘅,有時都會有少少脾氣,扭下計,但我深知相比起香港好多嘅公主病患者,佢已經係好到加零一。

我已經好幸福,只係我自己唔知足啫。

至於凱詠,我唔係話佢唔好。佢都係一個天使般嘅存在,仲要有住令人心動嘅外貌,但我同佢始終都係兩個地方嘅人。就算各自返到香港同台灣,我哋呢段關係又可以點樣維持?一年365日,我哋又有幾多日係可以真正見到面?

佢仲要比我大幾年,再過多一段時間,到佢想結婚嘅時候,我係咪要同一個一年最多見到一兩次嘅人結婚?到底係叫佢嚟香港定係我要去台灣?如果最後都係傾唔掂數,咁我咪仲浪費咗一個女仔最寶貴嘅幾年青春?

係,佢係好完美,但我哋始終認識咗好短嘅時間,慢慢一齊行落去,好難擔保我哋唔會有拗撬同磨擦,可能到時嗰D缺點先至會慢慢浮現,又或者係佢頂我唔順呢?

而家所有野都可以俾一時嘅激情蓋過。相反我同Charlie穩穩定定,大家都知對方嘅生活習慣,脾性,各樣缺點都仍然係愛住對方,可能比重新適應一個新嘅人會嚟得舒服同容易。

我諗講到嚟呢到,答案已經呼之欲出。可能有人會覺得我純粹係到為同凱詠分手而搵一D藉口,我都唔否認嘅,我點都係欠咗佢哋兩個,但呢D咁現實嘅問題始終都係存在係我同凱詠嘅呢段關係入邊,無論有冇Charlie嘅存在。

講得好聽D,講得偉大D,我唔想嘥咗凱詠最寶貴嘅幾年時間,希望之後佢會搵到一個對佢一心一意又可以隨時係佢身邊嘅人。講得難聽D,我知我做唔到嗰個人,亦都唔配做凱詠嘅王子。

係時候返屋企喇,俾凱詠尋找佢值得擁有嘅野,對Charlie好好咁補償,唔好傷害到任何一個,成熟D好好咁處理自己闖出嚟嘅禍喇。

我嘅選擇都好明顯,到最後我係因為內疚?感情?對佢嘅愛?現實嘅問題?定係其他原因而揀咗Charlie?我自己都唔太清楚,但呢個就係我嘅選擇。

對不起,凱詠。

揀我就揀咗喇,跟住落嚟要諗嘅就係點樣將佢付諸實行,點樣同凱詠好好咁和平分手,要佢接受到,唔會傷心唔會死纏爛打,唔會係Charlie嚟到嘅時候突然摷上門嘅同時,我又要諗下點樣好好咁補償返俾Charlie,點樣可以將佢一直蒙在鼓裏,唔會為我哋嘅關係蒙上污點。

首先我第一樣做嘅野就係計劃下仲有冇機會去見下凱詠,我唔想為自己嘅將來留下遺憾,好想可以記低同佢嘅一切一切,就算第時分開咗,我都可以係自己嘅腦入邊回味一下。而且我都好想正式咁同佢道別,就算唔係講分手都好,我都想親口同佢講聲bye bye。

我好怕好怕自己有一日會再記唔起佢嘅樣。

我知道凱詠係12月頭生日嘅,所以打算襯住Charlie嚟之前嘅幾日再去多次Melbourne搵多佢一次,道別又好,幫佢慶祝生日又好。我甚至上網搵埋禮物,搵埋餐廳,準備好好咁過我哋呢個birthday goodbye trip。

雖然我只係嚟exchange,但我都要合格先可以tran返D credit,12月仲要係考試嘅季節,就算我唔溫書都起碼要岀席先確保到自己有機會合格。

再講,我都有D擔心Charlie會唔會質疑點解我去完Melbourne又再去Melbourne,今次仲要自己一個人去添。

雖然成件事困難重重,有好多野要解決,但我都知道我係一定要去㗎。因為如果我唔去,我將來一定會後悔冇珍惜呢個機會,珍惜最後見到凱詠嘅時間。

到最後我死度爛度,終於俾我搵到四日嘅空閒,開始睇下呢幾日嘅機票同酒店,準備踏上最後一次嘅尋找凱詠之旅。
2023-05-11 19:54:54
呀臣同大家嘅諗法都差唔多

