遇人不淑——高傲女神搬起石頭砸自己隻腳嘅故事
Bottas(已硬)
991
回覆
92 Like
100 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
美胸(Acup)
2022-07-19 00:55:43
本身寫緊 但俾人輪住笑我肥 嬲到打算del晒打咗嗰啲
美胸(Acup)
2022-07-19 01:33:28
6.
最後潘子韻都係冇㩒閂門制。佢仲好及時咁喺𨋢門就嚟關上之際幫手㩒咗開門制。
「唔該晒。」張正楠一邊快步入𨋢一邊同潘子韻講。
「唔使。」潘子韻回應。
之後,佢哋兩個冇再講任何嘢,只係尷尬而沉默咁等部𨋢緩慢下降。
如果係平時,潘子韻一定會絞盡腦汁咁諗話題嚟同張正楠搭話。只不過,經過咗琴晚,佢呢刻完全唔想再熱臉貼人冷屁股。
雖然係佢嗒人糖先嘅,但佢絕對唔允許自己做出任何倒追嘅舉動,所以佢決定停一停冷靜下先。
佢住我對面,又唔會走咗去,總有一日我會令佢後悔而家對我咁冷淡!潘子韻好自信——或者應該話係好自戀咁諗。
望咗潘子韻沉默不語嘅樣幾秒後,張正楠淡淡咁移開咗視線。
如果唔係因為趕時間,佢應該會等潘子韻落咗去先再㩒𨋢。
佢察覺到潘子韻對自己嘅熱情。
其實憑潘子韻嘅條件,如果係一般男人遇到呢啲事,應該會欣喜若狂咁配合。
但張正楠唔係呢啲男人。早喺帶潘子韻嚟睇樓嗰陣,佢就知道自己要避開面前呢個女仔。
張正楠仲記得約睇樓嗰日潘子韻着咗一件藍色方領上衣,下身係緊身牛仔褲。佢嘅衣着簡單,卻恰到好處咁將苗條得嚟又帶有曲線嘅身材勾勒出嚟。
不過潘子韻最引人注目嘅都係佢嘅五官,明眸皓齒,朱唇欲滴,令人移唔開視線。佢對眼好圓,但眼尾處卻微微勾起,為本來清澈無瑕嘅眼眸增添咗一絲魅惑之感。
當潘子韻以咁樣嘅形象第一次出現喺張正楠面前嘅時候,佢的確係被驚豔咗一下,但好快佢就回過神來。
可能係本能反應嚟,一對上潘子韻不經意嘅勾人眼神,張正楠幾乎係即刻就感覺到呢個女仔嘅危險之處。
因為自身嘅原因,呢種女仔係張正楠一遇到就會退避三舍嘅。
亦因為咁,佢第一反應係唔想租間屋俾潘子韻。
不過佢最後都係好認真咁同潘子韻介紹間屋同埋呢度附近有嘅設施。
始終唔應該單單因為啲咁表面嘅嘢而唔租間屋俾人。呢個係張正楠嘅諗法。
不過佢仍然會避免同潘子韻有太多交流。面對潘子韻嘅熱情,佢最多只可以做到客氣,但冇辦法做到好親切咁回應。
直到琴日喺餐廳見到潘子韻同人嘈,張正楠先至見識到呢個女仔嘅另一面,亦都係佢真正嘅一面。
原來唔係佢對潘子韻有偏見。
而係潘子韻真係一個咁樣嘅人。
佢最鄙視嘅人。
三碗細牛腩河
2022-07-19 02:01:23
腩居然有文
真係好寬宏大量
鐵拳無敵鍾培生
2022-07-19 02:01:48
楠哥做得好
美胸(Acup)
2022-07-19 14:04:52
自推
美胸(Acup)
2022-07-19 14:05:16
*
㩒錯emoji
蘇璃
2022-07-19 14:10:46
讚一讚腩b
美胸(Acup)
2022-07-19 14:11:17
謝謝🙏🏻
美胸(Acup)
2022-07-19 22:45:04
今晚冇文 燒肉好忙
鐵拳無敵鍾培生
2022-07-20 00:09:56
你哩啲叫自插?
蘇璃
2022-07-20 00:29:10
明白依家點解肥未
美胸(Acup)
2022-07-20 21:58:09
聽日出文
美胸(Acup)
2022-07-21 23:56:23
7.
