「J故台」《去一次exchange，令我變成一個壞咗嘅人》

據呀樂講呢 佢嗰分身係block咗佢女朋友甚至佢女朋友D朋友嘅

咁所以無論佢條女點搵都唔會搵到呀樂個假IG岀嚟嘅

我本人就唔知係咪block咗就點都搵唔到喇 有經驗嘅可以指證一下

第二日，我如常咁同凱詠係市中心拍下拖，食下野，周圍咁行下。其實去邊都已經唔再重要喇，我哋只係想見多D，感受下身邊有對方嘅陪伴，好好珍惜我係Melbourne嘅最後一日。始終我返咗去之後，我哋就唔知幾時會有機會再見。

我哋食完晚飯之後，凱詠就拖住我，帶我去到一個普通嘅公園入邊。

「來，你站在這裏，我幫你拍照。」佢將我放係公園嘅草皮上，然後自己，向後行幾步。

「你試一下看著左邊，不要看鏡頭，右腳曲着放在左腳前，然後雙手放進口袋裏。」

凱詠一邊揸住電話一邊指導係鏡頭前極度生硬嘅我。

「這樣挺好的。」
「你看，我把你拍得多帥！」佢向我行過嚟，遞上佢電話入邊嘅作品。

「我本來就帥呀，你怎麼拍我都帥的。」我望住啱啱佢幫我影嘅相講。
「吔！你這個自戀狂！」凱詠拍打我嘅心口一下。

「我不帥嗎？你男朋友我不帥嗎？吓？吓？」我用雙手夾住佢嘅面，然後慢慢將頭哄埋去問。

「你呀？麻麻哋喇靚仔！」凱詠用唔咸唔淡嘅廣東話回答。

「你就麻麻哋！」我用力擠壓一下佢面上嘅肉，然後錫落佢俾我整到嘟起咗嘅嘴。

其實我哋已經行到冇乜地方好去㗎喇，但又唔捨得返屋企喎，因為大家都想見多對方一陣，於是我就拖住凱詠坐低係公園嘅一張長櫈。

墨爾本10月嘅晚上雖然唔係話天寒地凍，但有D風吹過嘅時候都有幾分寒意。我見凱詠坐低之後成日都磨擦雙手，又向掌心吹氣，於是我就將身上嘅褸除咗落嚟，笠係佢嘅身上。

「欸，不用了，你不冷嗎？」
「我還好了，你看你不停的擦雙手，你蓋着吧。」

「你的手都冰的，還說不冷？」凱詠摸一摸我嘅手道。
「沒事了，我本來就這樣，我可以的。」

呢D時候就嚟變雪條都要死頂喇，而且我又唔係真係好凍嘅，係有少少涼啫。

「不可以，你冷病了怎麼辦？」
「不會了，我真的可以。」
「不要，我不要」
「那這樣吧，你抱着我吧。」

我將大褸冚係我哋重疊嘅身上。

「這樣可以了吧！」我道。
「快把手放進來呀。」

凱詠捉住我嘅雙手放入大褸之內，然後不停用自己嘅手磨擦佢哋取暖。我望住眼前呢個咁緊張我嘅女仔，心入邊難免感覺到有D甜蜜，但同時又有一點嘅罪疚感。

「傻瓜。」

我輕吻凱詠嘅額頭回應佢嘅好意。

「詠詠。」我用普通話叫我懷中嘅佢。
「甚麼『嗡嗡』？」凱詠皺住眉抬起頭望向我。
「你呀，你不是『嗡嗡』嗎？」
「不要這樣叫我！像昆蟲的叫聲一樣！」

「從來都沒有人這樣叫我的！」凱詠補充。
「就是這樣才特別呀，只有我才會這樣叫你，我想了很久才想到的！」
「我不要！很難聽呀！」
「那我應該怎麼叫你呀？」

「寶寶呀，我都是叫你寶寶的。」
「全部情侶都是這樣叫對方就不特別了吧，詠詠這樣多麼獨特，一聽就知道是我叫你了。」

