識八字 你問我盡答3

2003-06-22 15:00ish出世
Identity係non-binary，如果一定要揀，原生係男
想問我讀完大學之後出路如何
Thanks a lot

乜呢個世界真係有人non binary

我其實好少會干涉你哋究竟實際取向做啲乜嘢，或者條路點行，

所有嘅有錢佬，都唔會係因為一個命理師叫佢點做，然後佢點做，跟住佢發達。

我叫你做A你可能成世人賺到一百萬，
但沿着你自身嘅命格開發出嚟，
你可能賺到十億。

例如你嘅極致係人緣得財，咁你第一時間會唔會諗住係保險啊、地產啊、銷售呢類型嘅嘢啊？

咁走去做地盤得唔得呀？

真係有一個人係走去做地盤，
今時今日佢係做嗰啲接生意返嚟做，
一接就幾年嗰啲，
你唔好問我係咩呀，
佢講完我都唔知係咩。

我問當年點解唔聽人講走去做sales，
佢話唔鍾意呀😓

就算去做地盤呢啲咁極端嘅，依然都可以靠人緣得財，

點解你哋會覺得一定要做某一個行業先適合自己。

當你個命格開發左出嚟之後，
佢會有好多唔同嘅選擇俾你地去做，
亦都有好多唔同嘅機遇俾你地，
有好，當然會有唔好，

但前提係你要去碰觸，
先能夠觸觸發任務啊，

你打機玩嗰個一定係主角嚟㗎，
你死留喺條新手村裏面，
又唔出去、又唔去接任務，
你係主角咁又點啫，

真係咁好彩隻大Boss過嚟搵你，
靠你喺新手村嗰啲裝備，
同打嗰啲史萊姆，

唔係你Game over佢，
係佢Game over咗你呀。

呢個係現實世界，係冇單一嘅元素存在，

即係唔會話你淨係學習，你就可以不停上升㗎，

冇人扶、無人睇得起你，
想升上去，
會唔會比較困難啊。

咁假如有人扶你，
上到去你又冇料到，
等同你抹pat pat嗰個人唔喺度，
你咪食蕉。

講返玄學，就算有方法幫助你，
你都係要做啊，

只係變咗多勞多多得，
又或者少勞多得，
但應該唔係不勞而獲。

放心，我個方向都向呢邊研究，
但係我仲未成功😔

例如我有啲項目，
講到叫你哋冇足夠嘅人脈、衍生項目、職業，唔好選擇，一定蝕錢。

你只係需要諗吓你今時今日，
識到李嘉誠、或者一啲實權人士，

對你有冇作用先，

你唔好天真到，
以為人哋當你仔咁樣，
開埋間公司俾你白出糧嗰啲，
嗰啲純粹F F就唔好攞出來講啦。

而係能吾能夠製造到，
同佢產生一個對等利益交換，

有啲人好有貴人運，
但佢就係鍾意做Office boy，
冇壓力，
又或者走去做保安，
舒服，

咁你又吹佢唔脹。

亦有啲人佢條命好容易接觸到啲富貴異性，
但佢又自卑啊，
但佢又唔執下自己呀，
但佢又。。。

有啲人開發咗出嚟之後好多嘢都好好，
但就係屈喺個細公司裏邊望住部電腦，
有位又唔識上，
俾到埋嚟又唔識做，

再唔係就其實係隻牛，
做生做死就係話上司唔提攜佢，

有啲人有能力缺運，
把握到就一飛沖天，

有啲人有運，但冇能力，

有啲就係有運，但唔夠膽四圍行，

有啲人就有運，但唔識把握，

最討厭嘅就係，
有啲人有運，但係衰懶！
成日幻想啲錢會跌落嚟，
六合彩你都唔買，

今時今日唔通仲有啲南洋有錢親戚，
死咗過嚟搵你繼承咩。

自己喺上邊對號入座，

知，
然之後改，

跟住你就可以「得」。

無論你相唔相信命理，
呢篇文章都對你哋有用，

尤其係嗰啲入晒骨既命定巴絲，

唔好同好運鬥氣，
有時改少少心態，

可能你暫時係唔識計呢條數姐，

你就係應該好運㗎啦，

咁咪用你已知嘅一切技巧，
去證實自己好運囉。

如果唔係越睇就越灰。

黃子華話齋，
去飲，好食嘅餸冇人會記得，
難食嘅可以講一世。

咁不如我哋淨係記住啲好食嘅嘢啦。

反正你覺得整定嘅，整唔整佢都係衰㗎啦，仲諗嚟做咩啫。

咁咪將個「好」，用超級放大鏡不停放大囉，
原本賺$10夠，你就賺夠一萬蚊。
一樣可以冇衝突㗎。

我做過lesbian，都做過gay既研究。

佢哋睇八字係要另類方法先得，

所以呢類型嘅人一定要坐低同佢慢慢傾，
要比較多資料，尤其係佢感情上邊。

如果唔係就好容易落入咗陷阱區域。

所以好多有呢方面取向，
或者佢已經係，變咗做佢睇八字好唔准。

呢啲人就會走咗去玩塔羅又或者星象，
反而個命中率會高啲。

但呢個類別嘅個輔助功能好弱，
即係佢會同你講，但係點樣可以好就好難搞。

你呢種，就更加少見。
我需要你更詳細嘅資料俾我，
我先可以同你做分析，

你可以喺Tg搵我，
但係我需要你提供大部份嘅資料證明你係，
如果唔係我哂好大擔心機去做教學，就冇意思啊。

不過就算你俾我，我都係好耐之後先至覆到你，

因為前面排隊，我會一直覆落嚟，冇得打尖。

加上比較忙，
我諗你呢個最快都要去到，
你問我盡答4。

你要希望我咁有精力繼續啊。

女 1998-5-9 15:45

想問同男朋友嘅感情。嚟緊感情會點？佢點睇我？佢有冇想進一步發展嘅心？thank you!!!