喺兩人各懷心事嘅等待下,架𨋢終於緩緩降落到地面。
喺𨋢門打開嘅嗰一刻,潘子韻即刻昂首闊步咁行咗出去,只為張正楠留下一個高傲嘅背影。
大廈外,中午嘅太陽就好似個火球咁高高懸掛喺天空中,毫不吝嗇咁散發住熾熱嘅氣息。
啱啱踏出大廈嘅潘子韻皺眉,喺手袋度摷咗把遮出嚟打開,想遮擋頭頂上嘅陽光。
雖然潘子韻把遮可以幫佢避免被猛烈嘅陽光直射,但卻無法為佢將炎熱隔絕。佢一邊用手幫自己撥風一邊行近路邊,抿住嘴左顧右盼咁等待佢頭先出門前call咗嘅uber司機。
潘子韻唔耐煩咁望住電話螢幕中顯示嘅司機部車嘅位置,發現部車完全冇郁過。
唔係掛……潘子韻內心有不詳預感浮現。
正當佢打算行返入大廈,涼住冷氣咁等嘅時候,張正楠喺佢身邊經過,行往停車場方向。
因為Feel到有人,所以潘子韻睄咗一眼。
佢哋兩個就係咁對視咗,但之後又快速移開視線。一個係因為煩躁,另一個係因為想扮見唔到。
望住張正楠行去停車場嘅背影,再諗到自己而家嘅處境,潘子韻嘅表情不禁變得有啲僵硬。
過咗一陣,張正楠架車駛出咗停車場,好快就會經過潘子韻。
潘子韻再次低頭望向電話螢幕中uber司機嘅位置,悲哀咁發現對方仲係喺原地。
張正楠部車駛得越嚟越近,再過幾秒就會從潘子韻身邊經過。
潘子韻咬牙,喺電話㩒咗個制cancel uber張單,然後對張正楠招手。
張正楠放慢車速,喺潘子韻跟前停咗車,然後降低車窗探頭問:「做咩事呀?」
潘子韻面有難色咁將自己嘅處境話咗俾張正楠聽,問佢可唔可以車自己去最近呢度嘅地鐵站。
張正楠望咗望潘子韻塊面,只見對方面露焦急、雙頰通紅,鼻尖同額頭亦冒出薄汗,顯然係因為被高溫熏蒸嘅緣故。
因此,佢同意咗潘子韻嘅請求。
得到允許後,潘子韻收咗遮,「咻」一聲就打開車門坐咗落副駕駛位度,再動作俐落咁閂埋門。
車內嘅冷氣頓時包裹住佢,帶來陣陣舒適嘅涼意。
果然骨氣呢啲嘢真係冇用......潘子韻滿足咁諗。
一個鐘後,佢有驚無險到咗佢阿媽屋企樓下。
呢個時候,電話響起。
潘子韻拎起電話一望,來電顯示正正係佢阿媽周燕珊。
佢㩒咗接聽,仲未將電話放到耳邊,就已經聽到電話喇叭傳嚟對方帶住明顯不悅嘅聲音:「喂你仲未到嘅?你而家喺邊?幾時到?」
「我喺樓下,而家上嚟。」潘子韻言簡意賅咁答咗佢嘅問題。見對方冇再多講啲咩,佢就收咗線準備上樓。
潘子韻搭𨋢上去嘅時候仲撞到潘家嘅鄰居,係隔離屋嘅黃太。佢同黃太一齊入𨋢嗰陣,對方認出咗佢,仲好熱情咁同佢打招呼:「返嚟同阿媽食飯呀?」
潘子韻微笑回應:「係呀。」
出𨋢後,潘子韻轉右往走廊盡頭走去,而黃太跟喺佢後面。佢行到屋企門口嘅同時,黃太亦喺佢右手邊嗰戶停低咗,低頭摷鎖匙。
潘子韻抬手㩒門鐘。幾秒後周燕珊打開大門。
「潘太你個女真係孝順呀,成日都返嚟陪你。」黃太一邊用鎖匙開門一邊同周燕珊講。
「唉!係孝順嘅就唔會自己搬咗出去住啦。」周燕珊一邊冇好氣咁講,一邊斜眼望潘子韻。
潘子韻識趣咁保持沉默。
「咁後生吖嘛,梗係要出去闖下㗎啦,唔通成世都痴住屋企咩!」黃太笑住打開自己嘅屋企門。
「闖乜鬼吖,做個圖書館管理員仔有咩咁巴閉啫。」周燕珊不依不饒,語帶嫌棄。
佢講到咁,黃太都唔知應佢乜好,只好面帶尷尬咁笑咗笑。
