識八字 你問我盡答3

唔好意思樓主，打錯左

唔緊要，你同我講，我會返睇👍

基於第二個問題，我唔開命盤同你回答，

官非嘅定義非常之廣闊，輕微到你隨地吐痰，要罰錢，其實嚴格嚟講都叫官非㗎。

嚴唔嚴重，就更加無從可考究，
話俾你聽唔嚴重，嚴重咗，就話你做左衰野。

話俾你聽嚴重，
真係發生你會當我生神仙，順便洗吓錢，

點不知你又冇事喎，
咁就同你講，因為如此如此，你避開咗喇。

第二個答案基本上係無敵㗎，比着你，你覺得點樣答？

我咁樣講完你心水會唔會清啲啊？

你都已經35歲啦，做任何事應該有前後鋪排，
要犯法要有官飛，都要有位俾人入，

你屋企都冇火種，
如果係因為隕石撞落嚟，
令到你火燭你都認命啦。

你條命，大範圍咁講呀，
到現時為止係細個嘅時候稍為舒服啲，

跟住都係幾啖屎，就有啖砂糖咁，

仲要嗰啖砂糖唔知幾時有，你又食唔食到。

原本等九運過嚟你應該好啲，叫開始有轉機，
點知你41歲又轉大運，

進入咗一個神之狀態，有運冇機會🤦‍♂️

我冇打錯，你都冇睇錯，
如果睇唔明嘅，
到時你自己自然會明㗎。

俾個貼士你，唔好咁多古靈精怪嘅諗法，
應該係話九唔搭八，唔貼地㗎，

若然冇辦法可以控制到，
就用你嘅行動同能力將呢啲天馬行空嘅諗法，
實現出嚟。

自然會有大大作為。

但對於你呢份人嚟講係有啲困難，甚至係好困難。

借黃子華一句對白，

做事可唔可以急屎咁樣，
唔使下下都要人叫。

你睇得明上面呢句對白，係冇用㗎☝️

你係要做得出，做得到，先至可以扭轉到。

多謝師傅指點

幾十歲人嗰度，我主要係指處事方法，

每個人喺唔同嘅時間點，一嚟係大運，二嚟係流年，再嚟係流月、流日，

每一刻都有機會碰撞到啲新火花出嚟，所以性格上面你可以咁講，

但命水上面你唔能夠咁講，喺我嘅世界同眼光，命理係積極嘅，

可能就係喺某個時間點上邊，
你隻腳指尾痕，
走去買咗張六合彩中咗頭獎呢？

又或者你忽然之間頓悟左改變晒你成個行為？

100個人講同一樣嘢，只要唔發生就唔係一個影響。

同樣地佢哋唔講，亦唔代表唔會發生，

你而家咁樣入晒腦，
會好容易出事☝️
所以點解我唔再點評落去。

而係迂回一啲叫你小心做事。

呢個世界黑仔，可以不停咁黑仔落去，甚至會招惹衰運。

而令你持續好運，需要嘅力，比起衰嘅嚟得困難，

咁點解你一定要喺呢一個圈圈度打轉？

只要你按照我上面講嘅凡事小心唔好俾人抽後腳，

佢個結論就係安全囉，

同你不停咁去諗或者搵原因去證明你會中招，
或者點樣叫做運作都唔中招，

你覺唔覺有少少似是而非，

以我嘅提供嘅方向，會唔會相對好用少少？

至於你提到嘅掌相，我唔認為作為一個好大嘅參考，
佢講性格會比較準一啲，
而唔係推斷你嘅未來，

至於點解，我曾經喺TG群組有講過，有興趣就返睇返。

既然你再三提到你膽小怕事，

我可唔可以，

將你歸納成，

你係會比較見微知著、做事細心小心，

既然你有咁好嘅先天性格條件，再去加少少動力同行動力去做事，

講緊嘅行動力，唔係衝動啊，

即係有一個冷靜嘅大腦，同埋有力嘅手，

呢個係唔少有作為嘅人，應有嘅先天硬性條件，

有時事物有兩面，睇你點運用嘅啫。

多謝師傅再指點, 我會消化下再好好思考下

男新曆2002年10月31日凌晨點幾
想問事業、姻緣

唔該曬 師兄

用咗不推文 唔好意思巴打
輕輕一推

推

推～

輕輕一推

女，1995年1月20日 上午8:33
想問事業，同埋可唔可以同另一半做生意？
感謝大師

女 1993年7月9日 1:30 am

想問事業愛情。謝

你冇男定女，我唔識睇。

你TG影你身份證嘅出身年月日俾我，
我答你。

辛苦係辛苦㗎，咁又點啫，
你唔係怕牙ma，
我對你有啲期望喎，

媽媽仲健在嘅，要當佢神咁拜，
同佢關係唔好嘅你就諗方法同佢變關係好，

多啲同佢食飯，多啲買嘢氹佢開心。

既然你同佢本身關係好好，你就要再加馬。

你就好似發現你哋關係越好，你嘅運程都會越好。

我好建議你做裙腳仔，都好建議你做媽寶。

我指嘅係關係上邊，
頭腦、分析、思考，當然要獨立啦。

你好咬緊牙根，
喺呢10零年裏邊，儲備好晒你所有彈藥、知識，
好似超級吸水海綿咁樣做定準備，

如果唔係到時天降大任於斯人，
你擔唔起，而錯失機會，唔好話我冇提醒你㗎。