「J故台」《去一次exchange,令我變成一個壞咗嘅人》

695 回覆
221 Like 5 Dislike
2023-04-22 07:29:41
lm
2023-04-22 09:07:08
呀臣憑咩做幸福賓周,一諗到遲啲會穿煲傷晒兩個好女仔嘅心就唔想睇落去
2023-04-22 10:54:22
憑夠無恥去講大話去欺騙人嘅感情
2023-04-22 16:22:11
澳洲留學撚表示好有代入感 雖然以我嘅顏值呢d野絕對唔會發生喺我身上
2023-04-22 16:36:21
2023-04-22 20:42:12
2023-04-22 20:42:37
多謝支持
2023-04-22 21:03:07
我㩒返岀去相簿嘅版面,望住我同凱詠不同嘅合照滿佈成個螢光幕。一行又一行嘅相反映住我哋當時有幾甜蜜,但你哋都知道,越甜蜜就越內疚,越sweet你就會越驚大話被拆穿嘅一刻會帶嚟嘅後果。

我cap低呢個畫面,send咗俾呀樂睇。

「仆街喇 我覺得自己真係沉船喇」

我從來冇諗過我會係Tinder上搵到一個令自己咁深刻,感覺咁強烈嘅女仔。我同Charlie兩年嘅感情咁輕易就被呢個見咗幾日嘅女仔挑戰到。

到底一個人可唔可以同時愛兩個人呢?我覺得可以,至少我得。

00:41
10月16日
Line: 凱詠傳送你一個新訊息


「寶寶 你現在已經有女朋友了 所以不可以再玩那些交友App囉 你會乖乖把它刪掉嗎?不要偷偷的在用呀」
「當然了!我有這樣好的女朋友還要交友嗎?已經把它刪掉了」

雖然前面好假,但至少後面係真嘅,嗰日之後我已經即刻del咗Tinder。講真,仲衰唔夠咩?仲敢再搞搞陣咩?就算凱詠唔講我都唔會再玩喇。

要呃兩個人已經夠煩,你估我真係時間管理大師咩。係陪住凱詠嘅呢幾個鐘我又唔覆得Charlie,又驚佢懷疑,又驚佢打嚟,又驚凱詠會發現,又要諗藉口解釋俾Charlie聽。你而家再送多個女朋友俾我我都唔敢要喇,仲要Tinder托咩。

「那你也不可以再用哦」我續道。
「我已經刪了!」

「怎麼辦了?才剛分開不久 我已經很想念你了」凱詠續道。

「明天快點回去拿假期 然後來Sydney找我呀」
「很期待跟寶寶再在一起!」

「對了 你的家可以住嗎?」
「可以呀 我都一個人住 分半張床給你也不是不行的」
「誰跟你一張床!你自己睡沙發吧」
「沒有 我家沒有沙發的 椅子也沒有 只有一張床」

「信你才怪!你當我白癡嗎?」
「真的 我家甚麼都沒有 只有一張床」
「騙人!」

00:41
10月16日
WhatsApp: 呀樂傳送你一個新訊息



「嘩屌 你睇下你個樣淫蕩到」

呀樂圈起其中一張凱詠錫落我塊面到,然後我向住鏡頭單眼伸脷嘅相。

「痴線 都唔知幾撚正經」
「係囉 好正經咁想食咗人囉 今晚玩得好開心喇」
「都幾嘅」

「但越開心就驚…」

呀樂再send咗一張圖嚟,係凱詠IG story嘅cap圖。我即刻打開instagram睇下佢最新嘅update。

係頭先一開始佢幫我影,教我點擺pose嘅嗰張相。相上邊寫住「Safe flight I will miss you so much」。

如果作為一個正常嘅男朋友,見到自己女朋友咁快肯定自己嘅地位,將自己公開俾人知當然會好開心喇。問題係我唔係一個普通嘅男朋友呀嗎,我見到佢post我都會開心,都會sweet,但同時我都會問自己我又可以為佢做D咩呢?

我都好想話俾人知佢係我女朋友,俾返個地位佢,但我梗係唔可以post喇,我甚至係個假嘅instagram岀個story都唔敢。

雖然嗰到全部都係一D我比較friend嘅friend,但佢哋個個都知我同Charlie嘅事,我點同幾十人講我而家一腳搭兩船呀?

