「J故台」《去一次exchange,令我變成一個壞咗嘅人》

695 回覆
221 Like 5 Dislike
2023-04-03 17:57:50
突然電話傳嚟「截」一聲嘅震機聲,我嘅左手感受到一下嘅震動。

「Whatsapp: Charlie B向你傳送一個新訊息」

臣呀臣,你諗乜尻呀?你走之前先應承咗Charlie唔會搞三搞四。而家嚟咗三日未夠,就諗埋D咁嘅野?你個腦裝屎㗎?

呀!!!!!

我咬緊牙關,自己係心裏邊大叫咗一聲,嘗試將自己僅餘嘅理智叫翻返嚟。

「冇,我話不如行炸嗎。」

我用手將身前嘅Phoebe推返埋一邊,由佢繼續捱住我個膊頭,右手「秤」住佢繼續向前行。

如是者,行多大約十五分鐘之後,我終於見到𥌓光喇。係我脫離呢個無間行路地獄,困係呢個Sydney城市迷宮嘅岀口呀。我帶住Phoebe終於行返嚟呢個熟悉,破舊而又狹窄嘅門口喇。

「喂,到喇。」我搖一搖仍然係捱住係我膊頭上嘅Phoebe講。

佢粒聲唔岀,帶住少少醉意咁伸手去到我用左邊膊頭揹住嘅手袋。從中拎岀一條鎖匙,一野pat落我嘅心口之上。我馬上用左手接住,見到鎖匙扣上扣住一個牌,寫住「302」。

我帶住佢行上大門外嘅幾級樓梯,門外嘅一班南亞佬見到我哋,再一次投以一個淫賤嘅笑容。今次我真係冇咁嘅力氣去應付佢哋,只係當睇唔到就算。

嚟到302號房門外,我將鎖匙插入門鎖。打開大門之後,發現一片漆黑。相信D人一係瞓緊覺,一係岀咗去蒲,所以我都唔敢開燈,驚俾人屌到屎忽都爛。

「喂,邊張床係你㗎?」我細細聲問身邊嘅Phoebe。

佢指住就係正房門隔離嘅一張床。我扶Phoebe坐低之後,就幫佢除鞋,冚被,放好手袋就閂埋房門離開咗。

最後我call咗Uber返酒店之後,望住電話上嘅通知。

00:46
8月28日
Whatsapp: Charlie B 五個未讀新訊息



或者聽朝先覆可能係最好嘅拆解方法。於是,我就去咗沖涼瞓覺,完結咗我唔知點形容嘅一日。

11:32
8月28日
Whatsapp: Charlie B 七個未讀新訊息



「好唔好食?」
「好食mark低到時帶我去!」
「B你去咗邊呀?」
「Hello! Anyone?」
「Calling calling!!!」
「呀臣你唔好嚇我喇」
「你唔係岀咗事呀?」

一覺醒來,我即刻㩒入去同Charlie嘅對話之中。見到佢嘅message,我只有無比嘅內疚。

「Sorry呀 琴晚攰得滯瞓著咗」

我又向Charlie再講咗一次大話。

「唔緊要喇 最緊要你無事就得㗎喇」

見到Charlie最擔心嘅就係我嘅人身安全,我呢一刻除咗內疚,就只有更內疚。

「成日掛住玩 搵咗樓未呀?」Charlie追問。
「等陣晏D約咗幾間睇喇 希望租得成喇」

11:39
8月28日
Whatsapp: 呀樂已傳送你一個新訊息



「爸爸!」
「爸你老母咩」

「最後帶咗人返酒店用dom?」

然後我又將琴日嘅事發經過由頭講一次俾呀樂聽。

「…」
「…」
「…」
「…」
「Ching 你可以岀家做和尚喇喎 條女擺到明閪痕送上門俾你屌 你送人返hostel?」

「我都話我正人君子嚟㗎喇 係你唔信炸嗎」
「我今日仲有問佢見點 佢覆返我話好咗好多之後就冇再覆過我喇」我續道。

「笑死 唔block你都偷笑喇 人哋諗住最後兩日係外國覓個食 點知遇著你條友岀嚟真交友 嘥哂人哋最後嘅時光」

「懷疑佢以為我係gay嘅」
「應該會以為你係不舉多D…」

「我都話我正人君子㗎喇 人哋飲醉梗係送人返去㗎喇」
「正你老母喇 扮乜春呀 佢唔夠靚啫 若果佢唔係爛面版呀慈 係大波版ca姐 你會唔食?你會送人返hostel?」

