Wtf
要唔要搽埋牛油先交
遇人不淑——高傲女神搬起石頭砸自己隻腳嘅故事
Bottas（已硬）
991 回覆
92 Like
100 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
唔信
屌你
好睇
多謝
36.
有時撞啱張正楠心情好，佢會喺屋企煮飯，仲煮埋潘子韻嗰份，叫佢食埋先返過對面。
潘子韻自然樂於留低啦。
為咗禮尚往來，亦為咗挽回自己喺張正楠面前已經所剩無幾嘅形象，潘子韻好踴躍咁話要幫手洗碗。
張正楠梗係唔會同佢客氣。
「打爛我啲碗要賠㗎喎。」佢一臉緊張咁提醒，好似真係好驚潘子韻打爛佢啲碗咁。
換嚟嘅係潘子韻嘅白眼。
自此之後，佢哋兩個培養咗默契，每次都係張正楠煮飯，潘子韻洗碗。
搞到潘子韻成日不由自主咁幻想佢哋係一對同居緊嘅情侶。
直到有一日，潘子韻洗洗下碗隻手跣咗一跣，緊接住佢手中嘅碗就跌咗落地。
隻碗係陶瓷做嘅，接觸到地面後頓時四分五裂。
潘子韻即刻踎低，想執起散落一地嘅陶瓷碎。
「有冇事？」廚房內嘅乒乓作響驚動咗出面嘅張正楠，佢急急腳咁行入嚟。
見潘子韻踎咗喺度將手伸向地下，張正楠即刻喝住佢：「唔好掂！」
潘子韻嚇咗一跳，即刻停止動作。
之後，張正楠叫咗佢出廳，自己就攞掃把掃乾淨地上嘅殘骸，仲順手洗埋淨低嘅碗。
「靠你呢個大小姐真係唔掂呀。」佢誇張咁嘆息。
雖然張正楠把口就笑緊潘子韻，但喺發生突發嘢嘅當下，張正楠第一樣做嘅嘢就係幫手收拾殘局。
潘子韻而家每深入了解張正楠多一分，對對方嘅好感就又提升咗一分。
之後嘅日子入面，潘子韻依然成日走去張正楠屋企。
佢自己嘅動機不純，而張正楠喺呢段時間入面好認真咁同佢討論本書嘅內容。
於是，到咗讀書會當日，潘子韻竟然都做到侃侃而談，喺小組討論環節踴躍咁發表自己嘅見解。
話係自己嘅見解可能唔係咁準確，因為佢講嘅內容大部分都係張正楠之前向佢提出過嘅。
當然，佢都有按自己嘅理解加少少嘢嘅。
「係喎，你唔講我都諗唔到個主角喺呢個時候可能會有呢個動機。」面對其他人對佢嘅讚嘆，潘子韻面不紅心不跳咁欣然接受。
「冇呀，純粹係我睇到呢段嗰陣覺得佢嘅行為好特別，所以先係咁翻睇研究啫。」佢微笑回應，爭少少就信咗自己講嘅嘢。
喺附近聽到晒佢哋對話內容嘅張正楠似笑非笑咁望住佢。
潘子韻不動聲色咁迴避佢嘅目光。
讀書會完咗之後，潘子韻就好似上次咁幫手執嘢。
張正楠話過今日完咗讀書會之後執埋嘢就可以收工。
潘子韻打算嗱嗱臨執好嘢，一陣叫張正楠一齊食飯。
佢一邊執嘢一邊盤算一陣嘅行程。
呢排有套新戲上咗，叫唔叫張正楠陪我去睇好呢？
呢個時候，一把女聲打斷咗潘子韻嘅思緒，把聲帶住溫柔又恰到好處嘅笑意，聽落仲有啲熟悉。
潘子韻心入面頓時警鈴大作。
佢皺住眉咁抬頭望向聲音來源，發現係上次讀書會完結後留咗喺度搵張正楠講嘢嘅女仔。
潘子韻一邊若無其事咁執嘢，一邊不著痕跡咁向相談甚歡嘅兩人靠近，想偷聽佢哋講嘢。