「仆街喇 佢好似真係越嚟越鍾意我」我回覆呀樂嘅cap圖。

「你想佢唔鍾意你?」
「我唔係咁嘅意思…只係我驚佢越鍾意我 到有一日發現我係一個點嘅人 佢會越傷心啫」

「你咪日日諗埋D衰野喇 你成日驚呢樣驚個樣遲早穿煲喇 而家咁樣三個人都開心有咩問題啫?你處理得好D咪得囉」
「我就係驚我處理得唔好…」

係D咁嘅關係之中,所有野都好矛盾。我好想佢鍾意我,但佢越鍾意我,我就越驚。我好想同佢好sweet,但越sweet我又越擔心。我好想佢對我好,但佢對我越好,我就越內疚。

到底呢壇嘢會點收科?可以點收科呢?

返到Sydney之後,我估Rachel嘅男朋友已經離開咗澳洲,我又開始收到佢嘅WhatsApp。雖然佢唔係同我傾D咩野,都係普通寒暄幾句,但我已經冇呢個心力去應付佢喇。

我嘅感情狀況已經夠複雜,我真係唔想再節外生枝,所以我慢慢都開始疏遠Rachel。而佢可能都feel到我變得唔同咗,漸漸地就冇再搵我喇。

我哋就係咁變返普通同學嘅關係,係學校見到都仲會say下hi bye嘅,不過就係咁多。
2023-04-23 06:31:01
男主角第二個ac做咩加返本來啲朋友
2023-04-23 11:53:30
因為完全冇followers會好假 所以咪係咁意follow返d比較friend嘅朋友 扮到好似開個private ac咁囉
2023-04-23 19:29:35
自己一個係Sydney嘅呢段時間,我都不停keep住同我兩個女朋友聯絡,無論係message定FaceTime都好。

雖然我都好掛住佢哋兩個,但得自己一個人嘅時候,比較輕鬆嘅係我唔駛成日擔心自己會唔會露岀D咩馬腳,會唔會俾人check電話,唔駛成日驚驚青青咁辛苦,叫做可以俾我喘息一下。

13:26
10月19日
Line: 凱詠傳送你一個新訊息



「寶寶!」
「怎麼了?想念我嗎?」
「這個是當然的」

「但我還有一個好消息告訴你!」凱詠續道。
「是甚麼呢?」
「我已經拿了下個月6日到11日的假期 今晚就回去買機票來找你囉」
「真的假的?」

「當然是真了 你想見到我嗎?」
「超級想!那你有甚麼地方想去嗎?」
「都沒甚麼特別 只要跟你在一起 待在家也可以」
「傻瓜」

係等待凱詠蒞臨嘅呢段日子,我都做咗幾樣準備功夫。希望可以俾一段完美,無瑕疵,無破綻,無唔開心嘅回憶俾佢。

第一,當然係睇下有咩餐廳同景點等佢嚟到可以帶佢周圍去下喇。

最後我搵咗個上次同佢去睇十二門徒石差唔多嘅day tour,不過今次就係去blue mountain睇three sisters。我相信都有唔少人唔知係咩野嚟嘅,其實都係郊外嘅山水石頭喇,澳洲來來去去都係嗰幾味㗎炸。

第二,我幫屋企嚟咗次深層大清潔,由床單被鋪,掃地拖地到洗廁所我都做齊哂。咁有人嚟你屋企,清潔下抹下屋都係好正常嘅事啫,冇理由亂葬崗咁招呼人㗎。

第二個原因就係我要將Rachel曾經係到瞓過嘅痕跡完全洗走,確保床上地上廁所都唔會有一條長頭髮。如果唔係,凱詠執起走嚟問我,我真係唔知點答佢。我甚至連廁所去水位隔咗岀嚟嘅頭髮都清走埋,因為呢到應該係最多長頭髮留低嘅地方。

最後,我將所有同Charlie有關嘅野鎖哂係嗰喼入邊。相喇,我臨走之前佢寫俾我嘅信同埋佢送咗個細細個嘅公仔俾我陪我嚟exchange。咁一個行李喼上邊有個鎖鎖住,都係一件好合理嘅事啫,起碼可以肯定凱詠唔會摷到呢D野先。

第三,作為一個負責任嘅男人,有個套傍下身都好基本嘅。其實我諗咗好耐到底要唔要買呢?話哂我同佢都唔係一齊咗好耐,我又唔知佢對性呢樣野係又幾開放,萬一俾佢知我一早就準備定,佢會唔會覺得我係咸濕變態佬?

會唔會覺得我部署咁耐就係為咗食佢隻豬呢?我知你哋班仆街諗咩㗎,但我真係唔係!

