「J故台」《去一次exchange，令我變成一個壞咗嘅人》

野又搞唔成，我哋好快食完早餐之後就去到集合嘅地點上咗車。身邊嘅凱詠就繞住我嘅手，捱住我嘅膊頭休息一下。

「詠詠？」我睇下佢瞓着未。
「嗯？」
「其實台灣的女生覺得香港的男生怎麼樣？」

我隨便搵D野講下，亦都係滿足下自己嘅好奇心喇，都真係想知佢哋揀男朋友嘅時候會唔會揀返台仔先，定係會對港男有DD嘅幻想。

「香港的男生嗎？好像都比較溫柔比較gentleman，比台灣的男生好像都要細心一點。」
「但他們好像都很花心，就比台男壞的那樣，幸好寶寶你不是這樣的人。」

聽到呢到我除咗笑都唔知俾咩反應好喇。如果佢知道個真相，可能呢世都唔會再揀香港嘅男仔。

「那你們覺得台灣女生都怎樣？」

「台妹嗎？很會撒嬌很聽話吧，就怎麼說呢？就是『怎麼可以食兔兔』那種吧。」

「兔兔很可憐那個嗎？」
「大概是吧。」
「誰人會這樣說話，那些都是假的吧。」

「那還有了？」凱詠追問。
「還有…就是…」我吞吞吐吐咁，唔知應唔應該講岀嚟。

「甚麼了？」
「台灣女生的身材都比較好，可能是香港女生太差了吧。」
「台灣也有胸小的女生好嗎，你們看寫真看太多了吧。」
「我現在知道了，全部都是假的。」我望住凱詠，點一點頭講。

「吔！你甚麼意思？現在我沒胸嗎？我不聽話說話很粗魯嗎？你找死是吧？」佢扭一扭我嘅耳仔講。

「我甚麼都沒有說，就你告訴我以後我就知道了。你自己對號入座，我一直都覺得我女朋友是最好的囉。」我揞住啱啱俾人扭完嘅耳仔講。

「最好是這樣。」凱詠瞇起雙眼望住我。

「欸！這裏封路了嗎？」凱詠指住一條封咗嘅路問。

「對呀，今天跑馬拉『松』。」
「跑甚麼？」凱詠皺起眉頭望向我。

「馬拉『蟲』？Marathon，就是跑很長很長的那個。」
「哦！馬拉『鬆』！甚麼蟲呀！你這個『港仔』。」
「我剛剛就是說『鬆』呀！」

由識Rachel開始到而家嘅凱詠，我諗我嚟exchange之後講普通話仲多過講英文。我真係有D擔心返到去俾人發現我去完澳洲之後英文冇好到，反而普通話好咗。

其實由凱詠第一日嚟到之後，我哋去邊到食D咩真係唔係咁重要，最重要就係可以見下大家，有對方係身邊陪伴住自己已經好開心。明明呢D對一般情侶嚟講平常不過嘅事，係我哋之間都係一種奢侈。除咗我哋本身就係long D之外，我嘅真面目亦都係隨時隨地可以被揭穿。

我同凱詠呢段關係入邊，終結就好似死亡咁，可以毫無徵兆就來臨。上一秒可以仲好幸福好sweet，下一秒可能一個電話，一個message，一張相甚至我講錯一句說話而終結。

你永遠都唔會知邊次係我哋最後一次擁抱，幾時係我哋最後一次親吻，可能今朝我已經錯過咗我哋最後一次嘅性行為，所以由凱詠話會嚟探我開始，我已經提醒住自己要好好咁珍惜同佢一齊嘅每分每秒。

