識八字 你問我盡答3

多謝你

點樣去分別八字合化, 合而不化,
食傷太重(水重) 既特徵
火在時柱地支勢弱, 可以點救

西曆81年8月24日 亥時
想問事業同家庭
謝謝大師

女 99年4月6號 寅時
想問學業同父母關係

thanks

感謝
係咪姐係依家要學嘢為主？
我都覺得我呢期做嘢唔多順，好似好蠢又唔好彩

愛情個到講得幾準，我都覺穩定嘅人先啱我

男
1999年2月16日朝早7:55
想知道自己事業上適唔適合創業
唔該晒

好想知道，答番個用推文回覆先

唔好學人去做hehe，

搵啲大過你嘅，
又或者細個你但姐姐feel 既。

我唔明點解你會擔心姻緣？
應該係話你唔應該咁注重。
有十字路口位？

女人緣方便我唔係好擔心你冇，
應該係話所謂嘅姻緣，
都係取決於你嘅選擇，
你嘅主導性太強，
你應該問吓你自己想點，

諗清楚啦，跟住動動腦根應該有你想要嘅嘢出現。

今年係你至關重要嘅一年，

放膽啲，俾心機啲，睇準就要做，

有時唔好咁硬頸，適當地靈活運用聽取意見係需要。

正式有時精靈有時懵，
唔好成日等頭腦清爽嗰種狀態，

要嘗試控制或者訓練自己常常處於嗰種清明嘅狀態，
你會發現當你喺嗰個情況底下邊你會令舍好運，

呢啲係屬於你自己嘅感官問題，
雖然係會受到無形影響造成開同關，

但唔代表你唔能夠控制，

你試過甜頭之後，你就要把握嗰種感覺，之前你唔知淨係以為好彩唔好彩，

我而家將個古惑位話咗俾你聽，
你就要學識點去把握同掌控。

唔該師傅

唔該晒師傅先
我都算唔係太注重姻緣，
但發現好似放唔底之前嘅女朋友，
所以就想問下。
同埋好準啊講啲嘢！

唔好諗太多，古靈精怪，不切實際嘅嘢，

除非呢個不切實際嘅嘢係能夠滿足你嘅目標。

而呢個目標，你要問心嗰句究竟係乜嘢，

其實我好唔想回答你呢個post，
但你推咗太多次喇，

因為我真係冇乜嘢想講。

太消極，你叫我為喂你飲雞湯，我又唔識煲，

問清楚你自己究竟想要啲咩，

唔好呢個頭清高、嗰個頭嫌錢腥、轉個頭又呻冇錢，

想割禾就要彎腰，背脊向天面向地，

眼眉毛向天點樣種嘢，點樣收成？

純粹八字唔會差㗎，唔可以賴條命，
如果係差嘅唯一出現嘅情況就係你個思想問題歸錯邊，
等於有啲人佢好專注，

咁佢專注喺搵錢度無論條路難行與否佢都多少有啲成就，

咁若然嘅專注喺怨天尤人、又或者啲點解呢個世界唔遷就我、點解人哋咁好我唔好，
佢依然都會有出色，就係呻嗰方面。

咁呢個專注係好定壞？

如果你係相信我嘅，
將你所有負面嘅思想全部抌咗佢，
你冇聽錯係抌咗佢，

每一日遇到任何令你唔順心嘅事無視咗佢，

只要遇到有少少幸運，係符合你自己嗰方面思想或者目標，
你就關注多啲，

將你嘅注重點修正返先。

我再強調多好多次，你要問清楚究竟你要啲咩，
唔好呢頭人生在世我乜都唔想要，
轉個頭我就想知我財運點樣，
點樣可以搵多啲錢，

完全九唔搭六，

如果純粹我睇你八字我係幾欣賞你，
但如果我睇你個言談，不免令我有少少失望，

你呢類型嘅八字我見過好多，
只用牙根唔鬆，咬得緊，多少有啲作為，
唔係氹你，係衷心之言。

任何命，幾好都好，有一樣嘢神仙都救唔到，
就係自我放棄，同埋管啤，

搵定一個方向，穩定一個目標，
大大步向前行，你會發覺你嘅人生會行返正軌。

唔好再搵人批命，
一係佢就覺得你唔差，
一係佢就執你口水尾講啲好啱你聽夠慘嘅嘢，

做我上面叫你做嘅嘢，
唔好得個諗字，

橫掂我叫你做嘅嘢，你都冇嘢輸，
豁出去試吓囉，
又唔使錢，

我希望呢篇文係對你有用，
我唔希望你睇完之後又故態復萌，

白費咗我心機。

絲打，將呢種擔心放低佢喇，
與其擔心不如將啲時間花費係有幫助嗰度，

咁樣問係50 50機會，好聽嘅講完你又未必完全收貨，
唔好聽嘅講俾你聽，你個心就成日囉囉攣，
點講對你都冇着數，
唔好再立亂問人呢啲啦。

第一個問題，如果你準備充足嘅情況底下面，
下半身淺綠色，唔需要太多可能喺條鞋帶咁就已經足夠，
上半身深啡色，亦都係唔需要太多你鍾意帶條蝴蝶結都得嘅，
佢都幫你解決咗無形嘅問題，其次就係你自己爭唔爭氣。

第二個問題，我可以好老實話俾你知，完全唔需要擔心。
我比膽你都得啦。

另外我提吓你為人表面大方冇問題，
但係個內心就要計較啲啊，
你呢啲係水魚格呢，自己注意下。

巴打請問可唔可以tg你問

男 ，單身。92年3月3日上午6時 想問姻緣和事業，同埋今年5月4日出遠門有無話好定唔好(單程)，因訂左機票後有人同我講果日不是好日。麻煩大師

09定45分