27 Like
42 Dislike
大⺼巴九鳥
2022-06-18 12:34:02
98年3月2日 寅時 男
想問我同一個02年1月26日 時辰唔知嘅女仔仲有冇機會一齊? 異地戀緊 但佢嬲咗我由2日前開始已讀不回我,我真係心如刀割,請巴打指點迷津同畀啲意見⋯⋯ 唔該
仆野真太郎
2022-06-21 23:16:31
女 91年3月10 辰時
想問事業同錢財, 感謝!
想摺埋一舊
2022-06-22 08:30:21
咩職業都好,一定要有Title,
有埋真正嘅職級就更加好。
結婚呢啲嘢咁大個人自己揸主意啦,
你唔係諗住叫我幫你擇日吧,
但係反而我想你快啲生小朋友,
甚至有能力嘅不妨生多幾個,
有女再有仔就仲好㖭,
你會辛苦啲囉,但係會搵到。
想摺埋一舊
2022-06-22 08:31:52
TG私底下send你個身份證出生日期俾我睇,
我再答你
想摺埋一舊
2022-06-22 08:39:15
你要承受好大嘅壓力,
不論來自外在還係內在,
先有一個好明顯嘅成長,
只有你唔覺得辛苦嘅時候你先叫做好運,
當你覺得好似大壓力就代表你開始退運,
我講緊嘅係相同工作量底下邊。
盡量嘗試接觸多啲俾你高階嘅人,
年紀上邊,知識上邊,職位上邊,
俾個例子你,
假如你係普通打工仔你搵經理係冇用㗎,
最起碼你要搵到SM甚至你可以搵老細都可以,
一定要+1級,
記住呀。
若然你直接Under老細你就一定要識得法律啦,
又或者有特定嘅技能知識,
咁會令你無往而不利。
今明兩年要好好把握,
尤其下一年,今年鋪排得好下年嘅果實越大。
FreiheitKay
2022-06-22 08:41:53
想摺埋一舊
2022-06-22 22:44:30
比多個貼士你啦,
有人會同你講宜靜不宜動,睇定啲。
咁係對你個能力好冇信心,
我啱啱相反,我要你要大動,
但係呢種郁動,要係蓄勢待發,裏面嘅蓄。
今年同出年,你個改運密碼叫做銜接。
你呢啲有內透不顯,要習慣性用腦,
咁樣先可以借力飛翔。
慢慢睇,上下兩段文章,一句句咁去睇。
你呢種人,係我最欣賞既特質裏面既30%,
所以要俾啲心機啦。
半肥瘦叉燒
2022-06-22 23:03:46
Hello
女仔 00年12月5號 凌晨5:09出世
依家單身 想問感情同埋事業運
唔該哂你
粉嶺李嘉欣
2022-06-23 00:21:17
想由教練轉職做中學老師(教體育)
意思係生小朋友之後會順啲?
我唔係Suzuki
2022-06-23 02:24:16
輕輕一推
請問姻緣和事業
女 1995年9月23日 12:30 pm
我想講我鍾意你
2022-06-23 03:38:56
想摺埋一舊
2022-06-23 06:22:44
咩職業都好,一定要有Title,
有埋真正嘅職級就更加好。
☝️☝️☝️☝️☝️
我係要你向呢個方向行。
你會辛苦啲囉,但係會搵到。👈👈
隨風飄阿飄
2022-06-23 21:23:23
想摺埋一舊
2022-06-24 07:14:39
早幾年如果你把握得好,同做得到,
今年你要出盡力,機會係一嚿嚿咁樣嚟,
而且每單都唔細,
食得幾多得幾多盡情做,
如果早兩年你鋪排得唔好,
咁就可能睇得到食唔到,
或者叫做食唔起。
定期一定要做身體檢查,如果唔係都幾麻煩,
想摺埋一舊
2022-06-24 07:28:29