如果齋講景色嘅話，個人覺得十二門徒會比Blue mountain靚D，呢到最特別嘅就係佢有一條號稱全世界最斜嘅鐵路，由礦車改造成而家俾遊客玩樂嘅設施。

就好似我頭先所講，呢D其實都唔重要，最重要就係好好享受有凱詠係身邊嘅時光。佢一貫鍾意影相嘅作風，捉住我係好多唔同嘅地方影咗好多張相。

雖然我唔知呢D相最後嘅下場係點，可能會一野就俾我del哂，好似從來都冇係我電話岀現過咁，但呢個已經係留低我哋最開心最甜蜜，凱詠最無知嘅時刻最好嘅方法。

我哋行完導遊推介嘅路線之後，最後停係一個視野非常廣闊，可以望哂成個Blue mountain嘅石壆坐低。

我望住前邊嘅風景，凱詠就用背脊捱住我打側咁坐，雙腳曲起放係石壆之上。

「寶寶呀？」凱詠搖一搖我放係佢腰間，攬住佢嘅左手叫我。

「怎麼了？」
「我感覺能在澳洲最後的幾個月認識到你好神奇，從來都沒有想過這次working holiday可以有這樣的結局，謝謝你呀。」

「傻瓜，我們之間要這麼客氣嗎？」我輕吻一下凱詠嘅頭頂回應。

「還是想親口說一次，謝謝你這麼疼我，對我這麼好。」

「這個應該是我說吧，你又煮飯又煮早餐又幫我省錢，對我好疼我的人是你才對。」

我好清楚無論我對凱詠點好點錫佢，都無辦法彌補我做過嘅錯事。每次聽到佢讚我，其實都係對我良心嘅一次責備。

但凱詠係叫開寶寶 突然叫BB唔知佢會唔會覺得奇怪

唔會係同一個人呀嗎

估唔到有人有咁相似嘅經歷 仲唔止一個

唔會我唔係exchange

支那妹同台灣妹都好易食

係港女吊高嚟賣

係港女擇偶小心

真！

但最後味又係揀D fuckboy playboy

對毒撚就好小心

對住你咪小心
港女係睇人

佢哋真係好小心

一係有錢一係靚仔

竟然live咗 真係太好睇 有冇甜都係咁甜
尤其是喺外國讀緊書真係特別有feel

終於唔係啲同一套路嘅甜故

Lm

認同

咁講真台妹日本妹咪又係咁

真本身入嚟係為咗睇甜故
點知原來真係好甜

多謝樓上嘅支持

希望兩隻甜都可以帶到俾大家喇！

都真

Your face your fate

Yes this

留名

男主肯定勁靚仔

而家仲甜過扑嘢位

我忍唔住依附係佢嘅頭上嘆咗一下大氣，對佢嘅無知，對佢唔清楚自己頭先講嘅野有幾錯概嘆一下。

「我回去以後你會想念我嗎？」
「當然會了，超級想！」

一諗起凱詠過幾日又要離開我，我就好唔捨得佢，好想時間走得慢D。右手亦都不自禁咁放到佢身上，緊緊咁攬住佢。

「那我們下次再見會在那裏呢？澳洲？香港？還是台灣？」

原本呢幾日咁開心我仲可以暫時將呢個煩惱拋諸腦後，偏偏凱詠咁問，令到我哋將來嘅呢個問題重新浮現係我嘅腦海之中。

我越愛佢越唔捨得佢，我就越要諗到一個最完美嘅解決方法去settle好兩邊，無論我最後嘅決定係點都好，都唔可以傷害任何一方。

唔好話幾個月之後嘅事，我同凱詠聽日會點我都唔知，我又點會識答佢呢個問題呢？

「唉，我亦不知道呀。」我深呼吸一下回答。
「你要答應我，無論是在那裏，你也要來找我，再跟我見面哦。」

凱詠擰轉頭，向我遞岀手指尾講。

我馬上收起苦惱嘅表情，臉上掛起一個虛假嘅微笑。

「當然了！」我將手指尾勾上。