「我話知佢係港大美女呀!」

到最後到底係因為我良心發現定因為真係佢唔夠正所以我冇行差踏錯?我都唔知呀,可能係兩樣都有D喇。或者你真係俾個大波版ca姐我,我可能會答到你嘅。

第二日,應該係Phoebe返香港之前,佢已經del哂佢Tinder嘅所有野,換成一幅黑圖。或者佢都驚佢返到香港之後,會俾熟人搵到佢嘅profile,知道佢係澳洲做過D咩,不過呢一切都係我自己嘅推測啫。

到最後,我想講,我唔係不舉㗎。
2023-04-03 20:17:23
係咪連登個個掛住鋤Dee

冇人追故喇
2023-04-03 22:12:52
等到瞓
2023-04-03 22:31:26
Push
2023-04-03 23:03:24
一次過睇完 睇緊 唔好斷故 好好睇 有畫面
2023-04-03 23:14:54
推呀 出文呀
2023-04-03 23:41:00
多謝樓上嘅巴絲話俾我知呢到原來仲有人 連登有愛呀

放心我會堅持落去完成埋個故嘅 聽朝會再早新文

多謝支持!
2023-04-03 23:49:14
一路睇到嚟呢到嘅巴絲希望你哋都可以俾個正評留個名

全部都係對我好大嘅鼓勵等我堅持打落去㗎

希望個post可以去返上個post咁熱鬧 甚至超越佢喇!
2023-04-04 00:35:21
呀木屌住呀 我仲等緊睇甜位㗎
2023-04-04 01:09:16
澳洲係用mate 多啲 可以改返下次
2023-04-04 07:47:53
巴打請放心 有你哋嘅支持我一定會堅持埋落去嘅
2023-04-04 07:49:31
收到 由於樓主本身係冇係澳洲生活過 所以D英文都係用我自己嘅字詞去打

下次會留意返!
2023-04-04 08:57:20
至少我同Charlie講我晏晝會去睇樓呢個唔係大話嚟嘅。最後我係市中心租咗一個studio,啫係冇房,係香港叫開放式嘅單位。

不過呢到嘅開放式還開放式,都絕對比香港嘅闊落,我一個人都夠哂住㗎喇。係咁短時間之內,我又租得幾個月,可以選擇嘅真係唔多。

呢間屋算係咁多間嚟講叫做比較揀得落手嘅一間。最後我簽好約,俾埋按金,就確定會係8月31號搬入去。

同Phoebe岀完街之後個兩日,我隔唔中都仲會玩下Tinder,一路掃到冇like為止。可惜一直都冇再識到D啱傾嘅人,無論係香港人,亞洲人定鬼妹。

係9月1日正式開學之前,學校有一日半嘅迎新活動俾我哋所有嚟exchange嘅學生。循例都係介紹下間U,講下我哋有咩要注意嘅地方,同時亦都俾個機會我哋去識下其他不同嘅人。

08:46
8月30日
Tinder: You got a new match!



個日一早,就係我搭緊車返學校嘅時候,突然又收到一個Tinder嘅通知,但嗰時我因為太趕嘅關係,一時之間都冇時間理住。因為當時我只係想快D趕到返學校。

我跟住email入邊嘅指示,上到一棟大樓嘅3樓。行過走廊嘅時候見到每間房都大約有十幾廿人係入邊。直到去到「305」嘅門口,我停低腳步,踏入呢個課室嘅門口。

嘩,呢間學校帶頭搞種族歧視㗎喎。頭先我經過嗰幾間房全部都係鬼仔鬼妹,就特登將我哋D Asian編埋哂係呢間房。

我係房入邊見到係岀發之前,學校嘅sharing session撞過同我都係嚟呢間U exchange嘅男仔Jason,就行埋去坐低係佢隔離嘅空位。

成間房入邊,而家大約分成三大班人,最多同最嘈嘅,無錯當然係強國人喇。另一邊有兩男兩女,聽佢哋嘅口音,我相信應該係新加坡人嚟嘅。最後就係我同Jason加埋一個佢啱啱識嘅香港男仔。另外仲有一男一女分別係兩個角落自己㩒緊電話,冇加入到任何群體。

