發覺越嚟越有壓力
好多時有啲嘢，大家觀念有啲唔同，都不外乎啲小事嘈交
其實都小事到我都唔係好諗到
但偏偏就愈積愈多
就例如好小一件事：
佢問我今日收工出唔出街，
我見起身唔太舒服、話有少少攰啦，
咁佢就覆：洗唔洗休息吓？
咁我見到梗係話好啦
點知佢可以因為咁嬲咗我成日（佢聲稱係唔開心，唔係嬲，然後tg好冷淡）
咁晏晝我都知舐舐地嘢，特登走去搵佢
佢直頭原來都無返到工
咁我都頂住頭痛唔舒服去見佢，佢調返轉頭話我做咩唔講佢知
我淨係想佢開心，特登出嚟，跟住反而係話我點唔好，要我氹番佢轉頭，
佢嘅理由係要我衷心咁想同佢出街？但我本身已經話咗攰⋯⋯
同埋明明係佢主動問我使唔使休息吓，
原來佢自己係有預設嘅立場要答唔使？即係答唔中佢心入面點諗我就死梗（因為已經唔係第一次）
個下覺得有啲唔開心
其實我提咗佢好幾次 唔好咁樣問 下次直接講想我陪佢就得
因為唔問由自可 咁樣一問太有誤導（唔可以答唔中佢個預設答案） 我又唔係佢心入面條蟲 點會知佢心入面個答案
好似答句有啲攰想抖吓都會活受罪咁，就好似我隨時會中咗張埋伏卡咁
又有好多時嘈交，
你解釋返俾佢聽，自己根本冇咁諗過/都唔係咁諗
（好似佢提出想去邊/做啲咩，如果你冇表現得好雀躍，佢就會覺得你唔想同佢去咁，佢仲會搬你平時/以前都唔係咁反應去話你）
一但嘈交，佢份人係會用佢所認知嘅你，去套落你身上，就覺得你係咁⋯最嚴重係佢永遠覺得你只要響嘈交時回應佢，就即係同佢拗緊。
明明我只係講返我內心想法，佢就話：「咁你就唔好再同我拗啦」
我諗呢個其實都係佢無咩朋友嘅原因
我文字上唔太識表達，即係感覺自己處境就好似上面張圖咁。唔通我表達自己係點諗就係同佢拗？
其實我都成日睇感情台，都知男人同女人嘈交係一定輸
但我好多時唔係想拗贏場交，我只係想話返俾佢知，自己係完全冇咁諗過（因為佢好多時都鍾意用佢假定左我嘅角度嚟睇我）
之前有段時間，係咩都認錯、認死狗，但都係發現佢越嚟越過分
恐怖嘅地方係：
1。當你要求佢唔好再扭曲自己意思嘅時候（因為嘈親交佢都會放大你嘅唔好去攻擊你，講到你好差），佢就會話：「咁你知唔知點解我會咁諗」「你諗下我點解會咁樣諗你」
我每一次聽完都幾震驚。
2。佢成日用：「有時唔使講到出口」，「你無講，但你表現到出嚟係咁樣」話感覺到我係咁，我就係你心目中嘅點點點⋯⋯
乜原來我自己都估唔到自己點諗
然後我每次即刻講返我內心感受、唔係佢諗咁，佢就話唔好同佢拗
以呢兩點我覺得都幾無助、亦都幾無所適從
唔知大家明唔明，個感覺就係你點樣解釋，佢都將你定咗形咁？
我覺得呢一點已經係超越咗硬頸嘅地步
而家情況就好似下面兩位巴打咁講，唉⋯⋯
自問都拍過幾次拖，慢慢學習緊點樣去愛惜另一半
今次真係拍得幾困惑
有時甚至會自我否定，係咪唔好拍拖害人、係咪自己唔識拍拖
好啦叫完春，又係一個失眠夜
預咗會收到好多tldr嘅回覆同埋負皮，但我真心想問各位巴打嘅意見，除咗感建分，應該點樣處理自己嘅情緒、又或者點樣可以善意提吓佢盡量唔好用咁樣方式對待另一半？
平時對住啲frd係好開心，為咗佢其實我都已經好少搵frd出街了，唉⋯
就一齊去啲關係輔導，或者去做啲深層次healing囉，畢竟我覺得你條女咁嘅價值觀好可能真係冇被愛嘅自信或者曾經受過傷或者有負面嘅愛情觀from原生家庭blahblahblah...
