識八字 你問我盡答3

禁

見你推咗兩次，有關移民嘅唔答，講咗㗎啦。

點解要打農曆？

份人唔好太過自我，
好容易會俾人借住呢個去做你。

有時無賴啲，反而有着數，
堅持同原則係有需要嘅，但要睇邊方面，

唔好下下都將個道德線或者標準線條調太高，

如果唔係，
就只會，
野就你做、
死貓就你食、
着數就唔係你攞。

選擇係你人生嘅課題，

邊啲工作你應該要做，
邊啲project你唔應該掂手，

邊啲事你唔應該多管閑事，

既然多事搵你，有啲唔需要你理嘅，
你就要識得太極拳。

多啲同女性上司，女性長輩，接觸相處同擦鞋。

男人老狗都問感情？

你只要將你把口收一收同改一改，
唔太難有。

如果你唔明白我點解叫你收一收同改一改，
咁就擇使啲喇，

我指嘅口，係講緊溝通呀。

盡量唔好揀啲對你管制性太強同太惡嘅，
呢類型嘅會容易俾你吸引，
哪怕你鍾意柔情似水。

你想你人生好啲，
你就揀啲敦敦厚厚、勤勤力力嘅女仔。

不過呢類型你未必鍾意，但係係對你個人生最有幫助

由今年開始你要放膽啲去做任何事情，
用豁出去搏盡無悔嚟形容，

因為42歲之後，你會有一個砂糖同屎嘅，混沌期，

直到你53歲之後會有一個銜接期。

呢個銜接期就要睇你呢十幾年有冇本事可以打到個基礎，同埋眼光實力，
將呢個混沌期淨係揀砂糖，唔怕屎。

若然你做得到咁你先可以正式銜接到之後嘅運。

千祈唔好喺呢10幾年年間，俾自己太過安逸，
如果唔係我驚你接受唔到嘅轉變，
或者叫做冇能力去應付個轉變。

危機，當你知道危險，又要去把握機會，
機會先係危機裏面嘅重點。

好開心樓主覆我！！！
睇落我係事業上比較大問題
呢幾年事業都無特别前進到
如果我想轉份好d嘅工，
有無邊年我可以行動？
謝覆！！！

多謝師傅

如果你係諗住喺政府部門同紀律部隊裏邊發展嘅，

我俾個建議你，

要專業知識或者要讀上去、

又或者要不停運用知識、技能、

工作流動性強，呢一個淨係佔0.5、

又或者海關、

你會發展得好好多。

我唔知你講嘅未來係講一年一個月定係50年，

但我可以同你講嘅就係，

只要你係想，

睇唔到因為純粹運氣因素令你考唔到嘅因子。

準備足夠嘅，今年好試吓喇。

呢個就係我尾二嗰段特別同你提嘅，

因為呢度唔牽涉方法，

要靠你自己，你扭轉得到，後邊可以講係一片光明，

呢種情況可以講係最容易，都可以講係最難，

難嘅係要改變一個人嘅性格同行為，

容易嘅就係只要你肯做咁就得啦。

我上面講嘅每一個階段嘅最佳選擇就係咁樣，

亦都會係你原有人生裏面最好嘅劇本，

但如果你係呢個發育期、新手低難度、開埋後門單晒眼俾你，都唔爭取吓，

去到後邊嗰個應該既高光時刻，對你嚟講就唔會係高光，

分分鐘係你揮之不去嘅大石頭。

容易嘅，你唔食住過勢上去，

到時打大佬，就真係唔夠力。

多謝 巴/絲打
我都唔想 不過事實擺在眼前 唔係隻眼開隻眼閉就完事

多謝咗樓主先

收一收口嗰part唔算太明？係咪即係要我講嘢唔好太直接？

2000.01.25 22:30 想問未來嘅運勢

男

感謝

我係咪miss 佐
同請問可以加埋姻緣嗎？謝謝
我成日都諗自己人生意義係咩

唔開八字答你，

香港政府規定合法老婆得壹個，

全世界都冇規定女朋友可以有幾多個，

你有本事嘅三萬後宮全部都係女朋友冇問題，

咁我想請問邊一個女朋友呢？

除非你見嗰個人係陌生人，就即刻拉住佢一齊去簽紙，

如果唔係我會推論你一定經歷過拍拖跟住到結婚，

即係你嘅女朋友未必一定可以同你結婚，

但做得你老婆嘅，絕大機會係做過你女朋友。

所以任何一個人做你女朋友，都會比起一個陌生人，更加大機會可以結婚。

當然你哋自己唔願意除外啦。

我俾你一個最大嘅貼士，

每日都要食豬肉，
同埋記住唔好食啲唔熟嘅豬肉。

今年記得加油啦，因為出年又會開始疑似打回原形。

差咁遠㗎😓

今年會係你非常之有機遇嘅一年要好好把握，

之前你嘅辛苦壓抑回報率好低，

但今年嘅你係要多多益善。

男人你身邊唔缺㗎不過仆街居多，
不過你唔會睇得上眼嘅咁都可以好少少，
你鍾意嗰啲陰柔、氣質型，
但你揀得呢啲你就要預咗個膊頭好重喎，

我唔係叫你今年一定拍拖，
但我要你同我留意吓今年喺你身邊出現嘅男性嗰一種類型，
淨係嗰一種類型咋，真心考慮吓哽唔哽得落，

如果覺得都食得過嘅，

唔係叫你今年搵，嘗試同呢類型嘅男仔多啲相處，
會對你個人生好好多，舒服好多。

當然你淨係享受佢比你嘅好處，
而唔同佢做人世呢啲，我就唔加家意見呀，
咁就認識多啲呢類型嘅男仔都冇壞嘅，
始終都係對你有着數。

不過就冇乜情調、成碌葛咁就真嘅，
但事業方面人哋係幾好，

考慮伴侶嘅時候，你要對方千依百順，
自然你就做唔到小鳥依人。

但明知對方有暴烈嘅情況，仲要做到出面嘅，
呢類型就唔好揀，雖然機會都好細，但我都要提吓你。

可惜你係女孩子，如果係男孩子嘅話，我唔係話你嘅成就好唔好，
而係你嘅生活會嚟得有價值啲。

同埋我提你千祈唔好靠父母，
亦都唔好旨意人，

靠自己。

可以用嘅就用啲細個你嘅女仔。

你係咪成日感覺到一啲撠住撠住嘅感覺，

話好呢，又成日爭咁啲，

話唔好呢，又好似幫唔夠。

我只能夠同你講，除非呢段時間有方法幫助你，

純粹靠你自己嘅我會叫你穩打穩扎，

唔係叫你做縮頭烏龜，

有把握先去做，呢句唔係廢話嚟。

能夠做嘅嘢盡量係呢段時間做儲備，

2028至2037會係你人生嘅轉捩點，

但前提要睇你而家究竟有幾多料可以喺嗰段時間爆。

如果你能夠搵到一個自律性好強，個感覺官仔骨骨嘅、同時佢要好錫你，甚至叫做諒解你。

咁嘅男仔，佢未必係你所謂真命天子，
因為你嘅口味同對方嘅口味都係完全唔相符，

但佢會係最適合你、最幫到你嘅姻緣。