其實係咪好多女仔做人女朋友都係咁？（強行讀心術？）

真
我以為個po我開

呢啲女人係咪有病

反而我覺得係兩個都自我中心，火星撞地球
樓主好想條女體諒自己唔舒服，但唔知條女唔舒服嗰陣又有冇表現得好關心？
好多男人自己少少病痛又放到好大，人哋唔舒服就淨係叫人飲水

講得好好好多女仔就係拍咗拖之後個世界就淨返男朋友 就算有約fd其實都一樣 個重心放哂喺人哋身上 我都係
前排分咗手 慢慢學習緊 慢慢搵返自己 希望可以以一個更好嘅自己去迎接下一段感情

兩個人一齊就預要長久，兩個思想咁撚唔同，一齊辛苦，又要估對方點諗又驚無啦啦搞到佢唔開心
一齊黎做乜不過一個願打一個願捱。睇你講，佢次次都會覺得係對方有問題，唔識反省自己既，你仲中個頭埋去，咁怪得邊個

全部女性朋友表示，對住男朋友就會咁100% match
平時普通做朋友完全唔係咁樣

我同你情況男女掉返轉佢想去有10分，我6/7分，佢可能會放棄行，因為我反應唔雀躍

聽到一個最屈機既分手理由

如果你估唔到我想要咩既話，乜都要直接講，咁你同普通朋友有咩分別

樓主講嘢其實係好有條理
要講要討論嘅point都reach到
搵一個心靈相通另一本唔容易
你想同佢好好行落去就要再努力啲溝通

試下寫信 大家寫下對大家嘅期望
再搵日面對面傾出嚟
要講到明唔係要嘈
係以「大家都想努力行過去為前提」咁傾

女人嘅思維你係未必會理解到
但大家需要搵一個容易嘅相處方式
你亦千祈唔好覺得沮喪 因為大部分女人都不可理喻

利申 已婚人士 好好彩老婆從來都好獨立 知道我冇興趣（但非常願意陪）就完全飛起我 去睇五月天林宥嘉演唱會都係約friend 我主動offer陪佢都唔要

只係因為你同佢只係朋友 佢對你要求冇咁高
但真係人嘅問題 唔係個個女人都係咁

振佢老母夫剛啦，講咁多係冇用的

利申過來人

樓主女友係處女座?

如果接受到我又覺得ok既，起碼佢滿足咗你需要，假設你無其他需要。

但好多乜都唔做零滿足你任何野但又要求多多就好難頂。

其實佢冇乜朋友真係好大鑊
因為佢世界主要就係你
當佢想做一樣嘢 第一時間就係搵你
你每次都要同佢一樣咁想去做
痴線 邊有可能呀
然後唔一樣又唔開心
佢真係需要心理輔導

咁你不如講下你有咩係十分想去
我再睇下有冇興趣，再一齊去
你提出多d idea，其實對你都有benefit
你都可以enjoy到你想去既地方
唔洗單方面咁陪我
就係咁簡單

lm

香港好多女人都自以為有同理心，但其實佢地只係關心自己

唔該你飛撚左條傻閪佢
唔飛有撚排你受

巴打
欣賞你唔會第一下就想分手而係想諗辦法解決你哋之間嘅問題 畢竟每對情侶都需要經過磨合嘅階段先可以行得耐

但係解決問題唔淨只係你一個去諗
如果巴打真係想同女朋友行得耐就試吓同佢傾吓呢啲問題啦
雖然我知道係好難 因為通常咁做條女就會覺得你撩交嗌
但係認清楚問題先可以行落去
你死頂都係徒勞無功

同埋見到你女朋友同你講嘢嘅時候都唔係focus喺你點諗 而係佢感受到啲咩
可能巴打每次都係單純想話返俾你女朋友聽你點諗 但係你講嘅嘢=/=對方聽完之後嘅感受
雙方都好想對方明白自己
到頭來就會怨點解佢唔明我諗咩
咁樣好容易覺得對方唔體諒大家

如果係咁嘅話巴打你同女朋友傾問題嘅時候
可以試下多啲表達你聽完佢講之後明白佢同理解佢嘅說話先
之後再同佢講你自己嗰刻嘅感受 可能令佢覺得忽視咗佢
即係掉返轉個次序 話俾佢聽你明白佢 先嘗試令佢明白你
因為女仔角度通常都係感覺行先 當佢feel到男朋友理解佢感受嘅時候自然無咁嬲 願意同巴打繼續傾啦

要大家互相明白同理解先係行得耐嘅關鍵 所以溝通真係好重要
如果你發現你女朋友真係唔願意同你溝通嘅話 咁你都唔好咁愁 都係唔夾姐
加油呀巴打

今朝都係好早起身然後用咗兩三個鐘去追返post
都盡量覆返晒大家所疑問嘅嘢
尋晚真係五點幾先瞓到

我一陣間得閒再覆返大家
都好多謝大家嘅用心回覆
中間直頭見到，我三張cap圖裏面，有兩位巴打都已經上咗水回覆返我呢個post，覺得幾神奇

然後冇諗過會得到咁多正評
我以為會好多負評，
一嚟係我長篇大論咁講廢話啦
二來係我真係覺得我自己做得都幾唔好？然後佢先會有咁嘅反應？

我拎出嚟講絕對唔係想講另一半壞話
都只係想同大家探討究竟有冇方法去規避或者少啲發生呢一個問題
同埋真心想知道係咪好大部份嘅另一半拍拖都係咁樣