其實呢度無人反對MJ比佢強既
不論咩原因都好,MJ作為絕對既核心拎兩次三連冠應該都后無來者
但除左MJ又真係無人比佢更好,KOBE有五冠,但頭三都係oneal carry, 果陣既技術打法都明顯唔成熟,全盛期簡直係第二個MJ,二連冠時期單打無敵,但係巔峰過後,依然係MJ打法夾硬出手就完全比唔上lebron
lebron除左身體管理得好,體能下滑唔嚴重之外,亦都因應年紀改變打法,而家突破又有背身又有三分又有,最緊要係佢球商高經驗豐富,組織能力比kobe 好, kobe 太沉迷單打,甚至手感唔好都要繼續單打到hot hand,熱血還熱血但以比賽來講唔合理
生涯另一個比較既curry, 的確好撚勁,改變埋成個籃球界球風,但有兩次冠軍係宇宙勇起碼歷史前三陣容,KD拎埋兩次fmvp , 戰績比起lebron無咁靚,亦都無騎士2.0咁有傳奇性,幫一支自己家鄉既弱隊歷史第一次奪冠完成當年離開騎士既救贖,仲要係反cup 73勝既勇士,當之無愧係佢家鄉既英雄。
題外話成日話lebron背叛騎士去熱火抱團,但騎士1.0果七年入面,都等唔到一個好啲既球星幫手,唔想浪費天賦都係人之常情,始終佢番去騎士拎左一冠都算對得住家鄉,騎士呢啲小球市弱隊,又鄉下地方又窮又無籃球底蘊,無lebron回巢都唔知幾時先會有冠軍
不過咁,curry再帶隊拎次總冠軍的話,lebron地位就好撚尷尬