但六日喎,六日瞓係同一張床喎!如果咁都唔搞,一係佢太冇吸引力,一係我性無能㗎啫。基於兩樣都唔係事實,我都係覺得準備定都冇壞嘅。最多學呀樂咁講,就算今次唔用,Charlie嚟到都要用㗎喇,買定嚟看門口啫,好過想用個陣又冇得用呀。

我打開床頭櫃望住上次同Rachel用剩嘅份量,點諗都諗唔到一個合理嘅藉口去解釋我屋企冇喇喇點會有一盒開過嘅安全套。我知扔咗佢係好嘥,但無謂為咗慳個少少錢而令凱詠誤會喇。

於是我處理咗嗰盒condom之後,重新買過一盒,仲要專登唔拆個包裝咁放返入床頭櫃入邊。

最後一樣野就係時間管理嘅問題喇,六日同凱詠廿四小時咁痴埋一齊,我應該點樣安置Charlie呢?我一定冇乜時間覆佢㗎喇,FaceTime基本上係冇可能添,點樣先可以令佢唔起疑心呢?

我決定將嚟緊呢幾日嘅schedule同Charlie講到有咁忙得咁忙,總知要說服到佢我呢幾日係忙到唔會有時間覆佢同埋同佢FaceTime,等佢起碼有個心理準備先。
2023-04-23 23:50:21
又追到live 想快啲睇吓阿臣點收科
2023-04-24 14:26:38
2023-04-24 20:32:22

17:19
11月5日
沒有新的通知



今日係凱詠嚟之前嘅最後一日,我梗係把握機會做好時間管理,好好咁同Charlie FaceTime埋今日,減低佢起疑心嘅可能性。

「唉,諗起嚟緊呢幾日就煩。」
「做咩事呀B?」
「D project mate好煩呀,又話一定要見面傾,一定要逐樣逐樣執到正。嚟exchange啫,求其pass咗有野交味算囉。」

「啫係你聽日要去傾project呀?」
「咩聽日呀,嚟緊幾日都要喇。又要溫下mid term之後個業主又話有人上嚟整野,煩都煩死。」
「整咩呀?」

「一日話整廁所,一日話整冷氣喎。咁我又邊到都唔去得,淨係可以坐係屋企睇住佢哋整野。」

「唉,總知嚟緊呢幾日有排搞喇,都唔知有冇時間可以咁樣同你FaceTime傾下計。」
「咁點算呀?我會好掛住你㗎。」

「都冇計喇,我都好掛住你呀。最多我哋今日傾耐D之後我一有時間我就會打俾你㗎喇。」
「好喇,我會乖乖哋等你電話㗎喇!」

我終於知咩叫擘大眼講大話,我開始由初初每次呃完Charlie之後都會好內疚,覺得自己好衰變到而家已經冇乜感覺喇。

可能當一樣不停重複重複又重複,無論係幾錯幾癲幾荒謬嘅事,人類都會慢慢習慣。我唔係話唔知自己錯自己衰呀,而係我會問自己「係,我係呃佢呀,咁我可以點啫?」

唔通我講個真相俾佢聽?話佢知除咗佢我仲有第二個?話佢知我從來都冇安份守己經常岀去搞三搞四?定係同凱詠講我良心發現喇,聽朝唔好去機場唔好嚟呀咁樣?

我只可以繼續呃佢哋,由第一個大話開始,已經注定冇得返轉頭㗎喇。

03:04
11月6日
Line: 凱詠傳送你一個新訊息



「早呀寶寶 我在家準備岀發去機場了」
「你會很累嗎?」
「哎喲!你怎麼還沒睡?一會怎麼有精神來機場接我」
「我睡了 只是剛好去廁所醒來看到你的信息」

呢個當然唔係事實喇,邊有咁多咁啱呀。我一諗到聽日佢會嚟就成晚都唔係幾瞓得著,唔知我哋會做D咩呢?唔知盒安全套會唔會用得著呢?唔知會唔會穿煲呢?

