「J故台」《去一次exchange,令我變成一個壞咗嘅人》

695 回覆
221 Like 5 Dislike
2023-05-29 00:38:30
今次仲唔死?
2023-05-29 00:54:38
係呢個位停
2023-05-29 01:15:23
lm待j已經好耐冇有甜故嘅岀現了
2023-05-29 01:51:40
好欣賞你節奏,慢慢煲先好睇,正!
2023-05-29 05:23:19
終於仆街
我期待咗好耐
2023-05-29 13:44:39
Lm一次過睇到live
睇到好正有少少代入到主角內心之餘睇到佢飛台妹個陣個心都嗱住嗱住
2023-05-29 17:42:29
會唔會ot忙得滯唔記得del相?
2023-05-29 17:47:17
一野追到Live!台妹分手段message睇到我眼濕濕,會唔會有機會同台妹聯絡返😢😢
2023-05-29 20:44:24
「I’m coming!」我沖完涼之後係床邊跳起,一個轉身撻落床上邊大叫。

「喂?」

Charlie一D反應都冇,粒聲唔出咁背住我,於是我用腳踢一踢佢。

「喂~~~~」我拉長聲線再叫佢一次。

咁快瞓咗?無理由㗎?佢平時都冇咁早瞓㗎。

我望住Charlie嘅背脊慢慢意識到佢並唔係瞓咗,因為我開始見到佢嘅身體係到不停咁抽搐蠕動。

「嗚…嗚…」

仲開始傳嚟一陣陣嘅喊聲。

原本處於亢奮狀態嘅我俾Charlie嚇到不知所措,馬上跨過佢個人,係床上邊騎係佢嘅身體之上,試圖望向佢嘅正面,睇下到底發生咩事。

「喂你做咩呀?唔好嚇我喎?」

望住佢喊到痴哂線嘅樣,我捉住Charlie嘅手臂問。

呢一刻,我仲諗緊係咪佢屋企人岀咗咩事,所以令到佢突然之間喊得咁犀利,但我好快就知道呢個諗法係唔成立㗎喇,因為Charlie跟住就好大力咁「fing」開我嘅手。

咁啫係關我事喇?

「唔好喊住喇,你都要話俾我聽發生咩事先得㗎。」

Charlie仍然冇理會我,只係識得抱頭痛哭。我望住放係佢身後嘅電話,忽然有一股不安嘅感覺湧現出嚟。

我吞一吞口水,拎起自己嘅電話解鎖。

一打開,見到已經係相簿嘅版面,最底下就係我同Charlie今日周圍去影嘅相,再望上一D…

Shit!

就係你以為自己會呃到全世界,講大話講到岀神入化嘅時候,你就會開始鬆懈,開始疏忽。

我望住呢D我唔記得delete嘅相,腦入邊不停咁運轉,試圖搵一個合理嘅解釋。

我又唔可以話係exchange嘅時候同朋友影,因為相中嘅我同凱詠係攬頭攬頸,仲有一張我哋親吻嘅相。我更加唔可以話係識佢之前影落或者唔係喺澳洲影,因為圖中嘅我點睇都唔似係四五年前嘅我,而且有一張相嘅背景好明顯就係Sydney嘅Opera house。

唉!

我抬頭望住酒店嘅天花板長嘆咗一口氣,唔知道我下一句應該同Charlie講D咩好。

死撐?道歉?定係俾D時間佢冷靜下?

到底要點樣先可以維繫住我哋嘅關係?點樣先可以減低對佢嘅傷害?

「你聽我講先喇…」

我一邊講一邊伸手去摸下Charlie嘅膊頭,嘗試將情緒咁唔穩定嘅佢安撫一下。

點知我呢個動作唔單止對成件事一D幫助都冇,仲令Charlie嘅喊聲變得更加淒厲。佢馬上聳一聳膊頭fing開我嘅手,然後將我從佢身上推開。我跌返落去佢隔離嘅床位之後,就睇住佢拎起一個枕頭,將自己冚住,決定要隔絕同我嘅任何接觸。

