識八字 你問我盡答3

2007年3月17日 1716出世 男
想問事業 謝謝

輕輕 推一推
唔該大師

八字原局無根，但命宮，同胎元有根，點攪？

打咗好大篇嘢，但係死鬼咗機，
下邊抽重點講吓就算，

可以嘅唔好做lesbian ，真係唔得Bisexual都可以。

早啲結婚，你會有強力㗎后盾令你可以向前，

早啲生女，你能夠更容易更上一層樓。

你係有少少修身齊家治國平天下嗰類型，
逐步加成，

環境多變化，你有能力Handle，
同你講咗之後你就要做定準備，
凡事留三成力，可能會有意外驚喜。

你算好幸運，
因為你其中嘅密碼點都可以喺六親裏面做到輔助，
但婚姻子女，點可以話點就點，呢個係一個click位。

嚟緊嘅，基本上我用動盪兩個字來形容，
應該唔會太過分，

其他人我會叫佢凡事睇定，一動不如一靜。

但對於你，我會叫你睇定先，至狠狠咁毆落去，

危機，注重嘅要係機會，唔係危險，

但呢d機會，你嘅八字唔缺乏元素，
就睇你能力有冇本事。

2002年8月24 午時 女仔
最近過得好唔順 想問下金錢同事業方面麻煩你

師父唔好唔漏左我丫

敗多成少，永遠衰衝動，
做起事上嚟火紅火綠，

你記住，
任何事情個重點係要完成同成功，
快係冇用，決心你從來都唔會缺，
但問題係你嘅取捨究竟係咪正確先？

前期準備永遠大於實際決定，
唔好打天才波，
亦都千祈唔好信靈感，

你仲有幾年時間都係會自尋煩惱，
有啲嘢唔關你事操心嚟做乜嘢，
就算關你事，對你有冇影響先？
冇影響嘅你諗咁多做咩呢。

唔好睇我上面好似講到你好差，

你係絕對可以有大作為，
前提吓你要將我上面嗰段說話消化到去到粒子咁細，

你能夠可以用理性駕馭你嘅衝勁，
聽清楚係駕馭，唔係壓制，
要發圍根本對你嚟講一啲都唔係難事，
係發圍咋，發吾發達就要睇你點去鋪排。

早少少有養生呢個動作，尤其你要關注心臟同腦部血管，
如果你有近視，
中風、心臟病，呢類型嘅血管疾病你好容易發生，
早少少要保養，
如果唔係人在天堂，錢在銀行就無謂啦。