凱詠!!!
2023-05-11 20:03:35
分手Q 係咪重甜
2023-05-11 21:35:44
聽日就知
2023-05-11 22:03:59
希望唔好分手q
分手q會好hurt凱詠
2023-05-12 19:31:13
「詠詠你快要生日了吧?不如你生日的時候我來找你吧?」

係我同凱詠一次FaceTime嘅時候我提岀。

「甚麼時候?」
「um…5日到8日你可以嗎?」
「你12月不是要考試嗎?還可以過來?」
「跟我寶寶生日相比,那些都不重要了。」

「你最懂就是哄我。」
「我不讓你開心讓誰了?那我訂機票跟酒店囉。」

「但是不可以哦,十二月是peak season,我們都不可以放假的。」

我一路都淨係諗住自己嘅schedule,以為只要我ok就可以去搵凱詠,反而從來冇諗過佢會請唔到假呢個問題。

「下…」我俾呢個意料之外嘅答覆嚇窒咗。

「那…你依舊上班呀,我來等你下班然後去吃晚飯慶祝吧,就像我們第一次見到那樣。」

「傻瓜,我知道你疼我,想跟我過生日,但你花這麼多錢來到我又不能陪你,那不是很浪費嗎?待下一次我有空可以一直陪着你你才來吧。」

「但人家真的很想跟你過生日…」

凱詠當然唔會知道我死都要呢幾日去搵佢嘅真正原因。

「乖囉,我知道你疼我就可以了,那天我下班回家會打給你的。你也要聽話,等下一次我可以一直陪着你你再來吧。」

凱詠講到咁樣我都好難再堅持落去,而且佢點都唔會明白我咁堅持嘅背後原因。

估唔到我呢個盤算咗咁耐,經過周詳計劃嘅final solution第一步就失敗咗。

我又開始諗,如果我係返香港之前先至同凱詠分手又得唔得呢?可唔可以呃到Charlie兩個禮拜呢?我真係好想再見多佢一次,好想好好咁記低我哋嘅每一分每一秒,佢嘅每一個表情,每一個動作。

我唔想嗰日係機場就已經係我最後一次見到佢,係嗰幾日入邊,雖然我都已經好珍惜同佢相處嘅時刻,但始終冇嗰種要分開,要道別,永遠唔會再見嘅領悟。我希望我可以做好心理準備,做哂我想同凱詠做嘅野先至同佢分手。就算要離別,都係一個美滿嘅結局而唔會留低任何遺憾。

但好快我就知道呢個諗法係唔可行,我睇住電話每一日彈岀嚟嘅通知,我同凱詠嘅相,同佢每一日嘅FaceTime紀錄,唔好話兩個禮拜呀,一日都會即刻俾Charlie發現喇。

就算Charlie唔知,我點同凱詠解釋呢排我哋可以日日FaceTime,之後又忽然兩個禮拜唔見咗人影啫?我真係R爆頭都諗唔到一個合理嘅解釋。

唔通我哋真係要咁樣帶着遺憾終結?

「詠詠生日快樂!」我望住螢幕入邊嘅凱詠講。
「謝謝寶寶!」

「你今天就只有上班了嗎?都沒有好好慶祝?」
「也不是了,上班的時候同事都有跟我切蛋糕,然後剛回來的時候,室友跟房東也準備了蛋糕跟我慶祝。」

22:10
12月6日
Line:凱詠傳送你兩個新信息



「你看!」

凱詠send咗兩張佢同同事同roommate切蛋糕時候嘅合照俾我。望住相入邊同以前一樣笑得好天真好甜嘅凱詠,我不禁諗起如果佢知道我準備同佢分手,唔知佢會點呢?