1988/7/16,14:00
想問黎緊有無機會升職同做生意？
晚年如何？
感謝樓主

男

你好
1999-10-7 16:37pm

想問下呢幾年既運勢 人緣同埋愛情 唔該哂樓主

不論搵我課金嘅定還是係大家聽我免費意見，

你哋永遠記住你先係主角，

我提供俾你嘅意見，
或者係課金上面嘅方法，

佢係喺你嘅行為上做修正轉移行入好運模式，

又或者係透過方法，令你行入好運嘅世界。

呢個就係我好早前打個篇文章，
點破面、
同面破點，嘅關係。

但佢唔可以令到你因為好運，
攞把刀捅自己唔流血㗎，
因為呢個係一個現實嘅世界，

俾錢俾你嘅，
或者令你好嘅，通常都係「人」。

無形中嘅，
有我同你講點去規避，令你好行d。

實際操作嘅一定係你自己，
如果唔係就真係鬼上身。

千祈唔好有種心態就係可能我洗咗十蚊雞，
三個月之後點解我唔可以賺到三千萬。

咁即係等於我俾十蚊你，
三個月你就要比三千萬俾我，

呢個係一個唔合理嘅期望，

六合彩都唔係期期三千萬，
就算佢係，又輪唔輪到你去中啊。

理性啲去看待事情，
信而不迷，好緊要，

今日你揸車行左邊嘅可能會塞車，
但點知你屎忽痕走去行右邊順順利利，

將呢件事物無限放大，
同無限代入，

你就可以理解到咩為之叫做好運。

即係如果一樣嘢做咗可以喺短期裏面變成左富豪嘅，

我肯定唔會教你。

點解會有啲人可以喺短期裏面能夠得大着數，

你要睇佢嘅職業、身份，
同原本未做之前擁有嘅基礎。

大家都增長20%嘅身家，
你估你同李嘉誠有冇分別呢？

我永遠都同大家講，
無論任何時候要開發一啲人哋能夠俾錢俾你嘅渠道，

正規啲講，
就係你可以接一啲project。

玄幻啲講，
你要走去買六合彩呀。

喺呢篇文章嘅人你一定要諗一諗自己，
會有啲乜嘢途徑令你得錢，
升職？
接生意？
投資？

但你千祈唔好諗住個天會跌落嚟。

當你諗到嘅時候，
你就可以去增加進錢嘅渠道，
又或者加大你原有進錢嘅力度。

我用咗咁多時間喺呢度去解答唔同嘅人嘅命盤，
提供一啲方法同方向俾你地，

第一我唔係想走來做教學，
教你點樣去玩八字，

第二，我希望你係跟住做嘅時候，喺現實裏面係真係有着數攞到。
姻緣可以美滿啲，
貴人可以多啲，
財運可以好啲，

我同你講你把嘴甜啲，
都多啲人鍾意你，
咁你係唔肯做先☝️

我從來都唔會比一啲太過超脫現實嘅幻想俾你地，

因為有咁樣嘅想法嘅人多數都係LOSER。

我教你地係點去攞嘢，

唔係教你點去乞野。

憑自己對手攞返嚟，
腰骨會健康啲，
冇咁容易有脊椎病。

仲有，請謹慎課金，

我再強調多一次，
慢慢儲，唔好好心急，

千祈唔好洗完錢會對你生活質量有任何一丁點嘅下降。

當你儲嘅過程裏邊，
你發覺原來多啲錢個心係會定啲，

就再儲耐啲☝️

可能咁啱見到有啲絕版嘢出現，
你都有錢買啲嘢氹吓自己開心啊。

算命又唔係100%有幫助㗎，
唔好孤注一擲。

除非你演技好好，
