其實係咪好多女仔做人女朋友都係咁？（強行讀心術？）

樓主其實應該要識分
你真正嘅諗法 vs 佢覺得你帶比佢嘅感覺
前者 你無錯 佢係無資格同你抝
但後者其實係你無得同佢抝
因為係佢嘅感覺

一個人嘅内心同佢表達出黎嘅感覺唔會完全一樣
好多時係要去諗點樣令人感覺到自己嘅真心

如果你係想改善
你應該要去諗 點樣令佢感覺到你一直愛佢
而唔係點樣令佢睇透你真心

如果你盡左力都係唔得
咁應該係唔夾
因為證明你表達愛嘅方式 唔係佢嗰一套
佢唔受你嘅嘢 咁佢都唔適合你
感情無話邊個啱邊個錯

又一pair分手～哈

認真覆
佢太細個 或者你寵得佢太緊要
令佢唔識企係你角度諗
我以前都係完全自我中心咁拍拖
大個咗明白對方既難處就無再係咁
建議樓主做番自己 唔使咩都就哂佢
如果佢接受唔到就由佢啦 反正一齊都無意思
但如果你地捱到呢關就可以一齊好耐架喇
一段關係如果任何一方付出特別多 其實都係唔健康

慘過湊女

真
如果我係樓主我就扮到重病，等佢內疚
雖然成功率幾低

之前個frd A0出到pool好登佢開心
點知先過2,3個月就話分左手
原來佢話條女送俾佢的生日禮物唔值1千蚊，所以分左手

因為你曾經俾佢周過幾次口不對心?

我都明樓主既case既
但我又諗如果扑野
佢都肯既 但唔投入 為做而做 你又點諗？
當然如果下下都要全程投入 行動同心態都要一直係辛苦既
所以自己平衡下

「如果你講句 bb我今日真係好攰 我都好掛住你 不如我第二日早啲搵你？我今日想休息下」
其實係咪每一段愛情都要去到咁樣先叫係愛呢

就正如佢都唔會肉麻同我講嘢一樣，
自問我覺得本身自己個人格就去唔到真係咁肉麻去同佢咁講嘢
咁當然我平時都會氹吓佢，會話「咁下次一齊去返好唔好啊～」「聽日陪返你！」個啲

又或者可能果次「好啊」自己真係做得唔好

你地咁樣其實只係攬炒，見到都覺可憐

多口講多句，我覺得你第一段：
咁佢就覆：洗唔洗休息吓？
咁我見到梗係話好啦
點知佢可以因為咁嬲咗我成日（佢聲稱係唔開心，唔係嬲，然後tg好冷淡）
咁晏晝我都知舐舐地嘢，特登走去搵佢

你處事都有問題。當佢問你洗唔洗休息時你答好個時，就應該真係休息，唔好諗佢係咪嬲，然後特登走去搵佢。你搵佢即係你唔信你女朋友會為你身體好而忍住唔見你，令你呢段關係變到似寵物/主人多過雙方對等；同時令你女朋友好似衰人咁，所以佢之後先會話要你衷心咁想同佢出街，個完整意思係(以下只係基於你女朋友係真心愛你&佢唔自我中心)嘅猜測：

你都話自己唔舒服想休息，咁做咩唔堅持去休息?我想你陪個時你陪唔到我，咁我肯定會有d唔開心，所以先我tg冷淡對你(加上你要休息就緊係唔煩住你)，但身為你女朋友當然會體諒你架啦，你休息完好返再陪返我咪得，點知你連我唔開心呢個自由都唔比，唔比我去分擔你嘅問題，仲令我成為你嘅問題(令你休息唔到)。

簡單黎講，本身你要休息陪唔到佢，佢係有d唔開心(但無嬲)，但你就好似驚弓之鳥咁怕佢嬲而夾硬陪佢，大男人主義，令佢做咗衰人，佢係嬲呢樣野。

重複返個頭盔，以上係假設咗你女朋友係真心愛你&佢唔自我中心。但如果佢唔係真心愛你，咁你做咩唔直接分手?

