識八字 你問我盡答3

好奇一問
今年2月18日上午3-4點出世既細路
年月日時柱都係壬寅
個命盤點拆?

主要想問你邊到學架？因為我都有啲興趣
但苦無門路

男 1999年 8月20日 子時
唔該巴打想問下姻緣同埋今年係咪好難冇機會出pool
利申：而家冇拍拖
感謝
新年快樂

好奇一問
今年2月18日上午3-4點出世既細路
年月日時柱都係壬寅
個命盤點拆?

求而不得，應該係你人生嘅寫照嚟。

有膽識，但多掣肘，多考驗，

你唔敢行出嚟做第一，唔緊要嘅，

但我要你將呢種疑似唔出風頭嘅性格，改成堅韌☝️

我要你死唔斷氣，再接再厲，百足咁多爪，千絲萬縷。

你真係好有心對自己嘅八字想進步，

下邊呢啲記住要做。

嚟緊呢兩年你會好難過，

聽住我講嘅嘢，

我要你做任何事都要個腦轉10次八次，
嗰種轉發係散性思維，唔係一個諗法鑽牛角尖，
唔好衰衝動，

我要你每一日都要飲一杯暖嘅蒸餾水。

催吉就睇你之前個運勢個底夠唔夠，

避兇，佢會幫你多幾個 Airbag 。

推一推

2001年10月9號，00:30左右，女
想問下未來學業、事業同姻緣🙏🏻
例如同宜家呢個男朋友行得遠唔遠，有冇可能結婚
其次就係未來升學求職順唔順利
感謝巴打！好人一世平安！

是工程、測量的工作？

早子的話，官非牢獄走不了

先唔講八字，
你應該睇你自己行業裏面，
需唔需要繼續讀上去，
呢個職業基本上都好公開，應該有足夠嘅行業資訊。

你冇睇我一開頭講嘅嘢咩？
有關移民一概唔答，因為需要運算嘅嘢太多。

講返個八字，
你的而且確係好需要一啲正統嘅知識、學歷或者資格，會令你比較有成就。

但點解我唔一開頭同你講呢句說話，
係因為你要針對返你嘅行業、你嘅工作，
而唔係純粹淨係講你個八字，

例如，你份工只要靠擦鞋就可以升職嘅，
咁擦鞋呢個技能就係你需要嘅知識，

嚟緊呢啲時間都會係好大壓力，
不過放心，都會錫住下你，
對於職場嘅地位提升，
你頂得到，自然攞得到。

若然頂唔順，最大機會就係，
益咗你周邊嘅同事，
或者係幫他人做嫁衣。

尤其今年小心啲口舌招尤，
講嘢小心啲，尤其啲粗口，唔好突然放飛劍，
咁會壞貴人。

巴打 多謝你嘅指點
想問多少少相關嘅問題
我知你好忙 所以答唔到都冇所謂 就當推po

其實每次要做重大決定 我都會深思熟慮
所以一直以來都覺得自己嘅缺點係猶豫不決
覺得想進步就要學識果斷啲決斷啲 唔好咁婆媽
唔知你點睇呢？

同埋暖嘅蒸餾水 係咪姐係要買支裝水再翻熱

想問姻緣同事業 而家單身中
感謝

你要睇清楚，個時間綫，
邊d系整體，邊d系有時限

你既深思熟慮，又係吾係我要求既散性思維？
點解我要強調唔係鑽牛角尖嗰種深入？

你認為你係需要決斷，你咪嘗試一下囉，
你嘅人生仲好漫長，
絕對有足夠嘅時間，可以話到俾你聽邊一樣先係正確，

我嘅要求，同你而家嘅思考，係兩種完全唔同嘅模式，

即係會衍生兩種唔同嘅命運，

做邊樣係會睇得到有分別，咁你要從實際效果上面去做選擇。

因為我唔係要說服你，我只係提供我嘅計算結果，

記住我講一句，
一切以現實收穫、效果嚟做衡量點☝️☝️☝️☝️

若然做完冇效嘅，佢攞住本八字大全同你講，你都唔需要聽，

若然做完有效嘅，我叫你日日唱世上只有媽媽好，到時我唔叫你你都自己做。

運勢每日都有變化，而家唔代表之前，
將隻眼望前邊，
可能你會袋多啲錢，

將隻眼望後邊，已發生嘅事情你冇辦法改變。

我見你係咁推，兩篇文章真正嘅含金量好高，你要好細心甘慢慢解讀，
解讀到，你就真正可以攞到你問嘅嘢。

感謝巴打 我會細心解讀下
希望以後有機會 係tg group話翻比你知我過成點