遇人不淑——高傲女神搬起石頭砸自己隻腳嘅故事
Bottas（已硬）
991 回覆
92 Like
100 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
你好憎女主
你嗰篇呢
臭雞必須被玩
gchi
風向突然轉左
19.
潘子韻對書店發生嘅一切一無所知。佢正忙住應付佢阿媽周燕珊。
一開始，當電話響起嘅時候，潘子韻以為周燕珊只係打嚟催佢返屋企食飯，因為佢已經有兩個星期冇返過去。
「喂？」見到來電顯示嘅時候，潘子韻已經盤算緊應該喺星期幾返屋企食飯好。
「聽日得唔得閒？」周燕珊開門見山咁講。
「得呀。七點開飯？」
「你唔使返嚟食飯。」令潘子韻覺得出乎意料嘅係，周燕珊今次打嚟並唔係為咗叫佢返屋企食飯。
「你聽日下晝五點去機場。」
潘子韻好疑惑：「機場？」
「你仲記唔記得Ann姨個仔呀？佢之前去咗外國，聽日返嚟。」
「所以？」聽到呢度，潘子韻開始估到周燕珊想點。
「你聽日去接機，再同人食餐飯啦。你哋兩個後生應該多啲話題，好快就變熟。」周燕珊自顧自咁為潘子韻安排好聽日嘅行程。
「我唔去，我都唔識佢。」潘子韻語氣有少少唔耐煩。
周燕珊聽得出佢嘅抗拒，不由自主咁提高咗聲量：「食餐飯啫，你推三推四做乜？」然後佢又放輕語氣：「人哋好叻仔㗎，律師嚟㗎，但睇完你張相都話想同你食飯，你咪當識多個朋友囉。」
「你咁鍾意佢咪自己去同佢食囉……」潘子韻講得好細聲，但周燕珊已經聽到晒。
「潘子韻我而家唔係同你玩呀吓。」潘子韻淨係聽聲都想像到周燕珊嚴厲嘅表情。「你都就嚟廿五㗎喇，仲當自己係𡃁妹玩玩下呀？成日唔嗲唔吊咁，如果唔係我同你老豆幫你，你以為自己仲可以好似而家過得咁他條咩？」
潘子韻冇出聲。
周燕珊見佢沉默，語氣稍為緩和：「我哋已經縱容咗你好耐，而家都差唔多係時候㗎喇。你試下再拖多幾年吖，就算你求我我都唔知可以喺邊度搵個律師返嚟俾你呀。趁住而家仲算後生，見好就收喇。」
「你自己諗下我講嘅嘢啦。聽日下晝五點記得準時呀，我轉頭send Ann姨個仔張相俾你。」見潘子韻仲係冇聲氣，周燕珊都冇再繼續講落去，匆匆交待幾句之後就收咗線。
潘子韻放低電話，過咗好耐先至回過神來。
周燕珊嘅說話好難聽，但佢的確係講中晒。
潘子韻而家之所以過得咁舒服都係靠屋企人幫，如果冇咗佢哋，佢根本一無是處。
佢唯一攞得出手嘅就只有自己嘅外貌。
但過多幾年，佢可能連呢個優勢都會失去埋。
到時候嘅潘子韻仲有啲咩剩低？
其實潘子韻一直都清楚呢個問題，只係佢刻意忽視。今日俾周燕珊咁直接指出嚟，佢根本冇辦法反駁，亦冇得再逃避。
呢個時候，電話「叮」一聲咁響起。
係周燕珊send message嚟。
潘子韻拎起電話一望，只見對方send咗張相嚟，相中人係一個着住西裝嘅男仔，其貌不揚。
「聽日記得提早少少去等人哋。」周燕珊不厭其煩咁再三提醒。
潘子韻望咗張相好耐。
最後佢緩緩咁喺電話嘅鍵盤度打字。
「好」
潘子韻對書店發生嘅一切一無所知。佢正忙住應付佢阿媽周燕珊。