或者佢嘅生日唔需要有我嘅岀現已經可以好開心,同佢嘅人生一樣,冇我可能會完美一D。

「現在還有寶寶你跟我FaceTime跟我說生日快樂呀,所以就已經很足夠了。」

「對不起,作為你的男朋友,你生日還不能在你的身邊,還要你一個人過,是我不好。」

佢嘅活潑開朗,我嘅愁眉深鎖,係呢個對話入邊形成咗強烈嘅對比。凱詠一直都好開心好興奮,而我只要諗到幾日後我要做嘅事,就無論如何都笑唔岀。

「傻瓜,不要說對不起,是我叫你不用來的吧。是我不能放假,要怪都只怪我自己呀。」

「怎麼說我都應該在你身邊吧。」
「好了,不要再說!現在可以跟你聊聊天我已經很開心了。今天是我生日,你要聽我的話,快笑起來,不要這樣的樣子。」

「所以明天我就不用聽你的話嗎?」我苦笑一下。
「吔!你真大膽!在我生日說這些是不是找死了?」

「就問一下而已,我一年365天都聽你話呀!」
「最好是這樣!」凱詠用懷疑嘅眼光望住螢幕另一端嘅我。

我哋就係咁傾住電話,渡過咗佢生日嘅最後幾個鐘。我好清楚唔好話見到佢真人喇,連呢D FaceTime嘅時間都只會越嚟越少,所以就算有時dead air冇野講我都唔想收線。因為我只係想望多凱詠幾眼,哪怕只係隔住個電話mon。
2023-05-12 19:42:53
現實係根本連分手Q都發生唔到
2023-05-12 21:05:25
說好嘅台妹重甜呢
2023-05-12 22:33:46
我有咁講過咩?

我唔係話會越嚟越重感情咩
2023-05-12 23:19:39
阿臣回頭是岸呀
2023-05-12 23:59:43
夠鐘返屋企了
2023-05-13 18:03:40
「好了,差不多一點了,我真的要去洗澡,明天還要上班的。」

我已經一次又一次咁阻止凱詠cut線,但要嚟嘅始終都係要嚟。現實就係咁殘酷,有D野唔係你話想阻止就阻止,想留住就留住。

「好了,你先去拿衣服吧,不准收線呀!」
「你今天幹嘛了?為甚麼怪怪的?」凱詠一邊係衣櫃拎衫一邊講。

「才沒有,我每天都是這麼想念你,這麼不捨得你的。」
「你在說笑對吧?你累的時候不是趕着掛嗎?還沒說我還在說話你已經睡著了那些。」

而家諗返起,真係好後悔自己冇好好咁珍惜同凱詠相處嘅時間。嗰陣時仲以為分手唔會咁快就嚟到,所以有時都會冷待咗佢。不過人就係咁,唔到失去嘅時候都唔會知嗰樣野有幾珍貴。

「沒有沒有!我是在想你說的話才合上眼的,跟你FaceTime怎麼會睡着了?」

「哈哈,想我的話想到打呼了吧?」
「唉喲,對不起了詠詠,就有些時候太累才不自覺地睡了。是我不好,不要生氣了。」

「我都沒有生氣,就知道你這個傻瓜有時候很累還想跟我見面。只是看不過眼你說自己每天都不捨得掛這些鬼話而已。」

你唔好咁體貼喇,你越體貼我越會唔捨得你。有時我真係令願你發下我脾氣,起碼俾個位我挑剔一下你呀,好冇呀?

「好了,我真的要洗澡了,你也快點睡吧。」凱詠閂咗廁所門之後轉身講。

「其實你可以一邊洗一邊跟我FaceTime哦,都沒有衝突。」

「吔!你作夢想想好了!不要說廢話,快點去睡覺吧。」

「好了好了,再見囉,傻詠生日快樂。」
「你才傻,再見了。」

「Byebye,我愛你唷。」我強行擠岀笑容道。
「嘖~傻瓜,我也愛你了,byebye。」

我望住凱詠笑得好甜嘅樣變成我電話嘅首頁,再慢慢變成黑色一片,從倒影之中望住發哂呆嘅自己。

唔好話對住佢個真人,我好清楚知道自己就連隔住個電話望住佢都唔會講得岀分手呢兩個字。我真係唔可以親眼睇住佢聽到我講分手嗰一下嘅反應,我好驚好驚自己會將一個原本開開心心嘅女仔整到喊苦喊忽。

就係因為我嘅懦弱,我決定用最不負責任嘅方式去話俾凱詠知我嘅決定。其實如果佢會唔開心,無論我用咩方式同佢講,佢都係會唔開心。只係透過message去講,令我唔會親眼睇到佢嘅表情,心理上好似好過D咁啫。

