其實係咪好多女仔做人女朋友都係咁？（強行讀心術？）

因為真係愛
愛係好難講
好難去定量
愛係大家包容互相嘅缺陷，大家原本都係三尖八角但都願意去磨合、磨平自己嘅棱角我覺得係幾難能可貴
愛就好似一塊鏡，可以睇清楚自己唔靚嘅地方？
平時佢性格樂天，又識氹人笑嘅

其實佢一啲都唔差，我出post真係唔係話佢差
絕對唔係想咁嘅心態開po
得埋怨係冇意義，如果係埋怨佢我都唔使出post
我由第一樓已經開始講係想點樣去相處更加smooth

如果我講嘅嘢令大家有誤解，我想響到同大家講聲唔好意思

你要聽下首歌
https://youtu.be/1TNW-kN1aTY

你根本唔明你女朋友諗乜。佢身為你女朋友真係想你陪佢啦，但條件係大家出嚟玩都好開心心吖嘛；而同時因為佢又係真係你女朋友係愛你，咁知道你唔舒服想休息，就梗係會體諒你俾你休息㗎啦，咁就會忍住唔同你出街。前者係想同你出街，後者係唔想同你出街，呢兩日有根本上嘅矛盾嘅，但因為你女朋友係真心關心你多啲，所以忍住唔同你出街俾你休息吓呢個想法戰勝咗想同你出街大家一齊開開心心玩嘅慾望。而你就唔知點解讀心神探上身，又要話自己女朋友讀心術，明明話要休息又無啦啦出嚟陪人，唔尊重你女朋友想你休息嘅決定。連你自己都唔信你女朋友係會真心關心你，咁你女朋友就梗係嬲啦，嬲係因為你唔俾機會人哋體諒你，嬲你睇唔起佢，覺得呢啲嘢都忍受唔到。

淨係識得喺度講你唔想女朋友唔開心，咁你有冇諗過你女朋友叫你休都係唔想你唔開心？佢見你忍住自己唔開心而陪佢出街，佢會好痛心？你其實係好自私。

咁你可唔可以好具體咁指出佢曾經遷就過你嘅例子？

可能都係 呢種人我會覺得好撚煩
有個女性朋友應該係呢類人 按我條女既說法係 天瓶座係咁撚煩 要人估佢心入面嗰句搵認同感多過真係問你意見
而我地成日都屌柒佢你唔撚係問意見就咪同我講

佢有無同你講你相處好大壓力?

點解我話 畀佢睇
你估樓主完全冇講過嘅咩
但佢女朋友已經將佢定咗形
而且佢講嘅嘢 尤其係話佢唔啱嘅
無論佢點包裝 條女都覺得係拗
係 連登仔講嘢好撚難聽 亦有啲係鳩噏
但我地唔識佢 有啲時候中立啲

Btw將心比己嘅話
我男朋友唔會需要上網或者同人呻
有咩就講清講楚 我個人好撚直接
唔鍾意估嚟估去
而且我喺佢面前 我表情表露無遺
甚至因為佢好遲鈍 我完全唔會用暗示表達嘢
我嬲 我直接會話 我嬲呀 畀我打機靜下
我個人比較簡單直接

其實大家嘅love language唔同，無得分對錯
一個理性/一個感性，大家本身就唔同世界。
愛情世界永遠都無公平，幸福好多時都建基於其中一個人願意計較少啲，做付出多啲果個，去推進大家嘅感情。
如果夠愛，點解唔肯做多一步，用佢愛嘅方式去愛佢？
你想佢改，你夠成熟夠愛佢，咁你咪做多啲令佢覺得你真係好愛佢，佢自然就更願意為你做多啲⋯
你連講多2句都要計住點解你自己要做付出多啲果個，想佢做付出多果一方，改變自己用你愛嘅方式去愛你，犧牲佢自己原有嘅愛情價值觀，你咪又一樣自私？
講到尾，你又何嘗唔係同佢做緊相同嘅野？

佢事後都有講返有時真係果下唔開心要啲時間消化，之後我都有做返

你#1唔講埋原來你條女有同你講返，比人chok先講?你食屎啦。

如果你真係理性應該知道放飛機係你對唔住人在先，咁頭痛係你嘅理由，要佢體諒唔嬲即刻好心情番已經係索取關心啦人哋消極態度都唔得，你好專制啫
如果你講真，平時你都好關心佢嘅，佢的確係唔夠體諒你，可能佢覺得好小事又可能佢安全感真係極低,學上面話齋，改個方式講
就算好頭痛都好想見你etc
而且我冇狙擊你喎，你係一句都冇答過我，唔通我又要做讀心神探
點解我話你自我中心，就係偏頗你嗰啲就會睇，偏頗女嗰邊就話人狙擊你
拍拖就係你就吓我就吓你啦，試咗先啦，講真條條女都咁上下，到你哋一齊耐咗佢自然多啲安全感都唔會咁chur,佢chur都係因為太緊張你，可能你覺得咁好煩，但轉個說話方式其實可能會令件事變得可愛

