識八字 你問我盡答3

咁樣先係冇浪費題目。

今年你要火眼金睛，
睇吓可唔可以把握到一爆再爆嘅機遇，

機遇可以係錢可以係機會亦都可以係你想得到嘅嘢或者享受，

但佢個持續性好短，好似燒炮仗咁爆幾下，

但你能夠把握得到，

不論係你嘅立足點，定還是槓桿點，都會係異於常人。

俾個貼士你，今年裏面你有耳窿嘅，
就去買啲比較閃嘅耳環，
一粒石嗰一種。
唔需要係鑽石，普通人造好似鑽石嗰種只要夠閃就得啦。
好睇為主要唔需要大粒。
但個托一定要係電白金。

如果唔得就帶手鏈最簡單嗰啲但要有少少閃石。

祝你前途似錦。

聽住啦喎，

男人可以用，唔可以靠，

貴人扶完，你要識跑，

財運稍遜就會逝，要識得短暫把握。

用你嘅人生對照呢三句說話，
你後邊會撞少好多板。

你小心啲管住你把嘴啊，
你呢啲係肥婆格，
仲要係肥咗好難減嗰隻呀，

盡量防範於未燃啊。

做嘢直來直去唔緊要，唔講情面都唔緊要，但你一定要記住你嘅立場，
立場唔清晰唔穩定，
你用呢個做法去做嘅話，
會有機會兩邊都唔討好，

如果呢四年你夠自私應該係唔錯，
如果太豁達就可能爭啲，

做人要有自己，尤其係你，未來仲有幾年時間，
越係做自己，
先至越有，

最怕係你認清唔到你自己。

用我呢啲說話去反觀你早幾年，

得出個結論之後，要部署未來四年嘅時間 。

你唔係諗住我同你睇晒20幾年估你而家嘅戀愛狀態吧😐

呢啲快問快答，最好就同我講聲你係乜嘢戀愛狀態。

我唔開八字答你，

除非雙方個包容性好強，唔係目標一致咁簡單，

因為有生意上嘅合作一定會有磨擦，

一個人永遠冇可能做另外一個人嘅無止境出氣袋，

所以你哋要合作最主要嘅大前提下，
係對於自己同對方嘅容忍度有冇相當嘅認知，

搞結婚嗰一年呢啲咁嘅瑣碎事都大把人搞到分手，

更何況係一齊拍檔做一檔生意。

所有嘢最好都協商好，好聚都要考慮好散。

凡事身不由己。

係好係壞，唔輪到你去決定，

除非你能夠真正有個目標，又或者憑自己強大，

睇住人哋手指向前行，
同人哋扶吓你，你能夠識飛，
係兩種唔同概念。

想要人前矜貴，
自然要人後下苦功，

唔用隻手都要用下個腦。

可惜你係男人，

記住唔好做任何事係睇錢去做，

你發覺你越追逐錢越往錢看，佢就嚟你越遠，

好容易出現顛倒結果，自己對應下你之前嘅事情你就明呢句係乜嘢。

做好一件事，可能帶髀你嘅收益比較大。

當然決定邊一件事值得你花時間去做好佢，
呢個就係前置劇情，自己諗好先。

女人方面揀清楚先好上，

對方嘅人品係你個超重要嘅考慮點，

如果唔係成日疑神疑鬼就無謂啦。

謝謝師傅，咁可唔可以睇睇我嘅事業宜家好迷惘

多謝您巴打 我save低咗呢三句
我會好好記住

但財運好似從來都無些少強過喎
係咪因為我未把握到已經一早逝去？

點解句子咁少你都可以睇漏😐

短暫把握，呢句點解呀？

你唔死嘅7財運依然都會有，只不過每次都好短暫，

我真係未聽過有人咩叫財運一早逝去，

你300歲唔死，有人肯請你，你都有財運，有錢㗎嘛。