佢個女仔心目中可能好想見到個男仔
期待咗好耐 諗好哂見到之後要做啲咩
你就算對唔住bb都無用 佢都係會好失望
你要做既野就係令佢get a life
唔好人生淨係得你一個 咁就算你陪唔到佢
佢都唔會得番0

因為一開頭冇發覺到相處上嘅問題就開始？
可能我每次拍拖之前嘅認識同埋相處時間都比較少？
因為我都覺得認識太耐之後，反而冇嗰種好想同對方拍拖嗰種感覺

我咪話左唔係囉只係你未搵到一個適合你嘅人

都同意無論係咪拍緊拖都應該有d嘢充實自己嘅人生 有自己嘅世界
題外話 宜家「疫情嚴重」已經少左好多同男朋友/朋友相處嘅時間同機會 連我自己嘅興趣都冇得做 如果僅有一次weekend同男朋友出街食飯拍拖嘅機會都冇埋 會覺得好難捱

其實幾欣賞樓主會講自己諗法出嚟
起碼感覺上肯溝通 亦到feel到真係在乎對方想解決問題
我都希望自己另一半肯講下自己睇法
有時真係唔知佢諗乜
不過都真係覺得男同女諗法差好遠
That’s why人係要有朋友 唔可以淨係得另一半
例如女仔想行街睇衫
其實男仔真係唔多鍾意
但佢愛你所以會陪你 但個活動對佢嚟講都真係幾悶
所以出到嚟都唔會話好開心
甚至會想翻屋企
呢啲時候女仔可能仲會加把火：
「問你件衫好唔好睇你又hea我」
「你咁唔想出嚟不如你唔好出啦」
「你都係唔想見到我姐」etc
男仔如果肯解釋都真係好好脾氣
但大多數結局都係不歡而散
其實一開始搵朋友就啱啱好
大家都鍾意做呢樣嘢大家都開心
或者下次你叫你女朋友陪你打成日機、睇波乜乜乜
等佢換位思考下

為咗增加佢嘅安全感，做到佢心目中要求嘅男友，只會迷失自己
連自己唔舒服都要氹咗條女先
咁邊個照顧自己感受？

如果扑野條女都肯既 但唔投入 為做而做 你又點諗？
我覺得“真心”係重要既 但唔好下下 同 太over
總結就係要磨合

我明阿！我完全明你講緊乜同埋個感受

永遠係預設左我個人係點 先入為主曲解我嘅意思
有陣時真係好撚燥 解釋完都可以屈左我係佢心中嘅定型先
搞到自己冇乜勇氣去直接表達自己意思 比佢講左先 等佢講完我再順佢意
呢類人純粹就係一種自我中心食飽得制搵野黎嘈

最後有日頂唔緊就順尻佢意
宜家自我放生

過白色情人節即係跟日本，但日本係情人節女送男（雖然見啲日本人都係互送），白色男送女架喎

真係唔好分手
呢啲女累人累物，有樓豬呢啲傻仔攬成世最好

我好震驚你咁講
唔知係咪我表達得唔好，
定係絲打無完全消化晒我所講嘅嘢

明明我個point係：
我希望對方明白，大家都係個體，係有自己嘅價值觀
每件事物都有自己嘅想法
我亦都唔會去judge佢地
所以唔希望對方一定要強制我要同佢一樣期望咁高咁去做某一樣嘢？

既然我都願意一齊去做呢樣嘢，
我都想另一半去尊重自己想法
而唔想佢因為咁樣就覺得我達唔到佢期望而好唔開心，影響到大家關係

呢樣先係我最想學習同避免嘅嘢

又忍唔住要講多句，雖然每個真心愛對方嘅伴侶都想對方開心，但呢d野唔可以強求，即係唔可以故意做d野令佢開心，尤其係會令你失去自我嘅事。你要諗返你愛佢嘅同時佢都愛你，見到你因為佢而失去自我，無錯佢有機會感動，但亦都有機會會傷心。佢唔開心有時係要比佢唔開心，而唔可以故意做d野令佢開心，咁只係反映佢霸道。