Leveraged ETF 討論區 (40)

我個人唔係，但指數公司背後都係人，唔應該神化佢地。

佢地下下搵到好公司入，踢走垃圾公司已經唔容易，仲要expect佢地識得係間公司未成熟、市場未完全buy in既時候就納入再升10倍俾你就未免太理想化左成件事

買NQ就唔係為咗100倍嘅
就當如果SPX過去年平均10%去計，買UPRO冇decay都唔會係10000%吓話
同埋唔好以為自己係天選之人
所謂好多市場參與者 9成基金經理跑輸指數亦係事實

而NQ長期複製低位亦都係事實
應該話只要美國繼續有好公司
美國地位無人動搖到
三大指數創新高去反應美國實體發展正常不過

喺我記憶中之前嘅討論，呢度嘅巴打唔係希望NQ100可以幫我哋搵到下一間TSLA (講緊未爆升嘅TSLA), 即係呢度冇人幻想NQ100會搵到10倍100倍股，本身指數嘅納入條件就好難會出現100倍股(10倍可能會有，但都可能要等十幾年先會有10倍升幅)
而係相信自己冇能力搵10倍股100倍股，所以選擇相信NQ100嘅汰弱留強，再希望用TQQQ製造冇margin嘅槓桿，從而達到10倍嘅回報

btw, Nasdaq 100納入條件同S&P 500都有啲唔同
S&P 500人工選股嘅成份會多過Nasdaq 100

同埋我嘅logic唔係指數委員會會搵到好公司。而係好公司會發展不斷壯大，市值會越嚟越大，然後會被納入指數。

以前大家睇唔到科技股可以升到咁勁，自然可以係較低估值既時候納入，然後隨住意想不到既增長製造高回報

依個年代有potential既科技公司一早就俾人炒到飛天啦，你睇arkk就知，咁仲有邊間俾指數公司低位入

基金經理無錯可以好廢可以不停犯錯，但唔好諗住佢地會廢到重複犯同一個錯（ignore科技股既potential，唔識係未入指數前就炒定先）

信指數而買tqqq唔係問題，但我覺得經過左今次既跌浪，其實唔走都應該要調整下自己既期望，大家都搵到既策略好難再做到10倍100倍

一個睇落咁易財自到既策略，成功率唔會係50/50甚至你地部分人諗到係必然既事

咪係，根本買得指數就唔係預10000%回報
大家係清楚用槓桿去高風險嘅同時，博一個比純粹買指數更高嘅回報咋嘛。
講咩科技發展Price in咗，又話咩博百倍股，又咩個個都識TQQQ大行好多年一早買咗，講埋啲無離啦更嘅想法
明明個指數就係大戶同Smart Money𠵱十幾年買上嚟，佢地賺嘅錢係我哋老散買TQQQ嘅唔知幾多倍

btw 𠵱家NDX就碌咗3成落嚟，全世界壞消息，蘋果都講到冇生產就要死，基金佬話要轉倉買能源掉科技股，講到真係科技已死咗。再睇返forward PE，清一清自己嘅思緒去諗。

係好難複製過去嘅升幅，不過應該點都好過自己搵10倍股

如果一個指數嘅納入條件主要係睇市值，買依個指數即係買緊贏家
雖然有啲贏家好短暫(例如Zoom)，亦都有啲贏家會變輸家(例如柯達)，但整體嚟講贏家一直贏落去嘅機會都係較大。
而且就算新贏家取代舊贏家，新贏家都會被納入指數。

除非依個世界贏家不斷變輸家啦

依個logic發展落去，就係好公司納入指數後會唔會繼續不斷壯大，定還是係最高峰時納入後走下坡

過往大牛市的確好多公司係前者，但我睇唔到依一個pattern係必然會重複發生

依個策略真係有你講到咁容易咩？
我覺得要堅持十幾廿年，甚至幾十年一啲都唔容易喎

點會睇唔到升得勁？如果睇唔到就唔會普遍畀科技股一個較高PE啦
仲有巴老係2014年先買蘋果 佢大方針亦都係買成熟公司
而成熟公司會收購有潛力嘅科技公司去做大自己
就即係NDX做嘅都係一樣，只不過唔係巴老操作而係納指嘅公司操作