如果唔係，我覺得你真係比較緊絕嘅，
又或者我覺得唔係太妥，
我依然都係會拒絕你貨金。

但你唔好見到我拒絕你，
你就屎忽痕走去搵第二個睇，
一係送咗你一杯雞湯，
再唔係就俾人鬧完一餐

咁去做豬仔我就真係幫你唔到啊
😐

咁我情願你搵朋友喺連登度，
放低問題排下隊啦。

連登會係我最快，
亦都係暫時唔會停回覆嘅唯一免費途徑。

袋底錢你都夠膽洗，
等吓唔會唔得吧。

最近因為真係比較忙，
所以少咗回覆，大家請見諒😔

今年你要盡可能地確立你嘅所有目標，
鋪設你個道路、建設你嘅人際關係，
絕對唔可以浪費今年嘅每1分每1秒，

如果唔係唔瞓覺會死嘅話，
我會叫你教到咪鬼瞓，

聽清楚我講嘅嘢除咗勤力做嘢之外，

確立、安排、計劃，必須要喺今年裏邊進行。

如果唔係戇居居，
今年做隻牛俾你賺多五倍人工都冇意思，

你想我同你講今年有血光之災啊？
你係好擔心嘅咪走去洗下牙囉，
身體健康咪走去捐下血囉。

整親呢啲嘢係精神問題，
唔係話你傻咗喎，
係你個精神容易散喚，

我同你講完之後你就要調整返你嘅精神狀態，

你係一個聰明仔，但係唔好比外界嘅情況太多影響到你，
運用得幾叻，冇足夠嘅知識儲備，會爭啲，
真係要下吓苦功。

記住喺未來嘅人生無論有幾多經歷都好，

你只要能夠將呢種經歷歸納喺你嘅目標修正上邊，

你就會有截然不同嘅命運，

如果唔係蹉跎歲月形容你一啲都唔過分。

呢返說話講俾你聽，
唔係要你之後舐嘢舐到盡頭，
印證我講得啱。

而係你能夠係有問題之前已經扭轉到個局面。

聽唔明，睇唔明唔緊要，
背書咁背入腦就冇問題㗎啦。

性別：女
02年9月28日 10:27am
想問姻緣、學業同將來事業嘅🙇🏻‍♀️
而家嘅感情狀態就啱啱分左手🫢處於拖拖拉拉狀態
感謝樓主～

如果我同你講你嘅異性緣或者桃花唔錯，
你信唔信？
如果唔信唔好睇下面嘅嘢，
對你有害無益，













你呢啲係完全係因為自身能力不足，
冇辦法能夠承受起，所謂好嘅財運同好嘅姻緣，
最慘嘅就係連渣女都未必遇得到，
我希望你未去到呢步。

點為之自身能力不足啊，

你的樣貌如何、你的身形如何、你的談吐如何、你嘅學識如何、你嘅存款如何、你嘅地位如何。。。。。

冇錢走去搵錢，樣衰就執得企理，身形唔得就做吓運動。

冇料就走去學，學歷上面，技能上邊，技巧上邊。

當然如果你滿足左我上面講嘅條件，
你唔單止桃花運好你仲要係財運好，

唔好以為廢話，有人好撚有錢，一樣都可以係A零。

你有一個幾好嘅車，問題無燃料，所以係咁同我講點解人哋行路快過你㗎跑車。

而家就係睇你自己肯唔肯加油落去，
令到個跑車可以行。

你記住面子、同埋所謂嘅自尊，唔會為你帶嚟任何好處。

唔知時間點搞?又check唔返

咩都唔使搞，

用返「現實技巧」，去攞現實嘅嘢。
再加埋定期全身詳細檢查，咁就冇問題。

以前鬼佬唔睇八字，唔通佢哋唔識發達咩。

唔該哂收到哂Thank you!!