Leveraged ETF 討論區 (40)

我行8:2，我唔好

真心信念唔夠嘅話上財經台係會幾影響情緒

嗰啲我當膠po笑住睇有啲真心係幾好笑

講真呀 咩風向個市跌足半年點都有影響嘅
個個廢老巴跌就溝 咁好定力咩

我都係講下笑
我係無腦月供派 諗住慢慢變反TQQQ/cash 6:4 balance

我clarify先，我冇話過依家個mdd係歷史之最，淨係TQQQ個跌幅對比起2000已經不值一提

我諗我應該都係依度其中一個長期對LETF投資方法有質疑既人，我既論據好多時係用基本因素去提出backtest出來既result係有盲點，咁你地都有用返FA (包括美國國力,政府因素等等) 去回應返，咁我覺得冇所謂，反正好多依D因素係純粹觀點(或者講係假設)，難以客觀量化

但另一個位就係，你地回應我時經常都會拎backtest出來既result去助證你地對基本因素既argument，咁我覺得你地點都要set一條簡單易睇既rule出黎，只要exceed左某個水位，就叫做推翻左一開始個假設，唔能夠再以"長期就會升返"作為繼續投資既理由

我知道巴打你對個投資策略係有基本因素信念，咁好老實講就算exceed曬以往既mdd，你都可以基本因素去繼續行落去

但需知有依度好多巴打純粹係睇左backtest result覺得work所以先咁投資，依家點解咁多人進退失據，以我估計係因為依個group當初冇定過如果出現任何條件就代表推翻左個backtest result進而推翻投資理由，依家望到tqqq係第一頁個跌幅榜自然會動搖

老實 64。cash ,我之前都做過bt 賺得少但很安全 永遠每期都有4成cash 情緒上應該冇咁唔開心

我覺得 tqqq月供 / 其他policy
要解決係你自己個心
你接受到既入面倉位大細
你接受到既mdd

每個人個倉既size都唔同
你100k倉 跌90%都無感覺
你1m倉 跌50%已經入晒肉
咁樣你點做到月供到5m/10m?

成日聽人講一句
It works until it doesn’t
始終唔好盲信一個方法
第時輸錢輸時間先發現唔work

拎backtest出來既result去助證你地對基本因素既argument

我諗呢個係兩方面啦，一就係美國佬會搞掂，過去百幾年都搞掂，咁呢樣嘢真係講信念，睇你自己點睇，冇咩rule，亦唔可以從過往走勢睇到未來。

二就係睇個portfolio本身有冇爆，上唔上得返水，咁呢樣一路都知㗎喎，同一開始做咩假設無關。例如2000年全倉TQQQ嘅話咪上唔返水。要到6/4上唔返水，可能TQQQ要跌多過2000年。

所以回應返你最尾嘅問題，真係要夾硬畀個數字嘅話，過咗2000年先再傾。
但係我就覺得呢條問題有啲打稻草人，我上個PO都講咗，FX巴亦都覆咗，至少你跟返6/4個邏輯嘅話，大前提係冇變過，進退失據咁係果個人自己對6/4唔夠了解，高估咗自己持貨能力，或者開倉果時心存僥倖跟本冇認真面對過backtest就已經出現過嘅巨大跌幅，唔可以賴落個portfolio度。

我應該係第20個post後先留意到依個post，唔知當初點發展同越來越多人跟啦，但我睇到其中一個主要argument就係TQQQ同股債證明左佢地經歷左好多個經濟週期最後都會有正回報

咁依家再review，最近3個主要downturn，2000 2008 2020，依家無論用邊個策略，drawdown都超越左2020，接近2008，有排都未到2000

個問題係，條線要點set，我諗人人唔同，但我個人覺得如果個drawdown深度同時間都超越埋2008，咁成個backtest result可以直接write off，因為已經數字上解答左你地之前問既 "過往次次都冇事，點解今次唔同"。 當然你可以話2000年仲有好遠，但我覺得如果用咁casual既relationship去分析，就正如有條友同你講港股未穿Sars價所以長期投資係work，你都會當佢白卡佬

當然，我唔係話唔可以繼續用你相信既方法投資，話唔定真係穿左2008 drawdown之後大彈，但請回歸返基本因素去分析，再拎backtest result去證明依個投資方法work已經站唔住腳，而當初因為backtest入場既亦好應該諗去留