我知道係我自己做錯,係我自己理虧,但我而家講D咩Charlie都唔會聽得入耳,反而可能仲會挑動佢嘅情緒添。

於是我將放係我床頭嘅盒裝紙巾塞入佢嘅懷中,然後靜靜地咁瞓係佢隔離,望住佢嘅背脊,至少我要睇住佢,唔好俾佢有機會做任何傻事。

如果佢因為我而岀咗咩事,我呢一世都原諒唔到自己。

「呀…呀…嗚嗚嗚」

成間酒店房入邊基本上只係得返Charlie喊,苦叫,喘氣同索鼻水嘅聲音,令我更加能夠感受佢有幾痛,有幾崩潰,有幾接受唔到呢個事實。

佢不顧一切咁去愛,去錫,去珍惜,佢以為嘅專一好男人,佢以為嘅未來老公,佢以為自己幸福快樂嘅美夢,原來所有野都係假㗎。

我最唔想發生,最唔想見到嘅事終於都係要發生。我始終都係要將一個對自己死心塌地,奉獻一切嘅女人傷到咁盡。聽住Charlie嘅每一下喊聲,彷彿就好似一把又把刀咁插落我嘅心入邊,令到我好憎好憎我自己。

但我知道相比起我對佢做成嘅痛楚,呢D只係九牛一毛。

Charlie慢慢開始喊到攰,慢慢開始平靜落嚟,但我都仲未夠膽再去掂佢。難得佢喊咗咁耐先開始停,或者我應該俾佢抖一下,唔好騷擾佢。萬一我一掂佢,佢又開始喊,我都唔知點算好。

而且我都真係唔知自己應該講咩好,我哋係咪真係冇得掹呢?
2023-05-29 21:06:33
傻鳩唔記得del
2023-05-29 21:42:17
多數啲人以為自己已經無敵就會咁
2023-05-29 21:42:36
charile是無辜的
2023-05-29 23:11:18
多謝哂樓上嘅支持

睇嚟大家都好想睇呀臣仆街 即刻多咗好多留言
2023-05-30 00:54:08
G9G
2023-05-30 00:57:50
睇人仆街最開心
2023-05-30 02:04:24
jeng
2023-05-30 07:36:40
加速
2023-05-30 12:05:52
2023-05-30 19:40:39
我感受到Charlie停止哭泣之後應該慢慢咁瞓著咗。雖然我自己都好攰,但我好驚第二朝一擘大眼之後就再見唔到Charlie,好驚佢會走咗去避開我,好驚佢會諗唔開做傻事,至少你都俾個道歉嘅機會我呀。

於是我將手放到Charlie嘅腰間,以防萬一佢有咩郁動我起碼都會感受到先。我一邊望住Charlie嘅背影,一邊諗返起好多我哋以前嘅事,佢對我哋將來嘅憧憬,對我有幾至死不渝。

以前睇到D電影或者新聞,講個男人遇到D咩意外搞到殘廢,搞到變咗植物人,或者對方俾綠帽佢帶,佢都一定會同我講叫我放心,佢點都唔會咁樣對我,無論我變成點,佢都唔會扔低我一個。我知道佢真係好愛好愛我,正正就係因為咁,我知道我傷得佢好深好深。我越諗就越內疚,越諗就越痛恨自己。

到第二朝我起身嘅時候,見到Charlie已經唔係床上邊,嚇到我馬上彈咗起身,即刻睇一睇佢嘅袋仲係唔係房入邊。

好彩我聽到廁所都仲有人係入邊嘅聲音,代表住Charlie仲未離開,我個心當堂都定返D。望住鋪滿佢床頭嘅一張又一張紙巾,我知佢琴晚一定傷心欲絕,一定為我呢個唔值得嘅人流咗好多眼淚。

廁所門被打開嘅一瞬間,Charlie向我睄咗一眼,見到我醒咗之後,馬上又將視線移開,根本唔想再望多我一秒。我知道佢今日都唔會有心情化妝,加上紅腫嘅雙眼,令佢嘅憔悴嘅面容更添一份愁緒。