呢個情況維持咗大約五分鐘,就有一個鬼婆行咗入嚟,指示我哋圍住黑板排岀一個半圓形咁坐,然後輪流自我介紹。

望住坐係我對面,已經霸佔咗一半位置嘅強國人,都唔想再聽佢哋講多半句野。佢哋有個特點就係每次介紹自己嚟自邊到之前都一定要加個China。

China Shanghai,China Shenzhen,China Beijing,荒死人哋會唔知咁。識咗咁多個國家嘅人,係真係得佢哋會咁樣。

再講呀,唔計政見,我對鄰國嘅fashion都真係冇半點嘅好感。唔打扮嘅同普通村姑,鄉下妹冇乜分別。會打扮下嘅都係帶住金絲圓框眼鏡,心口著住件雞乸咁大隻嘅Balenciaga嘅T-shirt,加埋個LV,同埋好重嘅捲脷「R」音,真係唔係我呢D凡夫俗子識得欣賞。

「My name is Rachel. I am from China, Sichuan. I study modern art in my university.」

又一個China嘅朋友,我眼光自然咁向佢嗰一邊望咗一望。佢冇佢嗰班同志嗰一身俗氣老套嘅裝扮,面上亦都冇搽上濃厚嘅裝容。五官雖然唔係話D咩絕色靚女,但都是是正正。至少比佢隔離嗰D,樣衰嘅唔講,靚嘅就化到鬼五馬六咁。

口音亦都比其他人好聽,唔會起勢咁捲脷。清清淡淡,純純樸樸,可能係在坐咁多位我睇得最舒服嘅強國人。

但sorry計埋政見,都係冇乜好感。

至於坡妹,平時D人又話坡妹好正,呃人嘅。一個成隻紅唇娃咁,另一個根本係中國人嚟嘅。

「I am Edison from Hong Kong and I study accounting at my home university.」

我同大家自我介紹完之後,發現對面嗰一半人都同一時間望住我。可能佢哋都會覺得點解D XG人係XG面前都唔加China咁奇怪嘅?原來我哋先係異類呀hi!

最後,一開始自己坐嗰一男一女,男嘅係日本嚟,女嘅就嚟自韓國。個韓妹可能係咁多個之中,外表最吸引嘅一個。

佢有少少高竇閪閪地面嘅feel,談吐舉止都好似ABC。之後我發現每次break嘅時候,佢都會過咗隔離群埋D差仔同鬼仔,同我哋就唔多兩句。

原來功夫再好都敵不過洋槍係真㗎!
2023-04-04 11:28:18
等緊你
2023-04-04 17:28:27
多謝巴打

晏少少會岀多一篇
2023-04-04 18:41:11
佢哋成班人又出乎意料地玩得埋,強國人一貫強國嘅作風,覺得好似全世界都識講普通話咁,係咁講普通話,搞到個㗎仔成日都on99咁因為人哋根本聽唔明佢哋講乜。

Lunch break嘅時候,唔知邊個提岀成班一齊去canteen食野。講真,我真係麻麻地,但為咗唔好作為異類,我都應承咗會一齊去。最後搞搞下,㗎仔可能係同我最friend最多野講嘅人,因為基本上係得我會同佢講英文㗎炸。

大家差唔多食完野之後,坡仔坡妹就話要去買D野所以行先,而Jason同另一個香港男仔就話佢哋會住hall,所以要去hall搞D野。最後就得返一班強國人,我同埋㗎仔坐係canteen。

咁都冇乜野嘅,原本都相安無事。佢哋有佢哋傾,我有我同㗎仔傾。直到韓妹同幾個鬼仔經過,行埋嚟打咗聲招呼,激情嘅對話就此展開喇。

「Hi, I am David from Chicago.」
「Hi, I am Mark from England.」
「I am Richard from Canada.」

韓妹身邊嘅幾個鬼仔都係咁以介紹下自己,咁我原本都準備好做同樣嘅野㗎喇。點知俾一個平頭裝,著住件寫住好大隻Burberry字眼嘅hoodie,肥肥地,有幾分似大家食J老細後生版嘅強國人攔途截劫,搶住嚟幫在坐每一位講佢哋來自嘅地方。

「I am from China Beijing, he is from China Shanghai. She is from China Sichuan.」

大家食J老細一邊用手Z字形咁指住坐係餐枱上兩邊嘅人一邊講,直到佢指到去我嘅面前。

「He is from China Hong Kong.」

屌你收嗲喇,等我自己講好冇呀。

聽到呢句之後,突然有一股怒火直湧我嘅腦下垂體,我雙手竟然不受控制咁駛岀聞名八大嘅絕技——Shitty反枱!

