識八字 你問我盡答3

農歷1991年9月 21日 11:35pm
女 單身
問事業同姻緣
唔該師傅

吾開八字搭你，

八字唔可以令你好容易鍾意人㗎喎。

等如你性冷感去搵算命唔係搵醫生，

你唔鍾意人，人哋女仔唔通囈你，求你屌佢？
可能你問吓你身邊嘅女仔朋友會好少少，

再唔係出去開吓post，情感台吹水台可能你會多啲衝擊性嘅意見。

至於你講做邊行適合你，
成30歲，
問得呢句你嘅事業發展好極都有限啦，
咁咪俾人執你口水尾講落去囉，

我喺群組裏面置頂左篇文章講有冇適合嘅職業。

得閒睇吓佢啦。

唔使睇你八字淨係睇你講嘢，
已經覺得充滿矛盾，

又想要、又唔敢要，又要人哋囈你要、但係其實係你自己想要，

差唔多歲數啦有時啲奇怪自尊心，
奇怪面子尊嚴，
會對你有影響。

認真啲睇吓呢度講嘅嘢，虛心啲去接納，
人去到成年，就要負責，
係對自己人生嘅負責，
想要就去攞，
唔好扭扭擰擰，
到你再老啲嘅時候，
一係就屌鳩自己，
一係就抱住呢個莫名嘅自尊心硬着頭皮行落去。