佢事後都有講返有時真係果下唔開心要啲時間消化，之後我都有做返

你#1唔講埋原來你條女有同你講返，比人chok先講?你食屎啦。

其實會做出情緒勒索既行為有兩種，一種係真係有心用心計逼對方就範，另一個係無心，係自己控制唔到自己既情緒，而係對方眼中就變成左情緒勒索

前者唔洗多講飛得，佢只係愛自己
後者其實好多時係相反，佢愛你愛到冇左自己，理性控制唔到自己既情緒，所以點解佢會咁做就係因為佢自己都冇左理性

所以其實唔建議一見到對方有情緒勒索行為就反感左先，兩個人一齊其實係要互相憐憫。情緒勒索既背後其實係一方有啲需求未被滿足，另一方未愛佢愛到心甘情願去滿足佢

每個case唔同，要搞清楚係咩原因有咁既行為。如果係佢只愛自己，一齊黎都冇意思。

但另一方面都諗下會唔會係自己唔夠愛佢，所以即使明知佢會唔開心，你都唔願意滿足佢，你潛意識愧疚繼而有“被勒索”既感覺，但其實對方根本冇咁既意思，佢只係好似小朋友咁唔開心唔識得處理所以發脾氣。

唔夠愛其實唔係罪，無需要因為咁而就範/內疚，唔係甘心去做既野千祈唔好做，咁只會積埋啲怨氣。如果佢接受唔到對方唔夠愛自己，咁其實都係要分開。

而對於得唔到滿足既嗰個人，如果對方真係唔願意做就唔好勉強啦，勉強冇幸福架一係接受一係分手，就係咁簡單，你唔可能控制到對方，你可以控制既只有自己既諗法

而家情緒勒索呢個名詞用得太濫，有時有啲人郁下都話人情緒勒索，其實兩個人之間就係要互相遷就，實有啲野開心有啲野唔開心架啦。如果係發現自己唔夠愛而對方唔係真心想用情緒威脅你既話, 其實唔應該指責對方情緒勒索, 因為其實你自己都冇照顧到對方既需要，對方其實都好難受，當冷靜落黎，係愛既話就自然會心生憐憫眼前呢個小朋友，而唔係指責，自己心知未愛佢愛到願意滿足佢就夠。

我係絲 我就覺得佢唔係要你完全諗野同佢一樣喇
佢應該係「我有需要你陪我，但你一下就拒絕啫係唔肯陪我>啫係我唔夠重要>啫係你唔愛我」，之後你知佢唔高興去陪佢啦，件事已經變咗「你本來就唔係發自內心陪我啦>搞到我好似衰人逼你咁>一開始都唔想陪依加陪番有乜用」
我知你可能唔明，但女人情緒上嚟腦迴路真係咁(我都覺得係錯，都知咁諗係唔啱，但都係同男朋友傾過好多次先得出上面個答案)

「我對xxx冇興趣/我好攰」> ok我明白個活動未必啱你
「但如果你想，我可以陪你」>我明白你睇我係重要嘅
「如果出去我會悶/好快攰」>咁我知你未必好投入到個活動

成件事聽落順耳好多，唔係你唔肯陪我/咩都ban 但又為咗唔令我唔高興勉強唔發自内心hea我。

咁依加我就可以揀體諒大家or堅持迫你陪我然後大家唔高興(咁愛你就唔會揀後者)
當然之後溝通番件事，大家點相處先舒服，咁以上依個麻煩說話過程就可以簡化好多。但我一開始同男朋友磨合都係咁，大家一步步學用咩溝通法令有矛盾時，對方聽落唔會唔順氣，唔會再為咁少事唔滿意就ff 咁多逼死對方。

算鳩數啦 十個女人十一個都係咁
鍾意雞蛋裡挑骨頭 啲標準一時一樣
唔好以為一次過到骨 下次照板煮碗
女人每一次既標準都係唔撚同㗎！

睇得出樓主你有認真為呢段感情思考
不過關係係雙向
得你一個諗到頭都爆係無用

主因你女朋友唔識+ 唔會係你角度諗 （即係太細路女）
沉醉於佢自己既ff世界
以為’男朋友‘就一定係咁
你配合唔到就係你錯
佢唔開心=你錯
佢唔開心就可以發脾氣，你係佢情緒垃圾桶
你必須令佢開心
你唔開心? 你都係要照顧左佢先

