Leveraged ETF 討論區 (40)

真 有返半倉VOO係到頂住
計成個portfolio loss%
真係會少好多壓力

半倉1x 半倉3x
點解唔全倉2x

分散最好擺其他投資產品啦，如果好似其他巴打講美帝收皮，幾多+x都係收皮

傳統理論長債債息唔會俾FED加減息郁到
但依家FED買債買得太勁，慢慢變左做一個可以影響到長債市場既莊

由於我搵唔到data顯示佢買左幾多長債 (聽過佢買左1/3)，所以影響有幾大我就唔識計，但事後睇返今年長債息走勢，好難話依個講法唔成立

長債波動係大左 關FED事？

FED都未正式做野，可能純粹係市場自我實現都唔定，我亦知道其他巴打未必同意FED有影響，信不信由你

不過依個考慮係我一直反對玩股債既主因，因為唔知遊戲規則係咪轉左

咁點都有影響既，下月都開始縮表

我除咗2個月糧spare之外係all in 美股的

我睇法係
如果單純買債而唔係股債組合，都係睇加息幅度relative to market expectation
如果講股債，我諗依度信股債組合既巴打都唔同意需要擔心長債係加息週期表現，依方面同我個人睇法有出入

費事quote太長

唔係話你地冇考慮過股債雙殺既場景，但我諗你地都冇諗過今次TMF跌得咁勁，同你地當初所講可以應付大跌市出現明顯落差。

1. fuck巴都係唔係好明個思路。所有策略都有弱點，有咩可能冇，今次點解明知都硬食，係因為長期唻講，唔信自己時不時做啲操作去避開硬食，可以贏到SH 6/4。你唔鍾意講數，我都費事講，我試下從可能性唻講，你今次避開咗，可能下次會變左一巴右一巴，長遠反而冇硬食贏得咁多。

2. 覆廢老果段更加唔明，你嘅解釋好啱，因為係copy返我講嘅嘢，咪即係一開始你嘅「如果有長遠track record，如果係人都知，咁就畀人買高晒冇得大賺」係唔成立囉。

而唔肯落TA只係因為冇好既方法, 又或者自己缺陷(例如蠢, 又或者懶, 唔想學, 但投資係一世, 真係唔應該懶.)
我信自己SH 一定堅持唔到, 會被fing落車.

3. 宜家係投資唔係拍拖，一樣理性嘅事情，畀感性/人性蓋過理性去做決定，掉返轉呢個先係作為一個成年人嘅缺憾下話？話返唔用TA係缺憾轉頭都有？
唔用TA有好多原因，蠢當然係其中一個，投入嘅時間成本都可以係。TA比SH唔見有明顯優勢，但要用大量時間心力，效益咁低揀SH點解唔係理性選項？
年薪千萬百萬直情唔使投資添啦，在座嘅都做唔到，你會唔會話大家蠢同懶，唔努力去爬上呢個高位係缺憾？

4. 有巴打話TA冇用，我唔會直接話TA冇用，但正正係果位巴打講嘅不可證偽嘅原因(之前都講過一次，not even wrong)，對我唻講冇意義/冇用。你永遠唔知到底係學藝未精定係TA本身就有問題，每樣嘢有無限解釋無限講法，今次錯用A解釋去兜，下次錯B解釋，沒完沒了。SH成功失敗大概可以預期，TA對大部分人唻講永遠唔知自己要錯到幾時先叫會啱。

5. TA先做到幾精先贏到大市，自己係唔係果個打低九成以上嘅其他人果個人，心中有數。亦都係因為咁，TA注定唔適用於大部分人。

最近唔記得係財經台邊度睇過，有人話如果一種方式係被證實必然可以獲利，所有機構都會擺資源落去套利直至果樣野消失，我諗我都係依派，唔信有必勝法

當我係信market可以長期有唔同程度既inefficiency可以去發掘，我自己就會用FA去睇，但依樣野的確考眼光，唔會擺係眼前俾你，所以肯定唔係依個區推崇果套

6. 咪即係同套利一樣。問題係冇人話過6/4係必勝喎，呢個po做嘅嘢都從來冇證實過6/4係必勝。而且會唔會又係混淆概念插緊稻草人？唔係必勝 =/= 個方法有問題/成功率好低，將兩樣嘢劃上等號係好大嘅邏輯謬誤。

7. 用返你嘅邏輯，如果一個普通人(你同我)都發掘到，呢個世界幾多叻過你同我嘅fund佬，日日夜夜全職咁，用緊好多唔同工具同行內消息去發掘緊？點解你發掘到果時反而佢哋未發掘到，未掃高晒個價？
(用你邏輯)即係你信每個日放工先去塊爛地掘兩下，會比啲用機器日日夜夜探測嘅石油公司更快搵到油田？咁我真係不如信返SH 6/4。

咁要睇你本身有無諗住會all in 幾長嘅cashflow 入去喇，同埋要諗埋如果呢筆錢輸晒要點樣翻身，唔好無止境咁入金