「都咁晏喇，不如一齊食飯啦！」佢嘅聲音對於潘子韻嚟講異常刺耳。
潘子韻望實張正楠，想睇下佢嘅態度係點。
條女係就係生得靚靚地，把聲又有少少好聽，但你唔係咁易就受下話？！
不過個女仔冇俾張正楠回答嘅機會，而係再次開口：「或者叫埋你個店員囉。」講講下，佢嘅視線突然轉咗過嚟潘子韻呢邊。
見潘子韻望緊向佢哋嘅方向，個女仔露出咗一個友善嘅微笑。
「我約緊你老細食飯呀，一唔一齊呀？」唔知係潘子韻嘅偏見定點，佢覺得個女仔根本係等緊自己拒絕佢，再順理成章咁同張正楠撐檯腳。
諗到呢度，潘子韻喺內心輕蔑咁笑咗一聲。
然後佢面帶微笑咁開口。
「好呀，咁啱我都有啲肚餓。」
個女仔首先係窒咗窒，隨即臉上又重新掛起溫和嘅笑容，不過佢嘅眼神多咗啲唔同嘅嘢。
唓，假到死。
潘子韻內心不屑咁諗。
行出書店嗰陣，趁住個女仔唔為意，潘子韻笑靨如花咁望住張正楠：「哎呀唔好意思呀老細，阻住咗你同靚女客人撐檯腳添，早知我就話唔一齊食啦。」佢一邊講一邊擺出一副如夢初醒咁嘅樣。
面對佢言不由衷嘅表演，張正楠只係挑眉望住佢，語氣驚訝：「吓？其實我本身諗住拒絕佢㗎，但見你咁積極想同人一齊食飯，就費事破壞你嘅興致啦。」
潘子韻呆咗呆，講唔出其他說話。
呢條友，擺明係特登！
有時撞啱張正楠心情好，佢會喺屋企煮飯，仲煮埋潘子韻嗰份，叫佢食埋先返過對面。
潘子韻自然樂於留低啦。
為咗禮尚往來，亦為咗挽回自己喺張正楠面前已經所剩無幾嘅形象，潘子韻好踴躍咁話要幫手洗碗。
張正楠梗係唔會同佢客氣。
「打爛我啲碗要賠㗎喎。」佢一臉緊張咁提醒，好似真係好驚潘子韻打爛佢啲碗咁。
換嚟嘅係潘子韻嘅白眼。
自此之後，佢哋兩個培養咗默契，每次都係張正楠煮飯，潘子韻洗碗。
搞到潘子韻成日不由自主咁幻想佢哋係一對同居緊嘅情侶。
直到有一日，潘子韻洗洗下碗隻手跣咗一跣，緊接住佢手中嘅碗就跌咗落地。
隻碗係陶瓷做嘅，接觸到地面後頓時四分五裂。
潘子韻即刻踎低，想執起散落一地嘅陶瓷碎。
「有冇事？」廚房內嘅乒乓作響驚動咗出面嘅張正楠，佢急急腳咁行入嚟。
見潘子韻踎咗喺度將手伸向地下，張正楠即刻喝住佢：「唔好掂！」
潘子韻嚇咗一跳，即刻停止動作。
之後，張正楠叫咗佢出廳，自己就攞掃把掃乾淨地上嘅殘骸，仲順手洗埋淨低嘅碗。
「靠你呢個大小姐真係唔掂呀。」佢誇張咁嘆息。
雖然張正楠把口就笑緊潘子韻，但喺發生突發嘢嘅當下，張正楠第一樣做嘅嘢就係幫手收拾殘局。
潘子韻而家每深入了解張正楠多一分，對對方嘅好感就又提升咗一分。
之後嘅日子入面，潘子韻依然成日走去張正楠屋企。
佢自己嘅動機不純，而張正楠喺呢段時間入面好認真咁同佢討論本書嘅內容。
於是，到咗讀書會當日，潘子韻竟然都做到侃侃而談，喺小組討論環節踴躍咁發表自己嘅見解。
話係自己嘅見解可能唔係咁準確，因為佢講嘅內容大部分都係張正楠之前向佢提出過嘅。
當然，佢都有按自己嘅理解加少少嘢嘅。