如果你要求嘅係中彩票幾十億，然後成世唔使做嘢嗰啲，
我暫時未中過，所以我都答你唔到。

入錯行嗰啲，
你直接入我群組裏邊睇文章，
有啲我置頂左，有啲冇嘅，你就拉上去望吓。

今時今日唔得咪轉行囉，
你又唔係NPC寫咗程序之後唔轉得。

你啲題目都同八字冇關係，而且冇男女，所以唔開八字，

八字唔會顯示你入錯行㗎喎，

做任何工作同事情，盡可能將自己嘅技能揮發出嚟，

唔好好似啲阿叔咁樣，喺公園，攞住生果金，住住公屋，覺得李嘉誠好廢淨係死好彩，
比着係佢又點點點 。

冇任何一個白手興家而又成功嘅人係廢柴，

因為佢係同一個時代裏面嘅人做競爭，而佢暫時未失敗。

俾啲心機啦。

最優勝嘅係有能力而冇運，會係你個大體寫照，

變咗做好多人會叫你做一啲靠職位得財嘅，

但其實我唔係咁睇，
因為本身一個人有能力做啲咩都應該係可以，
只不過佢係行吾到運勢嘅幫助，
變成左好辛苦同埋懷才不遇，

你身邊應該唔缺乏任何男性，或者叫做可發展嘅男性，
但係大部份對你嘅幫助唔大，
嚴重啲嘅可能對你造成纏繞，希望冇中招啦。

回想下今個農曆四月你預過嘅人，
尤其係男人 ，唔使理佢結婚未結婚，
在喺裏面細選一啲比較熱情洋溢，
隱性暖男，
其實裏面重有特質，但係你哋冇深交落，你未必會知道。
呢啲廢事講。

呢一類型完全唔會係你杯茶嚟嘅，但係佢對你嘅人生係最大幫助。

記住我講嘅係呢一類型，唔係呢一個人。

你要俾啲心機啊，到2026你會有10年俾你發圍，
前面呢段時間都係俾咗你好大嘅寬宏度，
如果你咁樣都把握唔到嘅話，
尤其係衰懶，

銜接唔到上去，你就好煩。

俾多個例子你，你而家個肌肉唔夠大嚿，到時候你要舉100 kg嘅嘢，
對你嚟講簡直痛苦過想死，

但若然你已經係健美絲打，
跟住落嚟嘅100 kg，
就會係你將身形雕塑到更完美嘅一個工具。

洗咩咁煩姐，
直接將呢個對話cap圖send俾你男朋友睇。

結婚係兩個人嘅事，

唔通我同你講40年之後你40年之後先結啊。

係鍾意嘅、認定嘅、願意嘅，咁咪去馬囉。

我又唔可以代你男朋友簽名嘅😂

不過我要同你講，
你個夫宮係好靚，
即係佢嘅入職要求好高，
你認為佢夠料嘅就俾佢坐入去。

而且有老公，對你嚟講係一件好事嚟。

祝你姻緣美滿，婚姻順暢😊

唔開八字，舉個例子俾你，

你今年桃花好旺，身邊周圍都係你好適合嘅女性，
全部超晒班Model咁樣，
但基於你嘅談吐內涵外在同內在，拍唔到拖，

你今年桃花依然好旺，身邊嘅都係有啲平庸嘅女性，
有啲仲好進取添，但你一個都唔啱拒絕咗，
依然都係拍唔到拖，

你今年又係桃花好旺，你唔去接觸，
社交圈子全部都係男人一齊喺度呻無女人，
基於冇啊個天仙咁嘅女人過嚟強姦你，
依然都係拍唔到拖。

你成世人桃花都好旺，
但俾人感覺污糟邋遢，
講嘢低俗唔好笑，
但又係拍唔到拖。

你桃花唔旺，但有一日一個純潔而又淫蕩嘅處女，
仲要係靚到令你長期扯旗，
對你死纏爛打求你屌佢，
仲將佢老竇幾十億嘅現金同公司交俾你打嚟，
到你問佢你憑啲乜嘢可以吸引到佢，
然後你醒咗