11:03
12月9日
沒有新的通知



距離Charlie嚟到澳洲得返兩日時間,我知道冇得再拖㗎喇。我仲要預留一日去做緩衝,預防萬一有D咩超岀我想像嘅突發情況要應付。

今日由我一起身開始我就諗住呢篇分手文應該點樣去打,點樣可以將我好愛佢好唔捨得佢嘅同時又不得不同佢分開呢樣咁荒謬嘅野講到好合理。點樣可以令凱詠睇完之後都會安然接受同理解我,起碼要令佢唔好太傷心先。

我甚至驚打打下會㩒錯制,將一篇未完成嘅文章錯手send咗岀去,於是決定係電話嘅備忘錄打好個草稿,再確定冇任何遺漏先至夠膽send俾凱詠。

我一邊打就一邊重複又重複咁睇咗幾次再加以修改,確保佢冇任何錯漏。雖然最主要要同佢分手嘅原因我冇講到,亦都唔講得,但裏邊都有好多係我嘅真實心聲而且都係事實。

同佢分手真係我做過最困難嘅決定,就算冇Charlie嘅存在,我哋之間都真係有好多好現實嘅問題。我真係好愛佢,好唔捨得佢,當我係文中話佢永遠會活係我心底𥚃,我係真係咁嘅意思,絕對唔係為咗氹佢咁簡單。

至少到呢一刻都仲係。

望住呢一段文字,我又不斷諗返起同凱詠嘅點點滴滴。夢一般咁美好嘅六日令我真係唔捨得將呢到接近一千字send俾佢。

但我知道我必需要咁做。

「Copy」
「Paste」



我望住同凱詠嘅對話欄係一瞬間被文字填滿,輸入線不停係螢光幕上眨吓眨吓,右手手指公係傳送掣嘅上空盤旋,不停咁顫抖,始終都係冇勇氣㩒落去。

呼!

我嘅眼眶開始被淚水沾濕,我真係好唔捨得凱詠呀!呢種久違嘅痛感,甚至可能係我第一次為一個女仔而咁難受。

我可唔可以唔同凱詠分手呀?

下唔到決心嘅我最後都係將輸入欄中嘅文字清空,都係冇將我要做嘅野做到,只係識得對住個電話胡思亂想。
2023-05-13 20:32:46
究竟打左咩俾佢
樓主仲有無文呀
2023-05-13 22:36:03
不如打埋篇分手文出黎
2023-05-13 23:55:02
聽日會出俾大家睇!
2023-05-13 23:57:18
2023-05-14 00:12:11
毒男克服了一個又一個的考試,升上大學;影畢業相時,發覺好多人都一雙一對,原來大學係撮合情侶既好地方。毒男依然一個,但他說:「不緊要,即將係我踏入社會大展拳腳既時候,亦係我幸福生活既開始!」

毒男努力工作,三年,五年,七年過去了,依然單身。但他終於達成了心願,成為高收入人仕 - 月薪達二萬零五百蚊。
2023-05-14 00:20:06
呀臣呢個廢柴真係
2023-05-14 18:46:40
如是者,呢組copy&paste加delete嘅動作重複咗大約五六次,一直到夜晚我都係未敢將分手呢個信息傳遞俾凱詠。

臣哥呀臣哥,你做男人勇敢D好冇呀?Charlie好快就嚟㗎喇,你又唔知凱詠聽到之後會有咩反應,萬一佢接受唔到你都仲有聽日去settle成件事呀,拖到最後一刻先至話搞唔掂,到時凱詠打嚟甚至話要嚟搵我味仲大鍋?

呢個將會係最最最最差嘅結果,我會傷害哂兩個好女仔,失去哂佢哋,令佢哋知道我係一個咩人,令佢哋醒覺原來一路以嚟以為自己好幸福呢一樣野純粹係一個假象。

呢個係我最唔想見到嘅場景。

我好清楚無論如何我都唔可以俾佢哋知道個真相,一諗到嚟呢到我心知自己應該要點做。最後終於把心一橫,合埋眼,一野篤落傳送嘅掣上邊。

「詠詠 很感謝你令我這趟來到澳洲的旅程變得那麼完美 那麼難忘 在和你一起的那六天 我感覺自己是世界上最幸福的人 每一天張開眼就見到你在我身邊 每一晚都可以吃到你煮的飯菜 你令我明白愛一個人和被一個人愛是甚麼感覺 真的很很很感謝你