「好了 快點去睡!不然你明天沒精神了」
「你也是呀」
「我會在飛機上休息 你也快點去睡!」
「好了好了 明早見」
「一會見囉 有甚麼新消息我會通知你的」

第二日一早我就起身gel頭換衫岀發去到機場,差唔多八點鐘我就到咗接機嘅地方等凱詠岀嚟。

07:56
11月6日
Line: 凱詠傳送你一個新訊息



「剛下機囉 很快就可以見到寶寶了」
「我也剛到了 你一岀來就可以見到我 等不及了!」

覆完凱詠之後,我亦都不忘安撫一下我另一個女朋友。等Charlie有個心理準備,我嚟緊都會冇乜時間去覆佢。

「唉 晨咁早就要返去傾project 班友都癲㗎」

Send完呢個message之後,我就將同Charlie嘅對話archive同mute咗,以防凱詠用我嘅電話嗰陣,會有D唔想見到嘅message彈岀嚟。

大約過多十分鐘,我就見到凱詠拖住一個Hand carry嘅喼,係禁區入邊行岀嚟。

佢急步向我嘅方向衝過嚟,然後張開雙手,緊緊咁將我攬實。

「寶寶,終於可以見到你了,你知道我有多想你嗎?」佢依附係我嘅膊頭上,係我耳邊講。

「難道我不是嗎?」我亦都用一隻手將佢攬住,另一隻手來回撫摸佢背後嘅長髮安慰一下佢。

我哋就係咁係機場緊緊咁攬住對方成分鐘,好似要將冇見冇得攬嘅日子都攬返夠本為止,先慢慢鬆開手,睇下對方嘅容貌。

講真,我同佢見咗三日,分開咗三個禮拜。凱詠嘅樣係我腦海中其實一日比一日模糊,我都好好趁住呢個機會,refresh一下我對佢嘅記憶。

「你看你,是不是很累呀?」我用手摸一摸佢化上淡妝,略帶倦容嘅面問。

凱詠見我一直望實佢,含羞答答咁擰一擰頭回應。

望住佢因為怕醜而搞到塊面紅卜卜,咁可愛嘅樣,我又忍唔住抬起佢嘅頭錫咗佢嘅嘴一下。

凱詠亦都將雙手放到去我嘅頸後,將我呢個吻延續落去。同頭先一樣,好似要將呢段冇得錫嘅日子都好好補償返先捨得放手。

「該不會是我看起來太醜,你才問我累不累吧?」

係我哋放開嘴嘅一瞬間,鼻頭仍然係掂住對方鼻頭咁sweet緊嘅時候,凱詠突然問我。

「當然不是了,我的『詠詠』永遠都這麼漂亮的。」
「吔!你是不是三個星期不見我,一見我就要氣我了!都說了不準這樣叫我!」

凱詠馬上鬆開雙手,打破我哋甜蜜嘅時刻,然後大力咁打落我嘅身上一下。

「不是了不是了,快走吧。」

我伸手去幫凱詠拖佢嘅喼,另一隻手拖住佢帶佢離開機場。

凱詠將另一隻手都繞住我,捱係我嘅膊頭上邊,變返好sweet嘅我哋向住岀口離開。

「詠詠!」

我又忍唔住整蠱佢,叫佢一聲。

佢冇應我,只係用繞住我嘅手搣我嘅手臂一下。我知道,佢又一次慢慢習慣呢個稱呼喇。
2023-04-24 20:44:21
2023-04-24 20:52:10
男人心一字馬
2023-04-24 21:28:34
呀臣表示:
2023-04-24 22:01:03
但係咁咪會好易敗露
2023-04-24 22:02:52
加速想睇牙臣床上大戰詠詠
2023-04-24 22:05:28
男主角有冇諗過Exchange完嗰陣點算?
2023-04-24 22:36:46
佢冇post任何關於凱詠嘅野㗎
純粹當多個close friend account炸嗎

再block埋Charlie 理論上係安全嘅
2023-04-24 22:37:31
遲D會有!

俾條仆街食哂中港台
2023-04-24 22:38:17
而家梗係風流快活咗先

到得返自己一個嗰陣就…
2023-04-24 22:49:21
呀泳正啲定Charlie正啲?
2023-04-24 23:41:34
用呀冰嚟做standard都幾好 雖然連登仔實話佢似大軍 但講真有幾多個嘅女朋友靚過呀冰先

我自己就覺得呀冰唔係D咩超級女神 但佢似係D貼地D嘅靚女 啫係會令你覺得返學係可以遇到或者係坐隔離嘅同事嗰隻feel

我諗呢個都係佢咁紅嘅原因 冇一種離地遙不可及嘅感覺

而且佢都似係一個好女朋友 至少佢同佢男朋友都拍咗八九年拖 呢樣同Charlie係幾似嘅 希望呀冰男朋友唔會似呀臣

最後呢個係我同呀臣討論完之後 只係計外貌得岀嘅評分

Phoebe 69
Rachel 72
呀慈74
Charlie 83
呀冰85
凱詠 93

希望大家可以有個具體D嘅概念
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