識八字 你問我盡答3

(借朋友ac)
我首先真係要好多謝我呢位朋友到而家仲肯借AC俾我
佢唔止一次話我講嘢太直接好驚我會引戰
同佢個Username 好格格不入

仲話第二個post一定會有罵戰，係連登嘅傳統

但我覺得呢度嘅巴絲都傾向比較實在，
我唔認為會出現呢種情況，

事實證明呢度嘅巴打絲打係高質嘅，
我贏咗

各位巴打絲打你好，
如果你有姻緣、工作、財運、事業問題，
你問我盡量答，
但唔包括健康、身體、壽命、應否繼續離婚分手、以及移民

一人一個問題。

但今次唔會再係免費㗎喇，
睇清楚先至問問題😤

我需要你哋每人為我做一件善事，

買旗、捐錢、扶阿婆過馬路、救人一命、拯救世界或者拯救宇宙、甚至拯救銀河系，總之就有大計大啦

你留得言喺度詢問，就當你默許左，有時做吓善事好多嘢都會順啲㗎，咪試吓由呢度開始囉。

下邊嘅資料最好齊啦，如果唔係通常我都會飛

性別、年月日時、如果問姻緣，一定要講你而家嘅感情狀態，如果唔係我一概當單身論。

一人一個問題啦，簡單啲好啊

太過私人嘅就留言係TG，

https://t.me/joinchat/vR2JewG7zUA1ZmU1

但講明個優先次序係，
XX、連登、TG

不定期回覆，唔好催，
通常我會順序睇落去，
如果我唔覆嘅除咗我大頭蝦冇睇到，
你哋要留意係咪少咗資料，
例如冇寫男定女，或者時間
好重要

再唔係就係啲問題太過超脫現實啦，
又或者你哋問問題太精明啦，
例如用你一個出生年月日，
問晒你家族上下18代，未來一生嘅運勢。

咁就真係講聲唔好意思呀。

我會盡可能覆返上個post未覆完嘅，
跟住先至再覆呢個post，
喺上個post留言咗嘅，留意返自己有冇俾我回覆。

大家如果有疑惑，我又未曾答你，或者你覺得答得唔夠喉嘅，
我好希望你哋入去TG群組裏邊，
睇睇我打嘅文章，

裏面有講到: 移民保命、你有冇入錯行、咩叫做真命天子、命運係咪唔可以改變、你會唔會係特殊命格、真正嘅功效同得着喺邊度，
唯一我要求你，當佢係一種命理意見，唔好當係雞湯咁睇