容易會多變動,變動嘅係外在環境上邊,
多同人接觸嘅工作係會比較好,
應該係話能夠借人得財,
對你個前途會好啲。
做任何事千祈唔好衰衝動,
衝勁同埋行動力對你來講唔係一件問題,
甚至叫你打天才波都唔會話完全冇把握,
唯獨是長遠嘅計劃對於你來講係好似天方夜譚,
冇人可以把握到每一個時間嘅變化,
但係大體嘅思路要有,
如果隨着心情而破壞計劃,
甚至明知係壞嘅結果依然前進,
呢一個係一個好蠢嘅行為。
每當覺得辛苦,
喺啲乾淨嘅地,就唔好着鞋,
多啲接觸下地下,
公園嘅濕濕地嘅泥土亦都係一個好唔錯嘅選擇。
你鍾意嘅係街都得,但係好污糟。
姻緣方面適唔適合,
比有同無更加重要,
呢個適合唔係適合你嘅口味,
而係適合你嘅成長,
因為你會遇到兩種似是而非,
假如兩個都係你鍾意嘅男仔,
只係有細微嘅分別,
咁你就揀個稍為冇咁令你衝動嗰一個。
想摺埋一舊
2022-06-24 07:42:46
你個時間橫跨左兩個時辰,
係出現兩個盤,
我只能夠當你冇時間咁去睇。
我就唔會建議你做文字表達嘅工作,
你望一望你自己打嘅嘢,
對方係好難去明白由呢個文字表達出嚟嘅意思。
我俾你一個大方向,
自己搵個全身鏡去照下自己,
如果你係有啲肉地,
好有安全感或者壓場感,
不妨去做一啲穩定型嘅工作,
如果你係偏瘦削或者輕盈,
你就要走去做一啲進取型嘅工作。
到你有一日發覺開始會變肥,
而且望落去順眼嗰隻,
你就開始運定,
呢個時候只要你唔懶,
你會發現你就好似多咗對翼。
好好地運用貴人運,
不論係有形還係無形中,
未來嘅時間你會發現好似冇乜點變動,
但係又好似有多方支持,
切忌不進不退☝️
呢啲狀態係要用爭先,
只有你喺呢段時間做爭先,
你先可以接到未來帶俾你嘅地位提升,
如果唔係就唔係地位提升,
而係無形嘅欺壓。
想摺埋一舊
2022-06-24 07:47:26
你橫跨左三個時辰,
再加上你個組合變化會比較大,
講出嚟個誤差性太大,冇意思。
唔使出去搵算命,講俾你聽都係呃你,
平時做好事,努力啲用現實手段,
同定期檢查身體啦。
祝你幸福美滿。
想摺埋一舊
2022-06-24 08:01:11
你係一個好麻煩嘅人,
自我,有自己嘅獨特世界觀,
趁你而家仲細過,
你要搵一日要完全咁清空晒你嘅固有思維,
去審視一個點樣先能夠喺社會上面得到幫助,
同人相處裏面點樣先可以得到支持,
點樣先可以喺聰明嘅方法裏面得到自己想要嘅嘢,
而唔係衝動大聲、靠惡、或者靠發爛渣、欺壓,
呢類型嘅低級手段,
又或者呢啲純粹淨係你內心世界,
無聲吶喊。
處理事情要圓融一啲,
呢個世界其實冇咁多跟規矩行嘅嘢,
對於你來講我會俾你衷心嘅建議,
係識做人俾你識做事更加緊要,
你亦都唔好喺度諗係咪要卑微先至得到好處,
你問你自己有冇可能去到卑微呢個步驟?
一杯濃鹽水最多係變到冇咁鹹,
佢係唔會變成甜。
你係女仔都仲好啲,
但你係男嘅你就一定要從自己嘅內心世界同行為着手,
如果唔係都係死症嚟。
記住咩叫做「圓融」,唔好將佢變成左卑微、走精面,去相提並論。
只要你有呢種特質,
你所有嘅命格缺點,
將會成為你嘅武器,而唔係拖後腳。
有時間就去行吓山,泥地嗰種,唔好行石屎路,
揀啲低級啲嘅,
搵一兩條路線,
記住唔係玩挑戰,
你嘅目標只係喺運勢上面有幫助,
你去行到跑死狗嘅,同行一個唔出汗嘅,
其實係冇分別。
Gorgorjai
2022-06-24 12:05:34