基金經理就係諗住自己一定有機會扑中高增長股，結果炒到甩褲嘅表表者
Arkk嘅概念大家認同，但係佢輸到返2018年嘅價

所以而家都唔預期佢好快上得返高位
我唔想放棄投資，但係都保守咗想撐過依一段時間先

先淨係講index fund 唔講LETF

有能力一直揀好公司當然係自己揀股好
好似扑中隻TSLA咪財自
問題係無咁易比你扑中
要一直揀中行業 揀中公司都唔係咁易

如果單獨一隻走下坡 無幾耐就會被取代
就算真係托高出貨 對個指數都係影響有限
如果係成個市一直冧 咁你除非提早cash out
否則大部分股票都係蝕錢
例如今年既XLE

如果你對一d成分股 例如AAPL睇唔順眼
都可以short番佢對沖

就算係08年前未有QE印錢機
John Bogle都計過index fund>大部分其他mutual fund
唔係話無其他方法跑贏大市
但係無論FA TA都要大量心力
如果對股票興趣無咁大
咪揀index fund
始終唔係個個都鍾意研究股票

如果大部份被納入指數嘅公司其後繼續不斷壯大，指數就升
反之亦然
你是但都要買一邊，否則就應該離場

買QQQ/TQQQ最終會反映喺成份股股價度，賠率低即係股價過高啦？呢啲可以用PE，Shiller PE或者其他估值方法去衡量，之前亦都已經有討論。call都會反映喺價->IV度，覺得IV高咪唔好買。

有錢佬掃唔掃上去同我呢個方法work唔work有咩關係？基金佬咁叻點解又輸畀指數？
咁易財自點解咁少傻散得？因為知易行難囉，嫌賺得慢或者hold唔住囉，我唔係話今次一定得，但如果個方法係仍然work，呢個po都睇到有幾多人棄咗啦。

唔係拎過去數據有冇討論空間，而係呢啲數據就係真實存在，你始終需要解釋。解釋經歷過87,00,08,20完全唔同劇本嘅數據，解釋this time is different嘅different點解係特別different，點解同之前嘅different都唔同而令到佢唔work。
過往數據不代表未來我都一直講，但作為一個論點，就咁拋呢句出唻就比較空泛。

佢地而家已經識睇2000年dot com同埋1970年nifty50
接受到最差10~15年唔番頂的

我睇唔到你依段野同我講既野有衝突
我冇叫人退場自己揀股
而係講如果想要10-100倍就要轉場，nq已經唔係20年大家半信半疑俾大家長期buy the dip發達既高風險投資

輸到血本無歸、永遠返唔到頂嘅可能性一直存在，你驚嘅話咪買少啲囉。
好似六合彩咁，一蚊都拎唔返嘅機會超過9成架。你驚咪淨係買$20。
講返TQQQ咁，你而家開個模擬倉擺$10,000落去。到你退休嗰日開返嚟睇吓有幾多錢囉。

即使知最尾爆升都好，點解大戶同散戶唔一早入？可以有好多原因，覺得可以喺再低位啲入都可以係一個原因㗎。

用返你嘅理論，廢老做咗賭神幾多年？一樣大把track record，係人都知長揸冇死人，好簡單買BRK都十倍回報，點解咁多傻散冇十倍？因為冇咩人行呢條路囉，可能因為想自己time，可能因為貪，可能因為坐唔住。咁係散戶策略問題，唔係BRK有問題。

唔通你廿年前同人講，想發達邊有咁易，係人都知廢老係股神，係人都知嘅嘢你仲買實冇得大賺啦。咁樣？？

又dot com
你唔講NDX成份股同2000年有咩分別？
如果頭幾大係NVDA U RBLX NND
仲係16000點就話泡沫啫

我覺佢係想話𠵱到啲人個個盲毛信徒
明知今日係2000+1970年嘅情況都要SH

「點解大市跌到咁，佢地輸錢又輸得咁快，美國大撚鑊，咁都唔聽我講㗎」

Out巴，呢度只係提出左大家都接受左好很差既情況，心理已有準備
我無質疑你地既手法

2000年嗰次係短時間升太多
NDX消化唔到咁多資金咪屙返晒出黎
今次兩年時間升幅75%左右
就算消化唔晒都唔會係2000年咁跌咁多
最正係
呢兩年有部分資金流入crypto到
已經幫左NDX去吸收資金
所以回調都無咁傷

DOT COM個時大家都係以為NIFTY 50事件唔會再出現，THIS TIME IS DIFFERENT，嗯。

唔係話一定會重現，之前幾日呢度咪係度提起點解無預到出現08級數，00級數既事。
而家大家又打左個底啦，自己跟住個risk tolerance去做相應既投資無問題。