一開始，當電話響起嘅時候，潘子韻以為周燕珊只係打嚟催佢返屋企食飯，因為佢已經有兩個星期冇返過去。
「喂？」見到來電顯示嘅時候，潘子韻已經盤算緊應該喺星期幾返屋企食飯好。
「聽日得唔得閒？」周燕珊開門見山咁講。
「得呀。七點開飯？」
「你唔使返嚟食飯。」令潘子韻覺得出乎意料嘅係，周燕珊今次打嚟並唔係為咗叫佢返屋企食飯。
「你聽日下晝五點去機場。」
潘子韻好疑惑：「機場？」
「你仲記唔記得Ann姨個仔呀？佢之前去咗外國，聽日返嚟。」
「所以？」聽到呢度，潘子韻開始估到周燕珊想點。
「你聽日去接機，再同人食餐飯啦。你哋兩個後生應該多啲話題，好快就變熟。」周燕珊自顧自咁為潘子韻安排好聽日嘅行程。
「我唔去，我都唔識佢。」潘子韻語氣有少少唔耐煩。
周燕珊聽得出佢嘅抗拒，不由自主咁提高咗聲量：「食餐飯啫，你推三推四做乜？」然後佢又放輕語氣：「人哋好叻仔㗎，律師嚟㗎，但睇完你張相都話想同你食飯，你咪當識多個朋友囉。」
「你咁鍾意佢咪自己去同佢食囉……」潘子韻講得好細聲，但周燕珊已經聽到晒。
「潘子韻我而家唔係同你玩呀吓。」潘子韻淨係聽聲都想像到周燕珊嚴厲嘅表情。「你都就嚟廿五㗎喇，仲當自己係𡃁妹玩玩下呀？成日唔嗲唔吊咁，如果唔係我同你老豆幫你，你以為自己仲可以好似而家過得咁他條咩？」
潘子韻冇出聲。
周燕珊見佢沉默，語氣稍為緩和：「我哋已經縱容咗你好耐，而家都差唔多係時候㗎喇。你試下再拖多幾年吖，就算你求我我都唔知可以喺邊度搵個律師返嚟俾你呀。趁住而家仲算後生，見好就收喇。」
「你自己諗下我講嘅嘢啦。聽日下晝五點記得準時呀，我轉頭send Ann姨個仔張相俾你。」見潘子韻仲係冇聲氣，周燕珊都冇再繼續講落去，匆匆交待幾句之後就收咗線。
潘子韻放低電話，過咗好耐先至回過神來。
周燕珊嘅說話好難聽，但佢的確係講中晒。
潘子韻而家之所以過得咁舒服都係靠屋企人幫，如果冇咗佢哋，佢根本一無是處。
佢唯一攞得出手嘅就只有自己嘅外貌。
但過多幾年，佢可能連呢個優勢都會失去埋。
到時候嘅潘子韻仲有啲咩剩低？
其實潘子韻一直都清楚呢個問題，只係佢刻意忽視。今日俾周燕珊咁直接指出嚟，佢根本冇辦法反駁，亦冇得再逃避。
呢個時候，電話「叮」一聲咁響起。
係周燕珊send message嚟。
潘子韻拎起電話一望，只見對方send咗張相嚟，相中人係一個着住西裝嘅男仔，其貌不揚。
「聽日記得提早少少去等人哋。」周燕珊不厭其煩咁再三提醒。
潘子韻望咗張相好耐。
最後佢緩緩咁喺電話嘅鍵盤度打字。
「好」
文啊
咁早更文竟然0人和應
忠實粉絲here
你唔計 你係狗
屌 以後用不推文算
因為預咗凌晨先有
24歲都唔係好急啫 而家3X都有market啦
睇小我
非 凌晨更係腩腩嘅習慣
有啲短喎 加更不？
不
咁不如更新主角示意圖(連律師
潘鳳老豆老母其實都算錫佢
瞓覺有文睇
終於甩p
可以瘋狂負皮月南啦
可以瘋狂負皮月南啦
想知律師有幾咁其貌不揚
痴鳩線
我都係因為咁先想要示意圖
林作咁嘅樣？