請問，
有咩方法可以容易啲拍到拖？

有時候技巧、實力同包裝，
有用過你睇你幾時愛情運旺盛到生毛。

小聰明，可能連條毛都攞唔到，
大智慧，可能得到貴人扶持。

有種言語技巧會傷害人，
有種言語技巧可以令到人為你而做事，

有種溝通能夠指點江山，
有種溝通神憎鬼厭，

你唔需要全世界人鍾意你，
你只係需要透過方法去令對方做令你有着數嘅嘢。

實際着數袋落袋就得啦，
招人恨嘅嘢就唔好做咁多，同埋最緊要對你冇着數。

剛強嘅做事方式係你爽嘅啫，
柔性處理唔代表效率低。

喺社會上我哋要嘅係實際好處，
喺人際關係上面我哋要嘅係對方唔好阻住晒，

其他嘅其實都係浮雲，

實際操作就要睇你，大原則上面咁樣係冇錯。

呢啲點能夠問八字，亦都唔希望你喺出邊問呢類型嘅問題。

事業上面嘅大方向可以講，
但究竟做唔做呢間公司，你唔應該相信任何術數上面俾你嘅意見。

你喺呢間公司做咗兩年，你經營嘅人際關係網絡，
同呢間公司發展前途甚至適唔適合你，
你要有一個清晰嘅認知。

我同你講今年可以置業你係咪借大耳窿都買？
我同你講10年之後你先好置業，
你中咗六合彩係咪代表唔買樓？

我哋喺尋求玄學幫助嘅同時都應該理性去思考，

我希望佢係真係可以幫到你實質嘅嘢，
而唔係心靈雞湯，
或者氹你俾錢嘅前置恐嚇性宣言。

為人多想少成，冇毅力冇長遠眼光，

雖然有一定嘅抗壓能力，但冇底氣變成左外強中乾，

好面子，會係你嘅死症。

一生之中蹉跎得好犀利，

我同你講不論性格上面，
還係技巧同人際交往上邊，
你一定要做一個好全面嘅理性分析，

要學我啲真正對你有用嘅嘢，
例如專業資格、溝通技巧、或者係一啲日常生活中用到嘅嘢。

只要你學到嘅發揮應該唔錯。

你成個人生記住包裝兩個字，

但呢個包裝一定要有基本嘅理論知識做支撐，

我真係有啲擔心你呀絲打，

扮豬食老虎可以，
但係豬仔扮老虎仲要覺得自己係老虎就好容易出事。

盡量去做一個，
你認為係喺社會上成功嘅人，
要有嘅知識，
唔係個外殼。

我冇得閑睇到更加多嘅宮位，
如果父母嗰邊個支撐力大一定要多來往。
尤其係媽媽嗰邊。

你一定要好俾心機，記住。

但你如果做得到我上面講嘅嘢，
你嘅人生唔係上咗一個階級，
而喺坐咗一個子彈升降機。

當然亦有可能你已經做咗喇。

祝你生活愉快。

明白 唔該哂巴打

可能飛左，推一推，而家事業發展都好需要方向🙏🏻tkssss

嚟緊呢18年，你1分鐘都唔可以浪費，
呢18年你會有個好大嘅問題，
就係冇幹勁同懶☝️

你要有嘅嘢你唔係呢18年裏邊累積埋一齊，
跟住落嚟你會將會用50倍嘅努力都補唔番。

千祈唔好做一啲一支公做嘅嘢，
要同人做接觸，同人做交流，

你個貴人運唔錯，要好好運用佢。

但你個整體人生並唔太容易，
係呢兩年稍為有少少回穩，
記住要好好把握，

有人做運動啱啱有得唞氣就開始放鬆，
但偏偏就係呢一段時間先至係你嘅高光時刻，
你攞嚟瞓覺咁就食得蕉啦，

周圍都係仆街嚟㗎，

越係懶有氣質，越係行精面嘅你都唔好掂，

簡返有擔帶啲嘅，要係今年裏邊睇清楚，

回想下今年農曆頭三個月，遇到嘅男人。

呢啲唔會係你嘅真命天子，
但若然你能夠揀到呢啲嘅，你個命就開始改。

我唔係好建議你揀啲你想要，
我希望你揀啲係適合你。

當然愛情呢啲嘢講唔買嘅，
若然揀着一個自己真心鍾意，
你就要食得鹹魚抵得渴，
千祈唔好怨天尤人，導致夫妻關係有問題。