「不要，你這樣叫我我不會理你的。」
「『嗡嗡』『嗡嗡』『嗡嗡』『嗡嗡』」我一邊講一邊哄埋去凱詠嘅耳仔到。

「吔！你好煩呀！」凱詠笑又唔係嬲又唔係咁推開我嘅頭。

「詠詠呀，我回去以後你會想念我嗎？」
「當然了，你呢？」凱詠已經欣然接受咗呢個暱稱。

「十分想，超級想，天天想，所以你會來Sydney找我嗎？」
「你現在是在邀請我來嗎？」
「Er…可能是吧。」我矇起雙眼，笑笑口，扮到唔係好在意咁回答。

「你邀請我我就來呀。」
「我請你，我求你來吧，我真的會很想你的。」
「好了，我明天上班看看甚麼時候能放假再告訴你吧。」
「Yeah！」

「寶寶呀？」凱詠叫我。
「怎麼了？」
「來，我們拍張照，讓我想念你的時候可以看呀。」

我將頭拍埋去凱詠到，望住佢高舉嘅電話，好似普通情侶咁自拍一張。

「再來呀。」佢睇一睇啱啱影完嗰張相，然後又重新拎起電話講。

原來女人所謂嘅影張相，係指每個pose都要影至少一張相。凱詠每影完一張，都好自然咁轉換不同嘅pose，單眼，伸脷，用手遮面，整下衰樣，嗡下個鼻。

佢速度之快令我完全跟唔上，淨係識on99咁微微笑。之後我醒目喇，每次見到凱詠做咩樣，我就跟住佢做算喇，因為我根本就諗唔到咁多表情。

凱詠突然錫落我嘅面到，又影咗一張相。於是係下一張我又錫返佢一啖，再下一張就留低咗我哋接吻時嘅倩影。

最後嗰晚我哋影咗冇一百都肯定有幾十張相，望住凱詠係到睇緊我哋頭先影嘅相，面上流露住幸福甜蜜嘅笑容。我覺得好窩心，但同時又好擔心，因為我知道自己真係愛上咗呢個女仔。

我知道我對佢再唔係純粹因為佢靚咁簡單，亦都唔係淨係咸濕想搞佢呢D咁膚淺嘅野。今晚我哋好簡單咁係公園坐低，傾下計，影下相，攬下錫下，感受下對方嘅存在同陪伴。我覺得好開心好幸福呀，明明我哋已經坐咗幾個鐘，但我都仲係覺得時間過得好快，甚至有想時間永遠停留係呢一刻嘅感覺。

佢同Rachel俾我完全係兩種感覺，我開始會唔捨得佢會掛住佢，就算我哋唔上床，我淨係想佢係我身邊都已經覺得好滿足。我開始諗點樣可以令我哋嘅關係昇華，開始擔心失去佢，開始諗下我哋嘅將來。

但我哋會有咩將來呀？

甜呢？？？？

甜呢？？？？

冷靜D呀巴打 雖然呀臣係咸濕 但都未至於會大庭廣眾擒咗人嘅

十月嘅澳洲唔係春/夏天咩

渣下波仔都無？

未咁快到夏天

據呀臣所講 Melbourne日夜溫差比較大 十月都仲係會得十度多少少 加上嗰日係公園吹風 所以都幾寒下

熟悉澳洲嘅巴絲可以補充下 我都係照呀臣所講嘅打㗎炸

呀臣表示唔敢第一日拍拖就係公眾場合揸人對波

多情種子

一腳搭兩船衰過就咁偷食

真呀 動色心都仲可以話衰咸濕 一時衝動 抵受唔住誘惑

動埋情就係咁先喇

我哋呢段姊弟LongD不倫戀，學咩人講將來啫？我哋甚至下個月都唔知過唔過到喇。諗到呢到，我又再一次將倚附係我身上嘅凱詠緊緊咁抱實，因為我永遠都唔會知幾時就係最後一次。