最後都係潘子韻適時咁打斷咗佢哋嘅對話:「好喇好喇,入去啦。」佢輕推住周燕珊入屋。
入屋後,潘子韻環視四周。
屋內唔見佢阿爸嘅身影。
「阿爸呢?」潘子韻問。
「唔知喎。」周燕珊漠不關心咁講咗句,然後就行咗去廚房門口,對住入面講:「開得飯㗎喇。」
幾分鐘後,屋企嘅工人姐姐將啲餸攞咗出嚟。潘子韻一洗完手就行咗去餐檯度坐低。
呢刻嘅餐檯旁只有潘子韻同周燕珊兩個人,顯得有啲冷清。
不過呢個場景對潘子韻嚟講並唔陌生,細個嗰陣佢甚至試過阿爸阿媽都唔喺屋企,得返自己一個同工人姐姐食晩飯。
兩母女食飯食咗一陣之後,大門傳嚟咗開門聲。
係潘子韻阿爸。
「潘永濤今日你個女返嚟食飯呀,你都咁遲返,不如索性唔好返嚟食啦。」潘永濤一踏入門內,周燕珊就陰陽怪氣咁講。
「塞車呀。」潘永濤淨係拋下一句,然後就入房擺低嘢,望都冇望周燕珊。
潘子韻偷偷觀察周燕珊,對方面上嘅表情可以話係黑過鑊燶。
潘子韻低頭撥弄碗中嘅飯餸,忽然胃口全無。
呢刻對住呢檯咁豐盛嘅餸菜,佢竟然覺得仲不如琴晚嘅杯麵。
鐵拳無敵鍾培生
2022-07-22 00:11:10
潘鳳發哂姣咁嘅?
冬菇頭抽
2022-07-22 00:26:37
說好的日更
美胸(Acup)
2022-07-22 00:47:36
沒有
美胸(Acup)
2022-07-22 00:47:47
我都想瘦底大波
2022-07-22 01:14:01
耐到唔知上面講緊乜了
又要再睇返前幾頁
美胸(Acup)
2022-07-22 01:20:21
2日啫
你老人癡呆?
油尖旺金毛lin
2022-07-22 02:25:42
隔多過一日我地就會唔記得
FaceID
2022-07-22 14:36:17
push
美胸(Acup)
2022-07-22 14:36:45
美胸(Acup)
2022-07-23 01:52:26
8.
其實咁樣嘅情景並唔罕見,由細到大都時有發生。因此面對父母嘅不和,潘子韻一早已經由細個嘅如坐針氈進化到而家嘅神色自若。
潘子韻由細細個開始就已經知道自己阿爸阿媽感情唔好。佢阿爸係做生意嘅,阿媽係核數師,兩個做嘢都好忙,一日嘅大部分時間都喺出面,好難先見到對方一面。
喺咁嘅情況下,感情變淡亦係無可厚非。
理所當然咁,佢哋亦冇時間理潘子韻,所以淨係將佢掉俾工人湊。
可能係因為自知放喺潘子韻身上嘅時間同關愛唔足夠,潘永濤同周燕珊對佢並冇乜要求,唔會管束佢,喺物質上亦對佢好大方。
所以潘子韻由細到大都可以話係要乜有乜。
除咗父母嘅關注外。
細個嗰陣,潘子韻有時會忍唔住諗:既然冇時間理我,當初點解仲要生我出嚟?
不過佢諗極都諗唔到答案,當時仲只係一個小朋友嘅佢,完全理解唔到啲大人諗咩。
後來,隨著佢日漸長大,佢都將呢個問題遺忘咗。
雖然同父母關係麻麻,但至少唔使擔心物質先吖。大個啲嘅潘子韻選擇咁樣安慰自己。
不過,雖然佢覺得自己已經睇得好開,但實際上佢仍然會下意識咁嘗試喺其他人身上尋求父母冇俾到佢嘅關注,以彌補童年被忽視嘅失落感。
好彩嘅係因為佢嘅外貌,佢要從其他人身上獲得關注都比一般人容易。
除咗張正楠之外......