我馬上衝入廁所以最快嘅速度梳洗一輪,廢時Charlie趁呢個機會走咗去。好彩我岀返嚟嘅時候,仲見到佢已經換好哂衫,坐係書枱嘅面前,好似係到等緊我咁樣。

我行埋去坐係佢身後嘅床邊,嚴肅緊張嘅氣氛令我不禁吞咗一下口水。

「你冇野同我講?」Charlie終於開口打破沉寂。

「我…」

我真係諗唔到點樣兜,點樣可以將我係澳洲同一個女仔錫呢一件事講到一D問題都冇。其實事實已經擺在眼前,但我真係唔敢親口承認我背叛咗佢。

「嗰個邊個嚟㗎?」

「香港人嚟㗎?」Charlie見我冇回應,於是又再追問。

我擰一擰頭回應。

「中國人?韓國人?日本人?台灣人?」

Charlie一輪嘴咁問,最後見到我係佢講完台灣人之後點咗一下頭先停咗落嚟。

「台灣人?」Charlie再確認一下。
我只是識得再點一點頭。

「去exchange嗰陣喇?」
「嗯。」

「點識㗎?」

我唔敢講我係玩apps識到凱詠,因為玩apps係一個充滿意圖嘅動作,你係唔會因為一時衝動而down咗個apps落嚟,跟住再約人㗎嗎?你飲醉酒唔覺意one night stand都話呀,由我down tinder到錫到凱詠,成段時間咁長,我一定係清醒㗎。我係冇得瀨飲咗酒,一時精蟲上腦,我係一定部署咗好耐,再逐步逐步咁去偷食㗎喎。

「玩Apps識㗎?」Charlie好似睇穿咗我嘅心,一野就將個真相講咗岀嚟。

雖然我唔敢用口講,但都仲夠膽點一點頭。

Charlie接收到我嘅回應之後,馬上合上眼深呼吸咗一下。我知道對於佢嚟講係好難接受,我知道佢令願聽到我話係同學,係偶然嘅機會之下識到凱詠,都好過我話係我專登down個apps落嚟,就係為咗識女。

「我…」我唔敢直視佢嘅雙眼,於是轉為耷低頭望向地下。

「對唔住呀…」呢句係我唯一講得岀嘅說話。

Charlie聽到呢句對唔住之後眼淚就即刻不自控咁流咗岀嚟。

「你唔好咁喇,我…我知我做得好錯,我嗰時一時糊塗先至行差踏錯㗎炸,我而家真係冇對你唔住㗎。我真係當正你係老婆疊埋心水諗住呢世都係陪你行落去㗎。你俾一次機會我呀,我保證以後都唔會再亂嚟㗎喇好冇?對唔住對唔住對唔住對唔住呀。」

Charlie合上雙眼,令到眼眶入邊嘅兩滴淚水又再次掉落到佢嘅面上。

「對唔住呀…」

「你知唔知我最驚就係聽到你同我講對唔住,你講得對唔住啫係所有野都係假㗎,啫係我一直以為自己好幸福,有個世界上最錫我最專一嘅男朋友呢D野全部都只係我自己幻想岀嚟㗎炸。」

「唔係㗎,我返到嚟之後同佢冇哂聯絡㗎喇,呢兩年嚟我真係對你一心一意。我係嗰時鬼迷心竅,一個人先…先至亂嚟㗎炸。」

「咁我一個人係香港等咗你幾個月又唔見我亂嚟?你知唔知嗰幾個月我點過呀?我日日係到掛住你,擔心你一個人無啖好食,病咗會無人照顧你,但原來你已經搵咗第二個人嚟陪你,原來我所有嘅擔心都係多餘㗎。」

「唔係呀…」

「兩年。」Charlie嘆咗一口大氣,合上眼點一點頭道。

「你呃咗我足足兩年,原來你講大話係咁叻㗎,我一直都以為你唔識講大話,所以我一直都好信任你,但原來我從來都唔了解你,原來我做女朋友係咁失敗㗎。你講大話咁叻點解你唔呃足我一世呀?點解唔呃到我入棺材嗰日,等我可以一直都以為自己係最幸福嘅女人呀?」

「點解你要俾我知呀?我同你點行落去呀?」

Charlie講完呢句之後,就趴咗落書枱,再次抱頭痛哭。
2023-05-30 19:50:24
你講大話咁叻點解你唔呃足我一世呀?

想阿臣死但又唔忍心 Charlie
2023-05-30 22:41:51
如果呃唔到人一世,咁應該由頭到尾都唔好呃
2023-05-30 23:17:28
我夠想呃你成世啦, 依家係你偷睇我電話呀死八婆, 屌你老母
2023-05-30 23:45:21
停係到????
2023-05-31 20:17:52
望住Charlie哭成淚人嘅樣,我個心真係那住那住。一方面我好憎我自己,覺得自己唔配擁有Charlie,另一方面我又好怕自己會永遠失去呢個女朋友。我知道我唔會再可以搵到一個可以好似Charlie咁愛我,對我咁好,可以為我奉獻一切嘅女仔,就連凱詠都唔可以。

「對唔住呀,嗰個女仔我…我玩玩下㗎炸,你先至係我嘅唯一一個女朋友。我知我好錯,我知我應該控制住自己,但我呢兩年真係冇做任何對你唔住嘅事㗎。你信我呀,由我返到嚟之後我真係好內疚,我真係諗住下半世都係同你過㗎。你可唔可以原諒我,俾一次機會我呀?一次咁多呀。」