請問八字嘅「生命力」係咩意思

有人會準備超充足但會發揮唔好。

即係放咗100TB個腦度，用得兩三TB，

你偏偏相反，發揮可以超常，但前提係你嘅蘊含量夠唔夠先。

唔淨只係而家嘅考試，將來嘅人生你都要注意呢個問題。

拍拖有啲咩好講啊，都已經拍緊囉，
我冇喺八字度講啊，
你咁細個，個個都話你吾穩定㗎啦，

大學、社會、工作、現實數字、包括對方家族、
你睇吓要打幾多次大佬，

點會有一個算命嘅會同你講可以啊，

但睇得我來嘅人都知道只要選擇咗好好地去就得啦，
問題可以嘅就一齊面對，
無可挽救嘅問題就唔好拖大家。

出年開始，計後嘅10年，
你要樂於接受一切埋身嘅好與唔好嘅人，
並且將佢哋化為自己可以使用嘅資源，

萬物皆有其用，就算係一格廁紙都有佢適當用到嘅地方，
千祈唔好純粹因為喜好，
而放棄左呢啲「機會」，

因為你唔強大，
所以容易受影響，
呢個影響會導致你攞唔齊，

只要你揸住我上面講嘅做宗旨，

你就可以做一個假嘅強大嘅你，
真同假唔係一個問題，
問題在於你能夠攞到好處，

啲乜差野做自己，但係月尾要捱麵包，

同埋做一個類似嘅自己，唔使睇價錢買嘢，
你要自己選擇。

你家庭係點，問我做咩啫，你自己都唔知嘅咩？

你TG我 ，
影你身分證嘅年月日俾我睇，我答你

其他人可以比時辰，
子時嘅人，一定要比時間，

本身計子時已經麻煩，
計嘅嘢睇既已經多啦，
你哋仲要唔寫實際時間，
我好難做。

人生一定會動盪，
唔緊要，
只要你夠堅強同有足夠嘅應對能力，
變化帶嚟嘅只會好處，

亂世能夠出英雄，
冇轉變你點搵到機會，

你嘅人生好取決於你嘅能力，
因為你嘅機會俾人哋嚟得多好多，
不論係你自己發生定人哋俾你還是大環境比到你，

但機會嘅嘢睇你有冇相關能力能夠攞得到，
空餘嘅時間唔好俾自己得閒一定要乜都要學，
因為你唔知道有一日可能，
因為穿膠花你就會發達，

咩都要學咩都要識，
咁樣先唔會浪費任何一個機會。

如果你係有能力的話，
億，呢個數目字對你來講，根本就冇任何問題。

但係好取決於你自己有冇本事。

我重複過好多次，
係冇辦法喺一個人嘅八字裏面睇到對方，
尤其係男女朋友，

若然你同一時間有50,000個男朋友，
咁我想問你個男朋友係對應緊邊個？

叻唔切係你嘅人生反應，
若然你冇足夠嘅知識同能力，
你成個人生除咗好似開心跌之外，
實際所擁有嘅係好少。

結婚對你來講或者對對方來講，
係你唔改變自身性格嘅情況底下面，
簡直就係一個災難。

尊重係需要互相，
溝通亦都係需要互相，
一段婚姻冇呢樣嘢好難能夠持久。

禍從口出，
不論係你嘅事業、還是感情裏面、婚姻裏邊，
都會係你人生重中之重。

你有足夠嘅轉數同應對能力，
要嘗試喺你咁後生嘅時候就要將佢轉變成，
點樣可以說好話，
點樣可以學識語言藝術，
你能夠解決到呢樣嘢，想要咩都得啦。

超常嘅發揮對你係冇問題，
但知識層面上面嘅攝取對你嚟講就好困難，
你要搵方法令自己讀入腦，咁反而就問題不大。

好好把握而家呢10年，
有啲乜嘢都要喺呢個時間做基礎，
做決定，
做方向調整，
浪費咗追唔返轉頭。

咩叫做問人生啊大佬？

人生喎？

你問緊你成個人生喎？

你認真你問緊嘅係人生？

你想人哋點答你成個人生啊？

不如到你晚年嘅時候，返嚟呢度詳細講吓你嘅人生，
睇吓可以打到幾多字出嚟。

當然，
我最希望你只係打兩個字，

成功。

Sorry ah

純問愛情

早啲結婚啦，
結咗婚你成個人生就唔同。
你會發現你各方面嘅成就會大咗好多。

農曆三月同七月留意吓呢類型嘅男仔。
你唔會過得好舒服但你個成就事業各方面都好。

農曆10月11月，呢類型嘅男仔你會覺得好舒服，
感情上會幸福啲。

自己去做選擇。

留意番我係講緊遇見嘅嗰類型嘅男仔，
唔係叫你喺嗰個月裏面搵男人，

捉到嘅精粹，一年365日，都會係你嘅桃花日。

2000 05 14 13:02 男
想問事業 姻緣

再推一推 感激

你要問今年，請問你嘅圖上面有冇顯示年份啊？

你又要問有特定時間，
你又唔提供晒所有嘢，

你要保密可以放TG啊，
你又要快放喺連登，
又要怕出日期唔好，

咁你都俾個詳細嘅盤出嚟啊，

而家嘅情況就係，

即係我要開萬年曆慢慢同你查，
跟住再重新開盤同你對，

對完之後，
仲要計，
計完之後仲要打一大堆野比你，

再然之後俾你一個有用嘅意見，
令你有一個幸福美滿嘅人生，

你意思係咁？

你咁樣令我好難做。