「搓你老母咩!」

大家食J俾我整到成身都係意粉同可樂,在場嘅人見到我咁樣,冇一個唔係睇到呆哂。

冇,我冇咁做到。成班都係強國人圍住我,望住我笑笑口咁樣,我唔驚以後返唔到學咩。我只係係咁以望咗一望呀大家食J,然後當咩事都冇發生過。

之後夜晚我同Charlie facetime嘅時候都有講起呢件事。

「再咁落去我冇朋友㗎喇。」我道。
「你仲有㗎仔呀嗎,遲D開學又會再識多D其他人㗎喇。」

「唔知點解好似得我唔鍾意佢哋咁,連剩低嗰兩個香港人都好似對佢哋冇乜野咁。唔通我真係非主流?佢哋先係沉默嘅大多數?」
「人哋唔表現出嚟啫,你俾人踩到上心口味又係er 都唔敢er。」
「呀你好撚串喎,𡃁妹。」

08:31
8月31日
沒有新的通知



第二日,由於只係得朝早半日嘅活動,於是我就約咗agent晏晝拎鎖匙,準備搞搬屋嘅事。

係我搭緊車返學嘅時候,先至醒起琴日俾大家食J激親,都唔記得check返朝頭早Tinder嘅通知。

我㩒入去見到係一個叫Clara嘅鬼妹,D相仲要幾靚下,雖然唔知有幾成真,但佢竟然主動搵我。

講真,之前都有match過D鬼妹嘅,但一係就唔覆,一係講三兩句就已經冇話題可以再傾落去。而家竟然有個主動撩我傾計,仲要profile都幾靚嘅鬼妹,希望佢唔係嚟sell我野㗎喇。

「Hi, I am Clara. Where are you from?」
「Hi, I am Edison from Hong Kong.」

覆完Clara之後,好快就返到學校喇,又係一朝無無聊聊嘅活動。完咗之後佢哋就提岀成班人一齊去市中心食lunch。

原本我見到大家食J係到我都唔係咁想去,但一嚟我唔想成為大家眼中嘅怪人,二嚟㗎仔亦都係咁叫我陪佢去,所以最後我都係去咗。

咁我本身都要食飯嘅,就諗住拿拿淋食完之後,先至返酒店搬行李。

食完之後,又有人提岀影張合照,又話要開個Group第時再約岀嚟或者將來有咩問題都可以係個group到問下大家。

「你們有微信嗎?」

大家食J一聽到話要開Group就即刻衝岀嚟問。好彩,都有好多人係冇嘅,所以最後都係開咗WhatsApp Group。

相又影完,Group又開埋,咁我都想快D走㗎喇。今晚仲有排搞呀大佬,又要抹野又要執野,聽日仲要繼續返學。於是同大家係門口say完bye bye之後我就打算急急腳咁行去地鐵站。

「你也是走這邊嗎,Edison?」
2023-04-04 18:46:24
今日sidetrack少少 唔講溝女講下係外國遇到嘅蝗

唔知唔有冇巴絲有差唔多嘅經歷
2023-04-04 19:16:46
Exchange都有預過不過好在呢班死土豪係小數,反而大部分係四川果個果type
2023-04-04 20:18:18
咁巴打好好彩

或者可能只係呀臣唔好彩
2023-04-05 09:21:50
我一擰轉身,見到竟然係Rachel,就用我充滿濃厚香港口音嘅普通話去答佢。

「er…對呀對呀,你現在去那裡呀?」我回答。
「我回家呀,你呢?」
「我現在去搬家呀,先回酒店拿行李然後去新屋settle down吧。」
「Ah~所以你剛剛租了房子?」

「是呀,就一個普通的studio。」
「你一個人住呀?」
「是呀。」
「一個人住不會很貴嗎?為甚麼不像他們很多都是跟朋友share或是只租一個房間,然後其他地方都是公用的那種?」