呢刻潘子韻無啦啦又諗起對面屋呢個男人,內心有一絲挫敗感油然而生。
潘家嘅呢餐飯最後係喺尷尬中度過。
因為第二日仲要返工,所以潘子韻食完飯坐咗陣之後就向父母道別,起身返屋企。
呢一餐飯雖然唔至於令潘子韻情緒低落,但都令佢有少少提唔起勁嘅感覺。於是回程嘅地鐵上,佢突然間喺其中一個站落咗車,打算去買甜品食,調劑下心情。
不過佢落咗車先發現自己蠢咗,因為佢根本唔知呢個站附近有冇甜品舖......
潘子韻企埋一邊打開電話入面嘅google map,打算搵下附近有冇甜品舗。好彩google map顯示附近有間Lxxxx。佢望一望個地址先發現自己之前好似嚟過食。於是佢滿意咁收起電話,快步往地鐵站嘅出口走去。
出咗地鐵站,微風輕輕送到潘子韻面前。夜晚氣溫稍降,終於唔再係好似朝早同晏晝咁熱。
美中不足嘅係,而家呢個時間唔係好夜,條街仍然仲有好多人。喺潘子韻面前經過嘅有拍拖嘅情侶,亦有同一大班朋友一齊出街嘅年輕人。
熱鬧擁擠嘅街道上,潘子韻幾乎係半被迫咁一直快速向前行,因為只要慢咗少少,就有可能被後面嘅人踩到。
行前咗一百米左右,潘子韻同其他路人喺一個紅綠燈位前停低。佢隨意咁周圍望,最後目光落喺對面馬路上。
對面馬路其實冇乜特別,有幾間餐廳,仲有間書店。餐廳門口有好多人等緊,而書店門口就異常冷清。
而家仲係食飯時間,啲人梗係唔會咁有閒情逸致走去睇書啦。就算呢刻有人入去書店,都好可能只係趁等緊入餐廳食飯嘅時候去涼下冷氣打發時間。
潘子韻覺得自己平時已經對得夠多書,因此佢並唔打算繼續望間書店,而係準備移開目光。
但突然,佢嘅視線停頓咗一秒。
因為佢見到一個熟悉嘅身影從書店內行咗出嚟。
潘子韻用咗半秒都冇就認出咗嗰個係張正楠嚟。
佢嘅瞳孔不禁放大,因為佢估唔到會喺呢度撞到張正楠。
潘子韻嘅目光繼續放喺遠處毫不知情嘅張正楠身上。對方出咗書店後並冇直接離開,反而係擰轉身抬起雙手拉下書店門口嗰道閘,然後踎低鎖閘。
潘子韻頓時變得興致勃勃。
原來佢係返呢間書店嘅……
呢個時候張正楠已經鎖好大閘,企咗起身。
潘子韻低頭,眸中有狡黠之色,彷彿喺度盤算緊啲咩咁。
只不過,未等佢諗到啲咩,下一秒佢就目擊到令佢想嘔血嘅一幕。
只見遠處有一個女仔唔知由邊度行咗出嚟,腳步輕快咁走往張正楠身後,然後拍咗張正楠嘅背脊一下。張正楠擰轉頭,望到個女仔之後笑咗笑,唔知講咗啲咩,然後佢哋兩個肩並肩咁一齊離開。
潘子韻目瞪口呆。
唔通佢係有女朋友嘅?!
呢個時候綠燈亮起,一直等緊轉燈嘅人們即刻有所動作,摩肩擦踵咁爭相走向馬路嘅另一端。
潘子韻一邊過馬路一邊用目光搜索張正楠同個女仔嘅身影。可惜佢嘅視線被人群擋住咗,到佢過到對面嘅時候,嗰兩個人早已失去蹤影。
潘子韻咬唇,心有不甘。
今日究竟係咩日子?完全冇好事發生過……
鐵拳無敵鍾培生
2022-07-23 02:16:49
潘鳳係時候撬人牆腳
FaceID
2022-07-23 10:32:31
正
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