「係喎，你唔講我都諗唔到個主角喺呢個時候可能會有呢個動機。」面對其他人對佢嘅讚嘆，潘子韻面不紅心不跳咁欣然接受。
「冇呀，純粹係我睇到呢段嗰陣覺得佢嘅行為好特別，所以先係咁翻睇研究啫。」佢微笑回應，爭少少就信咗自己講嘅嘢。
喺附近聽到晒佢哋對話內容嘅張正楠似笑非笑咁望住佢。
潘子韻不動聲色咁迴避佢嘅目光。
讀書會完咗之後，潘子韻就好似上次咁幫手執嘢。
張正楠話過今日完咗讀書會之後執埋嘢就可以收工。
潘子韻打算嗱嗱臨執好嘢，一陣叫張正楠一齊食飯。
佢一邊執嘢一邊盤算一陣嘅行程。
呢排有套新戲上咗，叫唔叫張正楠陪我去睇好呢？
呢個時候，一把女聲打斷咗潘子韻嘅思緒，把聲帶住溫柔又恰到好處嘅笑意，聽落仲有啲熟悉。
潘子韻心入面頓時警鈴大作。
佢皺住眉咁抬頭望向聲音來源，發現係上次讀書會完結後留咗喺度搵張正楠講嘢嘅女仔。
潘子韻一邊若無其事咁執嘢，一邊不著痕跡咁向相談甚歡嘅兩人靠近，想偷聽佢哋講嘢。
「都咁晏喇，不如一齊食飯啦！」佢嘅聲音對於潘子韻嚟講異常刺耳。
潘子韻望實張正楠，想睇下佢嘅態度係點。
條女係就係生得靚靚地，把聲又有少少好聽，但你唔係咁易就受下話？！
不過個女仔冇俾張正楠回答嘅機會，而係再次開口：「或者叫埋你個店員囉。」講講下，佢嘅視線突然轉咗過嚟潘子韻呢邊。
見潘子韻望緊向佢哋嘅方向，個女仔露出咗一個友善嘅微笑。
「我約緊你老細食飯呀，一唔一齊呀？」唔知係潘子韻嘅偏見定點，佢覺得個女仔根本係等緊自己拒絕佢，再順理成章咁同張正楠撐檯腳。
諗到呢度，潘子韻喺內心輕蔑咁笑咗一聲。
然後佢面帶微笑咁開口。
「好呀，咁啱我都有啲肚餓。」
個女仔首先係窒咗窒，隨即臉上又重新掛起溫和嘅笑容，不過佢嘅眼神多咗啲唔同嘅嘢。
唓，假到死。
潘子韻內心不屑咁諗。
行出書店嗰陣，趁住個女仔唔為意，潘子韻笑靨如花咁望住張正楠：「哎呀唔好意思呀老細，阻住咗你同靚女客人撐檯腳添，早知我就話唔一齊食啦。」佢一邊講一邊擺出一副如夢初醒咁嘅樣。
面對佢言不由衷嘅表演，張正楠只係挑眉望住佢，語氣驚訝：「吓？其實我本身諗住拒絕佢㗎，但見你咁積極想同人一齊食飯，就費事破壞你嘅興致啦。」
潘子韻呆咗呆，講唔出其他說話。
呢條友，擺明係特登！
推推
推推推
Push 好想睇後續
推文
頭先鬧錯腩
你已被mark小氣簿
請你食蛋糕嘅話仲mark唔mark
咩蛋糕先
勁容易俾嘢食收買
一定係嗰啲一件蛋糕氹唔掂就用兩件嚟氹
有好嘢食嘅話 腩會唔會跟人去咗柬埔寨
一定係嗰啲一件蛋糕氹唔掂就用兩件嚟氹
有好嘢食嘅話 腩會唔會跟人去咗柬埔寨
收皮啦蛋糕係咪fake我的
蛋糕係咪fake我的終於有文
我請M字頭雪糕, 加自助餐, 九龍灣
井多少少
價錢大約$60-80左右
好似唔錯喎！
原本留咗3個月諗住會有大把貨仔，上堂悶悶地開咗嚟睇後悔咁快live咗
後悔咁快live咗從來只有你呃讀者
都有36章㗎喎係你睇得太快
係你睇得太快呢個係正常速度
證明我地無閱讀障礙
證明我地無閱讀障礙