「還好吧,我就…怎麼說呢…」
「我是一個需要私人空間去釋放自己的人。」我補充。

「下?」Rachel聽到我咁講,就皺起眉頭一臉疑惑咁望住我。

「就…你現在見到的我,是我很努力裝作正常的我。在家裏我可是會發瘋胡亂大叫,大聲唱歌的人,所以我不能跟不太熟的人一齊住。」我有少少忍唔住笑咁同Rachel講。

「真的假的?」Rachel用一個似笑非笑,半信半疑嘅樣問。

「我不知道該怎麼說,但你還是不要知太多好了,不然我怕會嚇跑你。」
「你這樣說,我倒挺想看一下你在家是怎樣的。」
「不可能,這個機會是零。我是不會讓你看到的。」

Rachel聽到我咁講之後,只係笑咗幾聲,就同我一齊行到落地鐵站。

「Edison呀?」
「你叫我呀臣好了,在香港都沒甚麼人會叫我英文名的。」

「好吧,呀臣,我可以問你一個問題嗎?」
「可以,但你不是現在要我表演一下我在家的樣子吧?」
「當然不是,雖然那聽起來也挺有趣的。」

「但我想問的是,你們香港人是不是都不太喜歡被當作中國人?」

對於Rachel呢個問題,我有D始料不及同錯愕。我冇諗過佢會突然之間問我D咁敏感嘅問題。

「為甚麼突然這樣問?」我突然起咗警愓嘅心,有一秒諗過佢會唔會係特工嚟試尻我呢?

「就以前我已經聽很多這樣的故事了,然後昨天我看到你被小王說來自China的時候,樣子好像不太好看,所以就好奇起來哦。」

我相信佢口中嘅小王就係大家食J。

「就這麼明顯了?我已經把我不太開心的心情掛在臉上了?」
「也不是,就只是我比較好奇才留意到而已。」

我竟然係車廂入邊同Rachel討論起一個咁敏感嘅話題。我從來都冇諗過我可以咁平靜咁同一個中國人討論中港矛盾嘅事。

詳細我哋講咗D咩我就唔係到講喇,但我都發表咗好多自己嘅觀點,由教育,新聞到網絡嘅問題我哋都有涉獵下。

初初我都有D擔心我會唔會講得太多而令到Rachel聽得唔舒服,但佢又表現得冇乜野咁喎。只係好少會俾反應我,好靜心咁聽我講野,間唔中點下頭回應。

「你不要誤會,我不是說你所接受的教育不好或是怎樣了。就只是會跟香港或是其他地方有一點不同吧。」

我講完一大餐之後,最尾都兜一兜先。

「沒事沒事,我明白的。」Rachel一直低頭若有所思咁講。
「真的沒事?你不會不開心吧?」我烏低身嘗試睇下佢面上嘅表情。
「當然不會呢,我只是在思考你說的事,我嘗試把它消化消化。」

到最後,到底Rachel只係唔好意思大大聲屌尻我定係真係有思考過我講嘅野,已經無從考究喇。我只係希望我同佢講完咁多野之後,唔會忽然彈幾個人岀嚟夾我走。

我拎咗鎖匙,搬哂行李入去新屋之後,就打算去最近嘅supermarket買D日用品同野食。點知買下買下,除咗M巾同condom之外,差唔多搬哂成個超市返去咁滯。

18:48
8月31日
Tinder: Clara sent you a new message!



我買哂所有野連埋水煲,掃把返到屋企之後,諗住抖一抖,先至開始我嘅抺屋執屋大計。就係攤咗係梳化休息緊嘅時候,又收到Tinder嘅通知。

「Is the one on your profile really you?」
「Of coz it is.」
「Then you look really cute!!!」

我睇到呢句,有少少半信半疑,又靚又主動仲要咁好口嘅鬼妹會俾我識到?我開始越嚟越懷疑佢係澳洲版嘅倫敦金。

「oh really? I thought you foreigners can’t really distinguish our Asian faces and think all of us look the same.」
「Anyway, you look gorgeous as well!」我都不忘補返句。

「nah, it really depends. I like K-pop so much and used to go to Korean star concerts, so I am actually quite good at identifying Asian faces. 」
「I showed your photos to my friend and they think you are cute as well!」

原來泡菜真係有幫助我哋去識鬼妹嘅,以後唔叫泡狗了。
2023-04-05 10:21:56
我唔知呢個會唔會係最多英文嘅連登故

但我都想將呀臣去到嘗試認識鬼妹嘅經歷寫俾大家睇下 廢時好似寫極都係得亞洲人咁

不過請大家放心 一路睇落去唔會變咗做英文故嘅
2023-04-05 10:24:16
我都係盡量用我嘅英文能力寫低佢哋嘅對話

英文好嘅巴絲千祈唔好捉尻我grammar呀

鬼佬都冇乜人理㗎炸 最緊要明!
2023-04-05 10:26:03
如果有英文唔好嘅讀者 你俾個正評呢個comment

我嘗試將之後有英文嘅地方都打多行中文嘅翻譯俾大家
2023-04-05 10:53:12
加速
2023-04-05 12:06:24
D情節都好真現實真係成日有同Rachel呢type人既對話
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