遇人不淑——高傲女神搬起石頭砸自己隻腳嘅故事

991 回覆
92 Like 100 Dislike
2022-06-30 08:28:27
嘩 腩腩都咁早啊
2022-06-30 08:29:31
準備翻瞓
2022-06-30 10:58:43
舊po留名
2022-06-30 18:42:47
diu 又開新故
2022-06-30 18:51:39
有咩問題
2022-07-02 10:50:30
未看先留言
2022-07-02 12:25:26
冇問題 咁你快啲出文!
2022-07-08 02:39:00
有文未
2022-07-08 08:23:48
2022-07-08 08:30:37
lm
2022-07-09 00:24:34
2.

出咗餐廳嘅潘子韻氣沖沖咁行去搭的士返屋企。

食餐飯都撞到葉太,今日真係唔好彩。

潘子韻身上嘅衣物因為潮濕而牢牢咁黏住佢嘅皮膚,漿住漿住咁,令佢煩躁不已。

因為佢頭髮同件衫都濕笠笠咁,沿路有唔少途人用奇怪嘅目光打量佢。但因為佢個樣嬲到想殺人咁款,啲人都唔敢望佢太耐,只係匆匆掃咗佢一眼就移開目光。

就連上到車,個的士司機都頻頻透過後視鏡望佢。

大家都當咗佢係痴線婆。

潘子韻嘅心情可謂係跌到落谷底。

好唔容易返到屋企,佢即刻除低身上嘅衣物衝入浴室沖涼。

沖完涼之後,潘子韻赤裸咁行咗出廳。

佢換上乾淨衫之後,厭惡咁望住地上被佢頭先隨意掉低嘅濕漉漉嘅衣物。

佢毫不猶豫咁將佢哋掉咗落垃圾桶。

佢唔想以後每次望到呢套衫都諗起今日唔愉快嘅經歷。

潘子韻咁大個女都未試過好似今日咁狼狽。本來佢今日仲計劃好食完飯去shopping,但今日喺餐廳嘅經歷令佢興致全消。

潘子韻頹廢咁癱喺床上,不由自主咁回憶起今日係餐廳發生嘅一幕幕。

尖銳嘅指責、鄙夷嘅目光……一諗到呢啲,潘子韻就嬲到咬牙切齒。佢忍唔住開始咗賽後檢討,喺腦海中不斷回憶起自己頭先反擊葉太嘅情景,思考自己有咩地方回擊得唔夠狠、應該點樣鬧得好啲。

喺床上苦苦思索咗一陣,終於俾佢諗到一段最完美嘅台詞。既字字鏗鏘,又不失優雅。

只不過就算佢呢刻諗到都已經無補於事,佢一早錯失咗還擊嘅最佳時機。

「頭先應該要咁樣鬧佢㗎嘛,點解我嗰一刻諗唔到……」潘子韻忍唔住扼腕嘆息。

冇得真係再鬧多次葉太,潘子韻唯有靠幻想。佢陶醉咁陷入咗自己想像出嚟嘅同葉太對鬧嘅小劇場之中。

鬧鬧下,潘子韻竟然不知不覺咁沉沉睡去。

等佢再次醒返,個天已經黑晒。

佢其實係俾雨水砸落玻璃窗嘅聲音喚醒嘅。

今日呢場雨落得異常凶猛。玻璃窗被豆大嘅雨水拍打着,不斷發出清脆嘅啪啪聲,間或夾雜住窗外呼呼嘅風聲,彷彿喺度呼救緊咁。

一開始,潘子韻根本唔想理。佢將棉被拉起冚過自己個頭,試圖繼續瞓。

不過好快佢就發現呢個行為根本阻隔唔到啲雨聲,而且咁樣蒙住個頭仲好焗。於是佢唯有不情不願咁將棉被扯開,煩躁咁坐咗起身。

潘子韻睡眼惺忪咁望向窗外。呢個時候嘅天空烏雲密佈,伴隨住好似永遠都唔會停嘅滂沱大雨。窗外大樹嘅枝椏隨著雨水激烈嘅拍打不停晃動,彷彿下一秒就會折斷。

望住出面風雨交加嘅景象,潘子韻嘅心情冇因為瞓咗一覺而好轉,反而變得更加鬱悶。

正垂頭喪氣緊,佢個肚突然「咕嚕」一聲響起,提醒佢而家已經係食飯時間。

潘子韻晏晝嗰餐只係食咗幾啖,葉太就過咗嚟。當時佢俾葉太撥到成身水,嬲都嬲飽咗,根本冇心情理嗰碟斧頭扒。

到咗而家,潘子韻摸咗摸自己餓到就嚟凹入去嘅肚,只恨自己當初點解唔打包埋啲嘢食返嚟。

一向揮霍無度、浪費開嘅潘子韻第一次明白到珍惜食物嘅重要。

佢無奈咁嘆咗口氣,頹廢咁拖住腳步行去廚房搵嘢食。

潘子韻唔識煮嘢食,平時根本唔會用到廚房,所以佢個廚房係空蕩蕩嘅,成為咗全屋最整齊嘅地方。

佢望都冇望廚房其他地方一眼,徑自行咗去雪櫃。

打開雪櫃門之後,潘子韻悲哀咁發現雪櫃入面只有一支蛋黃醬、幾支啤酒、一個腐爛咗嘅梨同埋唔知點解會出現雪櫃入面嘅一包薯片。

「……」潘子韻唔死心咁打開冰格。

不出所料,入面空空如也。

佢覺得自己就嚟喊出嚟。

事到如今,潘子韻決定叫外賣,但佢唔肯定呢個天氣仲有冇外賣送。

正當佢打算行入房攞電話嚟睇下嘅時候,佢聽到門外傳嚟一陣腳步聲,然後係鎖匙嘅碰撞聲。過咗冇耐,對面屋傳嚟開門嘅聲音。

對面屋返咗嚟。

聽到對面屋嘅動靜,潘子韻腳步一頓,望咗大門幾秒。然後佢狡黠咁轉咗轉眼珠,衝咗入房。

再次從睡房中行出嚟嘅時候,潘子韻已經穿戴整齊,仲化咗個裸妝。佢好有機心咁紮咗個懶係隨性嘅髻,仲噴埋淡香水。

搞掂晒所有嘢之後,佢喺門口嘅全身鏡度照咗照,然後自信滿滿咁行出門口,㩒咗對面嘅門鐘。
2022-07-09 00:26:13
秒啦
2022-07-09 00:29:41
潘子韻摸咗摸自己餓到就嚟凹入去嘅肚

2022-07-09 00:30:26
pish
2022-07-09 00:33:36
點撚樣 笑乜撚嘢
2022-07-09 00:33:48
2022-07-09 00:34:40
腩一定係諗起自己苗條嘅身形
2022-07-09 00:35:07
你收皮啦 我知你寸緊我
2022-07-09 00:36:32
lm
2022-07-09 02:20:25
2022-07-09 02:50:13
係時候轉場嚟呢邊了
2022-07-09 02:54:03
2022-07-09 03:50:07
女主角個名令我諗起miss poon個賤人
2022-07-09 07:53:25
2022-07-09 15:30:39
Lm
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