這段時間我一直在想 在我們各自回去香港跟台灣以後 我們應該怎麼走下去 我好想好想可以跟你一直像那六天一樣的生活着 但現實告訴我不可以 我在問自己以後我們都像這段時間 一直靠着FaceTime去維持我們的感情可行嗎?連你的生日我都不能夠陪在你身邊 要你一個人去渡過 這樣不是你應該擁有的男朋友吧 我知道你絕對值得擁有比這樣更大的幸福

再想遠一點 再過幾年 到你想要結婚的年齡 我又可以給你甚麼了?難道要你跟一個每年只見一兩次的人永遠在一起嗎?應該自私地要你為我放棄一切跟我來香港還是我要去台灣生活了?如果我們在這個問題上不能有共識 在幾年後才分手 那你最珍貴的幾年青春不是都給我浪費了嗎?這麼大的責任我可擔當不起

有很多問題在我們剛一起時都被熱戀蓋過了 到現在跟你分開了以後 我自己一個在家𥚃慢慢想 才發覺有很多很現實的問題我們都不能不面對 但面對也好像不是輕易就能夠解決

所以也許讓這段美好的記憶永久封存在你我的心底裏就是最好的結果 我不能自私地拖着你幾年 然後才拍拍屁股走人 這幾年你應該是在找一個可以隨時隨地在你身邊 一直照顧你 在你需要的時候岀現 讓你可以付托終身的男人 很不幸的是 我不能夠去成為那個人 大概我的運氣都已經花在認識你和那六天內了吧

你是我見過最美麗 最體貼 最細心 最懂得照顧我 最完美的女生 如果可以 我真的很想跟你一直走下去 如果不可以 我也不要做浪費你時間的人 所以我希望你能夠找到一個比我好 比我更懂得珍惜你 更疼愛你和比我更有運氣的男生

要做這個決定 我真的是十萬個不願意 但我知道這個是正確的決定 是一個對你最好的決定 這個是我跟你分開了一個月的時間裏 我想得很清楚才作出的決定 如果可以 我希望下輩子能夠在台灣岀生 在台灣再一次認識你 但今世恐怕我沒這個福份了

最後我祝福你真的可以找到你的Mr.Right 我們的回憶永遠都會埋在我心底𥚃 偶爾拿岀來回味一下 也很不錯吧 我答應你 凱詠將會是刻在我心底𥚃的名字 不管將來我的人生是如何 跟誰在一起 我也不會忘記你 由認識你開始到現在這兩個月永遠也會成為我心中的一部分 因為這是我人生中最開心的時光

凱詠 對不起 我沒辦法將幸福帶給你 希望你能夠找到你一生的幸福 永遠開心快樂地生活下去 我想你聽到這個消息 也難免會有一點不開心吧 就像我要跟你說這番話一樣 叫你不要傷心好像很困難 但請答應我 不開心過後 一定要繼續好好生活 好好尋找你的幸福

感謝你為我帶來這段永遠不會磨滅而又甜蜜溫馨的回憶 我愛你」

仆街喇仆街喇仆街喇仆街喇。

見到個message send咗岀去之後,我緊張到接近失控嘅地步。不斷嘗試深呼吸去令急促嘅心跳平靜一D,但其實一D都冇用。

我好想快D知道凱詠嘅反應,但又好驚佢接受唔到呢件事。爭扎嘅我微微張開雙眼,偷望一下電話之中同凱詠嘅對話。

「呀!唔撚得,我就嚟癲喇。」

矛盾嘅我好快又㩒返岀電話嘅主頁,明明係分手㗎嗎,搞到好似同人哋表白咁,想知答案又驚真相唔係好似我預期咁。

只係過咗唔夠十秒,好奇心又驅使我重新打開Line,見到凱詠已經睇咗我嘅message。

呼!呼!呼!呼!

睇住電話另一端嘅凱詠開始輸入中,又靜止咗一陣,跟住又再開始打字又停一陣咁樣不停循環,呢個時候無論我再做D咩都已經唔能夠令自己平靜落嚟喇。
2023-05-14 18:54:23
唔好停
2023-05-14 20:59:04
嚟啦嚟啦
2023-05-15 00:15:06
想知呢個message 係咪阿臣原本真實個message 直接send 俾你
2023-05-15 00:25:45
篇文真係好似d咩 「你太好 我配唔起你」嗰d廢話
2023-05-15 01:16:37
所以睇撚到我抆
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