識八字 你問我盡答3

巴打hello!! 本人女，丁卯年 乙巳月 辛巳日 酉時出生…舊年轉行，事業上好多阻滯，好無信心，唔知道向邊個方向發展至好，好多內心拉扯，見工好唔順利，人生入面未試過咁無人賞識…好迷惘，求指教。想問，今次係咪轉錯行，同埋，係咪放棄香港直接去外國發展比較好呢？

首先你一定要控制住自己唔好太多嘢諗，
尤其係啲九唔搭八，
冇必要嘅內心小劇場。

面子唔可以當飯食，
莫明其怪出現嘅大佬主義一定要小心啲，
通常就係仆街嘅前兆。

你呢類型嘅人要發圍唔係一件難事嚟㗎，
但最怕你就三心兩意，
工作你要選擇一啲俾你有發揮嘅工作，
當然你可以喺公司裏邊靠表演都可以升職嘅就另計啦。

擦鞋係你人生寫照嚟㗎，
不論上司長輩阿爸阿媽，
定還是係老闆客戶，
由今日開始你要進入呢個角色啦，

你想要嗰兩樣嘢，就睇你識唔識得代入喺呢個角色裏邊。

輕輕一推，唔該巴打

輕輕一推就要用推文☝️

我順着落嚟㗎，有啲符合資料嘅我通常都回答，

但你呢啲寫甲子嘅就唔好搞我喇，仲要幫你再開埋大運，對萬年曆，太繁複啦。

睇吓邊個方便我就做落去囉，有啲你哋過份保密嘅，或者要做多好多重功夫嘅，我就唔整喇，

真係唔係好得閒，冇時間，搞太多額外繁複嘅嘢。

TGTG 唔該ching!

如果巴打睇到，想問返大路啲事業同姻緣，因為諗諗下其實做唔做得起，我都會盡力做落去，問嚟無咩意思，唔該巴打。

依幾日留咗係屋企無乜機會做到好人好事，唯有再上嚟推一推post

醒目👍
唔好浪費咗個問題，

有啲嘢自己決定咗一定要做，
你係諗吓點樣做好佢，而唔係問人得唔得，
假如唔得呢？

又或者，
10個搵食10個都會同你講爭咁啲嘢，

就係爭咁啲，你未俾錢佢，
手法就層出不窮。

任何嘢都要以自己做主導，
其他做輔助，

慢慢覆緊落嚟㗎啦，唔需要太心急。

新曆定舊曆

巴打慢慢我唔急，時候到了自然會有

再推推

六親無力，懐才不遇
43歲有一劫

輕輕一推 麻煩晒巴打！

我就希望你哋入嚟係有得着，
起碼拎到啲嘢走，唔係純粹過嚟飲雞湯，
可以嘅就真係入去Tg度睇吓我打嗰啲文章，

不論你係相信命運，
還係你相信人定勝天都會有你啱口味嘅嘢，

至於嗰啲要人幫你做決定嘅，
最好就唔好啦，
我同你揀咗，仆街嘅話你連呻嘅資格都冇，
反而自己揀咗條路就算係難行路，
衰咗，都係衰喺自己手上邊，
搏盡！無悔！
係老土啲，但我覺得應景喎。

同埋睇一睇我第一篇文章，#001☝️

有關移民問題，真係唔答啊，
裏面牽涉到計地運，唔係你隨口問，
我就可以隨便答到你嘅嘢，

就算你比齊資料我，支支整整都要搞一場大龍鳳，
我話俾你聽我咁好心機，
用一個半個鐘頭同你玩啲咁嘅嘢，
仲要係免費嘅，
然後俾你睇吓個吓眼癮，
咁大愛無私去服侍你，

我講完我自己都打冷鎮，
呢啲就真係免開尊口。

至於移民係二次投胎嘅保命方法，
喺我T G群組裏邊有，
或者你鍾意睇返之前嘅post都有。

唔好係又問，唔係又問，浪費咗問問題嘅機會，
既然我都肯同你計，亦都肯花時間同你講，

咁你又何妨花費少少時間，
睇吓第一篇文章我寫嘅小小規矩啦，

定還是你會覺得你自己係天選之人，
主角，
我會特別係咁唔得閒嘅情況底下邊，
用幾個鐘頭同你玩啲咁嘅嘢？

拜託，合作少少。

甚至當你理解，有啲乜嘢問題我係唔答，
或者有啲乜嘢問題，係你哋自己答到自己，

你會發現，你好似內心強大左👍

咁又何嘗唔係喺呢個post嘅其中一種得着。

八字我希望佢係有用，能夠做到改變，
或者我叫做追求效果。

同樣地我堅持咗三個post，我希望你哋都係有得着，
唔係嗰啲，
睇完、飲完碗雞湯，
跟住繼續返工放工，
等運到。

我都想你哋有效果地好運。
由你入嚟呢個post接觸到我開始，
我希望你哋係向好嗰方面有轉變。

轉行有啲難
對象可能大你一點點

1999年2月28日 凌晨1點


想問一下事業發展

想問個人事業同婚姻發展🙏好人有好報 唔該晒巴打

有緣入到嚟
想留個名望樓主指點下迷津
女 農曆己卯年正月二十 09:00
想問事業同姻緣
感謝你

巴打係咪skip左

hi 巴打
1995：12：23
22：30
今年除咗事業之外都好差
又被分手又破財
睇下有乜意見