[D384-] 抗俄衛國 154: 俄羅斯炮灰無聞, 烏克蘭英雄挽歌

廣義上已經進入佐戰鬥狀態?

係呀 好有三戰味

借用Martin觀點/意見: 三戰幾時爆發, 係後世歷史學者整理事件時再採用的手法, 當時時空的我哋, 係唔會知道未來歷史轉捩點的標誌如何定義. 如果全球性戰爭真係爆發的話, 宜家烏克籣戰場, 幾乎肯定會算成三戰第一個戰場.

而未來潛在的高危機區/火藥庫, 將會係中東, 南海同台海.

雖然歐美無點生產蘇系彈藥
但歐美產能連個地區戰場都支持唔到
真係唔知好嬲定好笑

香港人搵錢至上 自然要速食
速食好處係效率高 快見到結果
壞處係難以實行長遠計劃

#261 我見到俄佬搵外援 都覺得有啲得人驚
本身俄佬消耗彈藥應該好快
但係有班非洲 中東佬 加埋習主席提供彈藥 就難搞好多

正常會係3
但係習主席唔正常 佢似想幫普京拖 做戰時主席 扮英雄

民主兵工廠 VS 極權兵工廠

未比人炸死 先凍死

智利應該都唔錯 喺南美入面算係咁

我個人鳩估原因如下:
歐洲: 本身歐洲都和平咗大半個世紀，各國民選政府一定係將國家資源放在民生上 (而且英法德又真係成日有罷工示威反映民生問題持續)，你見德國最近爆出軍備廢馳既醜聞就聯想到其他國家可能都有類似既問題，只係程度上有差異

美帝: 學K巴所講，美國佬要打柒你駛鬼要咁多炮彈互射，直接 call 空軍掃場好似 call food panda 咁轉眼就到，所以美國少炮彈產能係正常，因為根本用唔著

如果繼續膠著 就睇習大大 伊朗嗰班人做咩
同埋對北約嘅補給 生產力都有懷疑
北約落場暫時唔會住 除非普京一心攬炒 射核就另計

所以你咪發現香港回歸25年，咁多屆政府都做唔到港英政府個種高瞻遠矚既長遠規劃，董建華年代講既科學園、中藥港，20年後搞出啲咩成績?

真 最簡單就送戰機比烏克蘭
當然可以玩到好激 美軍而家有呢個籍口 好多嘢都易做咗

其實都三戰硬，而加好明顯韓日同歐洲要夾死中俄，睇地圖，中俄面積真係同歐美有得揮，但戰備差好遠，不過有核彈，應該都唔敢亂黎，應該靠烏克蘭磨死俄羅斯

唔知架 普京而家可能都仲覺得烏克蘭反攻唔到
記住普京周圍都係驚咗佢嘅 yes man, 咩都吹到俄佬贏緊咁

當俄佬啦 火雞唔俾外面啲船入
美軍冇可能快過俄佬打撈到

美軍照計會再送啲之前唔想送嘅嘢
可能直接送 MQ9 或者其他無人機
一堆無人機飛去俄佬陣地 都幾有威力

真 可能之後有 俄軍戰機自己墜毀
其實就美軍暗中搞鬼

遲早會啦 要打就會趁美軍庫存比較空 多戰線嗰陣郁手

極權兵工廠可以無限剝削員工 人工平 其實都可以好大鑊
當然先進嘢就研發唔到㗎啦 但係普通武器嚟講 民主兵工廠暫時個量未夠

楊慕崎係二戰前已經諗緊民主化
麥理浩淨係搞ICAC顛覆曬成個舊有系統，唔好提新市鎮
去到肥彭係超級大躍進，又玫瑰園又全體議員選舉誕生

回歸之後D政策好多都係學曬上面口號形式咁

某程度上我覺得三戰隨時幾年內嘅事
我地睇返歷史就知

一戰1914年開波，1888年威廉二世上位，中間又摩洛哥危機又巴爾幹戰爭，搞左勁多年先開片

二戰嘅話，中國戰場，1931年日軍先開滿洲波，去到37年先全面開戰
歐洲果邊，1933年納粹黨先上台，36年先開始大展拳腳，都要去到39年先全面開波

可以話E家一切都係暴風雨前夕
所以鍛煉好身體，學多D技能例如急救，得閒買下D酒，儲備下D戰略物資咁

任何(正常)國家和平時期都唔會justify到維持高產能軍工業生產，民選獨裁都係
一般策略都係set一個理想儲備量跟住分開長線生產，填補每年訓練xyz之類嘅消耗
彈藥本身有shelf life，越高科技越重要，而正常軍工業生產基本唔可以達到民用工廠嘅規模經濟，所以大量生產只係嘥氣，甚至會有反效果-> 民選政府見到過剩時候就會想cut錢，生產線摺咗就大L鑊
美國自己產能唔夠用已經嘈咗好耐，精準空對地武器幾年前已經係重災區
https://www.airandspaceforces.com/article/climbing-out-of-the-munitions-hole/
所以啲智庫模擬侵台話美軍唔夠彈藥用唔好以為佢9up，真係有風險㗎