識八字 你問我盡答3

多謝師傳，save左呢段字，慢慢咀嚼

1998年 3月24 11:57am 女

唔知點解身邊總係有問題會發生，或大或小，
雖然最終會有人幫手/解決到，但總會搞到自己損手爛腳

錢好似成日都唔到手咁，儲唔到錢
不過冇錢果陣，啲錢又會自動飛埋嚟咁

想問下我呢世人係咪都會成日有阻滯？
有冇辦法可以令我順利啲
唔該師傅

1996年 11月9 8點23pm 女
想問姻緣同事業
有拍緊拖同想轉工啊wwwwww

輕輕推一推
希望大師可以贈2句THANKS

五月之後仲有其他唔好嘅事發生左
唯有當係自己唔小心咁看待啦
我會盡力樂觀啲

人生喎，
不如你同我講過你暫時呢25年嘅人生係點？

先唔講呢度免費，
你如果有機會去搵付費嘅，我都想知佢點答你。

TG影你身分證出世日期比我睇，答你。

最容易同你解局既，就係快啲結婚生仔。
成個人生都會唔同。

再唔係嘅搵啲好朋友睇吓冇啲生咗嘅，
揀個順眼嘅，
走去認個契女，

唔使一定要上晒契嘅，當講笑咁樣，
但係以後要契媽同契仔稱呼。
買多啲嘢俾佢用同食。

睇見都覺得辛苦，
要享受女人嘅待遇，
就好難享受到女強人嘅風光，

要得到事業上面嘅成功，同時又想得到嘅美滿姻緣，
你要問你自己究竟付唔付出到咁大嘅精力時間，

另外一半唔係你下屬同時都唔係你同事，
夥計唔啱做都會走，
更何況係平等嘅另外一半。

當然你可以玩包養但冇意思囉。

男人睇吓下年嗰啲款頭啱唔啱，
同埋今年農曆五月嘅認住呢啲樣，

如果呢兩款都唔啱嘅，就疊埋心水努力事業。

我叫你睇係睇呢個類型唔係叫你喺嗰個月或者嗰年揀，

只要你搵到呢類型嘅日日都係你桃花日。

今年俾啲心機，
幾辛苦都唔好嗌攰，
最怕你唔辛苦，

如果可以連瞓覺都做埋嘢就仲好，
即係個比喻話俾你聽，
你要想盡辦法係今年裏邊，
做幾年嘅嘢

見你講咗咁多次，

你識得講早晚，即係有基本知識啦，

你知唔知子時係比較麻煩？

仲要做時間保密，邊得閒同你慢慢玩？

每個人計子時都有自己特定嘅方法，

你只係負責將自己個時間講出嚟就得，

我哋點去界定，呢個係我哋嘅問題，唔需要你幫我吔做分別，

點解我講我哋唔係我，

我係話俾你聽下次如果你再問人哋，你唔直接比時間，
有啲真係有自己一套嘅，
好啲就睬你都廢事，
唔好啲就覺得你懶醒，指條有氹嘅路俾你就無謂。

雖然我唔收你錢，但唔代表我就咁攞個子時鳩睇就得，

喺呢度無論我講嘅係長篇定係短文，
都係我經過我嘅計算方法出嚟，

所以你呢個我會認為資料不足做唔到。

看似財富滿地飄，攞到手就貨不對辦，

心態弱啲都搞唔掂，

話唔好咩又唔係，

話好啦喎又講唔上，

係時候轉吓口味喇，啲乜嘢成熟穩重實際就係仆街嗰啲唔好再要，

揀番啲一係專業人士，一係就有返多少修養同學識，
今年嘅10月份同11月份農曆，

多啲出去撞吓，搵呢類型，

唔係叫你喺呢兩個月裏邊拍拖，係我叫你搵呢一類型嘅男人，

不過可能就冇咁男子氣概就真，但勝在脾氣好d。

有時候可持續性係比較緊要。

當然如果你係純粹睇投資回報嘅就另外一種玩法啦。

你好 想問姻緣 啱啱分咗手
女 2002年12月3日 早上10.30左右
麻煩師傅

你好呀 想問下姻緣同事業
2001年3月10 上午4點10分 男

多謝樓主指教唔講真係唔知

咁我再比多次，00:10，1993/11/28，女

唔該哂抽空回覆

你成個人生只要唔好衰懶，

基本上都可以，

但係叫你唔好懶好似好困難咁，

你係可以多勞而多得，唔好睇小呢句嘢，

因為呢個世界好少人可以不勞而獲，

多勞多得已經係一個非常非常自豪嘅寫照。

做隻勤勞嘅小蜜蜂。