我深知其實我未必能夠兌現自己嘅承諾，但佢咁樣叫到，我點樣唔應承佢啫。同Charlie一樣，我同樣地對凱詠許下一個自己未必做到嘅諾言。

凱詠滿心歡喜咁望返住前面，欣賞一下呢到嘅風景。我望住佢咁開心嘅樣，真係唔敢想像自己有一日會令呢個曾經因為我而感到幸福，感到快樂嘅女仔同樣因為我而喊嘅場景。

我好怕好怕呢一日會來臨。

我望住好藍嘅天，好白嘅雲，好綠嘅山，將懷中嘅凱詠再攬實一D，好好咁珍惜一下仲有佢係身邊嘅時刻。

夕陽無限好，只是近黃昏。

太陽已經由我哋啱啱嚟到嘅時候係正頭頂，慢慢開始俾山峯遮住。藍天亦都慢慢俾一片紅霞覆蓋，我就係咁攬住最靚嘅人，望住最靚嘅日落，諗住最難解決嘅問題。

到底我應該點做？我係咪點都要係兩個之中揀一個？係咪真係冇其他解決辦法？

到最後因為夠鐘要上旅遊巴嘅關係，我哋都冇完完整整咁睇完成個日落，就要離開呢個我對佢又愛又恨，想回味又唔想記起嘅地方。

頭三日我哋都差唔多去哂凱詠想去嘅地方，想食嘅餐廳。淨返落嚟嘅呢三日，大家都冇話好想去邊到，一定要岀街，反而只係簡簡單單咁係屋企睇下戲，煮下飯仔，行下supermarket。

我同凱詠係呢六日入邊，由係機場初初仲有少少尷尬，對對方嘅印象又有少少模糊，到而家好似人哋拍咗拖好多年嘅情侶咁樣享受一下同居生活。

幾日之間變到好似過咗幾年時間咁樣嘅感覺真係好神奇。講真，Melbourne去Sydney去六日聽落好似有D多，但對於我哋嚟講絕對唔係。我每一日都好想抱緊身邊嘅佢，好唔想時間流走，好想我哋可以正常情侶咁成個instagram都係同對方嘅合照，但我知呢一切都冇可能。

如果我可以係唔同嘅時間點遇上佢哋，你話係幾咁美好呢？

我同凱詠坐係梳化上邊睇住啱啱睇完嘅《鐵達尼號》片尾，雖然呢套戲我睇過N次，每次都淨係想睇佢畫畫嗰一幕，但今日同就嚟要離別嘅凱詠一齊睇，又多咗幾份愁緒。

其實我成日都係到諗，呢個故事咁震撼，套戲咁收得，就係因為男主角最後死咗啫，咁樣先令佢哋嘅人生好似永遠都有個彌補唔到嘅缺憾。

同好多童話故事一樣，佢哋唔會話你知公主嫁咗俾王子之後嘅生活會係點。如果佢哋係一齊生還，可能當初個份熱戀慢慢就會消失，開始察覺到對方嘅缺點，最後甚至冇一個開心嘅結局，雙方不歡而散，大家成為對方最討厭嘅人。

或者失去對方先係呢段感情最好嘅結局，令呀Rose一世都對呢個人念念不忘，係腦海之中呀Jack永遠都係最完美，毫無瑕疵嘅男人。

腦海中永遠都係1997年嘅里安納度，唔駛睇住佢變成中年大肥佬。

「寶寶？」
「怎麼了？」我耷低頭望下係我懷中嘅凱詠回應。

「我明天就要離開你，不知道甚麼時候才能再見到你了。」

我將佢嘅頭抬起，打算好好再望下即將要同我離別嘅呢個女仔。

「哎呦，怎麼了？」我俾雙眼通紅嘅凱詠嚇親。

「不要哭了，傻瓜。」我一邊用手指公抹走佢面上嘅淚珠一邊講。

「我真的好想念你呀，我可以不回去嗎？」
「如果可以，難道我不想嗎？不要哭了，看到你這個樣子我心也痛了。」

見到凱詠因為要同我分開都喊成咁嘅樣，我自己都好肉痛。不禁又令我諗起如果有一日佢知道咗真相之後又會點呢？

今次就話我咩都做唔到，係我能力範圍以外啫，如果下次係我一手一腳令到佢痛哭，一下子打破佢以為自己好幸福嘅幻象，我真係原諒唔到自己。