遇人不淑——高傲女神搬起石頭砸自己隻腳嘅故事

991 回覆
92 Like 100 Dislike
2022-08-17 00:26:22
今晚係有文的
2022-08-17 00:26:45
咁小器㗎
2022-08-17 01:15:34
樓主我們到了
2022-08-17 01:41:54
2022-08-17 02:04:28
25.

半個鐘之後,潘子韻出現咗喺張正楠屋企門前。

佢㩒門鐘後又等咗好一陣先等到張正楠開門俾佢。

門一開,小黑即刻喺唔知邊度衝咗出嚟,熱情咁撲向佢隻腳。

「好耐冇見喇阿炭!」潘子韻摸咗摸小黑個頭。

見到佢嘅出現,張正楠明顯係有啲訝異。

因為病咗,佢嘅思考變得有啲遲緩:「點解你會喺度嘅?」

潘子韻望到佢個呆樣,冇好氣咁講:「你頭先喺電話入面把聲死死下咁,我梗係過嚟睇下你有冇事啦。」

佢一邊講,一邊好自然咁繞過張正楠閃身入屋除鞋。

呢個時候,張正楠先至見到潘子韻手上拎住兩袋食物。

一袋似係粥,另一袋好似係......jolibee?

「嗱,病人要食粥,呢碗粥係你嘅。」喺張正楠恍神期間,潘子韻已經將食物分配好放喺餐檯上,同時打量周圍:「廁所喺邊呀,我要洗手。」

張正楠指咗廁所嘅方向俾佢。

潘子韻行去廁所洗手嘅時候,張正楠拖住緩慢嘅腳步往餐檯走去。

本身佢由今朝作病到而家都冇乜胃口,但呢刻聞到食物嘅香氣,佢又開始變得飢腸轆轆。

張正楠加快腳步行到餐檯旁邊,期待咁望咗檯上嘅食物一眼。

唔知係咩粥嚟呢?

下一秒,佢皺起眉頭。

「白粥嚟嘅?」

呢個時候潘子韻喺廁所度行咗出嚟。聽到張正楠嘅抱怨,佢理所當然咁回應:「病咗梗係食白粥啦!」

「我感冒咋喎,又唔係腸胃炎,使唔使清淡到咁呀。」

「咁你食唔食吖,唔食就算。」潘子韻冇理佢,自顧自咁坐低開始食佢嘅jolibee。

好心買嘢俾你食仲喺度嫌三嫌四!

張正楠都明白潘子韻係一片好心,所以佢冇再講啲咩,坐低開始默默咁食粥。

只不過,一邊食住味道寡淡嘅白粥,一邊聞住潘子韻嗰邊傳嚟嘅炸雞香味,都係一種折磨嚟。

張正楠開始懷疑潘子韻係特登咁做。

過咗一陣,佢忍唔住開口:「喺食白粥嘅病人面前食炸雞,你有冇良心㗎。」

「咁係你病咋嘛又唔係我病,唔通要我同你一齊戒口咩。」本身食得津津有味嘅潘子韻抬頭,振振有詞咁反駁,嘴邊仲有嚟唔切抹走嘅油光。

張正楠頓時覺得面前嘅白粥變得更加難入口。

沉默咗幾秒之後,佢伸手以迅雷不及掩耳嘅速度攞走咗潘子韻面前嘅一嚿炸雞。

「喂!」潘子韻阻止唔切,怒目圓睜。

張正楠冇理佢,迫不及待咁咬咗嚿炸雞一啖,雞皮嘅香脆同雞肉嘅嫰滑瞬間喺佢口腔內爆發,帶來極大滿足感。

呢啲先至係人食嘅嘢......

最後張正楠同潘子韻搶jolibee食,冇再掂過嗰碗白粥。

食完之後,潘子韻一邊鬧佢忘恩負義,一邊幫手執檯。

「如果唔係見你病咗,我真係唔會幫你呀。」

「唔該晒囉。」

其實喺潘子韻嚟之前,張正楠食咗粒感冒藥。呢刻食完嘢,洶湧嘅睡意開始向佢襲來。

「我去瞓陣先,不如你今日唔好去書店喇,一陣幫我餵狗放狗同買飯啦。」本身張正楠今朝仲諗住要自己照顧自己,但潘子韻而家嚟到,佢又突然唔想自己一個。

雖然佢好懷疑潘子韻係咪有照顧人嘅能力,但有人陪總好過自己孤零零咁。

張正楠內心生出咗一絲感動。

人一病就容易變得脆弱,所以即使係麻鬼煩嘅潘子韻,呢刻喺張正楠眼中都變得無比偉大。

可惜潘子韻對張正楠嘅內心活動一無所知。

佢諗咗諗,好警覺咁向張正楠確認:「得,咁今日係咪照出糧先。」

「......」
2022-08-17 02:13:06
2022-08-17 02:13:48
係咪要加甜喇
2022-08-17 02:17:40
不是
2022-08-17 02:29:58
好撚仆街白粥Vs Jollibee
2022-08-17 02:40:28
快啲扑野!!!
2022-08-17 02:58:23
見到你個cm我先發現自己串錯咗
2022-08-17 03:00:50
其實我唔知你串錯 亦都唔知我串啱
2022-08-17 04:53:44
用咩黎出糧
2022-08-17 04:59:22
臭雞報復
2022-08-17 10:39:45
2022-08-17 16:07:19
臭雞
2022-08-17 16:57:32
留意返楠哥未覆會否照出糧
2022-08-17 16:58:17
一次性交糧半日
2022-08-17 23:00:54
今晚冇文
2022-08-17 23:09:30
以後唔好問點解讀者淨係屌你
2022-08-17 23:53:40
由今日起,你就算著鬆身衫都會緊到仆街
呼吸都會肥…
2022-08-17 23:56:00
你而家同週更有咩分別
2022-08-18 01:44:29


對面的腩腩看過來
看過來
看過來
Bmi數值很精彩
3點定要食碗牛河
2022-08-18 01:48:23
幾正
原來腩都有緊身衣着
一定成舊米芝蓮咁可愛
2022-08-18 03:39:02
腩你睇下今鋪連你老友屎絲都撐你唔落
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