積極啲。

你去TG影你嘅身份證年月日俾我，
我再搭你。

你對對象要求高姐，

但都難怪嘅，你本身高質對另外一半要求高都合情合理。

反正你揀番啲望落冇乜嘢，但其實個餡係才華型，
又鬼死咁錫你嘅，基本上你都走唔甩㗎啦，
不過講就講冇乜嘢，靚唔靚仔唔一定，但肯定要佢有氣質。

其實係咪一位堅強嘅女性，
通常都有一顆脆弱的心，需要人呵護，
但你顆心唔脆弱啊😂

今年係至關重要嘅年，要好好哋規劃同把握，
蘇州過後冇艇搭，
今年嚟部署得好後邊嘅年份你就好舒服，
應該唔係幾舒服，
應該叫做有效地努力。

八字嚟㗎喎，點樣答你呢啲問題啊，

即係攞住你個身分證，去問你女朋友嘅身分證號碼，

你老婆都話有記錄啊，女朋友有咩記錄呀？

假如之前你有10萬個女朋友，
拎住你個八字點樣搵返邊個打邊個？
我諗私家偵探都做唔齊掛。

唔開八字答你，

呢啲本身就係最老土嘅嘢，
你咪問緊老土嘢囉。

你呢邊又話對八字有少少了解，
但轉頭又話對喜忌好混亂，
咪即係唔了解囉。

既然你有研究過，亦都應該唔係第一個問我，
即係不論係你自己嘅，
人哋㗎，
聽完之後你都唔滿意。

咁唔代表我打一大篇文去說服你，
你會滿意個喎，

同埋點解我要打甘打篇文去說服你？

我哋務實啲，解決個問題。

前提係你純粹對自己個喜忌有疑惑，
而唔係過嚟要我開堂教學啦，

你都成32歲，人生都走咗差唔多三份一，

咁你咪將呢32年嘅年份，月份，去做比較。

咁你睇到究竟邊啲啱你，邊啲唔啱你，

既然你對八字都有少少認識，裏面嘅配合，唔使我講啦，
32個流年，300幾個流月，你癲啲嘅可以睇埋萬幾個流日，
自然你就能夠得到最近似嘅答案。

唔好嫌煩，喺個過程裏面你係真係學到嘢，
同埋，
會得到一個你內心認為無懈可擊嘅答案。


無論個結果出嚟同學術係符合定係相反，

呢個結果先至係最冇錯，
因為係你嘅人生，
因為係你發生過嘅人生，
因為係你實實在在嘅人生。

咁樣會唔會真真正正解決到你問題呢？

你嘅人生會充滿着變化，
呢個係無可厚非解決唔到，

你要想辦法做準備點樣將任何嘅變化，
去向好嗰邊嘅方向☝️

你平時咁多嘢諗，乜都鍾意諗一餐，
咁你不如將個精力放喺呢方面度做。

同埋你講嘢你要小心啲呀，你講啲嘢唔係賤係毒呀，
對你人際關係好大影響，
最慘有時你慣咗口，飛咗劍都唔知咩事。

有冇機會發達？個個都有機會發達㗎啦，

啲人個個都係等人上晒位先返推論人哋點有錢佬，

李嘉誠穿膠花嘅時候又唔見有好多算命佬去巴結佢，
其他例子唔使再講啦，

言歸正傳，純粹按照你嘅八字你係絕對有潛力，
至於能夠發到幾大，
發唔發得起就睇你自己啦，

你記住你揀男人一定要揀個錫你，
唔啱，
應該係揀一個寵你嘅，
咁你嘅人生就好好多，

記住唔好揀啲嘴gelgel，講就無敵，嘅吹水佬或者叫吹水掣，
記得呀。

唔開八字答你，

隨時隨地都有男朋友。

唔好玩啦絲打，

唔想點你，人喺每段時間都會有唔同嘅機會出現，

錢銀嘅機會、人緣嘅機會、姻緣嘅機會，
機會咋唔係包生仔㗎。

你總會試過一段時間財運好好，咁係唔係可以最大化呢你問心嗰句，
係唔係一定可以攞得到呢，你問心嗰句。

老土啲咪講，
執好少少嘅個款，準備吓啲言談舉止，
去返啲你想認識果類人嘅場合。

男人都係鹹濕㗎啦，做到咁有咩可能拍唔到拖。

點解你要浪費咗條問題啊，排咗咁耐隊，

男朋友可以千萬個，合法老公只得一個，
點樣可以憑你個八字搵到呢千萬個男朋友其中一個，

所以一定要用兩個八字去做對拼，
但我唔做呢啲。

我認為鍾意嘅就應該努力扶持落去，
無論個八字結果好唔好。

另外就算八字結果好好，
尤其發生咗啲不可逆因素，諗完都係接受唔到，就瀟灑啲斬欖，無謂拖大家。

祝你幸福愉快啦

你講嘅呢啲嘢，
你可以全部喺我群組嘅文章裏面睇到，
甚至有事例。

人哋嘅逆境反彈，有能力傲視同儕，當中借用咗唔少方法。

但，心態係最緊要。

八字係輔助形工具，同埋我唔係命定論。

我認為每個人都有選擇嘅權利，

只要係自己揀嘅，有能力負擔一切後果，咁其實冇問題。

至於你講到呢啲咁極端嘅，又唔用一啲小方法，又唔去想辦法有額外輔助，
純粹淨係我唔信、我咬緊牙根、我人定勝天，

咁係我角度叫做出死力，唔識轉駁。

牛都好勤力㗎，最後咪俾人食。

你望吓公司最上面嘅人，人哋係勤力得來有技巧，
定還是好似你講嘅一股幹勁，

如果呢樣嘢都諗唔通，已經唔係命格嘅問題，
而係缺乏現實社會力爭上游嘅能力問題。

唉 好多地方都講中 我成日講嘢唔經大腦容易得罪人
同埋想問下充滿變化大約係會有幾曲折我覺得我心理承受唔到咁多
仲有事業應該做咩類型既行業比較好
多謝嗮師傅

我有試過睇過流年 但係感覺都好模稜兩可 不過我本身傷官格 可能你講得岩 我係要自己去做去行條路先會說服到自己
嗯 我其實係到問 都冇期望得到一個滿意既答案 可能只諗住係我係一個問題迷茫緊既時候 睇下會唔會有一個新既角度，睇法可以俾到d新既諗法自己 btw都多謝你既時間去幫手

大師
男 1992年12月4日 09早出世
想問我呢一,兩年事業愛情嘅運程係點
申: 感覺似衰

獨子，祖業破敗？
屋企人對你唔好，呢幾年劫祿奪財，唔見咗一半身家？
好酒貪杯，入埋院？

獨子，留學生命？
姻緣不太好，似乎不斷被人帽⋯

師父
女 1992年2月13日11時43分

想問下事業同財運
呢兩年特別迷惘，壓力比較大

唔該曬你