識八字 你問我盡答3

大師 請唔好飛咗我too

多啲同唔同嘅人一齊合作同做嘢，
個對象可以多元化啲，
如果你嘅職業能夠行括喺呢方面嘅話你會暢順好多，

如果你唔係牽涉到移民問題嘅，
因為講到明係唔答㗎，

你係同唔同國籍嘅人去做合作工作其實我覺得係一個唔錯嘅選擇，
你想好記住不論你朋友，
最好係工作方面啦因為呢啲先會為你帶嚟容易嘅得益，
不同國籍、多數量、唔同個性，係對你非常之有影響

但問題你個人分性格比較8分熱誠2分摺，
自己諗諗計啦。

諗嘢、做嘢尤其把口唔好咁衰，

香港地唔係個個都咁講得笑，
俾人記住咗你，咁咪叫做招惹小人囉。

命運多變，人生中好容易會遇到好多變化，
未必好味必壞，

如果古代嚟講一份工做足一世嘅嗰個應該就唔係你，

有變化其實唔係一件壞事，
點樣令到呢個變化變成一個適合你嘅變化就係一個好事。

你既然知道會變咁你自然就會容易部署，
提早部署你就容易有say

絲打絲打，
我唔想回覆你呢個問題，
如果你到而家都係睇唔開，
我建議你去情感台嗰度放一放，

你可能會睇到一啲有用嘅意見。

唔開八字回覆你，

你都話你事業好好囉，
咁咪用你事業去cover晒所有嘢囉冇問題㗎，

事業好唔見咗個錢都可以搵得返，

你事業好你分手咗嘅又容易搵到第二個，

你想要乜嘢意見？

要幫你追番之前條女情感台會方便啲，

要幫你追返啲錢，你都講你事業好仲使咩追啫？

本身你呢世仔都會好多考驗磨練，
辛苦一定係辛苦，

你要諗方法點樣喺呢個辛苦上面得到回報，

而唔係點樣令到呢件事唔辛苦，

睇得明上面呢句你成個人生就好似打怪獸升LV甘樣，

總會有機會可以爆機。

不如你直接睇吓出邊有冇啲信得過嘅師傅睇流年好過啦，

你問呢啲問題咪就即係批流年囉，

快問快答免費問唔係咁樣用㗎☝️

唔開八字答你，

我唔識得喺你八字裏面睇你阿媽幾時死，

就算係當事人嘅八字都好難睇到佢幾時死，

就算係都係有啲馬後炮，

好多前輩同埋術界嘅泰山北斗，都用咗好多實例講咗出嚟。

如果睇得到幾時死嘅話，呢個世界會大亂，
至於嗰啲什麼某人功力夠，
叫佢批個六合彩六個號碼出嚟咁咪知道夠唔夠。

唔通你睇到佢聽日唔得，你今日就放棄治療？

人最基本嘅本能係求生本能，

你咁孝順，特登問你媽媽，我覺得不如將呢個精力同埋胡思亂想嘅時間，盡力對佢好啲，做晒一切能夠做嘅嘢，
得同唔得都冇後悔。

因為你問緊嘅係個結果，
你連問可唔可以幫到佢嘅方法都唔夠薑，
即係一個接受命運嘅命定論，

既然所有嘢都整定你問你做乜嘢啫，
得個心安？

心安有咩用呀，自己好受啲？對事件有冇幫助先？

如果我話俾你聽你財運唔好，咁你係咪連去擔去枱都唔做啊？

香港地係咪真係搵唔到工？
付出腦力嘅工作做唔到，付出努力嘅工作應該唔太難掛，
如果你有心嘅話。

俾啲心機去搵一啲賺到錢嘅工作，
俾啲心機去對你媽媽好啲，
俾啲心機去過你每一日。

你推咗幾次我答下你，

咪講咗好多次唔答移民囉。

諗嘢唔好太過遺世獨立，
過分嘅獨特會同呢個世界格格不入，

男人方面我真係唔覺得有乜嘢要講，
但你記住帶眼識人，
喺選擇嘅過程裏面要細心啲，

不過你唔會忽然之間血上腦，
自帶顯微鏡，你嘅問題都不太大既

你把口啊小心放飛針呀，
最慘就係自己有時放完都唔知，

就係因為你頻率太過少，
所以俾你吉到嘅人好痛

我都希望你可以搵到一個試試正正，
真係可以公諸於世嘅另外一半，
唔使下下都收收埋埋，似有還冇咁樣，
有啲直頭唔知係唔係。

事業有咩好問姐，俾心機啦，
俾心機就得㗎啦。

旺，但係組合同大運都相當差
近兩年仲要俾親朋所累

西歷1977年9月8日 申時 男
想請大師指點一下
想問姻緣同財運

謝謝

應該係正官，可惜入咗丑
財官冇用，做個公墓猿之類？

真係有機會番盤，反敗為勝！！！

水為財而冇水
2024要小心

感謝 巴打
本身諗住博同安逸之間決擇
宜家我博多幾年先諗安逸