問得好呀
答案係因為仍然好多人懷疑科技會outperform market expectation
越多人確信嘅嘢先會越priced in
例如巴菲特而家91歲,全世界都知道佢幾年內會死嘅機會唔低,咁依件事很大程度上已經priced in。
但係亦都可能有小部分投資者認為佢可以活到110歲,佢死亡嘅時間仍然存在不確定性,所以唔係fully priced in。
好似加息咁,幾乎可以肯定6月加0.50%,已經很大程度上priced in。6月真係加息嗰陣市場唔會因為加0.50%而好恐慌。至於點解年初至今TQQQ, TMF跌得咁慘,就係因為加息程度遠超當時嘅估計。
至於科技當然都會部分priced in咗未來嘅發展,元字宙我甚至覺得吹大咗添。不過我仍然認為長久人類係低估咗科技嘅發展。點解我咁有信心?一來因為自己喺唔同方面都感受到科技嘅威力,二來自己都鍾意睇科技有關嘅消息,見到發展速度成日超出我預期。對於Cathie Wood我覺得佢大方向係啱,只係佢吹得太大,成日講「202x年之前一定點點點」,同埋操作太垃圾。