識八字 你問我盡答3

純粹以對你着數做優先，

記住揀男仔唔好揀啲太啱自己口味，
尤其嗰啲嘴gelgel，懶風流倜儻嘅，
你要當佢哋係屎忽鬼，
如果唔係硬係會輸啲嘢俾佢哋㗎。

揀啲由內而外都正大光明，
凡事有板有眼，
係就係悶啲㗎啦，
但講緊嘅係情趣上邊，
唔代表為人上面沉悶啦。

只要你肯將腌尖腥悶呢種特性，
再配合埋你顯微鏡睇事物嘅能力，

感情上面我覺得你冇得輸喎，
有嘅，係你跳咗制，吾按程序做嘢啫，
俗稱嘅沉咗船。

今年一定要不定時不定量不定期去捐下錢，
又或者叫洗得其所，

即係你洗嘅錢有意義嘅，
例如可能對方要幫你做返啲嘢，
你可能學多咗樣嘢，
反正就唔可以白俾啦。

有咁嘅思維分分鐘搵到有機會添。

同埋唔好咁懶啦，唔該。

如果係早九年前，我係會直頭叫你課金，
我要你感受下咩叫做扶搖直上。

但你呢個大運剩返年幾，搏唔過。

唔好以為我喺度兜生意，三個post我開得呢個口嘅，
唔係得幾個，
但可惜嘅係剩低嘅時間太短。

你呢個大運睇落唔算太好，
但適當處理佢會係你成個人生最好嘅大運。

甚至有機會喺呢10年裏面，令命定論對你嘅命盤產生疑惑。

因為有好幾個成功個案。

你應該感受過，因為喺特定嘅年份月份日子裏邊，
你都會開啟到呢個神奇模式，

你要知道我係唔會比任何決定方向俾你地，

講完你係咪必要做，做咗又唔一定對你有百分百好，

正式幫咗你你未必多謝我，衰咗你又想屌柒我，
何必呢。

不過唔需要擔心嘅，今年你自不然會覺得鬆一口氣，
覺得稍為舒服啲，

唔好睇小今年同下年出嚟嘅所謂壓力，
呢個就考驗你眼光同膽識嘅時候，

有啲人越撳就越一坺泥，有啲人越撳個彈弓就跳得越高，

我想你做後者。

你得唔得？

天乙貴人有無用

好在我有睇你哋嘅引用習慣啫😂

姻緣有咩問題啊？
揀清楚先好上囉，
我俾你嘅意見就係，

今年俾啲心機啊，
用搏盡無悔尼形容一啲都唔過分。

我反而擔心係你會暴肥，
一肥毁姻緣，
呢個你一定要自己小心啲，

但如果你肥嘅話呢可能財運會相對好啲，

先撇除因為唔開心變肥，

你忽然爆肥嗰期就最爽皮，

若然你又想好姻緣又想有財運，

最簡單就走去做重訓，將個肌肉密度提高，
咁就可以兩全其美。

即係你體重點都要上升㗎啦，
差在嗰啲係脂肪定還是係肌肉。

有一類型人口才好好，
隨時可以出口傷人，
個口永遠快過個腦，
要透過第三方嘅成敗輸贏，
將顯自己嘅不同同自己嘅聰明才智

另外一種人，你可以話佢自我，又可以話佢自大，
但我想你講佢係有底氣，
呢一種底氣可以源自於天性，
又可以源自於學識學歷，
再唔係都可以源自於佢與生俱來嘅口才思維，

做戲嚟講，第一種係由外而內，第二種係由內而外。

我想你做第二種人。

講完第一樣，

我要你精明地大方、熱情地仆街。

然後扮到自己陽光地腹黑。

將呢三樣嘢替代入去你人生任何一個黑暗時期，
艱難嘅決定，
後悔嘅選擇，

回憶一下，係咪可以百分百完勝。

諗完之後，

你以後真正嘅人生，就要按照住呢個劇本去行。

選擇另外一半，你唔需要一定食住佢，
但最起碼係能夠和平共處到，而唔係比對方拉住你行。
你嘅口味同身邊遇到嘅人，
有機會令你蝕底，
按照上面嘅選擇模式，應該搵到裏面最符合你要求嘅人。

如果發現頭髮甩得太多要開始調理啦，
對運勢同對身體都係一個好嚴重嘅警號。

師傅，唔好意思，之前post嘅時候慣左不推文，後尾有幫手補推過post，如果有時間可唔可以幫我睇睇，麻煩哂

怕咩啊，咩都唔使怕，
多多挑戰埋嚟乜都殺，
最驚冇麻煩嘢搵你啫，

不論你個人能力，還係你個人特質，
我連同你講俾心機都費事，
信自己，都要靠人嘅，
嗰種靠係俾人扶或者叫托一托，
倚賴就千祈唔好啦，
你係唔多唔少有少少神奇嘅惰性，