花少少時間當係花生咁睇晒佢，咁你就唔會再係一隻豬仔，起碼腦根會清晰啲去做決定

幫推

上個post #952

你只要唔好挑起條筋懶，同埋偏科，
學業方面我睇唔到你有太大問題，
就算有，你問吓係咪自己做咗傻事，相信問題解決得來得快好多。

我對你嘅評價幾好，我諗唔到應該要俾啲乜嘢好特殊嘅意見俾你，

我只會講如果你奶撻，係你自己出晒事，
明明聰明仔要扮蠢，又或者叫做應該聰明嘅時候做咗傻仔。

我幾開心喺第三個post嘅第一個人係睇你呢個八字，

你呢類型嘅八字係我第一集嗰度出現得比較多，
反而去到第二集就少見咗好多，

俾啲心機，你得㗎。

要得閒睇吓群組裏面嘅公告啊，
精力有限，總要分優先次序，免費查詢嘅，連登永遠都係優先。

上個post #955

咩叫做份人好平均啊？我唔係好理解呢個形容詞。

我覺得你成世仔不缺乏挑戰喎，唔去到慘豬豬嘅，但豬豬慘我應該會有，

好在你份人柔弱中會爆發堅強，但爆發嘅時候你就辛苦好多啦，

你出年一定要俾啲心機啊，好好把握，

出面好多嘢都會有好明顯嘅好轉，最緊要係唔好俾任何夥伴搵笨姐，
留個小心眼喺個心裏面，
你依家開始你要學識做人設，
呢樣嘢對你嚟講應該難道唔大，

即係叫你做戲啊，

你呢款好容易扮豬食老虎㗎，合理利用自身優勢。

上個post #962

你成個人生都好唔得閒喎，成日都要考試，制約性掣肘性多籮籮，逆境中學習完全適合你人生，

望到你我都覺得你好辛苦。

唔打太多啦，你記住，唔好學人去揸車，路面交通工具可以唔好搭都盡量唔好用，

使用多啲地鐵、輕鐵、火車，尤其係做重要事情嘅時候。

而家要開始食奧米加三㗎喇，記住買奧米茄三唔係買魚油，

做完呢兩樣嘢慢慢會有改變。

上個post #977

唔開八字答你，

入去群組裏面搵返嗰篇，
命格適唔適合做某行業去睇吓，
我記得好似幾新，

佢會解答到你疑惑

上個post #992

瞻前顧後令你好容易做錯決定，

本身你份人已經係多嘢諗，你仲要將佢加劇，但又偏偏冇衝勁同動力，變咗好容易會錯失時機或者做錯決定。

呢樣野你一定要攝高枕頭諗清楚改變你嘅處事原則。

37歲之前你一定要好努力打好你嘅基礎，
如果呢幾年你都把握唔到你之後會好痛苦，

以前嘅辛苦係冇得着，或者所謂嘅得着係令你個人內心成長嗰啲廢話，

去到36歲呢種辛苦係有得着有機會，咬緊牙關你都要努力去做，

如果呢個運，你浪費咗，你就真正知道咩叫做辛苦，

你呢種醒目太過深層次，變成浮到面嘅時候，會由蘋果變咗菠蘿，
呢對野睇完之後自己對號入座反思自己人生，

再衰嘅評價都唔怕俾自己，最緊要把握到之後嗰幾年，去修正自己行為，去得到現實嘅果實。

gchi加油

感謝巴打 好人一生平安

咁即係我由宜家開始要靠自己努力

雖然我一生都係靠自己

同埋36歲算唔算大器晚成？

我希望你哋推文回覆，等咁啱有巴打絲打，迷惘嘅時候，
行過喺頂頭，有一個地方可以比佢哋問一下，

哪怕我覆得再慢，始終都會有覆到嘅機會，
而唔係變成左偉大航線，突然之間搵到呢個post，發掘到好地方，先至有得問。

我盡力答你哋嘅問題，我希望個對象係你哋，唔係淨係你，

行入嚟呢邊嘅人數唔係特別多，有啲咁啱行過見到就會留言，見唔到，佢都唔會拉去下邊，

反而係呢邊浦開嘅，推唔推文大家都識路搵，完全唔同。

既然我唔介意花時間同你地慢慢睇，咁你哋就要為後來者創造一個機會俾佢哋。

起碼佢哋有途徑去問。

至於嗰啲有緣先遇到嘅我就唔太接受，

冇緣份就創造緣份，唔好就想方法將佢變成好，逆境唔一定要低頭，睇吓大家肯唔肯手扶手姐。

我放定喺度答你哋問題，而你哋能夠將佢置頂到，佢哋行過見到能夠問，係我角度我認為係一件好事。

老實地，呢個post就算你哋點推都唔會上到熱門嘅，
所以大家堅持嘅嘢，唔會有影響。

另外一啲太神奇嘅八字，或者我認為比較消耗腦力嘅，我又唔想完全唔答你，若然你真係面對問題呢？

但你要我做教學咁去分析佢我又唔想，

可能我會要求你，TG影你身分證上邊嘅出世年月日俾我，我會衡量同你計算。
若然你搵到咁多身分證嘅特殊八字嘅，我都好佩服你，
依然我都會答你機會好大，
起碼真係有一個咁樣八字嘅人，”真實地存在” 得到幫助，
而唔係虛構人物。

我有諗過完全唔理，索性唔覆就算，
但聖母心態作祟，只能夠做呢個折衷嘅方法，你哋就多多包涵。

你係由而家開始去到36歲呀，要俾心機。

36歲之後就你想俾心機都會好辛苦。

Get錯咗好大件事啊。

你80歲先嚟搵到錢，牙又冇，力又冇，
我想問你重啲乜嘢可以享受？
能夠有資本住高級療養院呀？

大器晚成呢啲思想，風險太高啦，回報率又低，

任何時候，都一定係當下盡力去做任何野，

當你一百歲唔死，

你20歲開始搵到錢嘅機會率，

同埋你80歲開始搵到錢嘅機會率，你覺得邊個高？

去TG群組度睇吓啲文章，有講過關於算命同你講，若干年後騰飛嘅睇法。

每時每刻任何人都係要靠自己，不論你有貴人、有富爸爸富媽媽，還是一世死好彩，
若然你自身完全唔得嘅，除咗係做一隻養肥嘅豬仔俾人劏之外，冇任何意思。

俾啲心機睇清楚兩段說話，改變你嘅行為準則，我唔想你之後，拍着大髀講，早知聽你講啦。