解決方法只有你改或者佢改
如果你改變自己用佢個思維諗野，然後行錯一步/佢一唔開心就係你錯，但未來只會越黎越惡頂，可以參考連登月經post ：結左婚之後唔想番屋企既主題

至於點樣叫佢改變/令佢改變
等天做化，幫你唔到
或者要等佢跌過痛過先知錯

平時對住啲frd係好開心，為咗佢其實我都已經好少搵frd出街了，唉⋯

你女朋友有冇話返係你time management 問題做得唔好

樓主女友ver：

發覺越嚟越有壓力
好多時有啲嘢，大家觀念有啲唔同，都不外乎啲小事嘈交
其實都小事到我都唔係好諗到
但偏偏就愈積愈多

就例如好小一件事：
我問佢今日收工出唔出街，
佢話見起身唔太舒服、話有少少攰啦，
咁我身為佢女朋友就梗係真心關心佢，就覆：洗唔洗休息吓？
咁佢見到話好
點知佢以為我tg唔覆佢係我嬲咗佢成日（我只係有d唔開心，唔係嬲，tg好冷淡係因為想比佢休息）
咁晏晝佢以為我嬲咗佢，特登走去搵我
佢直頭原來都無休過息
咁我明明已經都頂住佢陪唔到我，比佢休息，已經諗好d時間點過，就緊係話佢做咩唔講我知佢休息嘅決定而走黎陪我
我淨係想佢健康，特登叫佢休息唔洗陪我，同佢講清楚，佢跟住反而以為佢係話佢點唔好，以為要我要佢氹番我轉頭，
我嘅理由係要佢衷心咁去休息，同我出街係要建基佢健健康康咁。因為佢本身已經話咗攰⋯⋯
同埋明明係我主動問佢使唔使休息吓，而佢係答好
原來佢自己係有預設嘅立場要勉強自己同我出街？即係問唔中佢心入面點諗我就死梗（因為已經唔係第一次）
個下覺得有啲唔開心

其實我提咗佢好幾次 唔好咁樣 下次直接講想休息就得 唔好以為身為佢女朋友少少體諒佢嘅心都無
因為唔問使唔使休息吓由自可 咁樣一問佢又以為我只係想佢陪我 我又唔係佢心入面條蟲 點會知佢心入面個答案
好似問佢有啲攰洗唔洗抖吓都會活受罪咁，就好似我隨時會中咗張埋伏卡咁

又有好多時嘈交，
你解釋返俾佢聽，自己根本冇咁諗過/都唔係咁諗
（好似佢提出想去邊/做啲咩，如果你冇表現得好雀躍，佢就會覺得你唔想同佢去咁，佢仲會搬你平時/以前都唔係咁反應去話你）
一但嘈交，佢份人係會用佢所認知嘅你，去套落你身上，就覺得你係咁⋯最嚴重係佢永遠覺得你只要響嘈交時回應佢，就即係同佢拗緊。
明明我只係講返我內心想法，佢就話：「咁你就唔好再同我拗啦」
我諗呢個其實都係佢無咩朋友嘅原因

我文字上唔太識表達，即係感覺自己處境就好似上面張圖咁。唔通我表達自己係點諗就係同佢拗？
其實我都成日睇感情台，都知女人同男人嘈交係一定輸
但我好多時唔係想拗贏場交，我只係想話返俾佢知，自己係完全冇咁諗過（因為佢好多時都鍾意用佢假定左我嘅角度嚟睇我）
之前有段時間，係佢以為自己咩都認錯、認死狗，但都係發現佢越嚟越過分

恐怖嘅地方係：
1。當你要求佢唔好再做d佢以為咁做你對我好嘅時候（因為嘈親交佢都會放大自己行為嘅出發點，講到佢自己好好），佢就會話：「其實係你誤會咗我，我咁做唔係咁嘅意思」
我每一次聽完都幾震驚。
2。佢成日用：「我都係想你開心姐」，「你無講，但你表現到出嚟係咁樣」話感覺到我係咁，我就係你心目中嘅點點點⋯⋯
乜原來我自己都估唔到自己點諗

咁樓主一開始同佢拍拖果陣你係咪咁樣?
女人好敏感 一feel到你同初初果陣唔同左 就會唔開心
因為好多人一同初初唔同左 都代表無咁愛

以樓主嘅情況，咁搞法復合咗條女嘅不安感應該仲大，到時搞更多花臣只會玩撚死樓主