「你只顧自己看都不send給我，那我想念你的時候怎麼辦呢？」
「把你的電話拿來呀。」

凱詠將頭先影嘅相Airdrop哂俾我，我睇住螢光幕一下子俾我哋嘅樣貌填滿咗，碌咗幾下都仍然係我哋嘅相。

「好吧，已經很晚了，你明天還要上班，我又要坐飛機，我們回去吧。」
「但人家還是很想跟你在一起。」凱詠扁住嘴講。
「唉，難道我不是嗎？」

「讓我送你回家呀，今天你不會再拒絕我了吧？」
「好！」

凱詠拖住我走岀呢個留俾我咁美好回憶嘅公園，向住佢屋企進發。到咗而家，我仍然覺得嗰一晚係我人生中最難忘，最開心嘅其中一晚。

嗰種簡單，pure，純愛嘅感覺，兩個人係埋一齊又唔駛做D咩好刺激嘅事，只係陪伴住對方，好深刻，好幸福嘅feel真係唔係咁容易搵到。

當你越唔捨得，越唔想時間流走，佢只會走得更快。好快我哋已經返到凱詠屋企樓下，而佢亦都只係同包租公分租一間房，所以我可以去到最接近佢屋企嘅地方就係呢一到。

我哋就咁企係佢屋企樓下，手拖住手係到fing fing下，冇人敢出聲話要離開，因為大家都唔捨得大家。

我將凱詠拉埋嚟我嘅身邊，緊緊咁抱實佢，好好咁記住今晚，記住佢身上嘅氣味，記住攬住佢嘅感覺。

「我陪你等車好嗎？」凱詠係我膊頭上講。
「嗯！」

我諗冇乜人會鍾意等車嘅時間，而我都唔例外，但今日我竟然不停係心入面祈求架車可以遲D先到，為嘅就係可以見多凱詠一秒得一秒。

「車來了。」

當然架車始終都係會嚟嘅，我望住係遠處慢慢向我哋嘅方向嚟嘅車同凱詠講。

佢一個箭步踏前，緊緊咁箍住我嘅腰間。我亦都將手放喺佢嘅頭上，盡我所能咁安慰一下佢。

「好了 我真的要走了。」

我要搭嘅車已經去到我哋嘅面前，準備開門。凱詠慢慢咁鬆開手，抬起頭望向我。我將手放到佢嘅下巴，同佢嚟一個深情嘅吻別。因為今日一別，真係唔知幾時先可以再見到佢，甚至可能永遠都冇機會。

「ByeBye。」

我同凱詠道別之後，就慢慢離佢而去，向住車嘅方向離開。

我上到車回頭一望仍然見到企係原地嘅佢，向住我揮手。於是我都一直企係門口嘅位置，望多凱詠兩眼，直到開車之後，佢慢慢消失係我嘅視線範圍之內。

淨返我一個人之後，我打開電話嘅相簿重新將我哋頭先嘅合照回味一下。碌過一張又一張相，最後停留係我哋接吻嘅畫面。

需知道你要向住對方瞇埋眼唔望鏡頭咁錫，又要影得好睇係一件好難嘅事，所以我哋都NG咗好多次先有呢張滿意嘅作品。唔知俾Charlie見到佢會點呢？

「點解你要咁對我呀？」

我連想像都唔敢想像，我唔敢諗自己將一個咁愛我，對我咁好嘅人hurt到咁盡，佢係我面前喊到崩潰嘅樣，諗下我都覺得心痛，諗下我都覺得自己好仆街，但所有野都已經返唔到轉頭喇。

以下開放呀臣咒罵區

阿臣你條粉腸，做乜唔畀機會樓主加甜

說好的專一主義呢

阿臣一早都破咗功啦，重講乜專一

終於追完lm支持 寫得好好!!

多謝支持

想帶台妹甜

傳說中嘅服務

charile真係好慘

凱詠都好慘

得呀臣一個係到風流快活

你啱
希望佢受到應得嘅懲罰

罰阿臣迫樓主出多更

咁係罰我多D喎