英國移民雜談/攻略/你問我答 (不定時更新) (2)

想問下，我喺香港搵到英國有公司肯請我，仲肯sponsor work visa。我有問過有冇可能佢地俾錢我申請BNO visa，但佢地好似唔係好熟，所以唔想。除左冇咁易轉工，俾公司幫我申請tier 2仲有冇咩壞處？

當然用BNO Visa, 因為你可以自由轉工.

Work visa / permit 係跟係employment. 轉工係要申請一個新visa.

幫自己緊要啲，最緊要自己身體健康平平安安，有餘力再考慮幫下其他人已經OK。

保重

Sorry，前幾日出左遠門，無覆到
真係唔知個仔駛唔駛俾IHS，要問清楚移民局

7月尾就GOGOGO了，我未做功課前都估唔到reading 同 london 都差唔多rent，尤其係airbnb，同一個level。sharehouse叫好少少，感覺都係幾貴

你唔係孤單一個架
我每晚臨訓都會開個post睇下你有冇updates

樓主不要孤單 我地眾巴絲一齊堅定前行

樓主 有冇興趣見個面/私底下傾計？

Share house 撞手神，要個housemate 夾

咁不如直接london

真係撞手神
好彩我個人都叫易話為，只要唔係太唔清潔嘅，我都可以接受

之前去一間，頂呀，成屋亂到，最緊要係成個洗手sink都係碗碟，第2日立即去第2間住

因為我個人其實唔係太鐘意大城市，所以有得選都唔會選london

去AIRBNB揾又噤啱見到一個好合眼緣嘅living room，就立即揾屋主預約，係貴咗少少不過令到我期待D去UK，感覺都值

多謝咁多位嘅支持，連登有愛
由於太多支持我嘅comment，容許我集中一次過多謝大家

我自中學開始已經比人叫做陰森大毒撚，本身其實都唔多朋友。自己自問都算係個悶得下嘅人，只要有上網有機打、有連登有reddit 就可以過一日。但係原來人類生存係唔可以無social interaction，同埋當你情緒差到一個點，你真係會對你嘅興趣失去興趣。我玩Apex Legends 已經玩左1500 個鐘，可見我有幾鍾意玩佢，但係最近我連開電腦都無動力開。

運動方面，我自己就鍾意打羽毛球同踩單車，可惜英國唔興打羽毛球，所以我套架生黎到英國都無再開過。單車嘅話我除左代步之外有時都會踩下嘅。大家黎到英國記住睇下邊到有得繼續你嘅興趣，英國好多唔同嘅gym，有啲富貴gym 例如David Lloyd 連網球場、羽毛球場同泳池都有。

多謝有巴打邀請我約出黎，但容許我拒絕呢個offer。一黎我本身嘅social battery 已經唔大，二黎我依家嘅情況連出街都無咩動力，三黎我上網嘅宗旨就係盡量將網上生活同現實生活分開，呢一點係我自高登開始已經有嘅習慣。我自己都見識過相熟嘅人無辜被捲入其他網友嘅情事，結果俾人排擠。呢個都係其中一個原因我無開個tg group －－ 我連自己都搞唔掂，點handle 人地嘅是非。如果有其他巴打想開我絕對無任歡迎，我都應該會以參與者嘅身份加入，不過重心仍然會放返係呢個post。

我住緊嗰頭有好多流浪貓/放養貓，佢地唔知點解好鍾意係我屋企後花園打躉。有一隻已經同我做左好朋友，重會耐唔耐入我間屋玩。所以我每日見貓嘅時間重多過見人類

最後有樣嘢想請求大家，就係如果我打啲文篇幅好長，請唔好quote 我篇文，唔係會變左金剛棒 大家可以就咁留comment，我每個comment 都會睇，所以應該唔會覆漏左

申請左NI先