有啲嘢真係需要好長時間先驗證到。就算過去10年恒指好唔掂，龔成都仍然可以用恒指過去50年複息回報係14%嚟叫人睇長遠啲。如果唔用FA我真係唔識推翻龔成依一句。

個問題係，條線要點set，我諗人人唔同，但我個人覺得如果個drawdown深度同時間都超越埋2008，咁成個backtest result可以直接write off，因為已經數字上解答左你地之前問既 "過往次次都冇事，點解今次唔同"。 當然你可以話2000年仲有好遠，但我覺得如果用咁casual既relationship去分析，就正如有條友同你講港股未穿Sars價所以長期投資係work，你都會當佢白卡佬

如果用龔成式答法，仍然可以話睇得唔夠長遠。根據backtest結果，由1985年揸TQQQ到而家，硬食哂87股災、00年科網股爆破、08年金融海嘯、20年疫情、22年通脹仍然可以大賺。
不過依種龔成式答法大家一定唔會接受。因為中間drawdown大到唔會堅持到依個策略，而堅持唔到嘅策略work唔work都唔關自己事。

無論客唔客觀、量唔量化都好，每個人至少都應該set咗認錯條件先。
例如MDD大到某個位自己承受唔到就走、美國國力衰退就走。之後再去具體諗點樣令依啲條件客觀啲，例如美國喺大型戰爭落敗就走。

惟一同意嘅係玩唔起就及早離去唔好玩，但呢啲人一開始就唔應該玩，唔唔係玩到一半走，因為個風險一直存在，亦都已經present晒出唻話晒畀你知。

呢個就係我話冇consistent嘅投資邏輯，喺大前提冇變之下自己背離個策略，呢種唔叫修正，純綷只係自己一直唔知自己做緊乜，或者冇能力堅持。呢啲人就算轉咗策略，喺下次危機出現嘅時候可能都係衰多次，除非轉咗個低風險策略啦，咁可能會好啲。

就算今次drawdown大過2008年，我都覺得2008走合理，宜家走唔合理，因為個基本假設就係美國佬搞得掂，2008真係系統性風險，人心惶惶美國佬好似搞唔掂，我唔覺得今次有巴打認為美國佬真係搞唔掂，包括好panic想走果啲，所以咪唔合理。

同時可以回應返港股嘅問題，backtest係睇唔到未來㗎，唔time the market都好，投資一定要對世界有基本認識(教主語)，一定包含自己嘅判斷。點解講港股會畀人當白卡佬，因為港股唔掂冇未來囉。美股如果跌返SARS價，靈源巴都狗衝啦，因為信有未來，何來白卡之有呢？當然真係跌到咁殘就應該個個panic冇人敢入嘅
但宜家討論咁冷靜咁去睇，你唔會話叫人入果個係白卡

exactly 一係一開始就唔好玩，一係就玩果刻就當賭一賭，set好條退場線或者退場事件。
呢啲drawdown係一開始就present晒出唻，實際發生咗，心理上難受或者有掙扎係人之常情，無可避免，但行動上應該係要留就跟計劃留，要走就跟計劃走，唔應該宜家先咁頻能。

星期五咁V上去
應該真係見底
TQQQ終於捱完了

人唔笑 _ _ _

今朝夢見SARK升左幾十蚊

我自己都慣用宏觀因素去做投資決定，但FA往往就係一堆假設同涉及主觀因素，而且難以驗證，討論完都唔會有確實答案

由我第一次入黎睇，我一直感覺依度有個風氣係以FA去分析LETF既優點，同時以backtest作為論證，聽落去係論點論據論證齊曬好全面，但反面睇亦係好屈機地用正確既結果去validate可能錯既假設

例如我一直覺得用美國國力同TQQQ/債息既關係係唔合理既logic，因為好多政治同歷史學家都會話美國綜合國力近20年一直下降，但美股同期不斷上升，用FA睇我覺得你地跨大左兩樣野既關係。但如果你用backtest result去反推美元霸權令TQQQ無敵，係可以屈機地合理化成件事

FA上好多野都證明唔到，以你上面個例子為例，美帝可以未來30年都唔打敗仗，但同時投資美股可以30年都上唔返水面

set唔到一個合理timeframe又可measure既條件，所有野都只係純粹討論