乖乖哋做返你個角色咁咪好囉，
但絕對唔係懶豬。

你記住一樣嘢大刀闊斧嘅思路，
動多啲老根，
大膽啲想法，
諗啫唔係百分百做到㗎，諗你都唔敢諗咁點做啊，
做唔做到到時你自己心裏有數啦。

今個農曆四五月你睇吓出現嘅男人啱唔啱，
同埋留意吓呢兩個月出現嘅男人嘅特質，
我個人比較鍾意你嘅另一半係咁樣，
鍾意你錫你就一定多多少少有少少婆媽或者煩，
雖然未必一定會管住你，

農曆七八月都得，但你一定要確定你控制得住呢一班，
同埋同佢哋一齊冇得懶，
整體嚟講對你係好嘅，

但我鍾意四五月嗰啲，
因為我覺得你有足夠嘅能力，
搵到麵包。

我都想你有人錫，
如果唔係我就覺得成個人生好攰😮‍💨

你根本都唔缺情人類別嘅係身邊出現，
吾啱你口味啫，

但我認為你啱，因為多數都係仆街嚟，
希望你未曾奶過嘢😂

又或者好幸運咁搵到撞啱嗰啲。

多謝師父！
工作方面真係好多挑戰我都頂硬上，而好多時我都乖乖咁人哋比麻煩嘢我就做！
依賴呢樣嘢我暫時覺得我都無咗㗎啦，我份工有個好好嘅同事成日都鼓勵我

我嘅想法真係好保守，因為覺得做唔到，所以直接唔諗。我試吓改變吓啲想法！

我身邊真係多仆街嘅唔知點解，但我都有好好保護自己，仲未奶嘢！希望唔好奶！

睇到師父你講都好想我有人錫，即刻眼濕濕。我都想有人錫呀！等我留意吓師父你講個啲日子先！

見師傅而加先講到200幾，
如果課番些小有冇得早啲睇，
因為好似講得好仔細想快啲聽下意見
唔該師傅

01年7月18日 22:30（左右）女
想問學業（讀書個方面而家好迷惘）、事業、感情（而家同男朋友感情幾好相處舒服）
感謝巴打

多謝師父

多謝師傅提點

師父, 如果八字中天干食神, 地支傷官
咁算唔算透干?
而同柱透干同異柱透干有没有分別?
另外請教一下合化和合而不化的問題

巴打您好！我係5/4 2:53am tg咗您，唔好意思唔記得喺到留返record

最麻煩就你呢種，好似好着緊啲錢，
好似發錢寒，
好似金錢的奴隸，
好似市儈仔。。。。。

全部都係好似囉，但都唔係真。

你將上邊啲，好似，變成咗真嘅，咁反而好搞啲，

男人老狗唔知你明唔明白，
人係有好多層，唔同嘅諗法，

你最內心嗰層過分清高，
簡單啲講就係嫌錢腥，
視錢財如糞土，
會係你每當做抉擇得財嘅時候，
格手格腳，

真係唔係好多人跪喺度拉你腳趾求你收佢啲錢，
仲驚你唔要顧及晒你面子，
然後驚你唔夠比到多多，
成個感覺就係你收佢錢，就係佢人生既榮幸，

你調轉頭諗吓，你係財神、老細、顧客，
你會唔會咁犯賤先。

搞唔掂呢樣嘢好擇使。

試吓將佢轉成 視糞土如生命，
咁會好好多。

心態係你嘅阻礙，

同時方法係你嘅武器，
方法，可以係你嘅學歷、技能、獨門技巧，

甚至係你有條賭馬必勝方程式，

唔係講笑啊，

你既然有呢方面嘅天賦，不妨喺空餘嘅時間充實下自己，
20幾歲仔啦，
大概都知自己邊飯比較有用啲，
自己進攻吓。

同埋唔該你大方係啲應該大方嘅地方，
唔好平時就將個銀包暗到好實，
一嚟就大出血，

日常生活就慳一毫子，
一跌就跌一萬，
自己留意吓啦。

我見到有啲巴絲打推文，
你哋要「引用」返自己嗰個post，

因為有時候你自己問嘅問題唔推文，
你下邊推翻，但係我都唔知嗰個係你嚟㗎，
咁我睇到你嘅時候，我就會默認你係冇推文，

我係順住落㗎，
所以喺我睇到你之前，你就最好推返，
如果唔係只能夠，
到我第二次睇到你推文嘅時候，
我先會再次回答。

八字算命點解會準，有冇人知

你嘅文章我寫好咗，

但我要你TG我，影你身份證嘅出生年日俾我睇