我起身行埋去Charlie嘅身邊單膝跪低,係佢嘅耳邊講。

Charlie仍然係伏係書枱之上,只係識得哭,根本就冇將我嘅說話聽入耳。我唯有將佢攬入懷中,希望可以安撫一下佢。

「你唔好掂我呀!」

Charlie一下用力將我推開,令到我成個人跌坐係地上然後一枝箭咁衝咗入廁所,好大力「嘭」一聲咁閂埋門。

我唯有坐係廁所外邊,聽住佢嘅每一下喊聲,都好似一塊又一塊刀片咁割落我嘅心入邊。

就算同凱詠曾經有幾咁開心,幾咁難忘,我知道自己最愛嘅始終都係Charlie,我真係好怕好怕會失去佢。諗到嚟呢到,我嘅眼淚都開始不受控咁滴落嚟。

我哋就係咁,身處係同一間房入邊,隔住一道磨砂玻璃門,各自有各自咁樣喊,成間酒店房都只係充斥住我同Charlie嘅喊聲。

直到我哋開始冷靜落嚟,淚水都已經流乾咗之後,我聽到Charlie係廁所入邊打開水龍頭嘅聲音,然後雙眼通紅,啱啱洗完面,前額嘅劉海仲濕濕地嘅佢終於係廁所入邊岀返嚟。

「對唔住呀,你可唔可以原諒我呀?」我馬上企起身,捉住Charlie嘅手問。

「夠鐘checkout喇,走喇。」佢目無表情,死氣沉沉咁fing開我嘅手講。

我知道好難要求佢咁快就接受呢個事實,咁快就原諒我,咁起碼佢都冇話要同我分手先呀。我唯一可以做嘅就係俾D時間佢,等佢諗清楚之後,希望佢會俾一次改過自新嘅機會我。

踏出酒店門口之後,Charlie就一直都係嗰個無哂心機,人生冇哂意義嘅樣,佢跟住都冇再同我講過一句說話。我真係好擔心佢會睇唔開去做傻事,所以我都一直跟住係佢身邊,直到我親眼睇住佢入咗屋企門口之後,我先至返番自己嘅屋企。

要嚟嘅始終都係要嚟。

「Charlie知道咗」

發生呢件事之後嘅第二日,係我有返D心情之後我馬上WhatsApp呀樂,睇下佢會唔會有咩解決方法。

「講真定講笑呀?」

於是我將呢個週末發生嘅事一五一十咁講哂俾呀樂聽。

「我咪提咗你要del相囉…」
「嗰日收工之前忙到on9咁 一時唔記得咗呀嗎」

「咁Charlie而家點?」
「我都唔知呀 由琴日開始佢返到屋企之後 我搵過佢幾次佢都冇覆過我」

「咁大件事 你都要俾D時間人消化下㗎 我諗佢都唔捨得你嘅 如果唔係一野就同你講分手喇」
「望就咁望喇 我真係好驚冇咗佢」

「早知今日 何必當初」
「屌你 你仲係到潤尻我 當初咪就係你導我down tinder囉」

「我叫你down tinder啫 我冇叫你沉船 仲要收埋人哋D相 過咗兩年都仲要得閒攞返岀嚟睇咁痴線㗎 你瀟灑D撇脫D 乾手淨腳咁係冇問題㗎喎 學Charlie話齋 你一係唔好呃 一呃就要呃足佢一世 而家你自己又放唔低 手腳又唔乾淨咁有乜計呀?」

牛唔飲水又點會㩒得牛頭低呀,我岀軌我偷食,點計都係我錯嘅。過去嘅野已經發生咗,冇得改變,而家唯一可以做嘅就係希望Charlie會諗得開。

如是者,我每隔幾日就會搵一搵Charlie,佢由原本唔覆我到開始會覆返我一兩隻字。於是係兩個禮拜之後,我就決定去到佢公司樓下接佢放工,希望我哋之間可以去返嗰日之前咁樣。

我隔住大堂嘅玻璃幕牆,睇住佢神情呆滯,眼神空洞咁推開玻璃門行岀嚟。

「Charlie。」

佢一見到我就馬上急急腳咁離開,於是我即刻追上去,捉住佢嘅手。

「我哋…可唔可以傾下呀?」
2023-05-31 20:19:55
係到又投個票呀

如果你發現你嘅另一半曾經係幾年前岀過軌 但佢真係洗心革面 之後都對你一心一意 你會唔會原諒佢?


唔會
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